Morgunblaðið - 05.09.2006, Blaðsíða 22

22|Morgunblaðið
STAFGANGA
Í LAUGARDAL
• Eykur vellíðan líkama og sálar
• Áhrifarík leið til heilsubótar
• Útivera og súrefni eykur þol
• Góð leið til líkamsræktar
• Gaman að ganga saman
www.s ta fganga. i sSuðurlandsbraut 20 – 108 Reykjavík – Sími 588 0200 – www.eirvik.is
-hágæðaheimilistæki
Með Magimix safapressunni er engin þörf
á töframeðulum til að hressa upp á heilsuna
Magimix safapressan er afar handhæg og einföld í notkun.
Á örskotsstund má töfra fram með henni vítamínríka og
kaloríusnauða ávaxta- og grænmetisdrykki sem hressa
bæta og kæta. Magimix safapressuna er auðvelt að þrífa,
hún er stílhrein, krafmikil og endingargott töfratæki.
Töfratæki
fyrir heilsuna og línurnarvilb
or
ga
@
ce
nt
ru
m
.is
Fæst með
berjapressu
F
yrir átján árum eign-
aðist ég barn en fæð-
ingin var mjög erfið.
Ég tognaði illa í
mjaðmargrind og mjó-
hrygg og hafði mikla verki eftir fæð-
inguna,“ segir Harpa, en hún var þá
á öðru ári í sjúkraþjálfun. „Ég hafði
fram að því verið í fimleikum og
djassballett sem eftir fæðinguna var
vonlaust fyrir mig að stunda.
Ég var vitaskuld ekki sátt og
fór að lesa mér til og þróaði
smám saman æfingakerfi sem
virkaði það vel að ég náði fljót-
lega fullri heilsu.“
Þegar Harpa síðan útskrifaðist
sem sjúkraþjálfari hóf hún að kenna
bakleikfimi og hefur gert það síðan,
auk þess sem hún hefur bætt við sig
í námi. „Ég hef lokið sérfræðinámi
og mastersnámi í skoðun á hrygg og
útlimaliðum (manual therapy) og er
núna í doktorsnámi við Háskóla Ís-
lands.
Í sérnáminu beindi ég athyglinni
að mjaðmargrind, mjöðmum og
mjóhrygg en í mastersnáminu að
hálshrygg og hálstognunum. Dokt-
orsverkefnið mitt fjallar hins vegar
um starfsemi axlargrindarinnar en
þar hef ég verið að þróa aðferðir til
þess að meta truflanir á hreyfist-
arfsemi herðablaðs hjá fólki með og
án einkenna frá hálshrygg.“
Einhæft álag og kyrrsetuvinna
Harpa segir að klínísk reynsla við
meðhöndlun fólks með einkenni frá
hálsi og herðum bendi til truflunar á
stöðu og vöðvavirkni í kringum
herðablaðið. „Það hafa hins vegar
engar rannsóknir verið gerðar sem
staðfesta þetta. Það er frábært að
geta kennt samhliða því að vera í
námi því þannig get ég alltaf miðlað
því nýjasta í þessum fræðum og
hagnýtt það, en ég kenni einnig
nemum í sjúkraþjálfun við lækna-
deild HÍ og hef auk þess haldið
námskeið fyrir sjúkraþjálfara.“
Hún segir bak- og hálsverki mjög
algenga í okkar samfélagi. „Ástæð-
una má oftast rekja til einhæfs álags
við langvarandi setu og kyrrstöðu-
vinnu, til áverka, meðfæddra galla
og svo sjúkdóma. Það er talið að um
80% fólks finni einhvern tímann til í
baki og um 60% í hálsi. Svo virðist
sem tíðnin fari hækkandi og það
sem vekur ugg er að það er æ al-
gengara að ungt skólafólk, sem ekki
er einu sinni komið út á vinnumark-
að, kvarti í vaxandi mæli um ein-
kenni frá stoðkerfinu. Það má að öll-
um líkindum rekja til lélegs
líkamsástands, mikillar setu og
kyrrstöðu.“ Sjúkraþjálfarinn segir
bakleikfimi langt frá því að vera ein-
hæfa. „Ég er með hópa í Hreyfi-
greiningu og eins í sundlaug Hrafn-
istu og í Grensáslaug.
Vatnsleikfimin hentar mjög vel
þeim sem finna fyrir auknum verkj-
um í æfingum á gólfi. Ég legg
áherslu á að þjálfa mikilvæga vöðva
í hálsi, baki, axlargrind, mjaðm-
argrind og mjöðmum. Þá lærir fólk
að anda rétt, hvernig á að virkja
grindarbotnsvöðvana og draga úr
óæskilegri vöðvaspennu án þess þó
að draga úr virkni djúpu vöðvanna
sem styðja við liðina.
Í leikfiminni eru svo þjálfuð upp
hreyfimynstur sem eru góð fyrir
vöðva og lögð er áhersla á að sam-
tvinna þessi mynstur hversdags-
legum athöfnum þannig að þau
verði ómeðvituð. Liðkandi æfingar
og vöðvateygjur, sem auka líkams-
vitund, samhæfingu og jafnvægi,
eru einnig þjálfaðar upp auk þess
sem unnið er að því að auka almennt
úthald og álagsþol líkamans.“
Bakið gegnir
burðarhlutverki
Það var persónuleg reynsla sem
varð til þess að Harpa Helga-
dóttir, sjúkraþjálfari og dokt-
orsnemi við Háskóla Íslands,
einbeitti sér að því að rannsaka
og þróa leikfimi fyrir bakið sem
hún kennir í dag.
Styrkjandi Bakleik-
fimin byggist á æf-
ingum sem styrkja
og liðka bak- og háls-
vöðva.
Morgunblaðið/Árni Sæberg
Heilsuerindreki Harpa Helga-
dóttir, sjúkraþjálfari og dokt-
orsnemi, hjálpar fólki sem glímir
við stoðkerfis- og vöðvaverki.
TENGLAR
..............................................
www.bakleikfimi.is
Vöðvaspenna Ungt fólk
kvartar í vaxandi mæli undan
verkjum í baki og hálsi sem senni-
lega má rekja til lífsstíls.