Morgunblaðið - 21.09.2006, Blaðsíða 20

20 FIMMTUDAGUR 21. SEPTEMBER 2006 MORGUNBLAÐIÐ
MINN STAÐUR
Samvera fyrir eldri borgara í Glerárkirkju
í dag, fimmtudaginn 21. september kl. 15:00-16:30.
Örn Viðar Birgisson tenór ætlar að syngja við undirleik
Hjartar Steinbergssonar, upplestur, fróðleikur, ljóð o.fl.
Kaffiveitingar að venju, almennur söngur
og helgistund í lok samveru.
Verið öll hjartanlega velkomin.
Ath. Bíll frá Lindasíðu kl. 14:50 og heim aftur kl. 16:30.
Glerárkirkja
GLERÁRKIRKJA
SLÆMT hret gerði í Eyjafirði síðari
hluta maímánaðar í sumar. Ævar
Petersen segir að eitthvert samband
sé á milli máva og þess að mófuglar
sjáist ekki, eins og Björn Stefánsson
refaskytta sagði í blaðinu í fyrradag,
„en ekki má gleyma því að sumarið í
sumar hefur verið með afbrigðum lé-
legt á Norðurlandi hvað þessa smá-
fugla snertir, sem rekja má til hrets-
ins í kringum 20. maí þegar allt fór á
kaf. Í framhaldi þess hafa þessir
smáfuglar – þúfutittlingar, hrossa-
gaukar, stelkar og fleiri – fundist
dauðir í tugatali undir börðum. Það
hafa orðið meiri háttar dauðsföll í
þessum stofnum í hretinu í vor,“
sagði Ævar í gær.
Mikið drapst af fuglum
í hretinu í Eyjafirði í vor
Morgunblaðið/Skapti Hallgrímsson
Hret Hross híma í norðaustan hvassvirði og snjókomu fyrir utan Akureyri í
maí í vor. Smáfuglar drápust á þeim tíma í stórum stíl.
AKUREYRI
ÆVAR Petersen fuglafræðingur
telur ólíklegt að mávar hafi útrýmt
mófugli inn til dala í Eyjafirði, eins
og Björn Stefánsson refaskytta hélt
fram í Morgunblaðinu í vikunni.
Ævar vill þó ekki útiloka það, en
segir þetta ekki hafa verið rann-
sakað. „Ég get ekkert fullyrt því
okkur vantar gögn en það er margt
sem getur spilað inn í,“ segir Ævar
Petersen í samtali við Morgunblað-
ið.
Björn Stefánsson sagði í Morg-
unblaðinu í vikunni að þegar hann
hefði legið á greni síðustu ár hefði
hann séð stóra flokka máva koma
fljúgandi og vappa síðan skipulega
um móana og éta egg úr hreiðrum.
„Þetta sér maður í öllum hliðardöl-
um út frá Eyjafirði, meira að segja
lengst inni í afdölum, marga kíló-
metra frá mannabyggð,“ sagði
Björn.
En Ævar segir: „Ég er ansi
hræddur um að mávar sem sjást
svona inn til dala séu fyrst og
fremst að ná sér í skordýr, en ekki
egg og unga. Ég hef oft séð það.“
Ævar nefnir að munur sé á máva-
tegundum. „Það er stór spurning
um hvaða máva hann er að tala.
Mikið er talað um sílamáv í Reykja-
vík, að hann sé hinn versti vargur
sem þurfi að fækka en í Eyjafirði er
ekki mikið um sílamáv; smá varp í
Krossanesborgum og eitt og eitt par
verpir annars staðar.“
Ævar segir tvær mávategundir
vanalega áberandi í Eyjafirði;
hettumáv og stormmáv. „Storm-
mávur er reyndar enn frekar sjald-
gæfur fugl hér á landi en honum fer
fjölgandi. Við teljum hann á fimm
ára fresti, ég og Sverrir Thorsten-
sen kennari við Glerárskóla, og síð-
ustu 20–25 ár hefur honum fjölgað
að meðaltali um nærri 8% á ári.
