Morgunblaðið - 21.11.2006, Page 11

MORGUNBLAÐIÐ ÞRIÐJUDAGUR 21. NÓVEMBER 2006 11
FRÉTTIR
Eftir Brján Jónasson
brjann@mbl.is
LÍKUR eru á því að Indland opni
sendiráð hér á landi þegar á næsta
ári. Þetta kom fram í samtali Sól-
veigar Pétursdóttur, forseta Alþing-
is, við utanríkisráðherra Indlands, en
Sólveig er þessa dagana í opinberri
heimsókn á Indlandi ásamt sendi-
nefnd frá Alþingi.
Þetta er fyrsta opinbera heimsókn
forseta Alþingis til Indlands, og í gær
átti Sólveig m.a. fundi með forseta
Indlands og varaforseta landsins –
sem einnig er forseti efri deildar
þingsins, og utanríkisráðherra Ind-
lands.
Forseti neðri deildar þingsins
bauð svo sendinefndinni til hádeg-
isverðar í gær þar sem tækifæri
gafst til að hitta fjölmarga þingmenn,
en samanlagt eru á níunda hundrað
þingmenn í tveimur deildum ind-
verska þingsins frá 37 flokkum. For-
seti neðri deildarinnar lýsti yfir
áhuga á áframhaldandi samskiptum
og bauð Sólveig honum í heimsókn
hingað til lands ásamt sendinefnd
þingmanna.
„Bæði Alþingi og indverska þingið
líta á þessa heimsókn sem upphaf tví-
hliða samskipta, og mikilvægan lið í
auknum samskiptum landanna. Eins
og við bentum á er Ísland með elsta
þjóðþing í heimi og Indland er
stærsta lýðræðisríki í heimi, þannig
að það er mjög við hæfi að þingin
hefji tvíhliða samskipti sín á milli,“
sagði Sólveig í samtali við Morg-
unblaðið.
Sólveig segir að á fundum gær-
dagsins hafi hún minnt á framboð Ís-
lands til öryggisráðs Sameinuðu
þjóðanna, og hvatt til þess að Alþingi
og indverska þingið styddu gerð frí-
verslunarsamnings á milli EFTA-
ríkjanna og Indlands.
Forsetinn vill kenna á Íslandi
„Forseti Indlands [A.P.J. Abdul
Kalam] minntist heimsóknar sinnar
til Íslands, og lýsti yfir áhuga á því að
koma aftur til landsins þegar kjör-
tímabili hans sem forseta væri lokið,
jafnvel til tímabundinnar háskóla-
kennslu,“ sagði Sólveig. Hún sagði
Kalam hafa haft sérstakan áhuga á
samstarfi við Ísland á þremur svið-
um; á sviði jarðskjálftavarna, úthafs-
veiða og fjárfestinga.
„Það var mjög áhugavert að ræða
við hann um þau vandamál sem Ind-
land, þetta stærsta lýðræðisríki í
heimi og fjölmenningarsamfélag, er
að fást við, en um 230 milljónir Ind-
verja lifa undir fátæktarmörkum.
Ríkisstjórnin vinnur markvisst að því
að auka hagvöxt, og ná þeim verst
settu upp úr fátæktinni, en það er
ljóst að mikið átak þarf í heilbrigðis-
og menntamálum.“
Góðir möguleikar á fríverslun
Á fundi Sólveigar með utanrík-
isráðherra Indlands, Natwar Singh,
var m.a. rætt um baráttuna gegn
hryðjuverkum, framlög til frið-
argæslu og viðskiptamál. Einnig
ræddi Singh um málefni Kasmír-
héraðs, og sagðist hann hóflega
bjartsýnn á lausn deilunnar milli Ind-
lands og Pakistan um héraðið.
„Utanríkisráðherrann var jákvæð-
ur gagnvart auknum samskiptum á
milli Íslands og Indlands, og virtist
vel upplýstur um þau mál. Hann taldi
jafnframt góða möguleika á því að
EFTA-ríkin og Indland gætu samið
um fríverslun sín á milli. Hann fagn-
aði opnun íslenska sendiráðsins í
Delhí, og fannst það mikilvægt,“
sagði Sólrún. „Ennfremur taldi hann
líkur á því að Indverjar muni opna
sendiráð á Íslandi á næsta ári.“
Indverskt sendiráð á Íslandi árið 2007?
Ljósmynd/Auðunn Atlason
Viðræður Sólveig Pétursdóttir, forseti Alþingis, ásamt Sonath Chatterjee, forseta neðri deildar indverska þings-
ins, og Ingibjörgu Sólrúnu Gísladóttur, Sigríði Önnu Þórðardóttur og í bakgrunni er Jón Kristjánsson.
