Morgunblaðið - 09.02.2007, Side 51

MORGUNBLAÐIÐ FÖSTUDAGUR 9. FEBRÚAR 2007 51
menning
Hvað segirðu gott?
Bara allt mjög gott, takk.
Hefurðu stundað hugleiðslu?
(Spurt af síðasta aðalsmanni, Vík-
ingi Heiðari Ólafssyni píanóleik-
ara) Nei, ekki prófað það.
Kanntu þjóðsönginn?
Auðvitað.
Hvað talarðu mörg tungumál?
Þrjú; ensku, þýsku og íslensku.
Tel mig reyndar góðan í dönsk-
unni en það eru þó eitthvað skipt-
ar skoðanir um það.
Hvenær fórstu síðast til út-
landa og hvert?
Að búa erlendis tel ég ekki með
þannig að síðasta sumar fór ég í
frí til New York, það var magnað.
Uppáhaldsmaturinn?
Kalkúnn með öllu tilheyrandi á
gamlárs klikkar aldrei.
Bragðbesti skyndibitinn?
Er tíður gestur á Eldsmiðjunni
þegar ég kem heim til Íslands.
Hvaða bók lastu síðast?
Snáka og eyrnalokka eftir Hi-
tomi Kanehara.
Hvaða leikrit sástu síðast?
Patrek 1,5, fór á það með félög-
unum í janúar og skemmti mér
mjög vel.
En kvikmynd?
The Black Dalia.
Hvaða plötu ertu að hlusta á?
Hafdísi Huld, Dirty paper cup, og
Lay Low, Please don’t hate me.
Uppáhaldsútvarpsstöðin?
Kann ekki á útvarp.
Besti sjónvarpsþátturinn?
Friends, ekkert sem hefur topp-
að það.
Þú ferð á grímuball sem …
Robbi Gunn.
Minden eða Valur?
Það kemur ekkert í staðinn fyr-
ir Val.
Helstu kostir þínir?
Góður í fótbolta.
En gallar?
Robbi Gunn segir að ég taki of
mikið til og tuði alltaf í sér!
Fyrsta ástin?
Kærasta mín, Marín Sörens
Madsen.
Besta líkamsræktin?
Sund.
Algengasti ruslpósturinn?
Flestallt sem maður fær í pósti
er rusl.
Hvaða ilmvatn notarðu?
Armani Mania.
Hvar myndirðu vilja búa ann-
ars staðar en á Íslandi?
Væri til í að búa um tíma í Ástr-
alíu, kemur sér samt ekki mjög
vel fyrir handboltamann eins og
mig.
Ertu með bloggsíðu?
Nei.
Hvers viltu spyrja næsta við-
mælanda?
Hvar er Robbi Gunn með tattú?
Tekur of mikið til og tuðar
Morgunblaðið/Brynjar Gauti
Bolti Snorra Stein þykir gott að fá kalkún í matinn á gamlárskvöld.
Aðalsmaður vikunnar
er boltastrákur sem
býr í Þýskalandi. Þar
leikur hann með hand-
knattleiksliðinu Mind-
en en auk þess er hann
leikstjórnandi Íslenska
landsliðsins í hand-
knattleik og stóð sig
vel á nýafstöðnu
heimsmeistaramóti.
Íslenskur aðall | Snorri Steinn Guðjónsson
MEÐ sex óskarsverðlaunatilnefn-
ingar í farteskinu kemur spænska
kvikmyndin Pan’s Labyrinth ask-
vaðandi inn í bíóhús á Íslandi um
helgina.
Pan’s Labyrinth er ævintýramynd
fyrir fullorðna og segir sögu Ófelíu,
sem ferðast 10 ára gömul með óléttri
móður sinni í sveitahéruð Norður-
Spánar árið 1944, eftir sigur Fran-
cos. Ætlunin er að setjast þar að með
nýjum eiginmanni móðurinnar, en sá
er hermaður og allt annað en ljúfur.
