Morgunblaðið - 20.08.2006, Síða 18

18 SUNNUDAGUR 20. ÁGÚST 2006 MORGUNBLAÐIÐ
H
átíðin í ár er nú
haldin í þriðja
sinn og hefur
vaxið gríðarlega
að umfangi og
orðspori á þess-
um stutta tíma
og í haust verða
yfir 70 kvikmyndir sýndar á þeim ell-
efu dögum sem hátíðin stendur auk
fjölda annarra forvitnilegra viðburða
sem haldnir verða í tengslum við
kvikmyndasýningarnar og gesti
hennar.
Auk Hrannar starfa við undirbún-
ing kvikmyndahátíðarinnar um sjö
manns enda þarf að sinna mörgu
samtímis svo allt gangi upp þessa ell-
efu daga sem hátíðin stendur yfir.
„Eitt mikilvægasta verkefnið okkar
gagnvart almenningi er að koma því
skýrt til skila hvenær hátíðin stendur
því í flestum tilvikum gefst fólki ekki
annað tækifæri til að sjá þær myndir
sem í boði eru. Þetta eru ekki myndir
sem fara alla jafna í almenna dreif-
ingu í kvikmyndahúsunum né koma
út á myndbandaleigum hér. Okkar
ábending til áhugafólks um kvik-
myndir er að merkja strax við á daga-
talinu sínu og taka frá dagana 28.
september til 8. október svo veislan
fari ekki framhjá þeim.“
Landsmenn áhugasamir
Hrönn segir sinn áhuga á ólíkum
gerðum kvikmynda meðal annars
hafa kviknað er hún bjó á Spáni þar
sem hún sótti þarlend kvikmyndahús.
„Ég fékk ásamt vinkonu minni þá
hugmynd að kynna spænska kvik-
myndamenningu fyrir Íslendingum.
Það varð úr að árið 2002 héldum við
spænska kvikmyndahátíð hérlendis
og eftir það var ekki aftur snúið. Ég
fann að áhugi landsmanna á fjöl-
breytilegri kvikmyndagerð var mikill.
Ég, ásamt öðru áhuga- og fagfólki í
kvikmyndageiranum, stóð að fyrstu
Alþjóðlegu kvikmyndahátíðinni árið
2004 og undirtektirnar lofuðu strax
góðu. Ári síðar hafði okkur vaxið fisk-
ur um hrygg en þá fengum við hátt í
15.000 gesti í bíó. Það er ákaflega
mikilvægt fyrir menningarlífið að hér
starfi kvikmyndahátíð sem þessi og
skiptir einnig miklu varðandi ímynd
borgarinnar á alþjóðavísu.“
Hrönn hefur nýlega lokið MBA
gráðu í stjórnun frá Háskólanum í
Reykjavík en hún hefur einnig BA-
próf í stjórnmálafræði frá Háskóla Ís-
lands. „Menntun mín hefur nýst mér
einkar vel við stjórnun kvikmyndahá-
tíðarinnar en lokaverkefni mitt í
MBA náminu fjallaði einmitt um
stefnumótun fyrir Alþjóðlegu kvik-
myndahátíðina í Reykjavík. Stjórn-
málafræðin er einnig góður grunnur
því kvikmyndir geta auðvitað verið
mjög sterkt pólitískt afl.“
Hver sem galdurinn er virðist
Hrönn takast einkar vel upp með há-
tíðirnar ef marka má aðsókn og áhuga
almennings og fagfólks, hérlendis og
erlendis en búist er við á annað
hundrað erlendra gesta á hátíðina.
Framsæknar myndir
Myndir hátíðarinnar eru fjölmarg-
ar og ólíkar. Hrönn segir að þær eigi
það þó sameiginlegt að vera allar nýj-
ar enda leggi aðstandendur hátíðar-
innar mikla áherslu á að myndirnar
séu framsæknar og áhugaverðar.
