Morgunblaðið - 19.01.2007, Qupperneq 6

6 FÖSTUDAGUR 19. JANÚAR 2007 MORGUNBLAÐIÐ
FRÉTTIR
Milljónamæringarnir
á Sólarkaffi
Ísfirðingafélagsins
á Broadway föstudaginn 26. janúar 2007.
Forsala aðgöngumiða 20. janúar kl. 14.00-16.00.
Skemmtikraftar: Bardukha og Brynhildur
Guðjónsdóttir leikkona.
Lífsýni tekin í skoðun
26 ára karlmaður handtekinn og hnepptur í gæsluvarðhald vegna gruns um
kynferðislega áreitni gagnvart fjórum telpum í Vogahverfinu á mánudag
RANNSÓKN kynferðisbrotadeildar LRH á
meintri kynferðislegri áreitni 26 ára gamals manns
gagnvart fjórum telpum á aldrinum 5 til 12 ára í
Vogahverfi á mánudag beinist m.a. annars að því að
upplýsa hvað maðurinn gerði yngstu telpunni sem
hann mun hafa hitt fyrir á leikvelli. Snerting mun
hafa átt sér stað en hversu gróf hún var er enn ekki
vitað. Hins vegar er ekki uppi rökstuddur grunur
um nauðgun og er málið rannsakað í heild sem
meint kynferðisleg áreitni og litið alvarlegum aug-
um sem slíkt. Til öryggis voru tekin lífsýni af hinum
grunaða og brotaþola eins og venja er í málum af
þessu tagi.
Maðurinn hefur verið úrskurðaður í gæsluvarð-
hald til 26. janúar á grundvelli rannsóknarhags-
muna. Hefur hann ekki komið við sögu lögreglu áð-
ur vegna kynferðisbrota.
Handtekinn samdægurs eftir lýsingu móður
Maðurinn var handtekinn sama dag og tilkynn-
ingar bárust lögreglu frá mæðrum allra telpnanna.
Það sem kom lögreglunni á sporið var frásögn einn-
ar móðurinnar sem séð hafði bifreið og mann sem
svipaði til lýsingar dóttur hennar. Það tiltekna barn
hafði maðurinn reynt að tæla upp í bíl til sín og
sömu aðferð beitti hann á tvær telpur í viðbót, en
umræddar þrjár telpur voru allar einar á ferð þegar
hann ók upp að þeim og gaf sig á tal við þær. Allar
sáu þær við honum og neituðu að fara upp í bílinn til
hans en sögðu mæðrum sínum hvað gerst hafði.
Átti þetta sér stað við Karfavog, Langholtsveg,
Goðheima og Rauðalæk.
Maðurinn var hins vegar fótgangandi að því er
talið er þegar hann gerðist ágengur við yngstu telp-
una á leikvellinum.
Að sögn lögreglunnar á höfuðborgarsvæðinu
leikur ekki grunur á um tengsl þessa máls við önnur
óupplýst mál af svipuðum toga þar sem ókunnugir
menn eða menn á bíl hafa nálgast telpur á grun-
samlegan hátt. Dæmi er um að maður hafi tekið
telpu upp í bíl og skilið hana eftir á víðavangi í
slæmu veðri en henni var bjargað af vegfaranda.
Aðaldalur | Mjög kalt hefur verið undanfarna
daga í Aðaldal og nágrannasveitum. Bregður
fólki við því um jólin var hlýtt og veðragott á
svæðinu eftir langan kuldakafla í nóvember og
byrjun desember.
Frostið fór í -23 gráður á Staðarhóli í vikunni,
en Grenjaðarstaðarbæirnir og Múlatorfan eru
þekkt fyrir mikinn kulda og myndast þar oft
svolítill kuldapollur. Þetta er mesta frost sem
komið hefur í vetur að sögn Hermanns Hólm-
geirssonar veðurathugunarmanns á Staðarhóli.
Hann segir að kyrrviðrasamt sé á þessu svæði
og kuldinn nái því oft að verða mikill. Á veð-
urathugunarstöðinni á Sandi í Aðaldal sem nú
hefur verið lögð niður var sjaldan eins mikið
frost og á Staðarhóli enda bærinn nær sjónum
og þar vindasamara.
Vilja oftast vera úti
Menn og skepnur kunna misjafnlega að meta
kuldann en allar skepnur eru á gjöf í dalnum. Á
bænum Árbót þar sem rekið er nær þrjú hundr-
uð gripa holdanautabú fer hluti gripanna út á
hverjum degi hvernig sem viðrar og kunna
kýrnar bara vel við sig í kuldanum og hríðinni.
Þeim er gefið bæði inni og í heygrind úti, en
oftast vilja gripirnir vera úti við.
Að sögn Viðars Hákonarsonar í Árbót er það
helst í mikilli bleytu sem holdakýrnar vilja vera
inni en í þurrakulda eins og nú líður þeim best
úti.
Vetrarbeit sauðfjár í Aðaldal er nánast hætt
en víða á bæjum eru hestar úti við. Þeir hafa
rúllur og moð til þess að vinna í auk þess sem
þeir eru á beit því snjórinn er ekki mjög mikill
og því ekki jarðlaust.
Færð er enn góð á vegum enda öllu haldið
opnu með snjóruðningstækjum en spáin er svip-
uð fram að helgi.
Kuldatíð
í Aðaldal
Morgunblaðið/Atli Vigfússon
Kuldabolar Galloway-
nautgripirnir í Árbót í Að-
aldal kunna vel við sig í
kuldanum og kjósa heldur
að vera úti en inni, meðan
ekki er bleyta.
