Morgunblaðið - 10.11.2006, Side 10

10 FÖSTUDAGUR 10. NÓVEMBER 2006 MORGUNBLAÐIÐ
FRÉTTIR
Eftir Örnu Schram
arna@mbl.is
ÍSLENSK stjórnvöld fordæma árás
Ísraela á óbreytta borgara í norður-
hluta Gaza í fyrradag, að því er fram
kom í máli Jóns Sigurðssonar, starf-
andi utanríkisráðherra, á Alþingi í
gær. Gert er ráð fyrir því að Val-
gerður Sverrisdóttir utanríkisráð-
herra komi formlegum mótmælum á
framfæri við ísraelsk stjórnvöld á
fundi sínum í næstu viku með sendi-
herra Ísraels gagnvart Íslandi.
Halldór Blöndal, formaður utan-
ríkismálanefndar Alþingis, sagði í
samtali við blaðamann að árásin væri
hörmulegur atburður sem rétt væri
að fordæma. Að minnsta kosti átján
óbreyttir borgarar létust í árásinni.
Magnús Þór Hafsteinsson, þing-
maður Frjálslynda flokksins, gerði
árásina að umtalsefni í upphafi þing-
fundar í gær. Hann krafðist þess að
íslensk stjórnvöld mótmæltu með
formlegum hætti meðferð Ísraela á
Palestínumönnum. Síðar í um-
ræðunni fagnaði hann yfirlýsingu
Jóns Sigurðssonar um að íslensk
stjórnvöld fordæmdu árásina.
Steingrímur J. Sigfússon, formað-
ur Vinstri grænna, sagði að það virt-
ist ekki vefjast fyrir Ísraelum að
fremja fjöldamorð á óbreyttum
borgurum. „Það er ekki hægt að
kalla það annað en fjöldamorð að
hefja skotárásir á íbúa húss um
miðja nótt […].“
Allir þingmenn sem tóku til máls
fordæmdu árásina. „Það fer ekki á
milli mála að með þessum hræðilegu
aðgerðum hafa Ísraelsmenn skaðað
sinn eigin málstað fyrir utan annað
böl sem þeir hafa valdið,“ sagði Jón
Sigurðsson í lok umræðunnar.
Fordæma árás Ísraela
á óbreytta borgara
Í HNOTSKURN
»Að minnsta kosti 18 borg-arar létust í sprengju-
kúluárás ísraelska hersins.
» Íslensk stjórnvöld for-dæma árásina og hyggjast
koma þeim mótmælum á fram-
færi við sendiherra Ísraela.
»Allir þingmenn sem fjöll-uðu um málið á Alþingi í
gær fordæmdu árásina.
ÞINGMENN ræddu skýrslur umboðsmanns Alþingis og
ríkisendurskoðunar fyrir árin 2005 í gær. Sólveig Pét-
ursdóttir, forseti þingsins, gerði grein fyrir skýrsl-
unum í upphafi þingfundar. Þingmenn ræddu síðan
innihald þeirra. Í skýrslu umboðsmanns kom m.a. fram
að hann hefði tekið um 300 mál til meðferðar á árinu.
Morgunblaðið/Sverrir
Ræða skýrslu umboðsmanns
JÓN Sigurðsson viðskiptaráðherra
sagði á Alþingi í vikunni að ekki væri
fyrirhugað að setja líftrygginga-
félögum þrengri skorður um upplýs-
ingaöflun en fyrirtæki byggju við í
þeim löndum sem við berum okkur
saman við. Þetta kom fram í svari
hans við fyrirspurn Katrínar Júl-
íusdóttur, þingmanns Samfylkingar-
innar. Katrín sagði að þegar sótt
væri um líf- eða sjúkdómatryggingu
hjá íslenskum tryggingafélögum
þyrftu umsækjendur að fylla út
margar síðar af upplýsingum. „Þar
af er stór hluti upplýsinganna um
heilsufar umsækjanda. Það er í
sjálfu sér í lagi og alveg eðlilegt. En
auk þess að svara spurningum um
eigið heilsufar er umsækjanda gert
að greina frá heilsufarssögu fjöl-
skyldumeðlima, nánar tiltekið for-
eldra og systkina hafi þau fengið
ákveðna sjúkdóma fyrir 60 ára aldur.
Það finnst mér ekki í lagi og alls ekki
eðlilegt.“ Hún spurði ráðherra hvort
hann teldi rétt að setja í lög að trygg-
ingafélögunum verði þetta ekki
heimilt. Hann svaraði því neitandi.
