Morgunblaðið - 03.12.2006, Side 4

4 SUNNUDAGUR 3. DESEMBER 2006 MORGUNBLAÐIÐ
FRÉTTIR
www.jpv.is
Vilborg Dagbjartsdóttir kann
þá list að segja börnum góðar
sögur sem halda huganum
föngnum. Í bókinni birtast
sögur og ljóð sem komu út á
árunum 1959–2005.
Barnaefni Vilborgar er þegar
orðið sígilt.
Í TILEFNI af 190 ára afmæli Hins íslenska bókmennta-
félags hefur Landsbankinn á 120 ára afmælisári sínu
ákveðið að styrkja útgáfu Lærdómsrita Bókmennta-
félagsins til næstu þriggja ára. Árlegur styrkur nemur
1,5 milljónum króna. „Bókmenntafélagið áformar útgáfu
þriggja til fimm Lærdómsrita á ári hverju næstu árin.
Rausnarlegur fjárstuðningur Landsbankans næstu þrjú
ár mun auðvelda framkvæmd þessarar útgáfuáætlunar
og er því afar kærkominn. Bókmenntafélagið kann
Landsbankanum bestu þakkir fyrir veittan stuðning,“
segir Sigurður Líndal. Á myndinni má sjá Halldór J.
Kristjánsson, bankastjóra Landsbankans, Björgólf Guð-
mundsson, formann bankaráðs, Sigurð Líndal, forseta
Bókmenntafélagsins, og Jón Sigurðsson stjórnarmann.
Landsbanki styður Lærdómsrit
FÉLAG íslenskra stórkaupmanna
(FÍS) og Samtök iðnaðarins (SI)
hafa hvort í sínu lagi lýst andstöðu
við hækkun áfengis í kjölfar lækk-
unar á virðisaukaskatti og breyting-
ar á áfengisgjaldi 1. mars n.k.
FÍS telur það fullkomlega óásætt-
anlegt að laumað sé inn verðhækk-
unum á áfengi í söluhæstu flokkun-
um á sama tíma og virðisauka-
skatturinn er lækkaður. Í
fréttatilkynningu frá FÍS segir að
verðið sé afgerandi þáttur í kaup-
ákvörðunum fólks við val á víni og
því sé um afturför að ræða.
„FÍS bendir jafnframt á að hækk-
un áfengisgjalda leiðir til hækkunar
á neysluverðsvísitölu sem er verð-
bólguhvetjandi og mun þar með
koma verulega við pyngju hins al-
menna borgara.“ Þá bendir FÍS á að
á móti boðaðri virðisaukaskatts-
lækkun á áfengi hækki áfengisgjöld
frá sama tíma. Þau voru síðast
hækkuð á sterku áfengi um 7% í nóv-
ember 2004 og um 15% í nóvember
2002. Breytingarnar nú þýði að verð
á mest seldu áfengistegundunum
hækki umtalsvert.
Samtök iðnaðarins (SI) benda á
varðandi lækkun virðisaukaskatts á
áfengi og hækkun áfengisgjalds að í
greinargerð með frumvarpi til laga
um vörugjöld, um virðisaukaskatt og
gjald af áfengi og tóbaki sé skýrt
tekið fram að þessi breyting eigi ekki
að leiða til verðhækkana. Fjármála-
ráðherra hafi einnig lýst því yfir að
leitað verði leiða til að koma í veg
fyrir verðhækkanir af þessum sök-
um. SI segjast í umsögn sinni um
frumvarpið treysta því að það verði
ekki afgreitt frá efnahags- og við-
skiptanefnd án þess að tryggt verði
að verð á bjór haldist óbreytt.
Hvað skattlagningu matvæla
varðar telja SI að stórt skref sé stig-
ið í átt til einföldunar skattkerfisins
og afnáms tvöfalds kerfis neyslu-
skatta með frumvarpinu. SI lýsa þó
vonbrigðum yfir því að öll matvara
sé ekki tekin úr vörugjaldskerfinu.
