Morgunblaðið - 03.12.2006, Blaðsíða 62

Morgunblaðið/Jim Smart
Viðburðir Listvinafélag Hallgrímskirkju fagnar nú 25. starfsári sínu og
stendur því fyrir mörgum uppákomum m.a tónleikum Monicu Groop.
|sunnudagur|3. 12. 2006| mbl.is
staðurstund
Tónleikar Sinfóníuhljómsveitar
Íslands ásamt Karlakórnum
Fóstbræðrum og Sergei Alek-
sashkin fá góða dóma. » 63
dómur
Frá frystihúsinu til forystu,
bókarkafli úr sögu Margrétar
Frímannsdóttur, Stelpan frá
Stokkseyri. » 64
bækur
Bókagagnrýni um Úti að aka: Á
reykspúandi Kadilakk yfir Am-
eríku eftir Einar Kárason og
Ólaf Gunnarsson. » 69
gagnrýni
Árni Matthíasson skrifar um
Joseph Arthur og nýjustu plötu
hans, Nuclear Daydream, í Tón-
list á sunnudegi. » 63
tónlist
Ítalska kvikmyndin Staður sál-
arinnar (Il posto dell’anima) fær
þrjár stjörnur hjá Önnu Svein-
bjarnardóttur. » 77
kvikmyndir
Eftir Ingveldi Geirsdóttur
ingveldur@mbl.is
FINNSKA messósópransöngkonan
Monica Groop syngur á árlegum
jólatónleikum Mótettukórs Hall-
grímskirkju í Hallgrímskirkju í dag,
sunnudag, og á morgun, mánudag.
Þetta er í þriðja sinn sem Groop
syngur með kórnum en hún er ein
fremsta messósópransöngkona
heims um þessar mundir.
„Ég syng á mörgum tónleikum í
desember en ég var svo heppin að
vera laus þá daga sem Hörður Ás-
kelsson, stjórnandi Mótettukórsins,
bauð mér að koma og ég vildi það
endilega. Hörður og Inga Rós, kona
hans, eru góðir vinir mínar frá því
fyrir löngu og mér finnst alltaf gam-
an að koma til Íslands. Eiginmaður
minn kemur með mér í þetta skipti
svo ferðin verður yndisleg,“ segir
Groop.
Alþjóðleg jólalög
Groop söng með Mótettukórnum
H-moll messu Bachs árið 1999 og
jólaóratóríu hans 2002. Nú eru á efn-
isskránni perlur evrópskrar jóla-
tónlistar frá ýmsum tímum.
„Jólalögin sem við völdum fyrir
þessa tónleika eru mjög alþjóðleg,
þau eru frá Englandi, Rússlandi,
Tékklandi, Þýskalandi, Frakklandi,
Finnlandi, Svíþjóð og svo þarf ég að
syngja á íslensku. Ég hef sungið ís-
lensk lög áður, en íslenskan er ólík
móðurmáli mínu sem er sænska þótt
ég hafi búið alla ævi í Finnlandi.
Áheyrendur á tónleikunum verða að
dæma hvernig mér tekst til með
þessi íslensku lög,“ segir Groop glöð
í bragði. „Það er einkar ánægjulegt
fyrir mig að syngja á jólatónleikum,
sérstaklega í svona stórri kirkju með
kór. Ég ólst upp við kórastarf, móðir
mín var kórstjóri og kirkjuorganisti.
Frá barnæsku hafa jólin alltaf verið
tengd við kirkjuna og kirkjan við
tónlistina, jólin byrja því hjá mér
með jólalögunum.“
Syngur Nóttin var sú ágæt ein
„Á tónleikunum mun ég m.a.
syngja sálminn Giv mig ej glans, ej
guld, ej prakt eftir finnska tón-
skáldið Jean Sibelius. Það er vinsæl-
asta jólalagið í Finnlandi og mjög
hefðbundið fyrir finnska jólalaga-
hefð. Okkar helstu jólalög eru eftir
finnsk tónskáld sem voru uppi á öld-
um áður en auðvitað, eins og í öllum
evrópskum löndum, höfum við mikið
af jólalögum frá öðrum löndum með
þýddum texta.“ Groop segir uppá-
haldsjólalagið sitt vera lag Sibelius-
ar. „Ég held líka mikið upp á ís-
lenska jólasálminn Nóttin var sú
ágæt ein, það er mjög fallegt og ég
mun syngja það á tónleikunum.“
Góð tónlistarmenntun
Groop hefur sungið með flestum
þekktustu hljómsveitum heims og í
kunnustu óperuhúsum heims undir
stjórn fremstu hljómsveitarstjóra.
Hún hefur verið fastagestur á hinu
alþjóðlega tónleikasviði síðan hún
kom fyrst fram og vakti heims-
athygli árið 1994 þegar hún þreytti
frumraun sína bæði í Carnegie Hall í
New York og Wigmore Hall í Lond-
on. Groop lítur samt frekar á sig sem
finnskan söngvara en alþjóðlegan.
