Morgunblaðið - 09.04.2006, Blaðsíða 42
42 SUNNUDAGUR 9. APRÍL 2006 MORGUNBLAÐIÐ
SUMARIÐ lofar góðu, fyrsti boðinn umþessa mikilvægu árstíð afþreyingar-myndanna birtist um helgina með Ís-öld 2, sem jafnframt er fyrsti stór-smellurinn á ári sem hefur víðast hvar
farið rólega af stað.
Á kvikmyndakortinu hefst sumarið um mán-
aðamótin apríl/maí og stendur til 1. september,
raunar erum við oftar en ekki að njóta árstíð-
arinnar eitthvað lengur, dreifum minni mynd-
unum á lengri tíma, hér verða því kynntar flest-
ar helstu sumarmyndirnar í ár.
Sem fyrr segir er sumarið gósentími bíóanna
og kvikmyndaiðnaðarins, sem bíður þess í ár
með meiri eftirvæntingu en oftast áður. Ástæð-
an er sú að dregið hefur úr aðsókn vestanhafs og
víðast hvar annars staðar. Ísöld 2 er fyrsta
myndin sem fer yfir 100 milljón dala markið í ár,
sem er síðbúnari árangur en undanfarið.
Ástæðurnar eru margar og verða ekki tíund-
aðar hér, en það er dagljóst að nú bíða menn
„sætra, langra sumardaga“ sem aldrei fyrr.
Önnur gild og góð ástæða fyrir nauðsynlegri
velgengni stórmyndanna, sem stinga upp koll-
inum næstu mánuðina, er vitaskuld sú að þær
eru fokdýrar í framleiðslu,
Helstu blómin í garðinum; Mission: Imposs-
ible 3, X-Men 3, Pirates of the Caribbean: Dead
Man’s Chest, Superman Returns, The Da Vinci
Code, og aðrar slíkar, koma því til með að létta
fjárhagsáhyggjur í kvikmyndaiðnaðinum – ef
vel gengur. Samkvæmt lögmálinu bregðast
örugglega einhverjar þeim vonum en aðrar
standa sig betur en reiknað er með.
Hvað sem því líður verður óvenju forvitnilegt
að fylgjast með hvernig hákarlarnir spjara sig í
sumar, svo sannarlega verða margir spennandi
kostir í boði, a.m.k. á pappírnum.
MAÍ
MISSION: IMPOSSIBLE III
Leikstjóri: J.J. Abrams. Aðalleikendur: Tom
Cruise, Michelle Monaghan, Ving Rhames,
Philip Seymour Hoffman, Laurence Fishburne.
Spennumynd. Dýrasta frumraun kvikmyndaleik-
stjóra (150 millj. dala), er jafnframt þriðja
myndin sem byggð er á samnefndri spennu-
þáttaröð úr sjónvarpinu. Cruise fer sem fyrr
með hlutverk sérsveitarmannsins Ethans Hunt,
en erkióvinurinn er leikinn af nýbökuðum Ósk-
arsverðlaunahafa, Philip Seymour Hoffman.
Myndbálkurinn er einn sá verðmætasti í sögu
Paramount, þriðja myndin er veigamikil, ef hún
lukkast er ljóst að gullnáman er rétt að byrja að
gefa af sér. Lítið hefur verið látið uppi um inni-
haldið, þeir sem séð hafa sýnishornin vita að nóg
framboð virðist vera af átökum, illsku, hugprýði,
spennu, rómantík. Frank Darabount var feng-
inn til að ganga frá lokahandriti, en hann er með
lunknustu handritalæknum Hollywood. (Frum-
sýnd 6. maí.)
