Morgunblaðið - 24.03.2006, Blaðsíða 27

MORGUNBLAÐIÐ FÖSTUDAGUR 24. MARS 2006 27
MINNSTAÐUR
Hafnarstræti 97, 600 Akureyri.
Sími 462 3505.
Opið virka daga 10-18,
laugardaga kl. 10-16.
Ný sending
Jakkar, toppar, pils, kápur, bolir.
SAMKVÆMISFATNAÐUR
HÖFUÐBORGARSVÆÐIÐ
AUSTURLAND
Vinnsla af stað | Vinnsla er hafin
á nýjan leik í frystihúsi Fossvíkur á
Breiðdalsvík, en þar varð mikið tjón
í eldsvoða fyrir rúmri viku. Frysti-
hluti hússins er ekki nothæfur næsta
mánuðinn vegna skemmda, en á
næstunni verður unninn ferskfiskur
beint á markað.
  
Fjöldi umsókna | 229 umsóknir
hafa borist Alcoa-Fjarðaáli vegna
starfa sem auglýst voru nýlega við
nýtt álver. 44 starfsmenn vinna nú
hjá fyrirtækinu og er gert ráð fyrir
að 30 af umsækjendum nú hefji störf
í haust. Hluti þeirra sem ráðnir
verða fer til útlanda í starfsþjálfun.
Ljúka á ráðningum fjögur hundruð
starfsmanna alls fyrir árslok 2007.
Ársfundur ÍSOR eystra | Árs-
fundur Íslenskra orkurannsókna
verður haldinn á Egilsstöðum í dag.
Meðal framsögumanna eru Ólafur
G. Flóvenz forstjóri ÍSOR, og Val-
gerður Sverrisdóttir, iðnaðar- og
viðskiptaráðherra flytur upphafs-
ávarp. Farið verður m.a. yfir starf-
semi ÍSOR í fyrra, fjallað um rekst-
ur HEF, jarðfræði og jarðhita á
Austurlandi, rannsóknir ISOR
vegna mannvirkjagerðar, og Kára-
hnjúkavirkjun. Fundurinn hefst kl.
13:30 á Hótel Héraði.
  
Fíkniefnasmygl | Framlengt
hefur verið gæsluvarðshald til 19.
apríl n.k. yfir manni sem hand-
tekinn var á Seyðisfirði 7. mars
sl. Reyndi hann að smygla í bif-
reið, földu í járnstokk og slökkvi-
tækjum, yfir 3 kílóum af hassi og
45 g af kókaíni. Maðurinn hefur
setið í gæsluvarðhaldi á Egils-
stöðum um tveggja vikna skeið,
en neitar að hafa vitað um tilvist
efnanna. Hann tengist fíkniefna-
brotum í heimalandi sínu, Pól-
landi og hefur tvisvar dvalið í um
vikutíma á Íslandi. Rannsókn lög-
reglu hefur m.a. beinst að hugs-
anlegum tengiliðum mannsins
hérlendis.
  