Þau skora á efnahags- og viðskipta-
nefnd Alþingis að beita sér fyrir því
að vörugjöld verði felld niður af sæl-
gæti og súkkulaði og vörum sem
innihalda kakó í tilteknum tollnúm-
erum. Ekki verði séð að nein hald-
bær rök séu færð fyrir því að tiltekin
sætindi eða sælgæti beri áfram vöru-
gjöld. SI telja m.a. að með áfram-
haldandi innheimtu vörugjalda af
hluta matvæla sé viðhaldið flóknu og
dýru kerfi. Einnig að vörugjald raski
samkeppnisstöðu innan matvæla-
flokksins.
Mótmæla hækkun
Félag íslenskra stórkaupmanna og Samtök iðnaðarins eru
andvíg hækkun áfengis, SI vilja að vörugjöld fari af matvöru
MIKIL ölvun var í miðborginni á
föstudagskvöld og aðfaranótt laugar-
dags og var talsvert um lögregluút-
köll í heimahús vegna fylliríshávaða.
Fangageymslur lögreglunnar fylltust
um nóttina, þar af voru fimm manns
settir inn vegna líkamsárása og jafn-
margir vegna drykkju á almannafæri.
Til viðbótar gistu þrír fangageymslur
vegna gruns um ölvun við akstur.
Lögreglan segir langt síðan ástandið
hafi verið jafn slæmt. Almennt hafi
verið mikið fyllirí á fólki og mikil leið-
indi samfara því. Lögreglan hefur 16
fangaklefa og varð að losa nokkra
þeirra til að hleypa nýju fólki inn.
Ölvaðir ökumenn óku á ljósastaura
og umferðarmerki og náði lögreglan
tveimur þeirra. Þá kviknaði í bíl við
Síðumúla og var Slökkvilið höfuð-
borgarsvæðisins kallað út.
Átta líkamsárásir voru tilkynntar í
miðborginni og þrír menn fluttir á
slysadeild til aðhlynningar. Einn
þeirra hafði verið sleginn með flösku í
höfuðið aftan frá og er árásarmaður-
inn ófundinn.
Sex umferðaróhöpp urðu um nótt-
ina, þar af þrjú þar sem grunur lék á
ölvun við akstur. Bíll valt við Selja-
kirkju og er ökumaður talinn hafa
misst stjórn á bílnum í hálku en hann
er ómeiddur. Þá valt bíll á mótum
Miklubrautar og Lönguhlíðar en þeir
sem voru í honum létu sig hverfa áður
en lögregla kom.
Þá komu tvö fíkniefnamál til kasta
lögreglunnar þar sem menn voru að
neyta eigin efna. Einnig fékk lögregl-
an tilkynningar um þrjú innbrot í fyr-
irtæki í austurborginni.
Árásir og
fyllirí í
bænum
Fangageymslur
fylltust í fyrrinótt
LÖGREGLAN í Keflavík reyndi í
fyrrinótt að stöðva ökumann á
Reykjanesbraut á 132 km hraða á
klukkustund. Hann sinnti ekki
stöðvunarmerkjum og ók áfram
vestur Reykjanesbraut. Þar var
önnur lögreglubifreið skammt vest-
an við Grindavíkurveg sem mældi
bifreiðina á 141 km hraða. Öku-
maður jók hraðann samt enn, en
náðist loks á Aðalgötu í Keflavík.
Lögreglan þurfti að handjárna
manninn vegna óláta og flutti hann
á lögreglustöð.
Maðurinn var ölvaður og beið
hans skýrslutaka hjá lögreglu.
Þá slógust tveir karlmenn fyrir
utan skemmtistað í Keflavík um
nóttina og brutu rúðu. Ekki þótti
samt ástæða til að handtaka þá að
mati lögreglunnar.
Stöðvuðu ofsa-
akstur að lok-
inni eftirför
ALLT tiltækt lið frá Slökkviliði
höfuðborgarsvæðisins var kallað
út um eittleytið í fyrrinótt vegna
elds hjá konu í húsi eldri borgara
á Kópavogsbraut. Gekk greiðlega
að slökkva eldinn sem hafði
kviknað í rúmdýnu í svefn-
herbergi þar sem konan var
stödd. Hún var þó ekki sofnuð
þegar eldurinn kviknaði og forð-
aði sér út og lokaði dyrunum.
