Morgunblaðið - 30.11.2006, Blaðsíða 17

MORGUNBLAÐIÐ FIMMTUDAGUR 30. NÓVEMBER 2006 17
MENNING
ÚT er komin ljóðabókin
Fiðluleikarinn eftir Árna
Grétar Finnsson. Efni
ljóðanna í bókinni er fjöl-
breytt en í þeim má meðal
annars finna hugleiðingar um
tímann, mannsævina frá
æsku til elli, hverfulleikann
og samtímann, ástina og
fleira. Meirihluti ljóðanna er
ortur undir hefðbundnum bragarháttum en í
bókinni eru einnig allmörg óhefðbundin ljóð.
Árni Grétar hefur áður sent frá sér ljóðabæk-
urnar Leikur að orðum (1982) Skiptir það máli
(1989) og Septemberrós (1997). Höfundur gefur
sjálfur út.
Ljóðlist
Árni Grétar með
nýja ljóðabók
DJANGÓ-djasstríóið Hrafna-
spark treður upp á Græna
hattinum á Akureyri í kvöld.
Sveitin var stofnuð árið 2001
en stuttu áður höfðu meðlimir
tríósins hrifist af svokallaðri
sígaunasveiflu þegar þeir sóttu
námskeið Robins Nolan frá
Hollandi en innan þeirrar
greinar djassins fór fremstur í
flokki franski gítarleikarinn
Django Reinhardt. Síðan þá hefur tríóið leikið
víða um land og m.a. leikið árlega á alþjóðlegri
Django-djasshátíð sem haldin er á Akureyri. Tón-
leikarnir hefjast kl. 21.20 og aðgangseyrir er 1.000
kr.
Tónleikar
Django-djass á
Græna hattinum
Django Reinhardt
UPPLESTRARKVÖLDIN
„Brot af því besta“ eru orðin
fastur liður á aðventunni en
atburðurinn er samvinnuverk-
efni nágrannanna í Kringl-
unni; Borgarbókasafns, Borg-
arleikhússins, Kringlunnar og
Eymundssonar.
Í kvöld lesa þessi skáld úr
verkum sínum: Auður Jóns-
dóttir, Linda Vilhjálmsdóttir,
Árni Þórarinsson, Bragi Ólafsson, Einar Már
Guðmundsson, Sigurjón Magnússon. Árni Björns-
son, Ingunn Snædal, Óskar Árni Óskarsson, Stef-
án Máni, Steinar Bragi og Þórunn Erlu Valdi-
marsdóttir.
Upplestur
Upplestur og djass
í Borgarleikhúsinu
Auður Jónsdóttir
SAMNINGAR
hafa tekist milli
Réttindastofu
Eddu útgáfu hf.
og UFA Fern-
sehproduktion
GmbH í Berlín
um sölu á rétt-
inum til gerðar
sjónvarps-
myndar og sjónvarpsþátta
byggðra á sögunni Morðið í hæsta-
rétti eftir Stellu Blómkvist. UFA
Fernsehproduktion fær einnig for-
kaupsrétt að öðrum útkomnum
glæpasögum Stellu Blómkvist með
það að markmiði að þróa sjón-
varpsmyndir og sjónvarpsþátt-
araðir upp úr bókunum. Und-
irbúningur að framleiðslunni er
þegar hafinn og gert er ráð fyrir
að hluti hennar fari fram hér á
landi. Þetta er í fyrsta sinn sem
erlent kvikmynda- og sjónvarps-
framleiðslufyrirtæki tryggir sér
rétt á íslenskum skáldsögum í
þessu skyni.
Allar bækur Stellu gefnar
út í Þýskalandi
UFA Fernsehproduktion GmbH
er hluti af framleiðslufyrirtækinu
UFA Holding GmbH sem aftur er
hluti af fjölmiðlaveldinu Bertels-
mann. Það er eitt elsta kvik-
myndaframleiðslufyriræki Þjóð-
verja og var í fararbroddi á sínu
sviði þegar á fyrstu áratugum
kvikmyndalistarinnar og fram-
leiddi myndir á borð við Bláa eng-
ilinn eftir Josef von Sternberg og
Metropolis eftir Fritz Lang. UFA
Fernsehproduktion sérhæfir sig í
framleiðslu leikinna sjónvarps-
mynda auk þess að framleiða
leiknar sjónvarpsþáttaraðir og
kvikmyndir.
Útgáfurétturinn á öllum bókum
Stellu Blómkvist hefur verið seld-
ur til Þýskalands, til þýska útgáfu-
risans Bertelsmann. Nú þegar eru
allar fyrstu bækur Stellu komnar
út á þýsku en þær eru Morðið í
stjórnarráðinu (1997), Morðið í
sjónvarpinu (2000), Morðið í
hæstarétti (2001) og Morðið í al-
þingishúsinu (2002).
Væntanlegar eru Morðið í
Drekkingarhyl (2005) og nýjasta
bókin Morðið í Rockville (2006)
sem er nýkomin út og þýska for-
lagið keypti fyrirfram.
Stella Blómkvist er einhver dul-
arfyllsti rithöfundur íslensku þjóð-
arinnar. Ekki hefur verið gert op-
inbert hver það er sem skrifar
undir þessu dulnefni þótt ýmsar
getgátur hafi verið á lofti um það.
