Morgunblaðið - 09.02.2007, Blaðsíða 6

6 FÖSTUDAGUR 9. FEBRÚAR 2007 MORGUNBLAÐIÐ
FRÉTTIR
Eftir Egil Ólafsson
egol@mbl.is
VARNARLIÐIÐ hefur enn ekki
gefið út launamiða vegna launa-
greiðslna síðasta árs. Lagaskylda
hvílir á öllum sem greiða laun að
skila slíkum miðum til skattyfir-
valda og þeirra sem fengið hafa
greidd laun. Bjarni Ingimarsson,
sem starfaði á launaskrifstofu varn-
arliðsins á sínum tíma, segist undr-
andi á þessu og segist óttast að
þetta kunni að valda sumu fólki
sem vann hjá varnarliðinu vand-
ræðum.
Lagaskylda að
skila launamiðum
500-600 manns störfuðu hjá varn-
arliðinu þegar það hætti starfsemi
sl. haust. Gengið var frá uppgjöri
við alla starfsmenn í september,
þ.e. launum, orlofi og launatengdum
greiðslum. Engum aðila hér á landi
var falið að sjá um að svara fyr-
irspurnum frá starfsmönnum eða
viðskiptamönnum varnarliðsins eft-
ir að það hvarf úr landi.
Undanfarin ár hefur varnarliðið
sent upplýsingar um laun til skatt-
yfirvalda og þau hafa síðan verið
forskráð á skattframtöl starfs-
manna. Nú bendir hins vegar flest
til að upplýsingar um launa-
greiðslur starfsmanna varnarliðsins
vegna tekna síðasta árs verði ekki
forskráðar í framtölin. Framlengd-
ur frestur fyrirtækja til að skila
upplýsingum um forskráningu
rennur út í dag.
Bjarni sagði að það fólk sem
starfaði hjá varnarliðinu hefði allt
fengið launaseðla sl. haust og það
ætti að gera því kleift að telja fram
til skatts. Það væri hins vegar ekki
víst að allir hefðu passað upp á
launaseðla og því hætt við að ein-
hverjir lentu í vandræðum. Grund-
vallaratriðið væri hins vegar að það
hvíldi lagaskylda á varnarliðinu eins
og öðrum launagreiðendum að skila
launamiðum. Hann sagðist telja það
vera hlutverk íslenskra stjórnvalda
að tryggja að þetta yrði gert.
Skýrr hefur séð um gagnaþjón-
ustu fyrir varnarliðið. Samkvæmt
heimildum Morgunblaðsins hefur
varnarliðið ekki greitt fyrir þjón-
ustu Skýrr síðustu mánuðina. Þór-
ólfur Árnason, forstjóri Skýrr,
sagðist ekki geta tjáð sig um mál
einstakra viðskiptavina félagsins.
Hann sagði að Skýrr varðveitti all-
ar upplýsingar viðskiptavina sinna
og það stæði ekki á félaginu að
veita umbeðna þjónustu. Ef um ein-
hverjar vanefndir væri að ræða þá
lægju þær ekki hjá Skýrr.
Varnarliðið hefur ekki
enn skilað launamiðum
Morgunblaðið/ÞÖK
Farnir Varnarliðið yfirgaf Kefla-
víkurflugvöll á síðasta ári.
Upplýsingar um laun starfsmanna ekki forskráðar í skattframtöl?
Í HNOTSKURN
»Varnarliðið flutti starf-semi frá Keflavík-
urflugvelli á síðasta ári og
sagði upp öllum íslenskum
starfsmönnum.
»Varnarliðið gerði upp viðstarfsmennina í haust, en
hefur ekki enn skilað launa-
miðum til skattyfirvalda eða
fyrrverandi starfsmanna.
»Öllum launagreiðendumber lagaskylda til að skila
launamiðum.
TÍU kindur fundust þegar farið var að skyggnast
um í Svínatungum og Koltungum í Mýrdal eftir
fé. Voru þetta að mestu leyti lömb en þó voru
tvær fullorðnar kindur í hópnum. Kindurnar
voru frá þremur bæjum, Litlu-Heiði, Giljum og
Norður-Fossi. Hér sjást Ólafur Steinar Björns-
son, bóndi á Reyni, og Grétar Einarsson, bóndi í
Þórisholti, með lambhrút í sauðbandi. Kindurnar
voru farnar að horast en vel frískar á fæti.
