Morgunblaðið - 16.10.2006, Side 10

10 MÁNUDAGUR 16. OKTÓBER 2006 MORGUNBLAÐIÐ
FRÉTTIR
Eftir Hjálmar Jónsson
hjalmar@mbl.is
HEILBRIGÐISMÁL, menntamál
og málefni innflytjenda eru
Grazynu Mariu Okuniewska sér-
staklega hugleikin, en hún sækist
eftir níunda sætinu á framboðslista
Sjálfstæðisflokksins í Reykjavík í
prófkjöri sem fer fram 27. og 28.
október næstkomandi.
Grazyna segir að innflytjendum
hafi fjölgað mikið hér á landi á und-
anförnum árum og tímabært sé að
marka skýrari stefnu í málefnum
þeirra. Þá séu heilbrigðismál henni
hugleikin, enda sé hún hjúkr-
unarfræðingur að mennt og hafi
unnið fjölbreytt störf á því sviði hér
á landi. Þó heilbrigðismálin séu í
góðu horfi að mörgu leyti, þá megi
margt þar gera betur, til að mynda
í öldrunarmálum þar sem fjölga
þurfi þeim möguleikum sem fólki
standi til boða. Hún hafi einnig mik-
inn áhuga á menntamálum, einkum
á fullorðinsfræðslu og menntun fyr-
ir innflytjendur. Efla þurfi tungu-
málakennslu fyrir innflytjendur og
fræðslu um íslenskt samfélag til
þess að þeir viti hvert þeir eigi að
snúa sér, en hún hafi orðið vör við
það að ókunnugleiki í þeim efnum
sé oft uppspretta mikils óöryggis
meðal þeirra. Þá þurfi að efla
fræðslu innan veggja skólanna um
málefni innflytjenda og ólíka menn-
ingarheima sem þeir séu sprottnir
úr til að auka skilning og draga úr
óöryggi og óvissu.
Frá Gdansk til Hnífsdals
Grazyna er fædd í um 50 þúsund
manna bæ í grennd við Gdansk í
Póllandi árið 1965. Hún útskrifaðist
hjúkrunarfræðingur í Gdynia árið
1985 og vann við hjúkrun í sex ár í
Póllandi áður en hún fluttist til Ís-
lands fyrir fimmtán árum, í apríl
1991. Hún vann til að byrja með í
fiskvinnslu á Hnífsdal og í Bolung-
arvík, en frá því í ársbyrjun 1994
hefur hún unnið margvísleg hjúkr-
unarstörf á sjúkrahúsinu á Ísafirði
og í nágrannasveitarfélögunum.
Hún fluttist til Reykjavíkur 2002 og
vinnur núna á Landspítala – Há-
skólasjúkrahúsi, auk þess að vera í
framhaldsnámi í hjúkrunarfræði við
Háskóla Íslands. Þá hefur hún alla
tíð starfað mikið að málefnum inn-
flytjenda, meðal annars sem túlkur
á vegum Alþjóðahúss, verið í
Áhugahópi um menningarfjöl-
breytni á Ísafirði og situr nú í
stjórn Félags kvenna af erlendum
uppruna.
Grazyna segir að það hafi verið
ævintýraþrá sem gerði það að verk-
um að hún kom til Íslands á sínum
tíma. „Þetta átti fyrst að vera æv-
intýraferð í sex mánuði, en það hef-
ur tognað úr dvölinni og ég er nú
hérna enn sextán árum síðar,“ segir
hún.
Lykilatriði að læra íslenskuna
Grazyna kom upphaflega hingað
með systur sinni sem er tveimur ár-
um yngri. Hún segir að það hafi
verið mikil viðbrigði að koma til
Hnífsdals frá Gdansk þar sem búi
um 750 þúsund manns. Það hafi
verið dálítið tómlegt, en hún hafi
alla tíð kunnað mjög vel við sig hér
á landi. Íslendingar séu almennt
opnir og það eigi vel við hana að
vinna með fólki. Hins vegar sé lyk-
ilatriði að læra íslenskuna. Í byrjun
hafi hún talað ensku, en síðan hafi
hún ákveðið að læra tungumálið og
við það hafi lífsgæðin við það að búa
hér aukist ótrúlega mikið. Sam-
skiptin verði miklu dýpri og skiln-
ingur á samfélaginu og líðan inn-
flytjenda gjörbreytist við það. „Mér
finnst það skipta mestu máli að
læra íslenskuna. Þegar maður er
búinn að ná tökum á tungumálinu
þá líður manni allt öðru vísi. Ég vil
hvetja alla innflytjendur til þess að
læra tungumálið. Það gjörbreytir
möguleikum fólks til að afla sér
upplýsinga og njóta menningar og
menntunar, eins og til dæmis bara
það að geta farið í leikhús,“ segir
hún
Hún segir að sér hafi gengið
mjög vel að læra tungumálið. Auð-
vitað sé það einstaklingsbundið
hversu vel tungumálanám liggur
fyrir fólki, en almennt séð sé auð-
veldara fyrir Evrópubúa en fólk
annars staðar frá að læra íslensk-
una.
