Morgunblaðið - 20.08.2006, Blaðsíða 37

MORGUNBLAÐIÐ SUNNUDAGUR 20. ÁGÚST 2006 37
Það var nýleg saga af gifsl-jónum sem kom hinum afstað. Ungu hjónin, semvoru að koma úr sólar-landaferð, báru með sér
ný tíðindi af kaupgleði landans í út-
löndum sem ég hafði í einfeldni
minni haldið að væri í rénun. Hér-
lendis eru allar verslanir fullar af
því sem lengi var talinn forboðinn
varningur og ekkert sem hugurinn
girnist virðist hafa
farið framhjá út-
sjónarsömum inn-
flytjendum. En trú-
lega hefur engum
hugkvæmst að
flytja hingað kon-
ung dýranna úr gifsi. Úr því var
snarlega bætt og fyrirbærið í
tveimur eintökum borið á höndum
eigenda sinna inn í íslenska flugvél
og prýðir víst reykvískan garð í
síðsumarregni.
Þá kom mér í hug sagan af arab-
ísku úlföldunum og fékk hún að
fljóta með til skemmtunar. Þetta
gerðist á svokölluðu haftatímabili
og lítt um spennandi varning í
boði. Því rann hálfgert æði á Ís-
lendinga sem fyrir einhvers konar
ævintýri voru staddir á slóðum
grískra listasmiða, búlgarskra pott-
ara og afkomenda Þúsund og einn-
ar nætur. Þetta voru farþegar
rússneskra farþegaskipsins Baltíka
sem sigldi með íslenskan kór og
aðra lysthafendur um Miðjarðarhaf
og Svartahaf með viðkomu í ýms-
um fögrum borgum fyrir réttum 40
árum.
Brátt voru þröngir klefar far-
kostsins orðnir svo fullir af gulli,
fílabeini og öðru fágæti að farþegar
komust með naumindum upp í koj-
ur sínar. Þangað var hins vegar
borin von að koma uppstoppuðu
úlföldunum sem margir höfðu
keypt í gósenlöndum og því fengu
þeir að húka frammi á göngum, vel
merktir eigendum sínum. En þar
sem úlfaldahjörðin stóð og beið eft-
ir notalegri framtíð í norðri, varð
smám saman vart við ýmis konar
óværu sem grunur vaknaði um að
ekki væri vert að flytja til Íslands.
Fréttirnar af þessum kykvendum
bárust enda heilbrigðisyfirvöldum
hér á landi sem kröfðust þess að
dýrin fengju vota gröf áður en Bal-
tíka legðist að höfn í Reykjavík.
Skotið var á fundi með úlf-
aldaeigendum og niðurstaðan til-
kynnt. Flestir tóku þeim válegu
tíðindum af karlmennsku utan
stæðilegs bónda sem tilkynnti að
yrði úlfalda hans varpað fyrir borð
færi hann sjálfur á eftir. Í þessu
þrefi stóð upp undir landsteina en
ekki spurðust tíðindi um að þeir
fóstrar hefðu orðið samferða inn í
eilífðina.
Þótt þessi saga þætti góð vakti
sú síðasta mesta furðu. Hún gerð-
ist á upphafsdögum verslunarferð-
anna miklu til Glasgow. Þegar kom
að heimför eftir árangursríkt búða-
ráp spurði einn ferðalangur hvað
hann ætti að gera við gangstétt-
arhellurnar. – Hvaða gangstétt-
arhellur? hváði einhver. – Nú, hell-
urnar sem ég setti í ferðatöskurnar
svo að þær yrðu ekki þyngri við
heimkomuna en þegar ég fór út!
Gifsljón, uppstoppaðir úlf-
aldar og gangstéttarhellur
HUGSAÐ
UPPHÁTT
eftir Guðrúnu
Egilson
Lloret de Mar
31. ágúst
frá kr. 34.990
Munið Mastercard
ferðaávísunina
Heimsferðir bjóða
einstakt tilboð á einn
vinsælasta áfangastað
Costa Brava
strandarinnar við
Barcelona, Lloret de
Mar. Gott hótel með
góðri aðstöðu,
fallegum garði,
sundlaug og
veitingastöðum. Stutt í
golf og á ströndina. Öll
herbergi með baði,
sjónvarpi og síma
Skógarhlíð 18 • sími 595 1000 • Akureyri sími 461 1099 • www.heimsferdir.is
5 nætur - fullt fæði
Verð kr.34.990
með fullu fæði
Netverð á mann. Flug, skattar og gisting
í tvíbýli með fullu fæði á Hotel Sunrise í
5 nætur, 31. ágúst.
Aðeins 10 herbergi
í boði á þessu frábæra verði.