Vilja upp-
lýsingar um
ættingja
ÞINGMENN Frjálslynda flokksins
vilja að verðtrygging húsnæðislána
verði afnumin og hafa lagt tillögu
þessa efnis fram á Alþingi. „Á Ís-
landi búa lántakendur húsnæð-
islána jafnan við hæstu vexti í Evr-
ópu og þar að auki eru lánin
verðtryggð hérlendis,“ segir í
greinargerð. „Íslenskt fjár-
málakerfi er orðið hluti af al-
þjóðlegu umhverfi og þess vegna
þarf að aðlaga reglur þess og kjör
því sem almennt gerist í vestrænum
ríkjum. Lánskjör íbúðalána til al-
mennings eru einn þeirra þátta sem
þarf að aðlaga. Þau eru alla jafna
verðtryggð hér á landi en það heyr-
ir til undantekninga að lán séu
verðtryggð erlendis.“ Þingmenn-
irnir segja að þessi munur á láns-
kjörum sé óviðunandi.
Verðtrygging
verði afnumin
LAGT hefur verið fram á Alþingi
frumvarp um að í lögum um með-
ferð opinberra mála verði ákvæði
um að starfsmönnum fjölmiðla sé
ekki skylt að skýra frá því fyrir
dómi hver sé heimildarmaður hafi
sá hinn sami óskað nafnleyndar.
Fyrsti flutningsmaður frum-
varpsins er Ágúst Ólafur Ágústs-
son, Samfylkingu. Hann hefur einn-
ig lagt fram frumvarp sem heimilar
opinberum starfsmönnum að víkja
frá þagnarskyldu vegna upplýs-
ingagjafar í þágu almannaheilla.
Verndar
heimildarmenn
BJÖRN Ingi Hrafnsson, varaþing-
maður Framsóknarflokksins, sem
situr á þingi í fjarveru Jónínu
Bjartmarz umhverfisráðherra, hef-
ur lagt fram sex skriflegar fyr-
irspurnir á þingi til fimm ráðherra.
Björn Ingi spyr m.a. umhverf-
isráðherra að því hvort til greina
komi að ríkið taki þátt í kostnaði
sveitarfélaga við rekstur almenn-
ingssamgangna. Þá innir hann m.a.
félagsmálaráðherra eftir skoð-
unum hans á lengingu fæðingar-
orlofs í tólf mánuði.
Leggur fram
sex fyrirspurnir
SIV Friðleifsdóttir heilbrigðis- og
tryggingamálaráðherra mælti fyrir
frumvarpi á Alþingi í gær um breyt-
ingar á lögum um almannatrygging-
ar og lögum um málefni aldraðra.
Með frumvarpinu eru lagðar til ýms-
ar breytingar sem taka mið af sam-
komulagi stjórnvalda og Landssam-
bands eldri borgara frá því í sumar.
Breytingarnar í frumvarpinu hafa
í flestum tilvikum áhrif á lífeyris-
greiðslur elli- og örorkulífeyrisþega.
Í fyrsta lagi er lagt til að skerðing-
arhlutfall vegna annarra tekna lækki
úr 45% í 38,35%, að því er segir í
frumvarpinu. Gert er ráð fyrir að
fyrsta skrefið í þessa átt verði tekið á
árinu 2007, en þá fari hlutfallið niður
í 39,95%, og síðara skrefið verði tekið
á árinu 2008, en þá fari hlutfallið nið-
ur í 38,35%.
Í öðru lagi eru áhrif lífeyrissjóðs-
tekna maka til skerðingar afnumin,
að því er segir í frumvarpinu, en nú
koma 50% af lífeyrissjóðstekjum
makans til skerðingar á lífeyris-
greiðslum Tryggingastofnunar.
Í þriðja lagi er með frumvarpinu
dregið úr áhrifum atvinnutekna
maka til skerðingar, þ.e. úr 50% í
20%. Fyrsta skrefið að þessari
breytingu verður tekið á árinu 2009
og hið síðara árið 2010.
Í fjórða lagi
verða sett frí-
tekjumörk á at-
vinnutekjur elli-
lífeyrisþega. Gert
er ráð fyrir að frí-
tekjumarkið
verði 200 þúsund
á ári á árinu 2009
en verði hækkað í
300 þúsund á
árinu 2010.
Í fimmta lagi eru lagðar til breyt-
ingar sem fela í sér hækkun á lífeyr-
isgreiðslum ef viðkomandi frestar
töku lífeyris. „Getur þá viðkomandi
fengið 0,5% hækkun fyrir hvern
frestunarmánuð til 72 ára aldurs eða
að hámarki 30% hækkun,“ segir í
fylgiskjali frumvarpsins.
Í sjötta lagi er felld á brott heimild
í lögum til að verja fjármagni úr
framkvæmdasjóði aldraðra til
rekstrar stofnanaþjónustu við aldr-
aða. Þessi breyting verður í tveimur
áföngum á árinu 2007 og 2008. Í sjö-
unda lagi felur frumvarpið í sér ein-
földun á lífeyriskerfi Trygginga-
stofnunar þannig að bótaflokkum
verði fækkað. Bótaflokkarnir tekju-
trygging og tekjutryggingarauki
verða sameinaðir í einn bótaflokk
sem mun nefnast tekjutrygging.
Breytingar á
lífeyrisgreiðslum
Sif Friðleifsdóttir
Bótaflokkar verða einfaldaðir