Morgunblaðið - 20.08.2006, Side 38

38 SUNNUDAGUR 20. ÁGÚST 2006 MORGUNBLAÐIÐ
MENNING
GÍTARLEIKARINN Símon H. Ív-
arsson mun færa suðræna og blóð-
heita tóna ættaða frá Andalúsíu á
Spáni beint inn í stofu nóbelskálds-
ins í dag, á næstsíðustu tónleikum
sumarsins á Gljúfrasteini. „Það má
segja að vagga gítarsins sé á Spáni
og í þessum lögum er alls staðar
leitað til þjóðarhefðarinnar og það
má segja að Halldór Laxness hafi
gert það sama í sínum ritum. Hann
leitaði til hins almenna manns, og
þar finn ég einhvern samtón, á milli
þessarar tónlistar og Laxness. Og
það má segja að í flestum þessara
laga sé leitað til flamencos, til þess
sem hinn almenni maður er að
syngja og oft er verið að fást við
þjáninguna, sem mér finnst líka
vera áberandi í verkum Laxness,“
segir Símon.
Á efnisskránni eru verk eftir
nokkur helstu tónskáld Spánverja,
þá Gaspar Sanz, E. Granados,
Manual de Falla og Isack Albeniz.
Símon hefur sérhæft sig í flamenco-
tónlist og farið sérstakar náms-
ferðir til Spánar. Hann lauk fulln-
aðarprófi frá Tónskóla Sigursveins
D. Kristinssonar og einleikaraprófi
frá Hochschule für Musik und Dar-
stellende Kunst hjá prófessor Karl
Scheit. Hann hefur komið víða við á
ferlinum, oftsinnis komið fram í út-
varpi og sjónvarpi og leikið víða,
bæði erlendis og
hér á landi. „Ég
er mjög spennt-
ur. Ég hef oft
hugsað til þess
að gaman væri
að halda tónleika
á Gljúfrasteini.
Gítar er þannig
hljóðfæri að það
þolir vel nálægð
við áheyrendur. Ég kem til með að
kynna verkin á tónleikunum. Það
er mjög nauðsynlegt að áheyrendur
komist í tengsl við einhverja rót í
lögunum. Þá hlustar fólk öðruvísi,“
segir Símon. Tónleikarnir hefjast
líkt og áður kl. 16 og er aðgangs-
eyrir 500 kr.
Tónlist | Næstsíðustu tónleikar sumarsins á Gljúfrasteini
Suðræn stemning í stofunni frægu
Símon H. Ívarsson
Í SÝNINGARSALNUM í kjallara
Norræna hússins ríkir nú sér-
kennileg stemning. Forláta hrærivél
snýr þeytara hring eftir hring en í
henni er ekkert deig. Hún er hins
vegar tengd við gamlan ruggustól og
ruggar honum. Á öðrum stað seytlar
vatn viðstöðulaust úr nýlegu blönd-
unartæki ofan í ryðgaðan þvottabala
og á gamalli Rafha-eldavél sýður
endalaust á þremur kötlum. Nilfisk-
ryksuga sogar hornið á íslenskum
fána sem hangir úr loftinu og svona
má áfram telja.
Umrædd pör eða samsetningar
koma úr smiðju myndlistarmannsins
Ilmar Stefánsdóttur sem á und-
anförnum árum hefur fengist við að
hanna tæknilegar „uppfinningar“ af
ýmsu tagi með áherslu á sjónrænt
gildi fremur en notagildi í verkum
sem einkennast af húmor og hug-
myndaríki.
Sýningin leikur á mörkum mynd-
listar og leikhúss, líkt og lýsing verk-
anna gefur til kynna.Samhliða mynd-
listinni hefur Ilmur fengist við
leikmyndahönnun og er innsetningin
í Norræna húsinu unnin í samstarfi
við Steinunni Knútsdóttur sem starf-
ar við leikhús, m.a. sem leikstjóri og
leikari, gjarnan í tengslum við til-
raunaleiklist. Steinunn stýrir gjörn-
ingi sem fluttur er í sýningarrýminu
um helgar.