Morgunblaðið/Jónas Erlendsson
Eftirlegukindur sóttar á fjöll
Eftir Silju Björk Huldudóttur
silja@mbl.is
„ÞESSI góða niðurstaða kemur
mér í sjálfu sér ekki á óvart, enda
hefur Útlendingastofnun sýnt að-
stæðum þessara kvenna mikinn
skilning,“ segir Margrét Stein-
arsdóttir, lögfræðingur Alþjóða-
húss, og vísar þar til þess að Út-
lendingastofnun veitti nýverið
Julie Okechi, fyrstri erlendra
kvenna, dvalarleyfi af mannúðar-
ástæðum vegna heimilisofbeldis
sem hún varð fyrir af hendi ís-
lensks eiginmanns síns.
Aðspurð segist Margrét vongóð
fyrir hönd þeirra kvenna sem eru
í svipaðri stöðu og Julie var og
hefur trú á því að Útlend-
ingastofnun muni veita þeim
samskonar leyfi ef forsendur séu
fyrir hendi, því auðvitað þurfi að
skoða hvert einstakt mál. Mar-
grét hefur áður lýst því að sú stað-
reynd að borgarar EES-ríkja hafi
forgang fram yfir fólk utan svæð-
isins, þegar kemur að veitingu at-
vinnuleyfa, færi eiginmönnum
kvenna sem eru frá ríkjum utan
EES-svæðisins beitt vopn upp í
hendur. Aðspurð segir hún nýlegt
leyfi Útlendingastofnunar hafa
slævt þetta vopn þótt vissulega sé
staða umræddra kvenna ennþá
erfið og óörugg á margan hátt.
Að mati Margrétar ættu íslensk
stjórnvöld að íhuga alvarlega það
að fara að dæmi Norðmanna, sem
tekið hafa upp þá vinnureglu að
skoða vel bakgrunn þeirra manna
sem kvænast erlendum konum og
fá þær hingað til lands. „Mér
finnst vel koma til greina að leita
eftir upplýsingum um hvort um-
ræddir menn hafi hlotið dóm eða
verið kærðir fyrir ofbeldi, jafn-
framt því að skoða hvort þeir hafi
kvænst erlendum konum áður og
flutt þær til landsins,“ segir Mar-
grét og tekur fram að auðvitað
þurfi að útfæra þetta þannig að
það samræmist persónulögum.
Snýst ekki um mannúð
heldur mannréttindi
„Við fögnum því að Julie fékk
dvalarleyfi hérlendis. Reynslan
ein á hins vegar eftir að sýna okk-
ur hvort hér hafi verið um ein-
stakt tilfelli að ræða eða hvort
þetta sé fordæmi sem nýtast muni
öðrum konum í svipaðri stöðu,“
segir Sabine Leskopf, stjórn-
armaður í Samtökum kvenna af
erlendum uppruna.
Að sögn Sabine breytir nýveitt
dvalarleyfi Útlendingastofnunar
af mannúðarástæðum ekki þeirri
sannfæringu stjórnar samtak-
anna að nauðsynlegt sé að breyta
lögum til þess að tryggja rétt-
arstöðu erlendra kvenna sem yf-
irgefa ofbeldisfulla eiginmenn.
„Í mínum huga snýst þetta ekki
um mannúð heldur mannréttindi,
að einstaklingur þurfi ekki að
vera í sambandi þar sem viðkom-
andi er beittur ofbeldi,“ segir Sab-
ine og tekur fram að enn séu sorg-
lega mörg dæmi þess að erlendar
konur þori ekki að yfirgefa ofbeld-
isfulla eiginmenn sína eða reyni
að þrauka ofbeldisfull sambönd í
þau tvö ár sem til þarf til að konan
geti fengið sjálfstætt dvalarleyfi
með skilyrði um atvinnuþátttöku í
stað makaleyfis.