Stella
Blómkvist til
Þýskalands
Öflugt framleiðslu-
fyrirtæki kaupir
sjónvarpsréttinn
KENNSLUBÓK í latínu hefur að
undanförnu verið meðal söluhæstu
bóka á bandarískum bóksöluvefj-
um. Hefur bókin skipað sér hæst í
fjórtánda sæti á sölulista Amazon-
vefjarins sem þykir ekki lítið afrek
á þessum mikilvægu söluvikum fyr-
ir jól.
Ekki er hægt að útiloka að titill
bókarinnar villi um fyrir mönnum
en hún nefnist á ensku How to Be-
come a Latin Lover. Um orðaleik er
að ræða og hægt að þýða titilinn á
tvenna vegu, annars vegar Hvernig
manni lærist að elska latínu, og
hins vegar Hvernig maður nær
valdi á list hins rómanska elskhuga.
Upplýsingar um hvaða aðrar
bækur kaupendur bókarinnar
keyptu á Amazon gefa þó frekar til
kynna ósvikinn áhuga á latínu.
Latínubók á
metsölulista
♦♦♦
ELSTA félag og bókaforlag á Ís-
landi er Hið íslenska bókmennta-
félag. Það hefur starfað óslitið síðan
það var stofnað árið 1816 og er því
190 ára á þessu ári auk þess sem
Skírnir –Tímarit Hins íslenska bók-
menntafélags er 180 ára. Af því til-
efni boðaði félagið til blaðamanna-
fundar í Þjóðmenningarhúsinu í gær
þar sem starfsemi þess var kynnt.
Í upphafi var grundvallarstefna
félagsins að reisa við sjálfstæðar
menntir og menningu á Íslandi undir
forystu Íslendinga sjálfra, þannig að
íslensk þjóðmenning yrði virkt afl í
sókn þjóðarinnar til andlegra og
efnalegra framfara. Hlutverk þess í
dag er að styðja og styrkja íslenska
tungu, menntun og bókvísi þjóð-
arinnar.
Elsta tímarit á Norðurlöndum
„Skírnir er elsta tímarit á Norð-
urlöndum og er útgáfa þess nokkuð
táknræn fyrir stefnu félagsins, ann-
ars vegar að treysta böndin til for-
tíðar og hins vegar að veita erlend-
um straumum til landsins og laga þá
að hefðum og hugsunarhætti Íslend-
inga. Skírnir var framan af aðallega
fréttamiðill en hann hefði aldrei
haldið svona lengi út ef hann hefði
ekki lagað sig að breyttum tímum,“
segir Sigurður Líndal sem hefur ver-
ið forseti Hins íslenska bókmennta-
félags hátt í fjörutíu ár, lengst allra
þeirra sem hafa gegnt því hlutverki.
„Skírnir er núna alhliða menningar-
tímarit, sumum þykir hann þungur
og þurr en ég er ósammála því, svara
því líka stundum til að mér finnist
nóg af skemmtilegheitum í þjóð-
félaginu þó menn aðeins staldri við
og glími við hin flóknari viðfangsefni
tilverunnar. Skírnir er tvímælalaust
eitt þekktasta og virtasta tímarit Ís-
lendinga og fá rit sem oftar er vitnað
til í fræðilegri umræðu.“ Skírnir
kemur út tvisvar á ári og flytur eink-
um ritgerðir á sviði bókmennta,
sagnfræði, heimspeki, stjórnmála,
sögulegrar náttúrufræði, lista og
þjóðlegs fróðleiks auk ýtarlegra rit-
gerða um bækur.
Lærdómsritin mikilvæg
Sigurður segir Bókmenntafélagið
enn gegna miklu hlutverki. „Það er
enginn vafi á því að þótt viðskiptaleg
bókaútgáfa sé blómleg í landinu er
mikil þörf fyrir félag eins og Bók-
menntafélagið einmitt til að halda úti
fræðiritum á mannamáli. Það bíða
okkar mörg verkefni í útgáfu sem
enginn sinnir.“
Ein þekktasta ritröð Bókmennta-
félagsins eru Lærdómsritin sem
hafa nú komið út 65 talsins síðan
1970. „Lærdómsritin er ein mik-
ilvægasta útgáfuröð sem hefur kom-
ið út hér á landi á síðari árum. Hún
hefur það mikilvæga verkefni að
veita menningarstraumum til Ís-
lands á íslensku. Ritin sameina líka
hlutverk félagsins, annars vegar
með því að standa vörð um tunguna
og að tengja landið við það besta í
menningu annarra þjóða,“ segir Sig-
urður sem gerir ekki ráð fyrir að
starfsemi Bókmenntafélagsins eigi
eftir að breytast mikið í nánustu
framtíð.
Hið íslenska bókmenntafélag var stofnað fyrir 190 árum
Standa vörð um tunguna
Morgunblaðið/Brynjar Gauti
Félagar Frá vinstri er Jón Sigurðsson, stjórnarmaður í Bókmenntafélag-
inu, Sigurður Líndal, forseti félagsins, og Sverrir Kristinsson bókavörður.
Fylgist með umfjöllun
um þessar bækur
í helgarútgáfunni
á Rás 2, nú á
laugardaginn kl. 11.00
Lækjargata 2a sími 511-5001 opið alla daga frá 9.00 - 22.00
Helgar
tilboð
30%afsl.