Morgunblaðið - 19.08.2006, Qupperneq 27

MORGUNBLAÐIÐ LAUGARDAGUR 19. ÁGÚST 2006 27
DAGLEGT LÍF Í ÁGÚST
Menningarnótt
10% afsláttur
af nýjum vörum
Opið fram á
kvöld
Skólavörðustíg 4
101 Reykjavík
Sími 551 5050
www.gulligrjoti.is
Kýr eru ágætar skepnur,þótt mér finnist flestönnur dýr skemmtilegri.Ég hef það stundum á
tilfinningunni að sumar þeirra leggi
sig sérstaklega fram um að vera
erfiðar við mig og það reynir vissu-
lega á þolinmæðina. Hún Kippa er
til dæmis alveg einstaklega lítið
skemmtileg, hún vill aldrei fara á
básinn sinn þegar hún kemur inn í
fjós og lætur hafa mikið fyrir sér.
Hún er mjög gráðug og slær til
hausnum þegar ég gef henni fóð-
urbæti og reynir að rústa öllu. Þeg-
ar ég er að mjólka hana slær hún
með löppunum og miðar með hal-
anum í augun á mér,“ segir Hjalt-
dælingurinn Sigurgeir Ólafsson
sem réð sig sem fjósamann að
bænum Garðakoti í Skagafirði í
sumar, en sjálfur býr hann á Kálf-
stöðum ásamt foreldrum sínum og
yngri systur. „Ég hafði ekkert sér-
stakt að gera heima, því þar er
ekki búskapur utan hrossa sem eru
áhugamál foreldra minna sem
vinna bæði utan heimilis, en
mamma er dýralæknir og pabbi er
fiskeldisfræðingur á Hólum.“
Rabarbaraskurður
og girðingavinna
„Foreldrum mínum fannst ekk-
ert vit í því að ég væri að snúast í
kringum sjálfan mig í allt sumar og
svo hef ég auðvitað gott af því að
vinna undir stjórn annarra en
þeirra. Garðakot er mjög skemmti-
legur vinnustaður og fólkið hér er
alveg frábært og mér líður vel
hérna. Bændurnir Pálmi og Ása
sem eru mínir vinnuveitendur, þau
leyfa mér líka að gista yfir nóttina
ef ég vil og ég geri það öðru
hverju.“
Mjaltir og kúarekstur eru ekki
eina starf Sigurgeirs, því hann fer
að heiman klukkan átta að morgni
og vinnudegi lýkur ekki fyrr en að
loknum kvöldmjöltum. „Ég hjálpa
til við hvaða verk sem fellur til
milli mjalta. Í dag var ég til dæmis
að brytja rabarbara, sem var ekki
lítið verk, því hún Ása ræktar ótrú-
legt magn af rabarbara. Svo höfum
við þurft að girða heilmikið og ég
hjálpa til í heyskapnum og geri
hvaðeina sem Pálmi biður mig um.“
Húmoristinn Dúni
Mjaltirnar sjálfar taka um
klukkutíma og þau eru yfirleitt
þrjú eða fjögur við það starf, en
auk þess þarf að gefa og þrífa og
það tekur annan klukkutíma. Sig-
urgeir nýtur starfsins en ekki síður
félagsskaparins við Dúna, sem
vinnur líka í Garðakoti. „Hann er
kominn yfir fertugt en rosalega
skemmtilegur og mikill húmoristi.
Hann á heima á Hólum og við
gerðum með okkur góðan samning
um bílfar. Fyrst hjólaði ég alltaf
niður á þjóðveg, þar sem Dúni
stoppaði á leið sinni að Garðakoti
og leyfði mér að sitja í. En núna
sækir hann mig heim á bæ og í
staðinn hef ég lofað að skrifa um
hann fagra líkræðu, þegar að því
kemur.“
Fýkur stundum í fjósamanninn
Sigurgeir segir fjósamannsstarfið
vera gott tækifæri til að æfa skap-
stjórnun. „Kýrnar geta verið svo
erfiðar en ef þær eru til friðs, þá
semur okkur ágætlega. Þegar þær
eru mjög óþekkar fýkur stundum í
mig.“ Þó Sigurgeir láti eins og hon-
um líki lítt við kýrnar þekkir hann
þær allar með nafni og segir starfið
gefandi. Hann vinnur alla daga vik-
unnar, en segist auðveldlega fá frí
ef hann sækist eftir því. Það stytt-
ist í að skólinn hefjist og fjósa-
mannsstarfið verði að baki, en
minningar sumarsins eru góðar og
Sigurgeir kveður með virktum þar
sem hann rekur kýrnar, umvafinn
fögrum fjöllum Skagafjarðar.
 SVEIT | Þrettán ára fjósamaður sem heyjar, girðir og brytjar rabarbara milli mjalta
Gott tækifæri
til að æfa
skapstjórnun
Stundum fer fjarska vel á með Sigurgeiri og kúnum í Garðakoti sem hann rekur hér inn til seinni mjalta.
Eftir Kristínu Heiðu Kristinsdóttur
khk@mbl.is