THE DA VINCI CODE – DA VINCI LYKILLINN
Leikstjóri: Ron Howard (Apollo 13., A
Beautiful Mind). Tom Hanks, Jean Reno, Aud-
rey Tautou, Ian McKellen, Alfred Molina, Paul
Bettany. Spennumynd. Mest forselda mynd sum-
arsins byggist á samnefndri metsölubók Dans
Brown um fræðimanninn Robert Langdon
(Hanks), sem er staddur í París þegar honum er
tilkynnt að safnvörður í Louvre hafi verið myrt-
ur. Morðið á eftir að draga dilk á eftir sér því
Langdon kemst á spor leyndardóms frá tímum
Krists, sem getur gjörbylt fyrri kennisetningum
kristindómsins. Leyndarmálsins hefur verið
vandlega gætt gegnum aldirnar af þröngri reglu
sem talið hefur marga, fremstu vísinda- og
valdamenn sögunnar. Langdon fær aðstoð frá
dulmálssérfræðingnum Sophie Neveu (Tautou),
í sameiningu nálgast þau lykilinn að leyndar-
dómnum í leit sem leiðir þau um heimsborgirnar
– í óþökk afla sem eru voldug og ósnertanleg.
(Frumsýnd 19. maí).
X-MEN 3: THE LAST STAND
Leikstjóri: Brett Ratner (Rush Hour I. & II.,
Red Dragon). Aðalleikendur: Hugh Jackman,
Halle Berry, Ian McKellen, Famke Janssen,
Anna Paquin, Kelsey Grammer, Rebecca Ro-
mijn, James Marsden, Vinnie Jones, Patrick
Stewart. Spennumynd. Í lokakafla X-Men-þrenn-
unnar, standa ofurhetjuhóparnir tveir, frammi
fyrir stórri ákvörðunartöku. Þeim stendur til
boða að sleppa úr ævilangri einangrun og út-
skúfun úr samfélagi mannanna. Persónunum
býðst að losna undan álögum stökkbreyting-
anna sem gerðu þær að yfirnáttúrlegum verum
með hrikalega, ómennska hæfileika. Vilja ofur-
mennin verða venjulegar manneskjur? Spurn-
ingin leiðir til átaka milli hópanna tveggja; þess
illa, undir stjórn Magneto (McKellen) og góða,
þar sem prófessor Xavier (Stewart) ræður ríkj-
um. Ákvörðunartakan kostar lokastríð þar sem
annað hvort aflið fer með sigur af hólmi. (Frum-
sýnd 26. maí).
JÚNÍ
POSEIDON
Leikstjóri: Wolfgang Petersen. (The Perfect
Storm, Troy) Aðalhlutverk: Josh Lucas, Kurt
Russell, Mike Vogel, Jimmy Bennett, Mia
Maestro, Andre Braugher, Richard Dreyfuss.
Hamfaramynd.
Þeir sem komnir eru af táningsárunum muna
margir eftir The Poseidon Adventure, einni af
„stórslysamyndunum“ svokölluðu og nutu gíf-
urlegra vinsælda á ofanverðri 20. öld. Poseidon
er endurgerð þeirrar frægu myndar og segir af
hrikalegu sjóslysi. Verið er að slá inn nýja árið á
skipsbjöllum skemmtiferðaskipsins Poseidon
þegar risavaxin flóðbylgja skellur á því og snýr
skipinu við, aðeins kjölurinn ofansjávar. Um
borð lifir af hamfarirnar lítill og sundurleitur
hópur einstaklinga, sem leitar útgöngu úr
dauðagildrunni og eygir örlitla lífsvon á meðan
skipið marar í hálfu kafi. Poseidon getur sokkið
til botns á hverju augnabliki. (Frumsýnd. 2.
júní).
OMEN 666
Leikstjóri: John Moore (Behind Enemy
Lines). Aðalhlutverk: Julia Stiles, Liev Schrei-
ber, Mia Farrow, David Thewlis, Pete Postlet-
hwaite, Michael Gambon. Hrollvekja.
