Morgunblaðið - 09.04.2006, Blaðsíða 2

2 SUNNUDAGUR 9. APRÍL 2006 MORGUNBLAÐIÐ
FRÉTTIR
Halldór Ásgrímsson forsætisráðherra
flytur erindi í Háskóla Íslands
Mánudaginn 10. apríl kl. 12.15
í Hátíðasal, Aðalbyggingu H.Í.
Að loknu erindi svarar forsætisráðherra fyrirspurnum.
Allir velkomnir.
FRAMTÍÐARSTEFNA ÍSLENDINGA
Í ÖRYGGIS- OG VARNARMÁLUM
GRÓFARI LÍKAMSÁRÁSIR
Vísbendingar eru um að líkams-
árásir séu að verða grófari hér á
landi og algengara að vopnum sé
beitt. Jafnframt hefur borið á tilefn-
islausum árásum á venjulegt fólk.
Þetta kemur m.a. fram í fréttaskýr-
ingu Morgunblaðsins í dag en þar
segir að það sé samdóma álit lög-
reglu og heilbrigðisstarfsfólks að lík-
amsárásir séu að verða alvarlegri.
Þá færist vopnaburður í aukana og
beitt hefur verið vopnum á borð við
sveðjur, felgulykla, kúbein og öxi.
Gagnrýndi eigin flokk
Vilhjálmur Þ. Vilhjálmsson gagn-
rýndi þingmenn og ráðherra flokks-
ins fyrir að standa ekki við sam-
þykktir landsfundar í málefnum
aldraðra og taka ekki á þeim vanda
hjúkrunarheimilanna sem upp er
kominn. Skoraði hann á fjár-
málaráðherra að takast á við vand-
ann og leysa úr honum.
Vígbúnaðarkapphlaup ólíklegt
George Shultz, fyrrverandi utan-
ríkisráðherra Bandaríkjanna, segir í
viðtali við Morgunblaðið að lítil
hætta sé á öðru vígbúnaðarkapp-
hlaupi, slíkir séu yfirburðir Banda-
ríkjamanna.
Rolling Stones í Kína
Breska rokkhljómsveitin Rolling
Stones hélt í gær sögulega tónleika í
Shanghai á fyrsta tónleikaferðalagi
sínu um Kína. Þarf sveitin að fella
fimm „óviðeigandi“ lög úr lagasetti
sínu að beiðni kínverskra yfirvalda.
Reyna að stilla til friðar
Írösk yfirvöld reyndu í gær að
koma í veg fyrir hefndaraðgerðir
sjíta gegn súnnítum eftir að 79 féllu
og 164 særðust í sprengjutilræði í
sjíta-mosku í Bagdad í fyrradag.
Gagnrýnir skert framlög
Ismail Haniya, forsætisráðherra
Palestínu, sakaði í gær vesturveldin
um að beita þjóð sína fjárkúgun eftir
að leiðtogar Evrópusambandsins og
Bandaríkjanna ákváðu í fyrradag að
skrúfa fyrir allar greiðslur til palest-
ínsku heimastjórnarinnar. Vest-
urveldin munu þó eftir sem áður
styðja mannúðarstarf í Palestínu.
Y f i r l i t
Í dag
Sigmund 8 Auðlesið 64
Fréttaskýring 8 Minningar 65/70
Ummæli 18 Myndasögur 72
Veiði 40 Dagbók 72/51
Forystugrein 44 Víkverji 72
Reykjavíkurbréf 44 Staður og stund 74
Sjónspegill 46 Leikhús 76
Menning 48/51 Bíó 82/85
Umræðan 52/58 Sjónvarp 86
Bréf 57 Staksteinar 87
Hugvekja 63 Veður 87
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann Björnsson,
fréttastjóri, bjb@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Inga Rún Sigurðardóttir, ingarun@mbl.is
Umræðan | Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Sveinn Guðjónsson, svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H.
Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
ÍSLENDINGAR hljóta að stefna
að því að eiga öryggissamfélag með
Evrópu í framtíðinni fremur en
Bandaríkjunum, sagði Ingibjörg
Sólrún Gísladóttir á flokksstjórn-
arfundi Samfylkingarinnar í gær.