Neskaupstaður | Dagana 31. mars
til 6. apríl verður listahátíð ungs
fólks í Fjarðabyggð haldin í fyrsta
skipti. Þeir sem standa að hátíðinni
eru Verkmenntskóli Austurlands,
Leikfélag Reyðarfjarðar og Ung-
mennahúsið Austurríki. Tilgang-
urinn er að efla listsköpun ungs
fólks á aldrinum 16 – 25 ára og
virkja það til samstarfs í fjölbreyti-
legum verkefnum.
Um er að ræða hinar ýmsu lista-
smiðjur sem tengjast tónlist, glerlist,
leirlist, skáklist, afrodanslist, íþrótt-
um og tölvum. Þá verður söngleik-
urinn „Cry Baby“ eða Vælukjói eftir
John Waters ofl. í þýðingu og leik-
gerð Guðjóns Sigvaldasonar og Guð-
mundar R. Kristjánssonar frum-
sýndur 31. mars á vegum Leikfélags
VA og Leikfélags Reyðarfjarðar.
Auk þess verður afrakstur ýmissa
félagslífshópa VA kynntur á Sprot-
anum, eins og stuttmyndafélags VA
og hestamannafélags VA. Þá verða
nemendur hárdeildar VA með hár-
og tískusýningu í Molanum.
Sprotanum lýkur með tónleikum
föstudagskvöldið 6. apríl n.k. þar
sem hinar ýmsu hljómsveitir koma
fram sem tóku þátt í tónlist-
arsmiðjum vikunnar.
Ljósmynd/VA
Sigurvegarar Í söngkeppni VA varð Kolbrún Gísladóttir í 1. sæti, í öðru
Jóhann D. Þorleifsson og því þriðja Ágúst B. Guðmundsson.
Unglistarsprotar í Fjarðabyggð
Kárahnjúkavirkjun | Fulltrúar
Landsvirkjunar eru í viðræðum við
lægstbjóðendur í fjóra verkhluta
Kárahnjúkavirkjunar sem boðnir
voru út fyrr í vetur. Verkin varða Ufs-
arstíflu, stíflur, skurði og og göng
Hraunaveitu og framkvæmdaeftirlit
á svæðinu.
Verktakafyrirtækið Arnarfell ehf.
á Akureyri átti lægstu tilboð í alla
framkvæmdaþættina sem um er rætt,
þ.e. KAR-22 (Ufsarstífla), KAR-23
(stíflur og skurðir Hraunaveitu) og
KAR-24 (göng og skurðir Hraun-
aveitu). Fyrirtækið bauð alls ríflega
3,6 milljarða króna í verkin þrjú eða
um 67% af kostnaðaráætlun. Hraun-
JV, samstarfsfyrirtæki Línuhönnun-
ar hf., Verkfræðistofu Austurlands
ehf. og Mott MacDonald Ltd, átti
lægsta tilboð í framkvæmdaeftirlit
Ufsarstíflu og Hraunaveitu.
Landsvirkjun ræðir nú við lægst-
bjóðendur í verkin, þ.e. Arnarfell og
Hraun-JV, og ætla má að niðurstaða
fáist í þær viðræður á næstu dögum.
Ufsarstífla verður í Jökulsá í
Fljótsdal austur af Hafursárufs og
myndar svokallað Ufsarlón. Hrauna-
veita veitir þremur ám austan Jökuls-
ár, þ.e. Kelduá, Grjótá og Innri-
Sauðá, ásamt útrennsli Sauðárvatns, í
Ufsarlón með stíflum um skurði og
jarðgöng.
Arnarfell
og Hraun-
JV áttu
lægstu boð
Morgunblaðið/Steinunn Ásmundsdóttir
BORGARSTJÓRN Reykjavíkur
samþykkti á þriðjudag með 8 at-
kvæðum R-listans gegn einu atkvæði
F-listans við nafnakall að vísa tillögu
Ólafs F. Magnússonar um verndun
götumyndar húsaraðarinnar Lauga-
vegar 2–6 til borgarráðs. Borgar-
fulltrúar D-lista sátu hjá.
Ólafur lagði á fundi borgarstjórn-
ar fram tillögu um að borgarstjórn
beitti sér fyrir því að 19. aldar götu-
mynd húsaraðarinnar Laugavegar
2–6 yrði varðveitt. Í því skyni myndi
borgin kaupa húseignirnar Lauga-
veg 4–6 til að forða mætti þeim hús-
um frá niðurrifi og þau yrðu endur-
reist í sem upprunalegustu mynd.
Í greinargerð Ólafs vegna tillög-
unnar sagði m.a. að húsið nr. 2 við
Laugaveg, sem byggt var árið 1887,
væri eitt örfárra 19. aldar húsa við
götuna, sem ekki á að rífa samkvæmt
áætlunum R-listans, en að sögn Ólafs
ná þau til meirihluta gamalla húsa
við Laugaveg og nær allra 19. aldar
húsanna. Væri það óaðskiljanlegur
hluti húsaraðar þriggja nítjándu ald-
ar húsa sem blasi við vegfarendum á
hægri hönd þegar gengið sé upp
Laugaveginn frá Bankastræti.
Dagur B. Eggertsson, formaður
skipulagsráðs, sagði í umræðu um
málið að vissulega væri vert að reyna
að vernda götumyndir, en býsna erf-
itt væri að reyna að endurreisa um-
rædd hús í upprunalegri mynd, enda
þýddi það mikinn vanda hvað varðar
aðstöðu kaupmanna.
Í bókun Ólafs vegna afgreiðslu
málsins sagðist hann telja það skyldu
borgarfulltrúa að taka afstöðu til fyr-
irhugaðs niðurrifs 19. aldar húsanna.
„Ætlun borgaryfirvalda er að reisa
allt að fjögurra hæða steinsteypt hús
á rústum gömlu húsanna en það mun
eyðileggja 19. aldar götumynd húsa-
raðarinnar Laugavegar 2–6 til fram-
búðar,“ sagði Ólafur m.a. Þá sagði
Ólafur í samtali við blaðamann
Morgunblaðsins að augljóst væri að
Vinstri grænir væru ósamkvæmir
sjálfum sér í málinu, þeir tækju af-
stöðu gegn verndun götumyndarinn-
ar í borgarstjórn, en töluðu fjálglega
um verndun hennar í nýhafinni kosn-
ingabaráttu sinni.
Tillögu um vernd-
un götumyndar
vísað til borgarráðs
Morgunblaðið/Golli
Götumynd F-listinn telur mikilvægt að vernda 19. aldar götumynd.
Farvegsdýpkun lokið | Héraðs-
verk hefur lokið við að dýpka og lag-
færa farveg Jökulsár í Fljótsdal og
vinnur nú við að grafa skurð milli ár-
innar og munna frárennslisganga
Kárahnjúkavirkjunar. Skurðurinn
verður um 2 km að lengd og 9 m
breiður í botninn. Lítið vatn er í ánni
á þessum árstíma, einungis 7-10
rúmmetra rennsli á sekúndu að jafn-
aði. Því vegna var unnt að lagfæra
árfarveginn án þess að veita vatninu
fram hjá á meðan.
  