Ófelía uppgötvar sinn eigin heim
sem er fullur af skrýtnum verum,
hættum og spennandi ævintýrum.
Þar kemst hún að því hver hún er og
hver örlög hennar eru.
Óskarstilnefningar fær myndin
fyrir besta handrit, myndatöku, tón-
list, förðun, listræna stjórnun og sem
besta erlenda myndin. Myndin hlaut
auk þess tilnefningu til Golden
Globe-verðlauna sem besta erlenda
myndin, átta BAFTA-tilnefningar
og er á yfir 130 topp tíu-listum gagn-
rýnenda yfir bestu myndir ársins.
Nýlega náði hún svo þeim áfanga að
verða tekjuhæsta mynd með
spænsku tali sem sýnd hefur verið
vestra en Pan’s Labyrinth situr nú í
8. sæti bandaríska vinsældalistans.
Með aðalhlutverk fara Ivana Ba-
quero, Ariadna Gil, Segi López og
Doug Jones. Leikstjóri er Guillermo
Del Toro sem skrifaði einnig hand-
ritið.
Pańs Labyrinth eða El Laberinto
del Fauno eins og myndin heitir á
spænsku verður frumsýnd 9. febrúar
í Regnboganum af Græna ljósinu,
sem þýðir að ekkert hlé er gert á
sýningum.
Frumsýning |Pan’s Labyrinth
Völundur Kvikmynd Del Toro hefur hlotið sex tilnefningar til Óskarsins.
Ævintýramynd
fyrir fullorðna
ERLENDIR DÓMAR:
Metacritic 98/100
The New York Times 100/100
Premiere 100/100
Rolling Stone 100/100
Washington Post 100/100
Los Angeles Times 90/100
Variety 80/100
(Allt skv. Metacritic)
LISTAHÁTÍÐ í Reykjavík 2007
verður haldin dagana 10. til 26. maí.
Dagskrá Listahátíðar var kynnt í
Iðnó í gær og verður margt áhuga-
vert um að vera eins og undanfarin
ár.
Menntamálaráðherra, Þorgerður
Katrín Gunnarsdóttir, setur hátíð-
ina í Listasafni Íslands og við það
tilefni koma fram m.a. Hamrahlíð-
arkórinn, afríski hópurinn Konono
N°1 og Ghostigital.
Upphafsdagar hátíðarinnar
marka lok frönsku menningarkynn-
ingarinnar „Pourqoui Pas? Franskt
vor á Íslandi 2007“ með franska
götuhópnum Royal de Luxe sem
sýnir útiatriði af stærðargráðu sem
hefur ekki sést hér áður. Reykvísk-
um skólabörnum verður boðið í bæ-
inn af því tilefni.
Ballett frá San Francisco
Margir stórir og glæsilegir við-
burðir einkenna hátíðina í ár; þar
ber hátt koma San Francisco ball-
ettsins en Helgi Tómasson hefur
sett saman sýningu sérstaklega fyr-
ir Íslendinga sem byggist eingöngu
á verkum sem hann hefur samið fyr-
ir flokkinn. Sinfóníuhljómsveit Ís-
lands mun frumflytja, ásamt hér-
lendum einsöngvurum, óperu
Hafliða Hallgrímssonar Die Wält
der Zwischenfälle og rússnesku
barítónarnir Bryn Terfel og Dmitri
Hvorostovsky koma fram í Há-
skólabíói 20. maí.
Fjörutíu tónlistarmenn frá Balk-
anskaga, undir forystu hins heims-
þekkta tónlistarmanns og tónskálds
Gorans Bregovic, verða með fjör
fyrir brúðkaup og jarðarfarir í
Laugardalshöllinni í samstarfi við
tónlistarhátíðina Vorblót.
Leikið í varðskipi
Sviðslistum er gert hátt undir
höfði á hátíðinni og leikið verður á
götum úti, í varðskipi, í heima-
húsum, í Þjóðleikhúsinu og víðar.