Hún sagði að sú stefna hefði þegar
verið mörkuð að Ísland eigi póli-
tíska og efnahagslega samleið með
Evrópu og varnar- og öryggismálin
verði ekki slitin úr samhengi við
slíka grundvallarhagsmuni. Ingi-
björg ræddi vítt og breitt um efna-
hags-, auðlinda- og varnarmál og
stöðu Samfylkingarinnar í ræðu
sinni.
Ríkisstjórnin hefur að hennar
sögn stungið höfðinu í sandinn í
varnarmálum í stað þess að horfast
í augu við þá staðreynd að Banda-
ríkjamenn hafi verið á förum und-
anfarin 13 ár. Þó væri engin
ástæða til að rjúka upp til handa
og fóta og segja upp varnarsamn-
ingnum en að við yrðum að velta
fyrir okkur þeim kostum sem séu í
stöðunni. Liður í því væri að skoða
gildi varnarsamningsins og íslensk
stjórnvöld yrðu
að hafa í huga
að bandarísk
stjórnvöld hafi
lýst því yfir að
þau eigi í stríði
sem háð er á
ýmsum víg-
stöðvum.
„Það reyndist
þjóðinni dýr-
keypt í Íraksmál-
inu og það kann að hafa ákveðna
hættu í för með sér fyrir okkur Ís-
lendinga í framtíðinni,“ sagði Ingi-
björg.
Váboðar í efnahagsmálum
Hún vék að efnahagsmálunum
og varaði við váboðum sem tengj-
ast miklum viðskiptahalla, miklum
erlendum skuldum þjóðarbúsins og
sterku gengi krónunnar. Framund-
an væri ekki verðbólguskot heldur
verðbólguskeið sem mundi hækka
höfuðstól verðtryggðra skulda al-
mennings og hækka vöruverð.
Ingibjörg vék einnig að auðlinda-
málum. Hún sagði heildstæða
stefnumörkun vanta varðandi nýt-
ingu og verndun auðlinda, sem
væri eitt mikilvægasta mál sam-
tíðar og framtíðarinnar. „Nýting-
arréttur á auðlindum, sem er í eðli
sínu ákveðin tegund eignaréttinda,
hefur verið að færast til fyrirtækja
og einstaklinga án þess að sann-
gjarnar reglur hafi verið settar um
hvernig staðið skuli að úthlutuninni
og það endurgjald sem koma eigi
fyrir nýtingarréttinn,“ sagði Ingi-
björg.
Samfylkingin
ekki jaðarflokkur
Ingibjörg ræddi einnig stöðu
Samfylkingarinnar gagnvart öðrum
flokkum. „Sjálfstæðisflokknum hef-
ur mistekist hrapallega að tryggja
öryggi þjóðarinnar, hvort heldur
sem er hernaðarlega, efnahagslega
eða félagslega. Hann hefur glatað
sérstöðu sinni og sögulegri skír-
skotun,“ sagði Ingibjörg og bætti
við að Framsóknarflokkurinn hefði
misst stöðu sína á miðjunni með
stuðningi við Íraksstríðið, sölu á
grunnneti Símans og því að ljá
máls á hlutafélagavæðingu Ríkisút-
varpsins.
„Ríkisstjórnin á ekkert erindi
lengur, hún hefur lokið sínu verki,
hún er búin með innstæðuna,“
sagði Ingibjörg og bætti við að í
þessu ljósi væri athyglisvert að
rýna í ræður sjálfstæðismanna og
ritstjórnarskrif Morgunblaðsins,
þar sem Vinstri grænum væri hælt
fyrir afdráttarlausa stefnu en Sam-
fylkingunni hallmælt fyrir stefnu-
leysi og hún eggjuð til að taka
gamaldags vinstri pólitík upp á
sína arma. Þetta væri skiljanlegt,
því fyrir þessum aðilum vekti að
Samfylkingin færði sig meira út á
jaðar stjórnmálanna til að skapa
meira rými fyrir ríkisstjórnarflokk-
ana á miðjunni.