Samtök kvenna af erlendum uppruna kalla enn eftir lagabreytingu
Vopnið hefur verið slævt
Margrét
Steinarsdóttir
Sabine
Leskopf
ÓLAFUR Ragn-
ar Grímsson, for-
seti Íslands, flytur
í dag opnun-
arávarp á sýningu
á verkum eftir Jó-
hannes Kjarval og
Ólaf Elíasson í
listasafninu Gam-
mel Strand í Dan-
mörku. Það er í
fyrsta sinn sem
verkum þessara íslensku myndlistar-
manna er skipað saman á sýningu.
Kjarvalsverkin eru ríflega 30 talsins
og mörg verka Ólafs eru ný. Sýningin
ber á dönsku heitið Lavaland. Áður
munu forsetahjónin sitja hádegis-
verðarboð í Amalienborg.
Forsetinn mun einnig flytja erindi
á málþingi danskra atvinnurekenda
um árangur íslenskra fyrirtækja er-
lendis og framtíðarhorfur. Meðal ann-
arra frummælenda eru Sigurður Ein-
arsson, stjórnarformaður Kaupþings,
Hannes Smárason forstjóri FL-Gro-
up, og Hörður Arnarson, forstjóri
Marels. Fundarstjóri er Uffe Elle-
mann Jensen, fyrrverandi utanríkis-
ráðherra Danmerkur.
Opnar
sýningu í
Danmörku
Verk Ólafs Elíasson-
ar og Kjarvals sýnd
Ólafur Ragnar
Grímsson
EFTIRFARANDI bókun var sam-
þykkt á fundi stjórnar Lögmanna-
félags Íslands miðvikudaginn 7.
febrúar í tilefni af forsíðuumfjöllun
Morgunblaðsins um dóm Hæstarétt-
ar Íslands í máli nr. 329/2006:
„Stjórn Lögmannafélags Íslands
harmar myndbirtingu Morgunblaðs-
ins af fimm hæstaréttardómurum á
forsíðu blaðsins þann 2. febrúar sl. í
tengslum við frétt um að dómurinn
hefði mildað refsingu í sakamáli sem
dómur gekk í deginum áður. Stjórn
Lögmannafélagsins tekur sérstak-
lega fram að öflug og opin umræða
um niðurstöður dómstóla sé afar
mikilvæg í hverju réttarríki og hana
beri að efla.
Stjórnin telur hins vegar fráleitt
að draga dómara réttarins persónu-
lega fram í umræðuna með þeim
hætti sem gert var enda er það mik-
ilvæg forsenda fyrir hlutleysi dóm-
stóla að niðurstöður þeirra séu ekki
tengdar við persónur dómendanna
sjálfra.“
Harma birt-
ingu mynda
♦♦♦
VIÐSKIPTABLAÐINU
hefur verið breytt í dag-
blað sem kemur út fimm
daga vikunnar. Óli Björn
Kárason útgáfustjóri Við-
skiptablaðsins afhenti
Höllu Tómasdóttur fram-
kvæmdastjóra Við-
skiptaráðs, fyrsta Við-
skiptablaðið í nýrri
útgáfu.
„Áherslan verður
áfram á viðskipti og efna-
hagsmál. Þar verður ekki mikil breyting á.
Hins vegar stefnum við að því að færa okkur
aðeins út í þjóðmálin og breikka efnistökin,“
sagði Gunnlaugur Árnason, ritstjóri Við-
skiptablaðsins um breytta útgáfu.
Viðskiptablaðið kom fyrst út 26. apríl árið
1994, en stofnandi blaðsins var Óli Björn
Kárason.
Á þriðjudögum, fimmtudögum og föstu-
dögum verða ákveðnar þemasíður en á mið-
vikudögum koma út sérblöð. Blaðið í gær var
24 síður en Gunnlaugur sagði að helgarblað
Viðskiptablaðsins yrði 40 síðna blað þar sem
lögð yrði áhersla á gott og áhugavert lesefni.
Viðskiptablaðinu
breytt í dagblað
Nýtt blað Halla
Tómasdóttir tók við
fyrsta eintakinu.