„Við skiptum myndunum niður í
flokka en þar má til að mynda nefna
Norðurlönd, Miðnæturmyndir og
Mannréttindi en í tengslum við það
síðastnefnda verða veitt sérstök
mannréttindaverðlaun til eins leik-
stjóra. Í samvinnu við Amnesty Inter-
national á Íslandi verður haldið mál-
þing um mannréttindi í tilefni af
komu fyrrverandi fanga í Guant-
anamo búðunum en þeir verða sér-
stakir gestir hátíðar og munu kynna
nýja mynd Michaels Winterbottoms,
Leiðin til Guantanamo.“ Þá segir
Hrönn þó nokkrar myndir frá Dan-
mörku verða sýndar, en danskur
kvikmyndaiðnaður er einmitt í mikl-
um blóma um þessar mundir. „Við
reynum að sýna alla flóruna og höfða
til sem flestra. Það er ekki þannig að
Hollywood myndirnar höfði til
fjöldans en aðrar myndir höfði aðeins
til fárra. Það er misskilningur ef ein-
hver telur að kvikmyndahátíðir séu
fyrir aðra en allan almenning.
Á hátíðinni hjá okkur eru allskyns
myndir, gamanmyndir, fjölskyldu-
myndir, hryllingsmyndir, heimilda-
myndir, og spennumyndir. Við ef-
umst ekki um að flestum takist að
finna eitthvað við sitt hæfi enda eru á
dagskránni í ár á áttunda tug mynda
frá um 30 löndum. Við skerum okkur
úr öðrum hátíðum með mjög ferskri
dagskrá og myndum sem eru ekki á
hverju strái.“ Hrönn segir einnig að
metnaður aðstandenda hátíðarinnar
liggi fyrst og fremst í gífurlega vand-
aðri dagskrá.
Spennandi óvissa
Hrönn segir að í sjálfu sér sé lítill
munur á því að sjá kvikmynd á kvik-
myndahátíð og í venjulegri bíóferð. „Í
báðum tilfellum ertu í rauninni bara
að fara í bíó. Það er ekki fyrr en mað-
ur er sestur niður í kvikmyndasalnum
og myndin byrjar sem þú upplifir í
hverju munurinn er fólginn. Við
leggjum líka áherslu á að bjóða til
landsins viðkomandi leikstjórum sem
þá svara spurningum áhorfenda úr
sal að sýningu lokinni. Oft veist þú
ekki nákvæmlega hvað þú ert að fara
að sjá ólíkt því þegar við sjáum dæmi-
gerða Hollywood mynd þar sem við
getum oft séð endann fyrir í upphafi
myndarinnar. Á kvikmyndahátíðinni
eru myndir fyrir fólk sem vill láta
koma sér á óvart og virkja hug-
myndaflugið. Við eyðum miklum tíma
í að velja myndir á hátíðina og höfum
fengið til liðs við okkur gríska dag-
skrárstjórann Dimitri Eipides sem er
mjög fær í sínu fagi. Auk hans er nú
að störfum dagskrárnefnd en hana
skipa Baltasar Kormákur, Dagur
Kári Pétursson, Sigurjón Sighvats-
son, Björn Ægir Norðfjörð, Ottó Geir
Borg og Heiða Jóhannsdóttir. Við
veljum myndir sem skilja eitthvað
eftir sig ef svo má segja og vekja fólk
til umhugsunar.“ Hrönn segir Dimitri
Eipides hafa sérþekkingu á að velja
myndir eftir nýja og upprennandi
leikstjóra sem oft hafa ekki náð nægi-
lega mikilli kynningu hérlendis.
Þannig eru tveir flokkar tileinkaðir
þessu markmiði hátíðarinnar og eru
þeir alfarið í umsjón Dimitri Eipides,
Vitranir, myndir eftir leikstjóra sem
eru að gera sína fyrstu eða aðra mynd
í fullri lengd og Þrisvar þrír, þrjár
myndir eftir þrjá leikstjóra sem eru
Íslendingum lítt kunnir.
Almenningur virkjaður
Samhliða kvikmyndahátíðinni
verður hugmyndaflug og sköpunar-
gleði almennings einnig virkjuð enn
frekar. Í þeim tilgangi verður skipu-
lögð heimildamyndakeppni sem allir
geta tekið þátt í. „Upptökuvélar eru á
flestum heimilum og fólk er mjög
áhugasamt um að mynda fjölskyldur
sínar. Því kom fram sú hugmynd að
efna til samkeppni um bestu heim-
ildamyndina en yfirskriftin er einmitt
„fjölskyldan mín“. Þar með gefst al-
menningi kostur á að spreyta sig á
kvikmyndagerð og fá um leið ókeypis
kennslu í hvernig á að vinna og klippa
mynd. Við höfum skipað dómnefnd
fyrir keppnina og verðlaunamyndirn-
ar verða sýndar á lokadegi hátíðar-
innar sem einmitt er tileinkaður fjöl-
skyldunni.“
Lyftistöng fyrir fagfólkið
Hátíðin er ekki aðeins sniðin að
þörfum almennings heldur er á ýms-
an hátt einnig höfðað til innlends
kvikmyndagerðarfólks. „Fagfólkið
fær tækifæri til að sjá það nýjasta
sem er að gerast í faginu og það er
auðvitað bráðnauðsynlegt. Einnig
koma hingað til lands erlendir leik-
stjórar og hátíðin mun því skapa vett-
vang fyrir innlent fólk til að sýna sig
og sjá aðra. Innlendir og erlendir
leikstjórar munu læra hver af öðrum.
