Morgunblaðið - 23.08.2006, Blaðsíða 9

MORGUNBLAÐIÐ MIÐVIKUDAGUR 23. ÁGÚST 2006 9
FRÉTTIR
Opið virka daga frá kl. 10-18 laugardaga frá kl. 10-16
• Engjateigi 5
• Sími 581 2141
Glæsilegar
úlpur og kápur
Nýtt frá
Laugavegi 28, sími 562 6062
Hörkugóður
afsláttur
af útsöluvöru
Sportfatnaður
frá kr. 990
www.belladonna.is
Vertu þú sjálf vertu Belladonna
Hlíðasmára 11 • Kópavogi • sími 517 6460
Opið mán.-fös. 11-18, lau. 11-15
Íslendingar eru farnir að eygja
verðlaunasætin á Evrópumótinu í
brids, en þegar 8 umferðir voru
eftir af mótinu í gær var Ísland í 4.
sæti í opna flokknum og stutt í
þriðja sætið. Þá aukast líkurnar
stöðugt á að Ísland tryggi sér sæti
á heimsmeistaramótinu í brids á
næsta ári en þangað komast sex
efstu sveitirnar í Varsjá en nokkuð
langt er þessa stundina í sveitina í
7. sæti.
Íslenska sveitin á eftir að spila
við 6 sveitir sem eru fyrir neðan
miðju í mótinu, en í tveimur síðustu
umferðunum mætir hún Dönum og
Svíum, sem kunna sitt hvað fyrir
sér. Sænska liðið varð þó fyrir
áfalli á mánudag þegar Peter
Fredin, sem verið hefur fastamað-
ur í sænskum landsliðum um ára-
bil, var rekinn heim fyrir agabrot.
Svíarnir spila því aðeins fimm það
sem eftir er.
Veikindi hafa raunar sett smá
strik í reikninginn í íslensku her-
búðunum í þessari viku, og því var
kærkomið að eiga frí á mánudag og
yfirsetu í síðustu umferðinni í gær.
Það kom þó lítið niður á spila-
mennskunni í gær en Íslendingar
byrjuðu daginn á því að vinna
Hvíta-Rússland, 25:3, og mættu
síðan Ungverjum í öðrum leik.
Ungverjar eru á svipuðum slóðum
og Íslendingar og berjast um eitt
af sex efstu sætunum.
Ungverjarnir byrjuðu betur í
leiknum en síðan náðu Íslendingar
yfirhöndinni með tveimur tígul-
slemmum. Þetta var önnur slemm-
an:
Norður
♠K75
♥D943
♦KG6
♣D74
Vestur Austur
♠103 ♠G9864
♥ÁG108 ♥7652
♦43 ♦8
♣K9852 ♣1063
Suður
♠ÁD2
♥K
♦ÁD109752
♣ÁG
Eins og sést er hægt að henda 6
tíglum í suður í vegg; vandamálið
er að komast í slemmuna. Rúmlega
helmingur paranna, sem sátu NS í
mótinu, komust í 6 tígla en tæpur
helmingur spilaði geim, 3 grönd
eða 5 tígla. Þeirra á meðal voru
Ungverjarnir Honti og Szilagyi.
Bjarni Einarsson og Sigurbjörn
Haraldsson runnu í slemmuna:
Vestur Norður Austur Suður
Szalay Sigurbjörn Macskasy Bjarni
pass 1 grand pass 2 lauf
pass 2 hjörtu pass 2 spaðar
pass 3 grönd pass 4 lauf
dobl redobl pass 6 tíglar//
Grandopnunin sýndi 10–13 punkta
og Bjarni spurði um skiptingu og
háspil þar til hann taldi sig vita
nóg. 12 slagir fengust með því að
henda laufagosanum í hjarta-
drottningu.
Önnur tígulslemma bauðst
nokkrum spilum síðar:
Norður
♠KDG95
♥K109
♦652
♣104
Vestur Austur
♠1063 ♠8742
♥85432 ♥D6
♦DG ♦1073
♣KG6 ♣D953
Suður
♠Á
♥ÁG7
♦ÁK984
♣Á872
Eins og í hinu spilinu létu Ungverj-
arnir í NS sér nægja að spila 3
grönd og fengu 12 slagi.