144 kr. mínútan til Póllands
„Ég er uppalin í kommúnista-
landi,“ segir hún er hún er spurð af
hverju Sjálfstæðisflokkurinn hafi
orðið fyrir valinu „og fyrir mig
skiptir gríðarmiklu máli að hafa
frelsi. Sjálfstæðisflokkurinn leggur
mesta áherslu á frelsið og stendur
vörð um það og vill að allir fái að
njóta sinna hæfileika og mögu-
leika,“ segir hún ennfremur.
Hún segist heimsækja Pólland
reglulega og hafa samband við fjöl-
skyldu sína og vini nokkrum sinn-
um í viku. Möguleikarnir til þess
hafi gjörbreyst á undanförnum ár-
um með tilkomu tölvunnar og nýrra
möguleika í fjarskiptum og því
sakni hún Póllands minna en ella.
Fjarskiptakostnaðurinn hafi stór-
lækkað, en henni sé það enn í
fersku minni að það að hringja til
Póllands í eina mínútu hafi kostað
144 kr. þegar hún kom hingað 1991.
„Þá hringdi maður ekki nokkrum
sinnum í viku og talaði í hálftíma
eða klukkutíma,“ segir hún að
lokum.
„Skiptir gríðarmiklu máli
fyrir mig að hafa frelsi“
Grazyna Maria
Okuniewska hefur
búið hér á landi í rúm
fimmtán ár, en hún er
fædd í Póllandi og
býður sig fram í próf-
kjöri Sjálfstæðisflokks-
ins í Reykjavík.
Morgunblaðið/Brynjar Gauti
Foreldrahlutverkið Grazyna Maria Okuniewska ásamt syni sínum Einari
Patreki Bæringssyni. Ævintýraþráin dró Grazynu til Íslands fyrir 16 árum.
Býður sig
fram í 2. sætið
EINAR Már Sigurðarson býður sig
aftur fram í 2. sætið á lista Samfylk-
ingarinnar í Norðausturkjördæmi í
prófkjöri flokks-
ins sem fram fer
seinna í mánuðin-
um.
Hann hefur
setið á Alþingi
síðan árið 1999,
skipaði 1. sæti á
lista Samfylking-
arinnar í Austur-
landskjördæmi
það ár og 2. sæti í
Norðausturkjördæmi árið 2003.
Á Alþingi situr hann í fjárlaga- og
menntamálanefnd en hefur einnig
setið í landbúnaðar-, samgöngu- og
iðnaðarnefnd.
Einar Már telur að Samfylkingin í
Norðausturkjördæmi þurfi að stilla
upp sterkum og öflugum framboðs-
lista svo tryggja megi sigur í alþing-
iskosningunum á næsta ári. Hann
telur að þekking sín og reynsla komi
að notum í þeim tilgangi og þess
vegna gefi hann áfram kost á sér í 2.
sæti listans.
Einar Már
Sigurðsson
Gefur kost á
sér í 2.–4. sæti
JÚLÍUS Helgi Einarsson gefur kost
á sér í 2.–4. sæti á framboðslista
Samfylkingarinnar í Suðurkjördæmi
fyrir komandi al-
þingiskosningar.
Júlíus er 49 ára
og býr með fjöl-
skyldu sinni í
Sandgerði. Hann
er í stjórn Sam-
fylkingarinnar
þar í bæ og situr í
byggingarnefnd.
Júlíus er múrara-
meistari en auk
þess lauk hann námi frá Tölvuhá-
skóla Verslunarskóla Íslands árið
1990. Júlíus starfaði fram að þeim
tíma sem múrarameistari, síðan sem
skrifstofustjóri hjá Verkalýðs- og
sjómannafélagi Keflavíkur og ná-
grennis, hjá Fiskifélagi Íslands en
rekur nú eigið fyrirtæki á sviði upp-
lýsingatækni.
Júlíus Helgi
Einarsson