„En Samfylkingin er ekki jað-
arflokkur. Hún er stór flokkur sem
flytur meginstrauma í stjórnmálum
eins og jafnaðarmannaflokkar í
Evrópu hafa löngum gert,“ sagði
Ingibjörg og bætti við að fólk hefði
sameinast í Samfylkingunni vegna
þess að það þráði að hafa bein
áhrif á samfélagið og leita nýrra
lausna á aðkallandi vandamálum.
Að lokum sagði hún Samfylk-
inguna setja markið hátt í komandi
sveitarstjórnarkosningum og ætla
sér góðan sigur í öllum stærstu
sveitarfélögunum.
Ingibjörg Sólrún á flokksstjórnarfundi Samfylkingarinnar
Íslendingar eiga öryggis-
samfélag með Evrópu
Eftir Árna Helgason
arnihelgason@mbl.is
Ingibjörg Sólrún
Gísladóttir
„ÞETTA styrkir starf okkar alveg
geysilega,“ segir Guðrún Margrét
Pálsdóttir, formaður ABC barna-
hjálpar, en samtökin munu í framtíð-
inni njóta góðs af svonefndu Góð-
gerðarkorti sem Netbankinn gefur út
í samvinnu við ABC og barnaland.is.
Um er að ræða alþjóðleg debet- og
kreditkort. Meginmarkmið með sam-
starfinu og útgáfu kortanna er að
virkja atvinnulífið til góðgerðarsam-
starfs í þágu fátækra og umkomu-
lausra barna. Samstarfið byggist á
því að einstaklingar sem nota kortin
stuðla að og tryggja fjárhagslega að-
stoð til ABC barnahjálparinnar um
leið og þeir njóta sérkjara og af-
sláttar hjá samstarfsfyrirtækjum
verkefnisins. Að sögn Netbankans er
um að ræða nýjung í bankavið-
skiptum.
Útgáfa kortanna er byggð á hug-
mynd Soffíu Sigurgeirsdóttur, mark-
aðsstjóra Netbankans, sem sjálf
styrkir barn í gegnum ABC að sögn
Guðrúnar. Um leið og kortin eru góð-
gerðarkort eru þau einnig lífs-
stílskort og fyrst og fremst ætlað að
höfða til ungra fjölskyldna. Nú þegar
hefur verið samið við ýmis fyrirtæki
um samstarf vegna kortsins.
Guðrún segir ABC hafa lagt
áherslu á að öll framlög skili sér beint
út. „En með vaxandi starfi er það
svolítið erfitt. Við höfum fyrir hátt í
sex þúsund börnum að sjá og þeim
fylgja margir stuðningsaðilar svo við
getum ekki lengur haldið starfinu úti
alfarið í sjálfboðavinnu eins og fyrstu
árin.“ Hún segir þessi framlög geta
haft mikið að segja um bygginga-
framkvæmdir samtakanna, en nú sé
m.a. verið að byggja skóla í Úganda,
þrjá skóla í Pakistan, kornabarnahús
í Indlandi og svefnskála á Heimili
litlu ljósanna.
Góðverk í hvert sinn
sem kortið er notað
KÖFUNARDAGUR Sportkafara-
félags Íslands fór fram í Sundhöll
Reykjavíkur í gær.
Gestum gafst færi á að spreyta
sig við köfun og fá leiðbeiningar
hjá reyndum köfurum um hvernig
eigi að bera sig að við þessa
heillandi en vandasömu iðju.
Eins og sjá má á myndinni fylgd-
ust áhugakafarar vel með þegar
hinir reyndari sögðu til.
Köfunin fór þannig fram að gest-
um var skipt í hópa og byrjað var á
að fara yfir grundvallaratriðin áð-
ur en haldið var út í djúpu laugina
þar sem gerðar voru ýmsar æfingar
og gestum leyft að synda um að
vild.
Dagurinn heppnaðist vel og þeg-
ar um hádegið hafði talsverður
fjöldi gesta mætt og reynt fyrir sér
í lauginni. Morgunblaðið/Árni Sæberg
Tekist á við
undirdjúpin