Morgunblaðið - 05.09.2006, Blaðsíða 28

28|Morgunblaðið
Vestlandslefsa með
skinkufyllingu
1 Vestlandslefsa
1 sneið skinka
½ epli
½ dl kotasæla
1 msk. fersk basilíka
½ gul paprika
2 msk. smurostur
með pipar
Það er gott að eiga
Vestlandslefsur í eld-
hússkápnum en þær
hafa mikið geymsluþol.
Bleytið lefsu og látið
standa í um 10 mínútur
eða þar til hún er orðin
mjúk. Skerið skinku í
bita, rífið epli niður og
hrærið hvoru tveggja sam-
an við kotasælu og ferska
basilíku. Dreifið úr hrærunni
yfir helminginn af kökunni.
Smyrjið smurostinum á hinn
helminginn og leggið paprikuna þar
yfir. Rúllið kökunni upp og pakkið vel
í plast eða álpappír.
Brauð með tómötum
og þistilhjörtum
fyrir 2
4 msk. smurostur
2 heilkorna-
brauðsneiðar
4 salatblöð
2 tómatar, skornir í
sneiðar
4 þistilhjörtu,
skorin í bita
1 tsk. sítrónusafi
salt og pipar
Smyrjið smurosti á brauðið, leggið
salatblað, tómatsneiðar og þist-
ilhjörtu
ofan á og dreypið síðan sítrónusaf-
anum yfir allt saman. Saltið og piprið.
Ef ætlunin er að taka þessa brauð-
sneið með sem nesti þá er snjallt að
smyrja aðra brauðsneið með smur-
osti og leggja yfir svo úr verði sam-
loka áður en henni er pakkað inn.
Heilsunammi
heslihnetur
möndlur
sólblómafræ
graskersfræ
rúsínur
döðlubitar
litlar gráfíkjur
þurrkað mangó
Blandið saman heslihnetum,
möndlum, sólblómafræjum og gras-
kersfræjum í líkum hlutföllum og
ristið á pönnu. Setjið í skál og blandið
saman við þurrkuðum ávöxtum til
dæmis rúsínum og döðlubitum. Úr-
valið í verslunum er orðið svo
mikið að það er um að gera að
prófa. Setjið í litla poka og hafið með í
farteskinu í dagsins önn. Ótrúlega
gott, saðsamt orkuríkt og heilsu-
samlegt nasl. Hnetur innihalda holla
fitu og möndlur þar að auki kalk.
Þurrkaðir ávextir, ýmis hollefni og
góðar trefjar.
Bulgursalat með túnfiski
fyrir 2–4
4 dl bulgur
6½ dl vatn
3 msk. fljótandi grænmetiskraftur
½ dl furuhnetur
4 aspas
250 g kokkteiltómatar
½ rauðlaukur
200 g spínat
1 dós túnfiskur í olíu
örlítið ferskt timían
Sósa:
2 msk. ólífuolía
1 sítróna, safi
salt og pipar
1 hvítlauksgeiri
Setjið vatn, bulgur og grænmet-
iskraft í pott og látið sjóða í nokkrar
mínútur. Látið standa í 10 mínútur og
hellið þá umframvökvanum af. Ristið
furuhnetur á þurri pönnu. Skerið
burt neðsta hluta aspasins og steikið
á pönnu smá stund.(Það má líka nota
niðursoðinn aspas en hann er ekki
eins góður). Skerið tómata í helm-
inga, rauðlauk í þunnar skífur og spí-
natið gróft og blandið öllu saman.
Hrærið öllu sem á að fara í sósuna
saman og hellið henni yfir.
Setjið í skál og dreifið túnfisknum
yfir í litlum hrúgum hér og þar og síð-
an timían yfir allt saman. Tilvalið er
að setja salatið í rúmgott nestisbox og
taka með í vinnu eða skóla ásamt
grófu brauði.
Hollt snarmeti í nesti
Morgunblaðið/Eggert
Brauð með tómötum og þistilhjörtum.
Það er skemmtilegt og spennandi að taka með sér nýtt nesti í vinnuna eða skólann í stað þess að grípa eitthvað minna
skynsamlegt. Heiða Björg Hilmisdóttir næringarráðgjafi töfraði fram girnilegt nesti sem enginn fær staðist.
Morgunblaðið/Eggert
Heilsunammi.
Bulgursalat með túnfiski.
Vestlandslefsa með skinkufyllingu.
„ÞAÐ ER góð fjárfesting að huga að heilsunni með því að borða vel sam-
settan og hollan mat. Nesti er gott að undirbúa eða búa til kvöldinu áður ef
tíminn er lítill á morgnana. Það þarf ekki að vera flókið, galdurinn felst í
því að búa til nesti sem þér finnst gott. Mikilvægt er að pakka matnum vel
inn og geyma í kæli þar til þess er neytt, þar sem það er mögulegt. Nestið
verður einnig miklu ferskara ef sósur, olíur og annar lögur er settur á mat-
inn þegar komið er að matmálstíma en slíkar er gott að geyma í sérstökum,
litlum ílátum.“
Hollráð frá Heiðu Björgu