Maður sér þá oft í hópum í nýrækt
og þá aðallega við að éta maðk.“
Ævar segir mörgum þykja hettu-
mávur leiðinlegur fugl og Akureyr-
ingar hafi eins og aðrir oft argast út
í hann, „en síðan 1980 hefur honum
fækkað um 2% á ári.“
Björn viðraði þá skoðun sína í
Morgunblaðinu í vikunni að máv
mætti að einhverju leyti kenna um
ástand rjúpnastofnsins. Ævar nefn-
ir að gjarnan sé því haldið fram að
sílamávur hafi áhrif á rjúpnastofn-
inn „en maður spyr sig að því hvers
vegna rjúpu fækkar þá þar sem síla-
mávurinn er ekki. Og hettumávur er
búinn að vera æði lengi í landinu en
ég held að engum hafi dottið í hug
að hann hafi þessi áhrif á rjúpuna.“
Ævari Petersen finnst ólíklegt að mávur hafi útrýmt mófugli
Mávar í móum eru
yfirleitt í skordýraleit
Morgunblaðið/Skapti Hallgrímsson
Máfur eða máfur Þessir ungu hettumáfar - Larus ridibundus - sveimuðu
við Glerá á Akureyri í vikunni. Þetta eru líklega ungir fuglir.
Stormmávi fjölgar en
hettumávi fækkar
»Tvær mávategundir eruáberandi í Eyjafirði; storm-
mávur og hettumávur.
»Stormmávi hefur fjölgað aðmeðaltali um 8% á ári í
Eyjafirði síðustu 20–25 ár.
»Hettumávi hefur fækkaðum 2% á ári síðan 1980 en
Ævar og Sverrir Thorstensen
kennari telja fuglana á fimm
ára fresti.
Í HNOTSKURN
Reykjavík | Frank Cassata hefur
sent Hönnu Birnu Kristjánsdóttur,
forseta borgarstjórnar Reykjavíkur,
bréf þar sem hann lýsir yfir áhyggj-
um sínum vegna nýrrar bensínstöðv-
ar Essó við Umferðarmiðstöðina.
Hann segir ljóst að stöðin verði í
Vatnsmýrinni um ókomin ár og eina
lausnin, til að svo verði ekki, sé að
stöðva framkvæmdir nú þegar og
færa landið aftur í fyrra horf með
það að leiðarljósi að það geti nýst
Landspítalanum og þar með almenn-
ingi.
Fyrr í sumar mótmælti Frank
Cassata fyrirhuguðum framkvæmd-
um og stóð fyrir undirskriftasöfnun
þess efnis á meðal íbúa í nágrenninu.
Framkvæmdir voru stöðvaðar þar
sem tilskilin leyfi lágu ekki fyrir en
um tveimur vikum síðar gaf bygg-
ingarfulltrúinn í Reykjavík út tak-
markað byggingarleyfi til handa
Esso. Þá kom fram hjá Gísla Mar-
teini Baldurssyni, formanni um-
hverfisráðs Reykjavíkurborgar, að
takmarkað byggingarleyfi þýddi
m.a. að breytti borgin afstöðu sinni
til svæðisins þyrfti fyrirtækið að
skila lóðinni í því ástandi sem hún
var áður en framkvæmdir hófust.
Fram hefur komið að samningur
Esso við Reykjavíkurborg renni út
2016 og þá fái Landspítalinn lóðina.
Frank Cassata trúir því ekki og seg-
ir að framhaldið sé undir Esso kom-
ið. Hann vill fá úr því skorið hvort
Esso eða Reykjavíkurborg ráði og
hefur óskað eftir fundi með borgar-
stjóra um málið.
Mótmælir
enn bens-
ínstöð
Telur að Essóstöðin fari
ekki úr Vatnsmýrinni
Borgarstjórn Reykjavíkur sam-
þykkti samhljóða á fundi sínum í
fyrradag að vísa tillögu um að
skoða möguleika á að hefja und-
irbúning að gjaldfrjálsum grunn-
skóla til menntaráðs.