Við hitt borðið sátu Jón Baldurs-
son og Þorlákur Jónsson NS. Þar
byrjaði Jón í suður á sterku laufi
og Þorlákur í norður sýndi undir-
tekt með spaðalit en að öðru leyti
jafna skiptingu og síðan kóngana í
hjarta og spaða. Það nægði Jóni
sem stökk í 6 tígla.
Ýmislegt þarf að ganga eftir til
að spilið vinnist, en vestur leysti
fyrsta vandamálið fyrir Jón þegar
hann spilaði út hjarta.
Jón drap drottningu austurs
með ás og tók tígulás og spilaði tíg-
uláttu þegar drottningin kom frá
vestri. En allt lá eins og best var á
kosið og Jón gat lagt upp þegar tíg-
ullinn lá 3-2. Ungverjar náðu að
svara fyrir sig í tveimur síðustu
spilum leiksins og unnu 16:14.
Verðlaunasætin í
augsýn á EM í brids
BRIDS
Varsjá
EVRÓPUMÓTIÐ
Evrópumótið í brids fer fram í Varsjá í
Póllandi dagana 12.–26. ágúst. Ísland
sendir lið til keppni í opnum flokki og
kvennaflokki.
Guðm. Sv. Hermannsson
Jón Baldursson er einn af ís-
lensku spilurunum í Varsjá.
Grunnur lagður
að góðum árangri
gegn Ungverjum
með tveimur
tígulslemmum
BREYTA þarf lögum svo erlendar
konur sem flust hafa hingað til lands
og sætt ofbeldi af hálfu eiginmanna
sinna, geti forðað sér frá ofbeldinu,
að sögn Sabine Leskopf, stjórn-
armanns í Samtökum kvenna af er-
lendum uppruna. Samtökin hafa
sent frá sér ályktun þar sem þau
mótmæla harðlega „brottvísun
fjölda erlendra kvenna sem ekkert
hafa til saka unnið annað en að forða
sér frá ofbeldisfullum eiginmönnum
sem skáka í skjóli óréttlátra laga og
harkalegrar stjórnsýslu“.
Fyrsta maí í ár var íslenskur
vinnumarkaður opnaður fólki frá
átta nýjustu aðildarríkjum ESB og
þá ítrekuðu stjórnvöld forgang
EES-borgara að íslenskum vinnu-
markaði. Sabine segir að fyrir þenn-
an tíma hafi staða þeirra kvenna
sem skilið höfðu við ofbeldisfulla eig-
inmenn vissulega verið erfið, enda
lögum samkvæmt hægt að vísa þeim
úr landi. Hins vegar hafi málunum
alltaf verið bjargað og eftir því sem
hún viti hafi engri konu í þessari
stöðu verið vísað úr landi fyrir 1.
maí.
Samtökunum hafi þó aldrei fund-
ist þetta duga og að mati þeirra sé
vandinn sá að margar konur þori
ekki að koma fram vegna þess að
eiginmenn hafi ákveðin vopn í hendi
gegn þeim. Þeir geti sagt konunum
að ef þær fari frá þeim muni lög
leyfa að þeim verði vísað úr landi.
Nú sé staðan mjög erfið því „Vinnu-
málastofnun segir bara að hún fari
eftir reglunum, fólk af Evrópska
efnahagssvæðinu hafi forgang og
allir sem koma frá löndum utan þess
fá ekki leyfi hér,“ segir Sabine.
Málið tvisvar sinnum
sofnað í nefnd
Hún segir að Vinstri grænir hafi á
Alþingi tvisvar sinnum lagt til að
lögum yrði breytt þannig að þessar
konur fengju undanþágu. Málið hafi
hins vegar í bæði skiptin sofnað í
allsherjarnefnd.
