Morgunblaðið - 05.09.2006, Blaðsíða 23

Morgunblaðið |23
Þ
að var körfuboltaæði
þegar við vorum á
þessum aldri, enda
Michael Jordan á há-
punkti ferilsins. Pabbi,
Ragnar Torfason, hafði einnig æft
körfubolta og var að þjálfa og dró
okkur félagana á æfingu hjá Fylki.
Við fórum síðan í Fjölni enda
bjuggum við í Grafarvoginum og
þegar Þorsteinn byrjaði í skólanum
okkar í 9 ára bekk sáum við sam-
stundis efni í honum,“ segir Árni
og hlær.
„Já, þeir drógu mig eiginlega í
körfuna um leið og þeir sáu mig,
segir Þorsteinn, sem segist hafa
verið frekar hávaxinn miðað við
aldur.
Engin staðalhæð í körfunni
„Annars er það ekkert úrslita-
atriði. Annað skiptir líka máli, eins
og snerpa og sprengikraftur. Fé-
lagsskapurinn var líka og er frá-
bær og það skiptir miklu máli, ekki
síst í yngri flokkunum. Pabbi hans
Árna var mjög skemmtilegur þjálf-
ari og gætti þess að allir í hópnum
fengju að njóta sín.“
Árni Þór bendir á varðandi hæð-
ina að sá sem sé hávaxnastur í
yngri flokkunum geti hæglega ver-
ið orðinn lágvaxnastur í hópnum
þegar komið sé upp í meist-
araflokk. „Lítið bara á mig,“ segir
hann hlæjandi og ítrekar að enginn
ætti að láta staðalímyndir um hæð
aftra sér frá því að fara að æfa
körfubolta. „Þetta er skemmtileg
íþrótt, það er það sem skiptir máli,
auk þess sem hefur áður komið
fram – að hafa góða skottækni,
vera útsjónarsamur og að vera á
réttum stað á vellinum á réttum
tíma, bæði til þess að skora körfur
og eins til þess að gefa sendingar á
þá sem gætu verið í betri stöðu en
maður sjálfur.“ Í dag er alvaran og
keppnin meiri en í yngri flokk-
unum. „Við æfum sex sinnum í
viku og erum þess á milli á auka-
æfingum. Það er því nóg að gera
því auk þess eru við allir í skóla.“
Þeir segja aðspurðir að íþróttirnar
hafi tvímælalaust gefið þeim mikið
og hjálpað.
„Í íþróttunum hefur maður lært
að aga sjálfan sig og skipuleggja
og það hlýtur að vera gott vega-
nesti í lífinu.“
Eitthvað sem þið viljið segja að
lokum? „Áfram Fjölnir!“
Morgunblaið/RAX
Karfan er ekki bara fyrir hávaxna
Æskuvinirnir Árni og Árni Þór hafa æft körfubolta frá því þeir voru fimm ára og fjórum árum
síðar var nýr vinur, Þorsteinn, dreginn á æfingu. Nú eru þeir orðnir nítján, æfa sex sinnum í
viku og spila með meistaraflokki Fjölnis í úrvalsdeildinni.
» „Lítið bara á mig,“ segir hann hlæjandi og
ítrekar að enginn ætti að láta staðalímyndir um
hæð aftra sér frá því að fara að æfa körfubolta.
Árni ÞórÁrni Þorsteinn
Lífræn
hollusta
Glæsilegt úrval!
Eden organic & Hodgson mill vörur