Leiklistin teygir sig einnig út á land,
barnasýningin Les Kunz fer norður
í Samkomuhúsið á Akureyri og í
íþróttamiðstöðina á Egilsstöðum.
Einn þekktasti enskumælandi
leikflokkur heims, Cheek by Jowl,
kemur hingað í samstarfi við Þjóð-
leikhúsið með glænýja sýningu á
Cymbeline eftir Shakespeare. Ís-
lensku leiksýningarnar verða Partíl-
and í Þjóðleikhúsinu, Yfirvofandi,
sem telst hreinræktað stofudrama
því það er leikið heima í stofu og
Gyðjan í vélinni, flutt um borð í
varðskipinu Óðni.
Tónlistin kemur víða að
Auk flutnings Sinfóníunnar á óp-
eru Hafliða leikur hljómsveitin með
hinum heimsþekkta unga píanóleik-
ara Hélène Grimaud, en þeir tón-
leikar marka lok frönsku menning-
arkynningarinnar. Af öðrum
tónlistarviðburðum má nefna flutn-
ing kvartetts Kammersveitar
Reykjavíkur á strengjakvartettum
Jóns Leifs, tónleikadagskrá Áshild-
ar Haraldsdóttur helgaða verkum
Atla Heimis Sveinssonar í Þjóðleik-
húsinu og tónleika Hljóðkompanís-
ins og íslenskra og erlendra tónlist-
armanna í Hallgrímskirkju. Þá má
ekki gleyma tónleikaröð ungra tón-
listarmanna í Ými, þeirra Tinnu
Þorsteinsdóttur, Ara Vilhjálms-
sonar, Elfu Rúnar Kristinsdóttur og
fleiri. Frá Kongó í miðri Afríku
kemur afar sérstök hljómsveit, Ko-
nono N°1, sem í sumar hlaut BBC-
verðlaunin fyrir heimstónlist. Þessi
hljómsveit leikur á hefðbundin afr-
ísk hljóðfæri í úr sér gengna hljóð-
nema frá Evrópu.
Djassáhugamenn fá heilmikið fyr-
ir sinn snúð, E.S.T.-tríóið frá Sví-
þjóð er margverðlaunað og prýðir
forsíður flestra djasstímarita heims.
Þeir piltar flytja rokkskotinn djass á
Nasa í lok hátíðarinnar.
Hönnunarsýningin Kvika
Myndlistin fær líka sinn sess;
opnunarsýningin í Listasafni Ís-
lands verður fyrsta stóra sýningin á
verkum Cobra-listamannanna hér á
landi, daginn eftir verður opnuð stór
sýning á verkum Roni Horn í Lista-
safni Reykjavíkur og ekki má
gleyma nýjum verkum Spencers
Tunick í Galleríi i8.
Stór íslensk hönnunarsýning,
Kvika, verður á Kjarvalsstöðum, en
það er í fyrsta sinn sem Listahátíð
kemur að slíkri sýningu.
Listahátíð teygir sig að venju út á
land og fer víða í ár; Tyrkjaránsins
verður minnst með glæsilegri sýn-
ingu og tónleikum í Vestmanna-
eyjum og Vatnasafn Roni Horn
verður opnað í Stykkishólmi.
Listahátíð verður einnig í Laug-
arborg í Eyjafirði, þar sem íslensk
tónverk verða flutt á þrennum tón-
leikum.
Dagskrá Listahátíðar í Reykjavík, dagana 10.–26. maí, kynnt í Iðnó í gær
Stjörnum prýdd Listahátíð
Miðasala á Listahátíð í Reykjavík
2007 er hafin á vefslóðinni
www.listahatid.is og í síma
552 8588 milli kl. 10 og 16 virka
daga. Miðasala á tónleika Gorans
Bregovic í Laugardalshöll fer einn-
ig fram á www.midi.is.
Heimsfrægur Goran Bregovic kemur fram á Listahátíð ásamt fjörtíu tónlistarmönnum frá Balkanskaga.