Í HNOTSKURN
»Indland er stærsta lýðræð-isríki í heimi, en íbúafjöld-
inn í landinu er talinn vera
tæpur 1,1 milljarður.
» Indland er um 3,3 milljónirferkílómetra, eða um 32
sinnum stærra landsvæði en
Ísland.
»Á Indlandi búa um 330 íbú-ar á hverjum ferkílómetra,
samanborið við u.þ.b. 3 íbúa á
ferkílómetra á Íslandi.
»Um þriðjungur Indverjatalar þjóðartunguna,
hindi, en þar eru einnig töluð
14 önnur opinber tungumál,
svo sem bengali, telugu, urdu,
punjabi, sanskrit o.fl.
Eftir Rúnar Pálmason
runarp@mbl.is
HEILBRIGÐIS- og tryggingamála-
nefnd hefur brugðist við athuga-
semdum læknaráðs Landspítala –
háskólasjúkrahúss og hefur nú óskað
eftir umsögn yfirstjórnar Landspít-
ala –háskólasjúkrahúss um frumvarp
til nýrra laga um heilbrigðisþjónustu.
Læknaráð hefur einnig verið beðið
um umsögn og er það í fyrsta skipti
sem það er gert við gerð frumvarps-
ins.
Að sögn Ástu Möller, varafor-
manns nefndarinnar, urðu mistök til
þess að það láðist að óska eftir um-
sögn frá sjúkrahúsinu og þau hefðu
nú verið leiðrétt. Bæði hún og Guðjón
Ólafur Jónsson, formaður nefndar-
innar, sögðu að nefndin myndi ekki
fjalla formlega um málið fyrr en eftir
áramót.
Haustið 2003 var skipuð nefnd til
að semja frumvarp til nýrra laga um
heilbrigðisþjónustu. Í febrúar 2006
sendi nefndin frumvarpsdrög til 101
aðila til umsagnar og í kjölfarið voru
nokkrar breytingar gerðar á frum-
varpinu. Siv Friðleifsdóttir, heil-
brigðisráðherra, mælti síðan fyrir
frumvarpinu á Alþingi hinn 3. nóv-
ember sl. og er það nú til meðferðar
hjá heilbrigðis- og trygginganefnd
þingsins.
Skipulagi sjúkrahússins
kollvarpað
Í bréfi sem Páll Torfi Önundarson,
varaformaður Læknaráðs, sendi
nefndarmönnum á föstudag fyrir
hönd stjórnar ráðsins, sagði hann að
þau óheppilegu mistök hefðu orðið í
meðferð málsins að þrátt fyrir að
nefndin leitaði eftir umsögn yfir 100
aðila hinn 10. nóvember hefði hún
ekki leitað umsagnar hjá Landspítala
– háskólasjúkrahúsi. Því færi stjórn-
in fram á að nefndin sendi formlega
beiðni til yfirstjórnar sjúkrahússins
um þetta frumvarp og hún myndi síð-
an samkvæmt lögum leita formlegs
álits læknaráðs og annarra fagaðila
innan stofnunarinnar. Þá vakti hann
sérstaka athygli á að á engu stigi
þessa stóra máls hefði frumvarpinu
verið vísað til formlegrar álitsgerðar
hjá læknaráði sjúkrahússins.
Í samtali við Morgunblaðið sagði
Páll Torfi að í lagafrumvarpinu væri
skipulagi sjúkrahússins kollvarpað. Í
núgildandi lögum um heilbrigðis-
þjónustu væri ábyrgð innan sjúkra-
hússins vel skilgreint en samkvæmt
því bæru yfirlæknar faglega og fjár-
hagslega ábyrgð á rekstri hverrar
sérgreinar. Í frumvarpinu væri felld
niður lagagrein um að yfirlæknar
væru faglegir forystumenn, án þess
að þeirrar breytingar væri að nokkru
getið í athugasemdum sem fylgdu
frumvarpinu.
„Þetta er meiriháttar breyting því
þetta eru hornsteinar þjónustunnar,“
sagði hann. Í nýja frumvarpinu væru
ekki skilgreindir hverjir væru yfir-
menn lækninga, fyrir utan lækninga-
forstjórann, og forstjóri sjúkrahúss-
ins réði því einn hvernig skipurit
sjúkrahússins yrði. Jafnframt yrði
verulega dregið úr gæðum hæfnis-
mats. „Þetta eru skref áratugi aftur á
bak og færir forstjóranum alræðis-
vald,“ sagði hann.