Við leggjum mikið uppúr liprum sam-
skiptum á milli allra og til þess að auð-
velda það höfum við skipulagt fjöl-
marga atburði í kringum hátíðina. Til
að mynda verður haldið í Bláa lóninu
málþing fyrir stjórnendur erlendra
sjónvarpsstöðva í Evrópu og N-Am-
eríku. Sá viðburður nefnist Blue
Horizons og er unninn í samstarfi við
European Documentary Network í
Danmörku. Þessir stjórnendur munu
síðan hitta fulltrúa innlendra fram-
leiðslufyrirtækja þar sem þeim gefst
kostur á að kynna sig og sín fyrirtæki.
Við erum með þessu að færa þjónustu
heim sem Íslendingar hafa þurft að
sækja að mestu leyti til útlanda hing-
að til.“ Hrönn segir hátíðina því mik-
ilvæga fyrir tengslamyndun íslensks
kvikmyndaiðnaðar.
Meira en bíó
Fyrir utan tugi kvikmynda og mál-
þing af ýmsu tagi verður einnig fleira
um að vera. Þar ber einna hæst
myrkvun borgarinnar á opnunar-
kvöldi hátíðarinnar. „Ljósmengunin í
Reykjavík er svo gríðarleg að við
borgarbúarnir förum á mis við blik
þúsunda stjarna og dans norðurljós-
anna. Þess vegna fannst okkur við
hæfi að hefja kvikmyndahátíðina með
því að sýna Reykvíkingum þessa stór-
kostlegu kvikmynd á stærsta kvik-
myndatjaldi sem til er – himninum
sjálfum. „Myrkvunin verður í nánu
samstarfi við borgaryfirvöld og Höf-
uðborgarstofu. Andri Snær Magna-
son hefur áður kynnt svipaða hug-
mynd og verður talsmaður myrkvun-
arinnar í aðdraganda hans, en góð
kynning er nauðsynleg til að koma í
veg fyrir óhöpp á meðan ljósin eru
slökkt. Slökkt verður á öllum ljósa-
staurum borgarinnar og einstakling-
ar og fyrirtæki verða hvött til þess að
taka þátt og slökkva ljós hjá sér.“
Aðstandendur hátíðarinnar í sam-
starfi við Háskóla Íslands standa að
námskeiði um kvikmyndahátíðir fyrir
nemendur í kvikmyndafræðum.
Námskeiðið er bæði verklegt og bók-
legt en nemendurnir munu taka þátt í
framkvæmd hátíðarinnar auk þess að
lesa fræðigreinar um sérstöðu kvik-
myndahátíða. Þá mun almenningi
gefast kostur á að sitja stutt nám-
skeið þar sem fjallað er um kvik-
myndalestur. Farið er með kvik-
myndafræðingnum Birni Ægi
Norðfjörð á nokkrar kvikmyndir og
rætt um þær á kaffihúsi á eftir.
Daft Punk til landsins
Að auki má nefna komu Thomas
Bangalter til landsins. Þótt nafnið
Kvikmyndaveisla í ellefu
Áhugafólk um kvikmyndir
mun eflaust finna fjölmargt
spennandi og forvitnilegt á
Alþjóðlegri kvikmyndahá-
tíð í Reykjavík sem haldin
verður dagana 28. sept-
ember–8. október að sögn
Hrannar Marinósdóttur,
framkvæmdastjóra hátíð-
arinnar. Hrönn sagði Auði
Magndísi Leiknisdóttur frá
kvikmyndaveislunni.
’Á kvikmyndahátíð-inni eru myndir fyrir
fólk sem vill láta
koma sér á óvart og
virkja hugmynd-
arflugið. ‘