Talsverð umræða varð í borg-
arstjórn um tillögu Vinstri grænna
um að hætta gjaldtöku í grunn-
skólum Reykjavíkur. Fulltrúar
Sjálfstæðisflokks og Framsókn-
arflokks vildu fella tillöguna en
fulltrúar Samfylkingarinnar að
henni yrði vísað til menntaráðs.
Fulltrúi Frjálslyndra lýsti stuðningi
við tillögu Vinstri grænna.
Flestir vildu umræðu um málið
en töldu það ekki tímabært. Svan-
dís Svavarsdóttir, oddviti Vinstri
grænna, lagði þá fram breytingu á
tillögunni í þá veru að skoða mögu-
leika á að hefja undirbúning að
gjaldfrjálsum grunnskóla. Þá var
samþykkt með 15 samhljóða at-
kvæðum að vísa tillögunni þannig
breyttri til menntaráðs.
Vilja gjaldfrjálsa
grunnskóla
Á FUNDUM borgarstjórnar eru
borgarfulltrúar jafnan ávarpaðir
þannig að fyrst er nefnt orðið borg-
arfulltrúi og síðan nafn fulltrúans.
Það finnst Stefáni Jóni Stefánssyni,
varaborgarfulltrúa, ekki rétt orða-
röð og tók hann þetta upp á liðnum
borgarstjórnarfundi.
Stefán Jóhann óskaði eftir að
málið yrði tekið til umræðu og
fengnir íslenskufræðingar til að
gefa álit um hvort þetta samræmd-
ist íslenskum reglum og venjum.
Hanna Birna Kristjánsdóttir, for-
seti borgarstjórnar, svaraði því til
að þetta mál yrði tekið til umræðu.
Ræða rétta orða-
röð í borgarstjórn
Reykjavík | Nemendur í Suður-
hlíðarskóla eru byrjaðir að taka
upp kartöflur í kartöflugarði skól-
ans og eru ánægðir með upp-
skeruna. „Uppskeran er ágæt og
nemendur njóta hennar í skólan-
um,“ segir Steinunn H. Theodórs-
dóttir, skólastjóri Suðurhlíðar-
skóla.
Suðurhlíðarskóli er rekinn sjálf-
stætt og stendur neðst í Öskjuhlíð-
inni. 44 nemendur eru í 1. – 10.
bekk. Steinunn segir að náttúru-
svæðið í kring sé mikið notað í
kennslunni og í lundinum, þar sem
nemendur hafi sett niður kartöflur
undanfarin þrjú ár, sé verið að
byggja upp utanhúss náttúru-
fræðikennslustofu. „Þarna ræktum
við allt mögulegt, til dæmis kart-
öflur og tré, og auk þess er mikið
dýralíf á svæðinu, fuglar, sniglar,
kóngulær og fleira,“ segir hún.
„Krakkarnir eru þarna í útitímum
tvisvar í viku, hvernig sem viðrar,
rannsaka það sem fyrir augu ber
og læra um lífið og náttúruna.“
Steinunn segir að þó nokkur
vinna fylgi kartöfluræktinni.
Krakkarnir setji útsæðið niður á
vorin og eftir að hafa tekið kartöfl-
urnar upp á haustin vinni þeir ým-
is verkefni í stærðfræði, íslensku
og öðrum greinum í tengslum við
ræktina. Nemendurnir flokki kart-
öflurnar, vigti þær og telji. „Þetta
er mikilvægur þáttur í kennsl-
unni,“ segir Steinunn H. Theo-
dórsdóttir, skólastjóri.
Góð uppskera hjá nem-
um Suðurhlíðarskóla
Morgunblaðið/Kristinn
Ánægja Nemendur 1. – 4. bekkjar Suðurhlíðarskóla í Öskjuhlíð í Reykjavík tóku gærdaginn snemma í lundinum
góða skammt frá skólanum og skemmtu sér við ánægjulegt, árlegt haustverkefni sem er að taka upp kartöflur.
Eftir Steinþór Guðbjartsson
steinthor@mbl.is