Morgunblaðið - 18.07.2006, Síða 31

MORGUNBLAÐIÐ ÞRIÐJUDAGUR 18. JÚLÍ 2006 31
Atvinnuauglýsingar
Kranamaður
JB Byggingafélag óskar eftir að ráða
kranamann á byggingakrana.
Upplýsingar gefur Kristján Yngvason í
síma 693 7005.
Einnig er hægt að sækja um á www.jbb.is.
JB Byggingafélag,
Bæjarlind 4, s. 544 5333.
Raðauglýsingar 569 1100
Nauðungarsala
Uppboð
Framhald uppboðs á eftirfarandi eignum verður háð á þeim
sjálfum, sem hér segir:
Hafnargata 28, fastnr. 216-8564, Seyðisfirði, þingl. eig. Kass ehf.,
gerðarbeiðendur Íslandsbanki hf., Reykjagarður hf. og Sýslumaður-
inn á Seyðisfirði, þriðjudaginn 25. júlí 2006 kl. 14:00.
Miðvangur 5-7,5R, Fljótsdalshérað, fnr. 224-6947, þingl. eig. Kass
ehf., gerðarbeiðandi Kaupþing banki hf., mánudaginn 24. júlí 2006
kl. 11:00.
Miðvangur 5-7, 5R, Fljótsdalshérað, fnr. 222-7595, þingl. eig. Kass
ehf., gerðarbeiðandi Kaupþing banki hf., mánudaginn 24. júlí 2006
kl. 11:15.
Skógarlönd 3, 01-01-0, fnr. 217-6161, Fljótsdalshérað, þingl. eig.
Kass ehf., gerðarbeiðandi Tryggingamiðstöðin hf., þriðjudaginn
25. júlí 2006 kl. 10:45.
Skógarlönd 3, 03-01-0, fnr. 217-6163, Fljótsdalshérað, þingl. eig.
Kass ehf., gerðarbeiðandi Tryggingamiðstöðin hf., þriðjudaginn
25. júlí 2006 kl. 11:00.
Sýslumaðurinn á Seyðisfirði,
17. júlí 2006.
Uppboð
Framhald uppboðs á eftirfarandi eign verður háð á skrifstofu
embættisins á Bjólfsgötu 7, Seyðisfirði:
Síldey NS-25, skipaskr. nr. 2460, þingl. eig. Síldey ehf., gerðarbeið-
andi Gildi - lífeyrissjóður, mánudaginn 24. júlí 2006 kl. 14:00.
Sýslumaðurinn á Seyðisfirði,
17. júlí 2006.
Tilkynningar
BORGARTÚN 3 - 105 REYKJAVÍK - SÍMI 411 3000 - MYNDSENDIR 411 3090
Auglýsing um nýtt og breytt
deiliskipulag í Reykjavík
Í samræmi við 25. gr. skipulags- og byggingarlaga
nr. 73/1997, með síðari breytingum, eru hér með
auglýstar tillögur að nýju og breyttu deiliskipulagi
í Reykjavík.
BYKO reitur, staðgr. 1.138.1.
Tillaga að deiliskipulagi fyrir reit sem afmarkast
af Hringbraut, Ánanaustum, Sólvallagötu og
Framnesvegi.
Tillagan gerir ráð fyrir tvílyftum húsum meðfram
Framnesvegi og samfelldri húsalengju meðfram
Hringbraut og Ánanaustum sem hækkar upp í
átt að Sólvallagötu. Byggingarnar mega vera frá
tveimur upp í fimm hæða, hæst í norðausturhorni
lóðarinnar Sólvallagötu 79 (BYKO lóðin), þar má
byggja íbúðabyggð með inngarði allt að 50 íbúðir
og flestum bílastæðum í bílageymslum neðan-
jarðar. Aðkoma bíla og aðalaðkoma verður frá
Sólvallagötu.
Nánar um tillöguna vísast til kynningargagna.
Birkimelur, blómatorgið.
Tillaga að breytingu á deiliskipulagi Háskólasvæðis
vestan Suðurgötu.
Breytingin felst í því m.a. að deiliskipulagssvæðið
(Háskóli Íslands vestan Suðurgötu) er stækkað til
norðurs og ný þjónustulóð, E, afmörkuð á hluta
þess svæðis þar sem nú er bygging Blómatorgsins
við Birkimel. Lóðin sem er á horni Birkimels og
Hringbrautar er ætluð fyrir ýmiss konar þjónustu-
starfsemi sem ekki er bílsækin. Byggingu þar er
afmarkaður byggingarreitur og á lóðinni er gert
ráð fyrir 4 bílastæðum. Aðkoma er frá Birkimel
um borgarland. Reynt skal að varðveita sem flest
af þeim trjám sem lenda á og við lóð við hönnun
mannvirkja á svæðinu. Gert er ráð fyrir tveimur
bílastæðum samsíða og meðfram Birkimel.
