Morgunblaðið - 03.07.2006, Side 34

34 F MÁNUDAGUR 3. JÚLÍ 2006 MORGUNBLAÐIÐ
U
ppgangur í Grindavík und-
anfarin ár hefur verið gíf-
urlegur og sér hvergi fyr-
ir endann á því
blómaskeiði. Eftirspurn eftir lóðum
hefur farið langt umfram væntingar
og nú er svo komið að örfáum lóðum
er óúthlutað í Norðurhópi, þess hluta
Hópshverfis austan við íþróttasvæð-
ið þar sem lóðir voru auglýstar í vor.
Að sögn Ólafs Arnar Ólafssonar,
bæjarstjóra í Grindavík, kemur
margt til að fólk sækir til Grindavík-
ur í auknum mæli, sértaklega af höf-
uðborgarsvæðinu, þar sem fólk situr
sí og æ í umferðarteppum hvort sem
það er að fara til vinnu eða að keyra
börnin til og frá skóla, íþróttum eða
öðru tómstundastarfi.
„Íbúar höfuðborgarsvæðisins
spyrja sig æ oftar þegar þeir sitja og
bíða eftir rauðu ljósi í langri bílaröð
hvers vegna þeir komi sér ekki burt
úr þessari vitleysu og setjist að í fjöl-
skylduvænna bæjarfélagi þar sem
ekki þarf að keyra 100 kílómetra á
dag til að koma börnunum til og frá
skóla fyrir utan að komast sjálf í
vinnu. Svarið verður oftar að skoða í
kringum sig og kemst þá fólk að því
að í Grindavík finnur það nægt leik-
skólarými, góða skóla, öflugt íþrótta-
líf og óþrjótandi náttúrufegurð í
göngufjarlægð,“ segir Ólafur. Hann
bætir við að það sem kannski komi
fólki mest á óvart sé hve lágt lóð-
arverð sé í bænum. Hægt sé að fá
einbýlishús með garði í Grindavík
fyrir nánast sama verð og fáist fyrir
100 fermetra íbúð í fjölbýlishúsi á
höfuðborgarsvæðinu.
Fyrir fjórum árum eða árið 2002
var úthlutað um 16 lóðum, 23 lóðum
árið eftir og 2004 var úthlutað um 30
lóðum. Árið 2005 tók lóðaframboðið
verulegan kipp þegar Hópshverfi
austan Grindavíkurvegar var skipu-
lagt og var það ár úthlutað um 106
lóðum. Á þessu ári var sýnt að eft-
irspurnin var enn gífurleg og á miðju
ári hefur 160 lóðum verið úthlutað
auk þess sem í farvatninu eru um
hundrað lóðir sem koma til úthlut-
unar í haust.
„Aldrei hafa verið skipulagðar
fleiri lóðir undir nýbyggingar í sögu
Grindavíkur á fjögurra ára tímabili
og má segja með sanni að ríkt hafi
þensluástand í bænum,“ segir Ólaf-
ur. „Sala og kaup á húseignum hefur
aldrei verið meiri og verð á húsnæði
hækkað verulega.“
Ólafur bendir á að íbúðarfjöldi í
Grindavík á þessum tíma hafi, sam-
kvæmt tölum frá Hagstofu Íslands,
verið 643 einbýlishús, 62 tvíbýli, 14
þriggja til fimm íbúða hús, 32 sex til
12 íbúða hús og fjórar íbúðir í öðrum
en íbúðarhúsum. Fjöldi íbúða því
samtals 755.
Fjölgun lóða undir íbúðir í Grinda-
vík á kjörtímabilinu hafi verið 48,5%.
„Segja má að skipulagsyfirvöld hafi
lyft grettistaki í skipulagsmálum á
kjörtímabilinu. Skipulögð voru sjö
ný hverfi á kjörtímabilinu, Víðigerði,
Austur- og Miðhóp, Vestur- og Suð-
urhóp, Efrahóp, Norðurhóp, Víkur-
hóp og Laut, ásamt því að unnið hef-
ur verið að þéttingu byggðar við
Ásabraut, Hellubraut og skipulagn-
ingu gamla bæjarins austan Víkur-
brautar og úthlutun lóða við Forn-
uvör,“ segir Ólafur. Hann segir að
jafnframt hafi verið unnið að því að
deiliskipuleggja hesthúsahverfi
austan Hesthúsabrekku ásamt reið-
stígum út frá því í samvinnu við félag
hestamanna í Grindavík og hafi það
hlotið nafnið Hópsheiði. Búið sé að
skipuleggja þar lóðir fyrir 16 hest-
hús. Einnig sé gert ráð fyrir félags-
heimili, og reiðhöll á svæðinu. Þetta
deiliskipulag hafi verið auglýst og
samþykkt og búið sé að úthluta
stórum hluta lóðanna.
„Ásamt þessu hefur verið unnið að
skipulagningu og úthlutun iðnaðar-
lóða. Alls hefur verið úthlutað 14 lóð-
um undir atvinnustarfsemi á kjör-
tímabilinu og eru
byggingaframkvæmdir þegar hafn-
ar á sumum þeirra. Deiliskipulagt
hefur verið nýtt iðnaðarhverfi sunn-
an Melhóls fyrir orkufrekan en vist-
vænan hátækniiðnað. Þetta hverfi
hefur fengið nafnið Melhólabraut og
hafa lóðir við Melhólabraut 2 til 8
þegar verið auglýstar til umsóknar
auk þess sem unnið var að skipu-
lagningu á athafnasvæði Bláa -lóns-
ins. Starfshópur var skipaður til að
vinna drög að deiliskipulagi á
íþróttasvæði við Austurveg og hafa
drög þessi fengið fyrstu afgreiðslu
skipulags- og bygginganefndar auk
þess sem samþykkt var nýlega í bæj-
arstjórn að hefja byggingu fjölnota-
íþróttahúss,“ segir Ólafur. Hann
nefnir ennfremur að nýlega hafi ver-
ið opnaður nýr og glæsilegur leik-
skóli í Laut, skrifað undir viljayfir-
lýsingu við Búmenn um að skoða,
fara yfir og vinna saman nýtt deili-
skipulag á lóð fyrir austan lóðir Bú-
manna í Víðigerði norðan lóðar og at-
hafnasvæðis hjúkrunarheimilis
Víðihlíðar varðandi uppbyggingu á
þjónustuhúsi fyrir eldri borgara og
öryrkja.
Gífurlegur upp-
gangur í Grindavík
Eftir Kristin Benediktsson
Bygging hafin á iðnaðarhúsnæði á vegum HK Verk.
Morgunblaðið/Kristinn Benediktsson
Unnið við frágang á nýju einbýlishúsi í Grindavík.
Þrívíddarteikning af fyrirhugaðri reiðhöll í Grindavík.
Malbikunarvinna í Hópshverfi í Grindavík.
Unnið við uppsteypu í einu af mörgum húsum í nýjum hluta Hópshverfis.
Frá opnun leikskólans í Laut. Ólafur Örn Ólafsson, bæjarstjóri í Grindavík, af-
hendir Petrínu Baldursdóttur, forstöðukonu, mynd af leikskólabörnum að taka
skóflustungur af skólanum og eina af skóflunum sem notaðar voru til verksins.