Frábær hugmynd að frumsýna endurgerð
The Omen, einnar eftirminnilegustu hrollvekju
allra tíma, á þessum d… degi: 6.6.’06. Biblíu-
fróðir menn (og
unnendur hryllingsmynda) vita að samkvæmt
Opinberunarbókinni er 666 tala Dýrsins – hins
illa. Mörgum stendur ógn af henni, hvort sem
ástæða er til eða ekki. Hitt er ljóst að dagsetn-
ingin er snjöll markaðssetning og skilar örugg-
lega því sem til er ætlast. Omen 666 fylgir í
stórum dráttum söguþræði frummyndarinnar
frá 1976; Antikristur er fæddur og nú eru góð
ráð dýr, baráttan milli góðs og ills er hatramm-
ari en nokkru sinni fyrr. Leikhópurinn virkar
einkar öflugur. (Frumsýnd 6. júní.)
CARS
Leikstjóri: John Lasseter (Toy Story 1 & 2, A
Bug’s Life) Ensk raddsetning: Paul Newman,
Owen Wilson, Cheech Marin, Michael Keaton,
Tony Shalhoub, Michael Wallis, Paul Dooley,
Jenifer Lewis o.fl. Fjölskyldumynd
Nýjasta myndin frá tölvuteiknimyndarisan-
um Pixar (The Incredibles, Finding Nemo),
fjallar, eins og nafnið bendir til, um besta vin
mannsins – bílinn. Sá sem heldur um stýrið er
Óskarsverðlaunahafinn John Lasseter, en aðal-
hlutverkið, Lightning McQueen, er upptjúnað
tryllitæki, raddsett af Owen Wilson. McQueen
kemst að því að lífshlaupið er aðalatriðið, ekki
kappaksturssprettir, þegar hann verður
strandaglópur um sinn í bænum Radiator
Springs, við gömlu þjóðleiðina Route 66. Hann
er að keppa í kappakstri þvert yfir meginlandið
ásamt skrautlegum hópi bíla, eins og Porsche-
inum Sally, og Doc Hudson (Hudson Hornet ’51,
raddsettum af Paul Newman). Miðað við fyrri
verk Pixar, ætti ekki að verða skortur á hlát-
urgasi. Myndin verður sýnd með íslenskri og
enskri raddsetningu. (Frumsýnd 23. júní.)
JÚLÍ
THE SENTINEL
Leikstjóri: Clark Johnson (S.W.A.T). Aðal-
leikendur: Michael Douglas, Kiefer Sutherland,
Eva Longoria, Kim Basinger. Spennumynd.
The Sentinel er samansett úr sígildum
spennumyndarhráefnum. Leyniþjónustumað-
urinn Garrison (Douglas) er þess fullviss að ný-
nasistar hafi lætt sér í raðir starfsfólks Hvíta
hússins þegar félagi hans finnst þar myrtur við
störf sín. Garrison er látinn taka við stjórninni á
rannsókn málsins, en er sjálfur grunaður þegar
hann verður fórnarlamb fjárkúgara sem veit að
Garrison hefur átt vingott við forsetafrúna.
Hann er sviptur embætti og ærunni og verður
að fara huldu höfði. En Garrison veit að líf for-
setans er í hættu og hann einn getur bjargað
honum og sannað í leiðinni sakleysi sitt. (Frum-
sýnd 7. júlí)
SUPERMAN RETURNS
Leikstjóri: Bryan Singer (X-Men I & II). Að-
Bíósumarið að bresta á
X-menn, Sjóræningjar Karíbahafs-
ins og Ofurmennið eru meðal lyk-
ilpersóna sem berjast um hylli bíó-
gesta við Da Vinci lykilinn og aðrar
bíófreistingar í sumar. Sæbjörn
Valdimarsson skoðar framboðið hjá
kvikmyndaverunum á sumri sem
má ekki bregðast.
Reuters
Tom Cruise fer sem fyrr með hlutverk sérsveitarmannsins Ethans Hunts í Mission Impossible III.
Tom Hanks og Audrey Tautou fara með aðalhlutverkin í Da Vinci Code, sem byggð er á samnefndri
metsölubók Dans Browns.
Jamie Foxx og Colin Farell leika töffara og löggur, sem klæðast hátískufötum, í Miami Vice.
Kate Hudson, Matt Dillon og Owen Wilson í Þú og ég og Dupree.