Á svæðinu við strætisvagnabiðstöð er einnig komið
fyrir söfnunargámum fyrir blöð og fleira.
Nánar um tillöguna vísast til kynningargagna.
Bíldshöfði 2 og 4-6.
Tillaga að breytingu á deiliskipulagi lóðanna að
Bíldshöfða 2 og 4 - 6.
Tillagan gerir ráð fyrir m.a. að á lóð Bíldshöfða
2 verði heimilt að reka verslun með eldsneyti og
þjónustu við ökutæki. Á lóðinni standi þjónustu og
verslunarhús á einni hæð. Yfir eldsneytisdælum má
reisa skyggni. Heimilt er að reisa allt að 9 metra
hátt upplýsingaskilti á lóðinni. Hámarksnýting lóðar
er 0,15. Lóðin að Bíldshöfða 2A og Bíldshöfða 6
verða að Bíldshöfða 4-6. Heimilt verður að byggja,
á nýjum byggingareit þar sem áður var 2A, allt að
3 hæðir + kjallari. Hámarksnýtingarhlutfall er 0,7.
Bílastæði skulu vera að minnsta kosti 1 stæði /
35 m² bygginga og heimilt að hluti þeirra sé innan
byggingarreits. Sunnan byggingarreits er heim-
ilt að byggja skábraut til aksturs upp á núverandi
byggingu á lóða-mörkum. Deiliskipulagið sýnir nýja
tengingu af Vesturlandsvegi inn á Bíldshöfða. Við
það minnkar lóðin 2A samsvarandi.
Nánar um tillöguna vísast til kynningargagna.
Hverfisgata v/Arnarhól.
Tillaga að breytingu á deiliskipulagi við Arnarhól, við
Hverfisgötu, vegna bifreiðastæða fyrir leigu-bíla.
Tillagan gerir m.a. ráð fyrir að akrein fyrir hægri-
beygju af Hverfisgötu í Lækjargötu er tekin undir
stæði fyrir leigubíla. Götu og gangstéttarkanti er
breytt lítillega, einn ljósastaur er færður til og hellu-
lögð gangstétt er stækkuð.
Nánar um tillöguna vísast til kynningargagna.
Tillögurnar liggja frammi í upplýsingaskála skipu-
lags- og byggingarsviðs Reykjavíkurborgar að
Borgartúni 3, 1. hæð, virka daga kl. 8:20 – 16:15,
frá 18. júlí til og með 29. ágúst 2006.
Einnig má sjá tillögurnar á heimasíðu sviðsins,
www.skipbygg.is. Eru þeir sem telja sig eiga hags-
muna að gæta hvattir til að kynna sér tillögurnar.
Ábendingum og athugasemdum við tillögurnar skal
skila skriflega eða á netfangið skipulag@rvk.is, til
skipulags- og byggingarsviðs (merkt skipulagsfull-
trúa) eigi síðar en 29. ágúst 2006.
Þeir sem eigi gera athugasemdir innan tilskilins
frests, teljast samþykkja tillögurnar.
Reykjavík, 18. júlí 2006
Skipulagsfulltrúi Reykjavíkur
Reykjavíkurborg
Skipulags- og byggingarsvið
MICROSOFT Íslandi afhenti fyrir
skömmu Barnaspítala Hringsins
700.000 króna gjöf sem renna á til
tækjakaupa eða annarra verkefna
Barnaspítalans. Gjöfin er afrakstur
styrktarmóts Microsoft í golfi, sem
fram fór hjá Golfklúbbnum Leyni á
Akranesi hinn 19. maí síðastliðinn. Auk
fjárgjafarinnar afhenti Microsoft Ís-
landi Barnaspítalanum X-Box-leikja-
tölvu og tölvuleiki sem mun án efa
stytta sjúklingum Barnaspítalans
stundir.
Styrktarmót Microsoft Íslandi í golfi
var vel sótt og ljóst að margir vildu
leggja málefninu lið. Þátttökugjöld
runnu óskert til Barnaspítala Hrings-
ins, en allur kostnaður við skipulagn-
ingu og kynningu mótsins var greiddur
af Microsoft Íslandi. Þetta er í fyrsta
skiptið sem styrktarmótið er haldið, en
stefnt er að því að það verði haldið ár-
lega héðan í frá.
Það var Elvar Steinn Þorkelsson,
framkvæmdastjóri Microsoft Íslandi,
sem afhenti starfsfólki Barnaspítala
Hringsins gjöfina. „Það er okkur hjá
Microsoft Íslandi sönn ánægja að geta
lagt okkar af mörkum við að létta undir
með starfsfólki Barnaspítalans og sjúk-
lingum. Jafnframt þökkum við öllum
þeim sem tóku þátt í styrktarmótinu og
var einstaklega gaman að sjá hversu
mikinn áhuga þeir höfðu á að styrkja
gott málefni,“ sagði Elvar við tækifærið.