„Það hefur ekki einu sinni verið
rætt. Og það er nokkuð sem okkur
finnst ekki í lagi að þessi hópur sé
greinilega ekki nógu spennandi til
þess að ræða málefni hans. Við vilj-
um breytingar á þessum lögum til
þess að skapa öryggi,“ segir Sabine.
Nauðsynlegt sé að þessu verði
breytt sem fyrst.
Málin skoðuð í dóms-
og félagsmálaráðuneyti
Ekki náðist í Magnús Stefánsson
félagsmálaráðherra vegna málsins í
gær. Þær upplýsingar fengust hjá
Guðmundi Páli Jónssyni, aðstoð-
armanni ráðherra, að það væri til
skoðunar í dóms- og félagsmálaráðu-
neyti og væri niðurstöðu að vænta í
vikunni. Guðmundur Páll segir að
verið sé að fara yfir verklagsreglur.
Breyta þarf lögum til að
tryggja konunum öryggi
Morgunblaðið/ Jim Smart
Sabine Leskopf situr í stjórn Sam-
taka kvenna af erlendum uppruna
Mótmæla harð-
lega brottvísun
erlendra kvenna
Eftir Elvu Björk Sverrisdóttur
elva@mbl.is
SAMTÖK verslunar og þjónustu
vara við hærri gjaldtöku á bygging-
arvörum, en umhverfisráðherra
hyggst leggja fram frumvarp um
stofnun Byggingastofnunar, sem
fari með byggingarmál, brunamál,
eftirlit með byggingarvörum á
markaði, rafmagnsöryggismál og
eftirlit með lyftum. Þetta kemur
fram í frétt á vefsíðu samtakanna.
Í fréttinni kemur einnig fram að
við fjármögnun eftirlitsins með
byggingarvörunum sé gert ráð fyrir
að sérstakt gjald verði lagt á bygg-
ingarvörur. SVÞ vari við hærri
gjöldum á byggingarvörur sem
myndu bæði leiða til hærri bygging-
arkostnaðar og eftirlitskostnaðar
með innheimtunni.
SVÞ gerir ráð fyrir að leggja þurfi
um 0,3–0,4% gjald á almennar bygg-
ingarvörur til að fjármagna þær 200
milljónir á ári sem ætlunin er að inn-
heimta með þessum hætti.
Eftirlit á byggingarvörum á mark-
aði er ný þjónusta og ekki er ljóst
hvað telst til byggingarvara segir
ennfremur í fréttinni og gera megi
ráð fyrir að það geti orðið nokkuð
flókin reglusetning að skilgreina það
og gæta þess að jafnræði ríki á milli
framleiðenda og keppinauta.
Vara við hærri gjald-
töku á byggingarvöru
STJÓRN Vinstrihreyfingarinnar –
græns framboðs í Reykjavík segir í
ályktun að nú sé að koma á daginn að
mati á umhverfisáhrifum Kára-
hnjúkavirkjunar hafi að mörgu leyti
verið ábótavant. „[…] ennfremur
hefur undirbúningi og rannsóknum í
aðdraganda framkvæmdanna verið
áfátt, eins og sérfræðingar á sviði
jarðvísinda hafa áður haldið fram.
Ítrekað hefur Vinstrihreyfingin –
grænt framboð tekið undir varnað-
arorð þeirra sérfræðinga sem beint
hafa sjónum manna að áhættunni
sem er samfara byggingu virkjunar-
innar, staðarvali hennar og hönnun
mannvirkja,“ segir í ályktuninni.
Þar segir m.a. að ljóst sé að varn-
aðarorðin væru enn fleiri ef sérfræð-
ingar fengju að tjá sig á opinn og lýð-
ræðislegan hátt en væru ekki beittir
þrýstingi til að halda upplýsingum
leyndum fyrir almenningi. „Stjórn
VGR telur að nú sé mikilvægt að
fram fari óháð og gagnsæ rannsókn
á þeirri áhættu sem tekin er með
byggingu virkjunarinnar áður en
vatni verður veitt í Hálslón og tekur
þannig undir kröfu náttúruverndar-
samtaka þar að lútandi.“
Vilja óháða og gegn-
sæja rannsókn