Morgunblaðið - 21.09.2006, Blaðsíða 27

götunni þar, kölluðu á mig og buðu
mér að setjast til að spjalla. Alla
vikuna sat ég svo með þeim í
morgunmat, fór yfirleitt út að hjóla
um miðjan daginn og um kvöldmat-
arleytið þegar ég kom til baka sátu
þau þarna ennþá og þá settist ég
niður aftur og spjallaði fram eftir
kvöldi. Svona taka Grikkir vel á
móti manni og mér finnst það æð-
islegt,“ segir Ólöf sem starfar sem
jarðfræðikennari og kennslustjóri í
Menntaskólanum í Reykjavík.
Lifði beint af náttúrunni
Aðspurð hvað sé minnisstæðast
úr ferðunum fimmtán verður Ólöf
hugsi og þögul í langan tíma og
segir það svo líklega vera tilfinn-
inguna sem hún fékk í fyrsta skipti
sem hún kom til Grikklands, þá var
eins og friður kæmi yfir hana og sú
tilfinning gerir vart við sig í hvert
sinn sem hún stígur á gríska
grund. „Mér er líka minnisstætt
þegar ég lifði beint af náttúrunni.
Ég hitti ferðalang sem lifði á nátt-
úrunni og var búinn að gera það í
einhverjar vikur. Hann kenndi mér
að borða kaktusa, rætur og alls
konar ávexti sem ég vissi ekki einu
sinni að væru ætir. Ég lifði af nátt-
úrunni í þrjá daga og þótti það
mjög spennandi en hefði ekki viljað
gera það lengur enda orðin svolítið
svöng þarna á þriðja degi.“ Ólöf
segist yfirleitt ekki skoða neitt sér-
stakt í ferðum sínum til Grikklands
en hún hafi samt komið á flesta
vinsælustu ferðamannastaðina. „Á
Krít skoða ég alltaf Samaria-
gljúfrið sem er lengsta gljúfur í
Evrópu, þar nýt ég þess út í ystu
æsar að skoða gróðurinn og dýra-
lífið. Annars er ég bara í slökun og
ekkert að stressa mig á að skoða
neitt.“
Sextánda ferðin í sjónmáli
Þótt Ólöf sé búin að fara svona
oft til Grikklands hefur hún ferðast
til margra annarra landa en ekki
fallið fyrir neinu þeirra eins og
Grikklandi. „Ég hef reynt að
breyta til, sleppa Grikklandsferð-
inni og fara annað en áður en ég
veit af er ég búin að bóka flug til
Aþenu. Allir vinir mínir eru hættir
að reyna að fá mig eitthvert annað.
Þetta er orðið þannig að einn dag-
inn tilkynni ég að ég ætli til Grikk-
lands og kannski kemur einhver
með mér og kannski ekki. Mér
finnst mjög gott að ferðast ein, þá
kynnist ég fleirum og stjórna mín-
um ferðum sjálf.“
Ást Ólafar á landinu er komin
svo langt að hún er að skoða hús á
Grikklandi með hugsanleg kaup í
huga. „Það á örugglega eftir að
enda með því að ég kaupi mér lítið
eyðibýli þarna einn daginn.“ Ólöf
er þegar búin að skipuleggja sex-
tándu Grikklandsferðina að ári.
„Vinkona mín og sonur hennar
ætla með mér og Elínu og við ætl-
um að ferðast öll saman um landið
í nokkrar vikur.“
Mannlíf Á kaffihúsum hittast íbúar og spjalla.
ingveldur@mbl.is
Hvolfþak Kirkjuþak á eyjunni Santorini. Gljúfrið Samaria-gljúfrið er vinsælt hjá Ólöfu.