„Ég er finnskur söngvari, fædd í
Finnlandi og ég segist stolt vera
þaðan. Ég hef sterkar tilfinningar til
þjóðernis míns og hvar sem ég er í
heiminum vil ég alltaf komast aftur
til Finnlands.“
Margir góðir klassískir tónlist-
armenn frá Finnlandi hafa orðið
þekktir erlendis og spurð hvort hún
hafi einhverja skýringu á því fer hún
að hlæja. „Ísland er miklu minna en
Finnland og þið eigið mjög marga
góða tónlistarmenn svo ég veit ekki
hvort þú ættir að spyrja þessarar
spurningar,“ segir hún við blaða-
mann og hlær. „En í Finnlandi held
ég að ástæðan fyrir þessu sé m.a.
góð menntun. Börn eiga möguleika á
að læra tónlist frá unga aldri og
þeim er vel fylgt eftir. Það er líka
mikil hefð fyrir tónlistarkennslu og
auðvelt fyrir tónlistarfólk að fá styrk
til að fara úr landi og læra meira hjá
frægum kennurum og í góðum skól-
um. Það er líka mikið af góðum fyr-
irmyndum í Finnlandi og það er
mikilvægt. Við höfum átt og eigum
góð tónskáld, tónlistarmenn og
söngvara sem mikið er litið upp til
og ég vona að ég sé ein af þessum
góðu fyrirmyndum fyrir einhverja.“
Jólatónleikar Mótettukórs Hall-
grímskirkju fara fram í Hallgríms-
kirkju í dag, sunnudag, kl. 17 og á
morgun, mánudag, kl. 20. Auk Mo-
nicu Groop taka þátt í tónleikunum
með kórnum Björn Steinar Sól-
bergsson orgelleikari og Daði Kol-
beinsson óbóleikari. Stjórnandi er
Hörður Áskelsson. Miðasala er í
Hallgrímskirkju.
Jólalög Monica Groop segir einkar ánægjulegt fyrir sig að syngja á jólatónleikum. Hún ólst upp við kórastarf og
frá barnæsku hafa jólin alltaf verið tengd við tónlist hjá henni enda var móðir hennar kórstjóri og kirkjuorganisti.
Evrópsk jóla-
tónlist frá
ýmsum tímum
Tónlist | Monica Groop syngur á jólatónleikum Mótettukórs Hallgrímskirkju
Listvinafélag Hallgrímskirkju
fagnar nú 25. starfsári sínu, en
það var stofnað haustið 1982 með
það markmið að efla listalíf við
Hallgrímskirkju í Reykjavík. Dag-
skrá afmælisársins hófst í gær
með opnun sýningar í forkirkju
Hallgrímskirkju sem nefnist Mynd
mín af Hallgrími. Þar sýna 27 ís-
lenskir myndlistarmenn útfærslur
sínar á hinni alkunnu mynd Hjalta
Þorsteinssonar af Hallgrími Pét-
urssyni.
Þrjár tónlistarhátíðir verða
haldnar á starfsárinu, Jólatónlist-
arhátíð Hallgrímskirkju, sem nú
er haldin í þriðja sinn og hefst í
dag, Alþjóðlegt orgelsumar 2007
og Kirkjulistahátíð, sem haldin
verður í ellefta sinn 11.–19. ágúst
2007.
Tveir af eftirsóttustu orgelsnill-
ingum samtímans, Michael Radu-
lescu frá Vínarborg og Olivier
Latry frá París og íslensk og
finnsk stórstjarna á sviði sönglist-
arinnar, Kristinn Sigmundsson og
Monica Groop eru gestir Listvina-
félagsins á afmælisárinu.
Á 25. starfsári félagsins er
áfram lögð áhersla á nýsköpun í
tónlist með frumflutningi tveggja
stórra kirkjulegra verka eftir ís-
lenska höfunda, Hallgrímspassíu
eftir Sigurð Sævarsson og óratórí-
unnar Cecilíu eftir Áskel Másson
við texta Thors Vilhjálmssonar.
Listvinafélagið kallar líka til
samstarfs tónlistarfólk sem hefur
á undanförnum árum vakið at-
hygli á sálminum, meðal annars
með eigin útsetningum á þekktum
sálmum. Alls verða fluttar átta
mismunandi dagskrár sem mun
öllum ljúka með samsöng við-
staddra. Þá verður enn sem fyrr
lögð áhersla á hið talaða orð með
flutningi Passíusálmanna og kynn-
ingu á þýðingu sonnettusveigs eft-
ir danska sálmaskáldið Lisbeth
Smedegaard Andersen.
Listvinafélag Hallgrímskirkju