Morgunblaðið - 10.11.2006, Síða 36

matur
36 FÖSTUDAGUR 10. NÓVEMBER 2006 MORGUNBLAÐIÐ
Ég mælti mér mót við Shar-on á matreiðslunámskeiðihennar þar sem fjórarhressar konur frá Kali-
forníu nutu kennslu. Þær höfðu
heyrt af Sharon í
gegnum vini, en
veitingastaður
hennar og Guilia-
nos, fyrrverandi
eiginmanns hennar,
Garga, hefur einnig
verið nefndur í
helstu matreiðslu-
tímaritum Banda-
ríkjanna.
Garga er einn af hinum rótgrónu
veitingastöðum í Flórens þar sem
alltaf er fullt. Staðurinn er þakinn
listaverkum eftir þau hjónin og ekki
er óalgengt að heyra Giuliano ganga
milli borða og spjallar við kúnnana.
Garga hefur getið sér gott orð fyr-
ir kjöt, þar sem Giuliano þykir fær
slátrari, og áttu þau hjón áður litla
kjötbúð. Þá æddi Sharon um borg-
ina á reiðhjóli með kjötstykki til
svangra Flórensbúa.
„Ég veit meira um hinn danska
uppruna minn en þann íslenska þar
sem mamma var dönsk, en foreldrar
mínir skildu þegar ég var ung. Það
eina sem ég veit um íslenska for-
feður mína er að Sigursteinn Odd-
son, afi minn, fluttist til Kanada frá
Norður-Íslandi eftir eldgos í kring-
um 1883,“ segir Sharon.
„Foreldrar mínir kynntust í Bar-
rie í Ontario, þar sem ég er fædd og
uppalin. Pabbi var flugmaður hjá
konunglega kanadíska hernum.“
Hún segir að sér sé í fersku minni sá
siður föðurfjölskyldunnar að hittast
á sunnudögum og lesa upp Íslend-
ingasögurnar á íslensku. „Mér er
líka minnisstætt að Íslendingarnir
héldu fast í uppruna sinn. En hátíð-
isdagarnir, jól og páskar, voru samt
haldnir að dönskum sið. Mamma og
amma héldu fast í þær hefðir. Ég bý
alltaf til danskan grjónagraut og
kransaköku um jólin.“
Matarvenjur hafa breyst
Sharon finnst margt hafa breyst
frá því hún kom til Flórens fyrir
þrjátíu og sex árum. „Það var allt
svo ítalskt þegar ég kom hingað
fyrst – greinilegt hverjir voru Ítalir
og hverjir voru ferðamenn. Síðast-
liðin 10 ár hefur Ítalía hins vegar
orðið miklu alþjóðlegri og áhrifa frá
öðrum menningarheimum gætir í sí-
auknum mæli.“
Hún bendir á að matarvenjur á
ítölskum heimilum hafi líka breyst.
„Fólk hefur minni tíma en áður því
konur vinna meira úti og fólk tekur
ekki lengur eins langan hádegismat-
artíma og áður. Ég tek eftir því í
stórmörkuðunum að fólk kaupir í
auknum mæli tilbúinn mat og ung-
lingarnir borða McDonalds. Ítalir
kjósa þó enn að hafa allt hefðbundið
á hátíðisdögum.“
Toscana besta matarhéraðið
Sharon hefur mikinn áhuga á
ítalskri matargerð og hefur gefið út
matreiðslubókina Once Upon a
Tuscan Table. „Mig langar að skrifa
aðra bók sem fjallar um það hvað
maturinn á Ítalíu er breytilegur frá
héraði til héraðs. Það breytist allt;
tungumálið, maturinn, siðir og venj-
ur. Ég er mjög hrifin af því hvernig
Suður-Ítalir matreiða grænmeti, t.d.
í Puglia á Sikiley, og Sardiníubúar
kunna að matreiða frábæran fisk.
Toscanabúar kunna ekki að mat-
reiða grænmeti. En maturinn í Tosc-
ana er hreinn, einfaldur og heilsu-
samlegur. Hann er ekki þungur eða
fitandi og notað er gott hráefni. Það
er erfitt að fá vondan mat hér og því
minna sem maður gerir við matinn
því betri verður hann. Hér í Tosc-
ana, bæði hvað fisk og kjöt varðar, á
helst ekki að bæta við neinu nema
góðri ólífuolíu, salti, pipar og smá
skvettu af sítrónu. Þá fær bragðið af
aðalhráefninu að njóta sín.“
Veisla fyrir augað
Sharon segir yndislegt að heim-
sækja ítalska matarmarkaði. „Það
Rekur veitingahús og matreiðslu
Ljósmyndir /Hjördís Hildur Jóhannsdóttir .