Sagði varðstjóri SHS að það hefði
verið hárrétt ákvörðun.
Reykskynjari er staðsettur í
íbúðinni. Hann fór ekki í gang
fyrr en slökkviliðsmenn opnuðu
herbergið en eldvarnir í húsinu
sjálfu eru ágætar að sögn varð-
stjóra.
Brást hárrétt
við eldsvoða
KVEIKT var í pósti í póstkössum í
fjölbýlishúsi í Grýtubakka í Breið-
holti á föstudag um klukkan 18 að
sögn varðstjóra Slökkviliðs höf-
uðborgarsvæðisins. Reyk lagði um
allan stigagang hússins og var
hann reykræstur af slökkviliðs-
mönnum. Tjónið mun hafa verið
óverulegt en tryggingafulltrúi var
samt kvaddur á vettvang til að
meta aðstæður.
Að sögn varðstjóra slökkviliðs-
ins hafa nokkrar tilkynningar um
að kveikt hafi verið í pósti í póst-
kössum borist SHS að undanförnu
en þau brunaútköll hafa þó ekki
einskorðast sérstaklega við Breið-
holtshverfið.
Kveikt í við
fjölbýlishús
STARFSFÓLK flugfélagsins Air
Atlanta Icelandic ákvað að láta jóla-
gjöf sína frá fyrirtækinu að þessu
sinni renna til Ástu Lovísu Vil-
hjálmsdóttur. Ásta Lovísa er þrítug
og einstæð móðir með þrjú börn á
aldrinum 2–11 ára. Hún hefur átt í
harðvítugri baráttu undanfarið við
krabbamein og er nú á sjúkrahúsi. Í
fréttatilkynningu segir að læknar
hennar hafi lagt áherslu á að hún
þurfi ekki að takast á við fjárhags-
áhyggjur því til viðbótar nú í aðdrag-
anda jólanna.
Jólagjöfin var afhent í jólasam-
kvæmi starfsfólksins á föstudaginn
var og tók Villi Þór hárskeri, faðir
Ástu Lovísu, við gjöfinni fyrir henn-
ar hönd.
„Þessi skemmtilega hugmynd
kom upp þegar við vorum að ræða
um að gefa árlega jólagjöf og hún
fékk einróma hljómgrunn hjá öll-
um,“ sagði Hannes Hilmarsson, for-
stjóri Air Atlanta Icelandic, sem af-
henti gjöfina fyrir hönd
starfsfólksins. „Við fengum pabba
hennar til að koma, sungum fyrir
hann eitt jólalag og afhentum honum
gjöfina.“
Ásta Lovísa fékk jólagjöf
Starfsfólk Atlanta
ákvað að gefa
veikri móður gjöf
Ljósmynd/Pjetur Sigurðsson
Gjöf Villi Þór, faðir Ástu Lovísu, og Hannes Hilmarsson, forstjóri Air Atl-
anta Icelandic, með ávísun á jólagjöfina upp á hálfa milljón króna.
♦♦♦
SNJÓFLJÓÐ féll úr Súðavíkurhlíð
á veginn milli Súðavíkur og Ísa-
fjarðar rétt eftir kl. 1 aðfaranótt
laugardags og lokaðist vegurinn
smærri bílum. Vitað var þó um
jeppling sem komst yfir spýjuna en
Vegagerðin ruddi snjónum burt í
gærmorgun. Spýjan kom á veginn í
námunda við Arnarneshamar og
höfðu ekki borist fregnir af frekari
hreyfingu í hlíðinni í gærmorgun.
Frostlaust var þá orðið á láglendi.
Um 20 gil í hlíðinni eru þekktir
snjóflóðafarvegir að sögn lögregl-
unnar á Ísafirði.
Snjóflóð féll
á veginn