Áfengi til baka | Lögreglan á
Seyðisfirði hefur afhent eiganda
veitingahússins Kaffi Láru áfengi
sem gert var upptækt vegna ófull-
nægjandi vínveitingaleyfis, skv.
ákvörðun sýslumanns. Hafði veit-
ingamaðurinn vínveitingaleyfi frá
bæjaryfirvöldum til bráðabirgða. Nú
liggur fyrir hjá sýslumanni til um-
sagnar formleg umsókn um vínveit-
ingaleyfi fyrir Kaffi Láru.
Hafnarfjörður | Rekstur Hafnar-
fjarðar á síðasta ári var jákvæður
um 1.122 milljónir króna, en þessi ár-
angur er verulega betri en gert var
ráð fyrir í fjárhagsáætlunum bæjar-
ins. Ársreikningur Hafnarfjarðar-
bæjar fyrir árið 2005 var lagður fram
til fyrri umræðu í bæjarstjórn Hafn-
arfjarðar á þriðjudag og verður hann
til síðari umræðu 4. apríl.
Samkvæmt ársreikningi hækka
tekjur bæjarins um 5,2% umfram
áætlun í A hluta en um 6,3% í sam-
anteknum A og B hluta.
Mikil uppbygging átti sér stað í
bæjarfélaginu á árinu og námu fjár-
festingar ársins 2.339 milljónum
króna. Þá nam veltufé frá rekstri
1.034 milljónum króna. Í frétt á vef-
síðu Hafnarfjarðarbæjar kemur
fram að heildarskuldir bæjarfélags-
ins hefðu lækkað um 1.120 milljónir
króna á árinu ef ekki hefði komið til
1.390 milljón króna skuldfærsla á
byggingarreitum, þar sem gatna-
gerð hófst í febrúar sl. Um nýbreytni
er að ræða í reikningum sveitarfé-
lagsins þessu tengt, annað árið í röð.
Erlendar skuldir A hluta sem stóðu í
7,4 milljörðum í árslok 2004 lækkuðu
um 2,5 milljarða á árinu 2005 í tæpa
4,9 milljarða eða um 35%. Eigið fé
hækkaði um 23% á milli ára og nam
6.016 milljónum króna.
Rekstur ársins 2005 fyrir fjár-
magnsliði skilar 225 milljón króna
betri árangri en árið á undan, en tvö
síðastliðin ár hafa niðurstöður sam-
stæðu sveitarfélagsins verið jákvæð-
ar. Niðurstöðurnar sýna að mati
bæjaryfirvalda áframhaldandi já-
kvæða þróun rekstrar bæjarins.
Íbúar Hafnarfjarðar voru 22.451
um síðustu áramót og fjölgaði um
509 á árinu eða um 2,3% og er fyr-
irsjáanlegt að sú þróun haldi áfram.
Bæjarfélagið er, að mati bæjaryfir-
valda, vel í stakk búið að taka á móti
auknum íbúafjölda án þess að þurfa
að ráðast í miklar fjárfestingar. Ný-
lega úthlutaði Hafnarfjarðarbær vil-
yrðum fyrir rúmlega hundrað at-
vinnulóðum á suðursvæðum
Hafnarfjarðar. Hefur ásókn í at-
vinnulóðir í Hafnarfirði aldrei verið
meiri.
Jákvæður rekstur Hafnarfjarðarbæjar
TILLÖGU sjálfstæðismanna í
borgarstjórn Reykjavíkur þess efn-
is að efna til formlegs samráðs við
samtök eldri borgara um það
hvernig borgin geti betur sinnt
þjónustu við þá, hefur verið vísað til
borgarráðs.
Í rökum fulltrúa R-listans fyrir
þeirri málsmeðferð kom m.a. fram
að þegar væri starfandi virkur,
formlegur og lögboðinn samstarfs-
vettvangur Reykjavíkurborgar og
eldri borgara, Þjónustuhópur aldr-
aðra. Ennfremur væri í gildi þjón-
ustusamningur á milli Reykjavík-
urborgar og Félags eldri borgara,
m.a. um þjónustu og upplýsinga-
mál, auk þess sem starfandi væri
stýrihópur Reykjavíkurborgar og
Heilsugæslunnar í Reykjavík vegna
tilraunaverkefnis um samþættingu
heimaþjónustu og heimahjúkrunar í
því skyni að eldri borgarar geti bú-
ið sem lengst heima, kjósi þeir það.
Í kjölfar umræðu um málið var
samþykkt að vísa tillögu sjálfstæð-
ismanna til borgarráðs til frekari
umfjöllunar.
Óskaði Ólafur F. Magnússon
bókað að F-listinn fagnaði fram-
kominni tillögu Sjálfstæðisflokksins
og lýsti stuðningi við hana. F-listinn
legði megináherslu á málefni aldr-
aðra í komandi kosningum, en
þriðja sæti listans skipaði Guðrún
Ásmundsdóttir, sem væri líkleg til
að láta öldrunar- og velferðarmál til
sín taka á næsta kjörtímabili.
Tillögu um
formlegt sam-
ráð við eldri
borgara vísað
til borgarráðs