Sælkeri Sharon Oddson rekur matreiðsluskóla samhliða veitingahúsinu
Trattoria Garga í Flórens og nýtur þess að kenna fólki að elda góðan mat.
Sharon Oddson á ættir að rekja meðal annars til Íslands. Hún hefur verið
búsett í Flórens á Ítalíu í 36 ár og rekur þar einn af þekktari veitingastöðum
borgarinnar, Trattoria Garga, auk þess sem hún rekur matreiðsluskóla.
Hjördís Hildur Jóhannsdóttir heimsótti Sharon.
Eftir Steingrím Sigurgeirsson
sts@mbl.is
Það er fátt betra en góðurChianti Classico frá Tosc-ana með mat og það erágætis úrval af þeim til í
vínbúðunum. Hér eru tvö fantagóð
– en mjög ólík Chianti-vín – sem
hafa áður komið við sögu hér en nú
er 2003 árgangurinn kominn í hill-
urnar. Kannski ekki toppárgangur
(við verðum að bíða enn eftir 2004)
en þó ágætur og mun betri en 2002
sem var fremur slappur í Chianti.
Fontodi er víngarður í hjarta
Chianti Classico-svæðisins, nánar
tiltekið í Panzano. Vínekrurnar
þekja eina 67 hektara og árið 1998
var nýtt og tæknilega fullkomið
víngerðarhús tekið í notkun.
Fontodi Chianti Classico 2002 er
hreint Sangiovese-vín og koma
þrúgurnar af nokkrum mismunandi
ekrum á landareigninni. Vínið er
látið liggja á frönskum eikar-
tunnum í ár áður en því er tappað
á flöskur. Eikin er enn nokkuð
áberandi í nefi með miklu dökku
súkkulaði, vanillu og kaffi í nefi.
Það hefur yfir sér þykkt og feitt yf-
irbragð jafnt í nefi sem munni með
djúpum og góðum svörtum berjaá-
vexti. Hefur all-massíva uppbygg-
ingu og góða lengd. Vín til að
smjatta á. Mjög góð kaup á 1.890
krónur.19/20
Rietine er lítið fjölskyldufyr-
irtæki í Gaiole í Chianti sem býr til
stór og góð vín á ágætu verði. Það
er stofnað af hjónunum Mario og
Galinu Gaffuri-Lazarides en þau
eru upprunalega frá Sviss og ráku
þar Michelin-stjörnu veitingahús
sem þau seldu til að geta fjárfest í
vínrækt á Ítalíu.
Rietine Chianti Classico 2003 er
að mörgu leyti andstaða í stílnum
við Fontodi. Vínið er dökkt á lit
með fallegum fjólubláum hjúp,
sýrumikill berjasafi, skarpur, beitt-
ur og með vott af lakkrís og fersk-
um kryddjurtum. Breiðir vel úr sér
í munni, ferskt og tannískt. Góð
kaup á 1.800 krónur. 18/20
Bæði vínin eru flott nú en munu
batna næstu 2–3 árin hið minnsta.
Brunello vín í flugstöðinni
Einhver bestu vín Toscana koma
frá svæðinu í kringum bæinn Mon-
talcino suður af Siena. Þar er rækt-
uð þrúgan Brunello sem er í raun
afbrigði af Sangiovese. Einn stærsti
og þekktasti framleiðandi svæðisins
er Banfi. Þau eru nú á sérverði í frí-
höfninni í Flugstöð Leifs Eiríks-
sonar
Castello Banfi Brunello di Mon-
talcino 2001 er þurr Brunello með
krydduðum, dökkum ávexti, kaffi og
sviðinni eik. Stíft og langt með með
miklum tannínum og sýru. 2.890 kr.
19/20
Rosso di Montalcino 2004 er eins
konar „mini-útgáfa“ af Brunello.
Rauður og svartur ávöxtur, kirsu-
ber, rifsber og krækiber. Ungt og
sýrumikið með ágætri lengd. Mat-
vænt. 1.590 kr. 17/20
Góðir dropar
frá Toscana
Einhver
bestu vín
Toscana
koma frá
svæðinu í
kringum
bæinn
Montalcino
suður af
Siena.