Kvíga Lífið gengur sinn
vanagang í útihúsum Þing-
eyinga þrátt fyrir rysjótta
tíð. Þessi litla kvíga í
Reykjahverfi fæddist í
mesta kuldanum og var
nefnd Jökla.
HORNAFJARÐARSKIPIN Jóna
Eðvalds SF 200 og Krossey voru
við síldveiðar á Grundarfirði að-
faranótt fimmtudagsins. Að sögn
Ægis Birgissonar skipstjóra á
Jónu Eðvalds fengu þeir um 700
tonn í tveimur köstum en Krossey
fékk 600 tonn í einu kasti. Skipin
voru bæði á leið út úr Grund-
arfirði í birtingu í gærmorgun en
farið verður með síldina til vinnslu
á Hornafirði.
Ægir sagði síðasta farm Kross-
eyjar úr Grundarfirðinum hafa
farið í frystingu. Að sögn Ægis
verður stefnan sett á loðnuveiðar
eftir löndun en mikil áta í
loðnunni hefði gert það að verkum
að síldin varð fyrir valinu í þetta
sinn.
Fiskifræðingar hafa að und-
anförnu verið við rannsóknarstörf
á Grundarfirði í tengslum við
dauða 20 tonna af eldisþorski. Við
þær rannsóknir hefur komið ljós
að mikið magn
af síld er inni á
Grundarfirði.
Endanleg nið-
urstaða rann-
sóknanna liggur
enn ekki fyrir en
þó er ljóst að
súrefnisskortur
hefur valdið
dauða þorsksins,
ekki aðeins í kvíunum, heldur líka
annars staðar í firðinum.
Þorsteinn Sigurðsson, sviðs-
stjóri uppsjávarfisks, segir að ver-
ið sé að vinna úr súrefnismæl-
ingum og gera seltu- og hitakort
svo hægt sé að átta sig á að-
stæðum. Þá mun rannsóknaskipið
Bjarni Sæmundsson mæla magn
síldar á þessum slóðum eftir helgi.
Þorsteinn segir að svona atburðir
séu fremur fátíðir, en til séu dæmi
um svipað atvik frá Noregi fyrir
rúmum 10 árum.
Fylltu sig af síld
á Grundarfirði
BORGARSTJÓRN samþykkti á
fundi sínum á þriðjudag tillögu
Samfylkingarinnar um að þess
verði minnst að á
næsta ári verða
100 ár liðin frá
því að konur
tóku fyrst sæti í
bæjarstjórn
Reykjavíkur.
Það voru þær
Katrín Magn-
ússon, Þórunn
Jónassen, Bríet
Bjarnhéð-
insdóttir og Guðrún Björnsdóttir.
Samþykkt var að skipa afmæl-
isnefnd sem vinna mun að tillögum
um hvernig þessa verði sem best
minnst.
Í greinargerð með tillögunni er
einnig rifjað upp að á þessu ári eru
100 ár síðan „giftar konur kjós-
enda“ fengu kosningarétt.
100 ár síðan
konur settust
í bæjarstjórn
Bríet
Bjarnhéðinsdóttir
BANDALAG starfsmanna ríkis og
bæja og Bandalag háskólamanna
eru sammála um að yfirlýsing Páls
Magnússonar útvarpsstjóra varð-
andi það að kjör starfsmanna Rík-
isútvarpsins muni haldast óbreytt
við breytingu á rekstrarformi
stofnunarinnar bæti engu við það
sem fram komi í frumvarpinu sjálfu
þrátt fyrir ítrekaðar óskir samtak-
anna um breytingar.
Samtökin segja í yfirlýsingu að
ýmsum spurningum sé ósvarað í
þessum efnum, til dæmis hvað ger-
ist þegar gildandi kjarasamningar
renni út. „Mun RÚV ohf. til að
mynda vera reiðubúið til að semja á
grundvelli fyrirliggjandi kjara-
samninga við aðildarfélög innan
BSRB og BHM sem hafa samnings-
rétt fyrir starfsmenn RÚV?
Einnig er óvíst hvernig samið
verður við þá sem hefja störf eftir
að lögin taka gildi,“ segir einnig.
Ýmsum spurn-
ingum ósvarað
FARIÐ var út í skipið Wilson
Muuga, á vegum Umhverfisstofn-
unar í gær, til að dæla sjó úr lestum
skipsins og athuga hvort meiri olía
kæmi úr tönkum þess við það að
pláss myndist í lestinni.
Aðgerðir töfðust hins vegar þeg-
ar þyrla Landhelgisgæslunnar, sem
var að flytja mannskap út í skipið,
þurfti að hverfa af vettvangi vegna
slysaútkalls. Hún var síðan aft-
urkölluð og kom þá til baka og hélt
verkefninu áfram við skipið.
Sjódæling tafð-
ist við Muuga
Fjórar vikur eru frá strandi Muuga.
BIFREIÐ fór út af veginum í Bisk-
upstungum í gær og var þyrla
Landhelgisgæslunnar sett í við-
bragðsstöðu vegna þess að fyrstu
upplýsingar sem bárust um slysið
gáfu til kynna að það væri alvar-
legt.
Þegar lögreglumenn frá Selfossi
komu á vettvang reyndust meiðsl
ökumanns, sem var einn í bifreið-
inni, ekki eins mikil og talið var.
Því var aðstoð þyrlunnar aft-
urkölluð en ökumaður bifreið-
arinnar hins vegar fluttur með
sjúkrabifreið á sjúkrahús.
Mjög hált er á vegum í upp-
sveitum Árnessýslu að sögn lög-
reglunnar á Selfossi og spáð er
áframhaldandi frosti næstu daga.
Lenti utan veg-
ar í Árnessýslu