Morgunblaðið - 07.09.2006, Page 18

daglegtlíf
Hörð vísindi liggja að baki al-
vöru bolla af espresso-kaffi,
enda tileinka Ítalir heila stofnun
fræðunum. » 20
matur
Skíðaíþróttin er vinsæl vetrar-
íþrótt og margir bregða sér út
fyrir landsteinana á veturna til
að bruna niður brekkurnar. » 22
ferðalög
Það getur borgað sig að vera
vel vakandi fyrir góðum til-
boðum þegar helgarinnkaupin
eru gerð. » 24
neytendur
Smærri viðkomustaðir eru oft í
meira uppáhaldi hjá Ian Watson
en stórborgirnar með sínum ys
og þys. » 22
daglegt
Litlir kassar á lækjarbakka,búnir til úr dinga-lingaenda eru þeir allir eins“er það fyrsta sem blaða-
manni dettur í hug þegar hann
keyrir um þrettánkranahverfið en
svo kallast Norðlingaholtið í
Reykjavík um þessar mundir enda
skaga byggingakranar þar upp úr
öllu eins og gíraffar á grassléttu.
Þegar blaðamaður er á ferð eru
allir vinnuskúrarnir fullir af smið-
um og kranamönnum í morgun-
kaffi. Í einum skúrnum situr Þor-
grímur Hákonarson með svart kaffi
í bolla og maular á kexköku, hann
er verkstjóri yfir byggingu iðn-
aðarhúsnæðis í holtinu og er yfir
átta mönnum að staðaldri, fleirum
þegar meira liggur við. „Ég held ut-
an um hlutina; fer yfir teikningar,
segi mönnunum til og held verkinu
gangandi,“ segir Þorgrímur að-
spurður út í sitt hlutverk. „Við byrj-
uðum á verkinu fyrir um þremur
mánuðum og eigum eftir um hálfan
mánuð en þá erum við búnir að
steypa húsið upp og aðrir taka við
að klæða það og innrétta en við
færum okkur í annað verkefni. Við
erum svokallaður mótahópur, setj-
um upp mótin og steypum.“
Það er bara fyrir sönn hraust-
menni að vera í byggingarvinnu því
vinnudagurinn er langur og strang-
ur. „Vinnan byrjar klukkan átta að
morgni og er oft til klukkan átta að
kvöldi og yfirleitt er unnið á laug-
ardögum,“ segir Þorgrímur, fær
sér kaffisopa og lítur út um
gluggann.
Á löngum vinnudögum er alltaf
gott að taka kaffipásu og þeir fá
þrjár slíkar hálftímapásur yfir dag-
inn. Þorgrímur tekur yfirleitt með
sér nesti í vinnuna og þennan dag-
inn er hann með smurðar samlokur
og kexpakka. Aðspurður hvort
hann smyrji samlokurnar sjálfur
segist hann yfirleitt gera það en
konan hans smyrji nú líka stundum
fyrir hann. Honum finnst þetta
ágætlega öflugur matur fyrir svona
kröfuharða vinnu en annað slagið
fer hann og kaupir sér heitan mat í
hádeginu til tilbreytingar.
Blaðamaður tekur eftir því að
það eru engir kaffibrúsar á borðum
í vinnuskúrnum og spyr hvort kaffi-
brúsakarlarnir séu liðnir undir lok.
„Það held ég,“ segir Þorgrímur og
hlær. „Við erum hér í skúrnum með
fína sjálfvirka kaffikönnu sem hell-
ir uppá fyrir okkur svo við þurfum
ekki að koma með kaffi að heiman.“
Auk kaffiskúrsins eru þeir með
verkfæraskúr, fataskúr, salern-
isskúr og skrifstofuskúr.
Vert þykir blaðamanni að spyrja
Þorgrím hvernig honum finnist
vinnan sín. „Þetta er skemmtilegt
starf, fjölbreytt og krefjandi eins
og ég vil hafa það og svo umgengst
maður mikið af fólki og er alltaf að
kynnast nýjum og nýjum mann-
skap.“ Spurður hvort hann hafi
unnið við byggingarvinnu í mörg ár
svarar hann hógvær: „Já, ætli ég
hafi ekki fæðst með hamarinn í
hendinni, sonur smiðs og tveir
bræður mínir smiðir,“ segir Þor-
grímur og stendur upp enda kaffi-
tíminn liðinn og tími til kominn að
hefjast handa að nýju við að reisa
litla kassa.
Eftir Ingveldi Geirsdóttur
ingveldur@mbl.is
Nesti Þorgrímur tekur yfirleitt með sér smurðar samlokur í vinnuna.
Morgunblaðið/Eyþór
Smiður Þorgrímur er sonur smiðs og tveir bræður hans eru smiðir.
Þrettánkranahverfið Byggingakranar tróna víða í Norðlingaholtinu.
„HANN var rosalega hissa og hélt að þetta
væri símaat og skildi ekkert í þessu,“ segir Sæ-
rún Sigurpálsdóttir níu ára, um frænda sinn
Sigurð Baldursson, þegar hann fékk símhring-
ingu þar sem honum var tilkynnt að hann hefði
unnið fyrstu verðlaun í getraun Ljós-
myndasafns Reykjavíkur, en Særún hafði sent
inn svörin í hans nafni, án hans vitundar. „Sig-
urður er bróðir hennar mömmu og hann fékk
flotta stafræna myndavél í verðlaun. Við pabbi
ætluðum að segja honum að við hefðum sett
nafnið hans á eitt svarblaðið, en við gleymdum
því alveg. Þess vegna kom þetta svona á
óvart.“
Særún segir að hún og pabbi hennar hafi
svarað getrauninni í fjórum eintökum. „Þegar
við vorum búin að merkja eitt þeirra með mínu
nafni, annað með pabba nafni og það þriðja
með mömmu nafni, þá vissum við ekkert hvaða
nafn við ættum að setja á það fjórða en þá datt
mér bara í hug að merkja það með nafni
frænda míns.
Við erum búin að taka myndir á nýju mynda-
vélina sem er mjög flott og af því að frændi
minn á ekki tölvu, þá setjum við myndirnar í
tölvuna heima hjá mér og skoðum þær saman
þar,“ segir Særún sem fékk ljósmyndabók frá
Ljósmyndasafni Reykjavíkur fyrir framtakið.
Sendi svör í
nafni frænda
Ánægja Sigurður og Særún alsæl saman með verðlaunamyndavélina góðu.
Fæddist með hamar í hendi
|fimmtudagur|7. 9. 2006| mbl.is