Það var Sigurður Kristjánsson, yfir-
læknir bráðamóttöku, sem tók við gjöf-
inni fyrir hönd Barnaspítala Hringsins.
Hann sagði að hún myndi koma sér vel
fyrir starfsemi Barnaspítalans, enda
væru kaup á tækjum, viðhald þeirra og
endurnýjun kostnaðarsöm og því skipti
miklu fyrir stofnunina að fyrirtækin í
landinu legðu hönd á plóg til að létta
undir með stjórnendum og starfsfólki
Barnaspítalans.
Microsoft Íslandi afhenti veglega gjöf til Barnaspítala Hringsins
Frá afhendingu gjafar Microsoft Íslandi til Barnaspítala Hringsins. Frá vinstri:
Elvar Steinn Þorkelsson, framkvæmdastjóri Microsoft Íslandi, Sigurður Krist-
jánsson, yfirlæknir bráðamóttöku, Ingileif Sigfúsdóttir, deildarstjóri bráðamót-
töku, og Elísabet Halldórsdóttir, deildarstjóri vökudeildar.
Gjöfin afrakstur af styrktarmóti
Microsoft í golfi á Akranesi
NÝVERIÐ varði Torfi Fjalar Jónasson
læknir doktorsritgerð sína við læknadeild
Háskólans í Lundi í Svíþjóð. Ritgerðin
ber heitið „Homocy-
steine and Coronary
Artery Disease, With
Special Reference to
Biochemical Effects of
Vitamin Therapy.“
Andmælandi var Dr.
Herman Nilsson-
Ehle, yfirlæknir á
Salhgrenska sjúkra-
húsinu í Gautaborg og
dósent við læknadeild Háskólans í Gauta-
borg, en leiðbeinandi var dr. Hans Öhlin,
yfirlæknir við háskólasjúkrahúsið í Lundi
og dósent við læknadeild Háskólans í
Lundi.
Ritgerðin fjallar um efnið hómócýstein
og samband þess við kransæðasjúkdóma.
Hómócýstein er svokölluð amínósýra en
náttúran notar margskonar amínósýrur
sem byggingareiningar í mismunandi
eggjahvítuefnum. Hómócýstein verður til
við efnaskipti metíóníns en þá amínósýru
fær líkaminn úr eggjahvíturíku fæði.
Hómócýstein tekur hins vegar ekki þátt í
byggingu eggjahvítuefna. Arfgengir
efnaskiptagallar geta valdið of háu magni
af hómócýsteini í blóði, en einnig geta B6
vítamín-, B12 vítamín- og fólínsýruskort-
ur valdið hækkuðu hómócýsteini. Þá geta
ýmsir sjúkdómar eins og verulega skert
nýrnastarfsemi valdið of háu magni efnis-
ins í blóði. Verulega há gildi af hómócý-
steini, eins og sjást við arfgenga efna-
skiptagalla, geta leitt til æðakölkunar og
myndunar blóðtappa. Rannsóknir hafa
sýnt að hækkun hómócýsteins sem ekki
tengist efnaskiptagöllum getur aukið
áhættu á hjarta- og æðasjúkdómum.
Rannsóknirnar fjalla m.a. um hvert
vægi skertrar nýrnastarfsemi er til
hækkunar hómócýsteins í blóði hjá sjúk-
lingum með kransæðasjúkdóm og kom í
ljós að vægt skert nýrnastarfsemi veldur
aðeins hluta af hækkun hómócýsteins.
Einnig var athugað hvort sjúklingar með
kransæðasjúkdóm og hækkun á hómócý-
steini í blóði hefðu teikn um bólgu, aukið
oxunarálag eða skerta starfsemi æðaþels
og hvort hægt væri að hafa áhrif á þessi
teikn með vítamínmeðferð. Hægt var að
sýna fram á tvenns konar teikn um aukið
oxunarálag hjá sjúklingum með krans-
æðasjúkdóm og hækkað magn hómócý-
steins í blóði, en þótt vítamínmeðferðin
lækkaði gildi hómócýsteins um nær
helming hafði það engin áhrif á þessi
teikn. Þannig var sýnt fram á samband
milli hómócýsteins og bólgu en að vítam-
ínmeðferð breyti engu þar um.
Dr. Torfi er starfandi hjartalæknir á
Landspítala – háskólasjúkrahúsi og hefur
einnig móttöku í Læknasetrinu í Mjódd.
Hann er giftur Ölmu D. Möller, yfirlækni
og doktor í svæfinga- og gjörgæslulækn-
ingum, og eiga þau tvö börn.
Doktor í
læknisfræði
FRÉTTIR