„Það getur vel verið að það sé eitt
og annað í þessu frumvarpi sem horf-
ir til bóta varðandi aðra þætti heil-
brigðisþjónustunnar en það sem snýr
að Landspítalanum er hrein aftur-
för.“
Yfirstjórn og lækna-
ráð veiti umsagnir
Ekki áður óskað
eftir formlegri af-
stöðu læknaráðs
Morgunblaðið/Þorkell
Áhrif Varaformaður læknaráðs segir að breytingar á skipulagi Landspít-
alans með nýju frumvarpi séu til óþurftar og færi forstjóra alræðisvald.
Eftir Andra Karl
andri@mbl.is
AFAR misjafnt er hversu mörg til-
boð berast í þær ríkisjarðir sem
auglýstar eru til sölu á frjálsum
markaði og ræður staðsetning þar
mestu um, segir verkefnisstjóri hjá
Ríkiskaupum. Hann segir vaxandi
eftirspurn eftir ríkisjörðum og
verðið fara hækkandi. Þrjár ríkis-
jarðir hafa verið seldar það sem af
er þessu ári og eru tvær í sölumeð-
ferð. Samkvæmt fjárlögum ársins
er hins vegar heimild til sölu á um
þrjátíu jörðum á árinu.
Þrjár jarðir seldar í ár
Árið 2004 voru tólf ríkisjarðir
seldar á frjálsum markaði, í fyrra
voru þær fjórar og það sem af er
þessu ári hafa þrjár jarðir verið
seldar og tvær eru í sölumeðferð.
Þrátt fyrir vaxandi eftirspurn virð-
ist sem afar lítill hluti þeirrar heim-
ildar sem gefin er í fjárlögum sé
nýttur ár hvert. Jóhanna Lind Elí-
asdóttir, deildarsérfræðingur hjá
landbúnaðarráðuneytinu, segir
ástæður þess afar margbreytilegar
en þá helstu vera hversu erfiðlega
gangi að koma jörðunum í sölu.
„Það er svo mikil vinna við að selja
þessar jarðir, víða koma t.a.m. upp
ágreiningsmál vegna landamerkja
og getur tekið gríðarlega langan
tíma að vinna úr slíku áður en hægt
er að auglýsa jörðina til sölu.“
Liggja ekki á jörðum
Jóhanna Lind segir ráðuneytið
ekki liggja á jörðum sem ekki er
verið að ráðstafa, af því sé enginn
hagur og fremur sé vilji til þess að
selja fleiri jarðir. Mismunandi
fjölda á seldum jörðum milli ára má
hins vegar skýra með því hversu
mörg vandamál komi upp og þurfi
að leysa úr. Eitt árið séu því hugs-
anlega seldar jarðir sem hafa verið
í vinnslu í mörg ár en á því næsta
komi upp óvenjumörg vandamál
sem tefji söluferlið.
Gera má ráð fyrir að fleiri jarðir
verði seldar á næsta ári en þessu en
samkvæmt því sem kemur fram í
frumvarpi um fjárlög ársins 2007 er
gert ráð fyrir að söluhagnaður af
seldum ríkisjörðum á næsta ári
verði 200 m.kr. en í ár var áætlað að
hann yrði 40 m.kr. „Okkur langar
alltaf að vera duglegri en síðast
þannig að við myndum gjarnan
vilja selja fleiri jarðir en við ger-
um,“ segir Jóhanna en áréttar að
það sé ekki á könnu landbúnaðar-
ráðuneytisins að áætla söluhagnað
jarðasölu.
Mismunandi hversu
mörg tilboð berast
Ríkiskaup sjá um að auglýsa
jarðirnar til sölu og segir Birgir
Guðmundsson verkefnisstjóri afar
mismunandi hversu mörg tilboð
berast. Að meðaltali má þó segja að
eftirspurnin hafi farið vaxandi og
verðið hækkað. Til dæmis segir
hann 20–30 hektara jörð austur í
Árnes- eða Rangárvallasýslu verð-
lagða miklu hærra en t.a.m. 100–
200 hektara jörð í Þingeyjarsýslu.
Aukin eftirspurn
eftir ríkisjörðum
og hærra verð
Í HNOTSKURN
» Flestar ríkisjarðir sem seld-ar hafa verið á undanförnum
árum hafa ábúendur þeirra eða
sveitarfélög keypt.
» Í núgildandi fjárlögum ersala heimiluð á um 30 jörðum
og jarðarpörtum sem eru á for-
ræði landbúnaðarráðuneytisins.
» Þar er hins vegar aðeins umað ræða heimild til sölu
jarðanna en ekki endanlega
ákvörðun.