Skörun myndlistar og leikhúss – og
annarra listgreina – má rekja til
hræringa á 7. áratug síðustu aldar
þegar listamenn leituðust við að færa
listina úr stofnanaumhverfi sínu og
tengja við hversdagslífið, svo sem í
gjörningum, popplist og flúxus-
hugmyndum um samruna lífs og list-
ar. Í verkum Ilmar nú, sem samsett
eru úr „fundnum hlutum“ úr hvers-
deginum, má greina áherslu í anda
flúxus á sífellda verðandi; ekki aðeins
í tæknilegri sívirkni, heldur í tilraun
til nýrrar merkingarsköpunar hlut-
anna í nýju samhengi.
Samsetningarnar ganga fyrir vél-
arafli og í fjarveru mannsins líkt og
yfirskrift sýningarinnar „Out of of-
fice“ vísar til. Innsetninguna mætti
túlka sem hugleiðingu um vélvæðingu
nútímans – þar sem vélarnar virðast
hafa tekið völdin. Margir hlutanna
eru þó gamlir og úr sér gengnir og
virðast skírskota til hverfulleikans og
fortíðar – og þá sérstaklega eft-
irstríðsáranna þegar hinu nýja vél-
knúna heimili var ætlað að auka svig-
rúm kvenna. Hraði og firring
nútímans kemur hér upp í hugann og
tæknileg úrelding þar sem maðurinn
reynir allt hvað hann getur að taka
þátt í hinni hröðu þróun. Á sýningu
Ilmar og Steinunnar virðist hann hafa
tekið það til bragðs að láta sig hverfa.
Manneskjan birtist þó í „gjörn-
ingum“ um helgar en í stað þess að
taka til hendinni, ráfar hún um í af-
skiptaleysi og starir tómlega fram
fyrir sig – í fullkominni uppgjöf. Hún
stillir sér hreyfingarlaus upp við sam-
setningarnar og verður eins og hver
annar leikmunur við þessar sviðsettu
kringumstæður. Eða eru vélarnar
staðgenglar leikaranna?
Morgunblaðið/Ásdís
Þvottabali Ilmar Stefánsdóttur.
Vélknúinn heimur
MYNDLIST
Norræna húsið
Opið alla daga nema mán. kl. 12–17.
Gjörningur lau. og su. kl. 15–17.
Out of Office – Innsetning
Steinunn Knútsdóttir og
Ilmur Stefánsdóttir
Til 30. september
Anna Jóa
VARNARLIÐSSALA
GEYMSLUSVÆÐISINS
Sunnudaginn 20. ágúst kl. 15:00
verður hadið uppboð á ýmsum munum frá Varnarliðinu.
Öllum er heimil þátttaka
stólar - innrammaðar landslagsljósmyndir - sófar
stálskápar - gólfmottur - skrifborð - sjónvarpsskápar
kommóður - innrömmuð plagöt - speglar
ný rúm með innbyggðum skúffum
auk þess ýmislegt óvænt og spennandi
Greiðsla við hamarshögg
- tökum öll helstu kreditkort og beinharða peninga
Opið: Fimmtudaga: 12:00 - 21:00Föstudaga og laugardaga: 10:00 - 18:00Sunnudaga: 12:00 - 18:00
UPPBOÐ
Komið og gerið góð kaup
Varnarliðssalan Sigtúni 40
Meðal þess sem boðið verður upp er:
Margar gerðir af ónotuðum og lítið
notuðum stólum, fyrir stofnanir, stofuna,
skrifstofuna eða unglingaherbergið
Glæsileg rúm með innbyggðum skúffum,
tilvalin í unglinga- eða barnaherbergið
•
•
NÝKOMIÐ:
Nýjar vörur í hverri viku - alltaf eitthvað nýtt og spennandi