MORGUNBLAÐIÐ FIMMTUDAGUR 21. SEPTEMBER 2006 27
,,Undirbúningur fyrir veturinn,
þannig er starfssvið mitt á Hebron
Hostel skilgreint. Til þess að gera
allt klappað og klárt fyrir vætusam-
an veturinn þarf að endurraða öllu
á þakveröndinni, mála, henda rusli
og ég veit ekki hvað og hvað.
Fyrstu vinnudagarnir hafa því ein-
kennst af botnlausu striti í 30–40
gráðu hita. Mjög gefandi og fræð-
andi starf. Í dag lærði ég til dæmis
að þrífa upp dauðan villikött.
Eins og ég sagði þá hef ég hent
miklu rusli frá því ég byrjaði,
vinnuveitanda mínum – sem heitir
Asah – til miklar mæðu. Hann hefur
nefnilega þann ágæta sið að safna
rusli. Annar siður sem hann hefur
tamið sér eru daglegar hassreyk-
ingar. Þegar þessi fimmtugi hass-
haus verður rammskakkur á kvöld-
in er hann ekki viðræðuhæfur um
annað en hass, sama hvert umræðu-
efnið er. Hans innlegg í pólitíska
umræðu í setustofunni nýverið var:
,,Hassan Nasrallah, leiðtogi Hizbol-
lah, framleiðir besta hass sem ég
hef smakkað.“ Sem getur sjálfsagt
verið alveg rétt. Nasrallah hefur
byggt veldi sitt á maríjúanarækt og
hluti þess svæðis sem Hizbollah-
liðar og Ísraelar kljást um á landa-
mærunum eru einmitt kannabis-
akrar í hans eigu.
Í nótt vaknaði ég við tvo ísraelska
lögreglumenn sem stóðu vopnaðir
inni í svefnálmunni og skipuðu ein-
um gestinum að hunskast á lappir.
Hann var síðan handtekinn og
færður í yfirherslu út á löggustöð.
Á meðan ég reyndi að festa svefn á
ný velti ég fyrir mér hvað þessi
þorpari hefði gert af sér. Það hlyti
að vera eitthvað allsvakalegt sem
kallaði á svona handtöku; þjófn-
aður, fíkniefnamisferli eða eitthvað
þaðan af verra? Ó, nei. Hinn meinti
glæpon ljósmyndaði eina af ótelj-
andi öryggismyndavélum borg-
arinnar. Aldeilis bíræfinn glæpur!
Fyrst minnst er á ljósmyndun, þá
voru Palestínumenn í Jeríkó stund-
um smeykir við myndavélina mína,
vegna þess að ég gæti hugsanlega
verið útsendari Ísraela. En ætli
njósnari myndi ekki fá sér ögn
laumulegri myndavél …
Vaknaði við vopnaða
lögreglumenn
Víðförull Ljósmyndarinn Egill hefur ferðast víða. Hér er hann á tjald-
ferðalagi norður undir Turkanavatni í Kenýa.
ferðablogg
Egill Bjarnason, átján ára Selfyss-
ingur, er á ferðalagi um Palestínu
og nágrannaríki hennar. Ferðalag-
ið hófst 1. september 2006 og lýk-
ur á Þorláksmessu.
TENGLAR
.....................................................
Slóðin á bloggið er:
www.austurlandaegill.blog.is
Vika á Florida
kr. - ótakmarkaður akstur, allar tryggingar,
þjófavörn, flugvallargjald, einn tankur
af bensíni, einn auka bílstjóri og skattar.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
H
ER
3
15
83

03
/2
00
6
Bíll úr flokki A
50 50 600 • www.hertz.is
17.800*
Bókaðu bílinn heima
- og fáðu 500 Vildarpunkta
*Verð miðað við gengi 1. maí 2006.frá
Orlando Vacation Homes
If you are planning a trip to Orlando, Florida and you are interested
in learning more about vacation home ownership, please contact
us or visit our website.
www.LIVINFL.com
Contact: Meredith Mahn
001-321-438-5566
Domus Pro Realty - Vacation Home Sales Division