Morgunblaðið - 23.03.2007, Qupperneq 10

10 FÖSTUDAGUR 23. MARS 2007 MORGUNBLAÐIÐ
FRÉTTIR
Á FIMMTUDAG í síðustu viku var
farið í ferð á nokkrum jeppum yfir
hálendi Íslands. Safnast var saman
á Egilsstöðum og haldið þaðan
sem leið lá upp á Fljótsdalsheiði
og upp að Snæfellsskála. Þaðan
var haldið fram hjá Þjófahnjúkum
og farið upp Eyjabakkajökul í átt
að Grímsfjalli og þar var gist í
skála Jöklarannsóknafélags Ís-
lands.
Morguninn eftir var haldið af
fjallinu og niður af Tungnárjökli
og komið við í Jökulheimum en
þaðan var haldið fram hjá Ljósu-
fjöllum í átt að Hrauneyjum og
þar tekin olía. Þegar búið var að
tanka var farið yfir Þjórsá í átt að
Hofsjökli en þar stendur skálinn í
Setri í eigu 4x4 klúbbsins og þar
var áð yfir nótt. Á laugardaginn
var farið austur fyrir Hofsjökul
um Kvíslárveitur í átt að Laug-
arfelli en þar var grillað dýrindis
fjallalamb að hætti Fjalladýrðar á
Fjöllum en yfirkokkur var enginn
annar en Villi í Möðrudal, eins og
segir á vefsíðunni vopnafjordur.is
Svo fór mannskapurinn í laugina
til að skola af sér jöklarykið þrátt
fyrir að úti væri 15 stiga frost og
töluverður vindur. Morguninn eftir
var farið til austurs, í átt að Bárð-
ardal og farið þar niður og þjóð-
vegurinn ekinn heim á leið.
Í þessari ferð voru félagar í 4x4
klúbbnum á Austurlandi og björg-
unarsveitarmenn frá Vopnafirði.
Morgunblaðið/Jón Sigurðsson
Að Laugarfelli Þar var grillað og farið í laugina í 15 stiga frosti.
Stóri hálendishringurinn
VELFERÐARSVIÐ Reykjavík-
urborgar samþykkti á síðasta fundi
sínum að sviðið hefði milligöngu
um undirbúning að starfatorgi fyr-
ir eldri borgara í Reykjavík.
Nýverið opnaðist möguleiki fyrir
aldraða á að vinna sér inn allt að
300.000 kr. á ári án þess að það
skerti lífeyri. Með því gefst eldri
borgurum tækifæri til að taka að
sér hlutastörf, tímabundin störf eða
sérstök verkefni eftir því sem henta
þykir. Í nýlegri rannsókn Capacent
kemur fram að eldri borgarar hafa
áhuga á meiri þátttöku í samfélag-
inu og 25% þeirra hafa áhuga á að
vinna lengur.
„Reykjavíkurborg er stór vinnu-
staður, þar vantar m.a. fólk til
starfa á leikskólana, frístundaheim-
ilin, í liðveislu, heimaþjónustuna,
stuðningsvinnu ýmiss konar og
margt fleira,“ segir í frétt frá Vel-
ferðarsviðinu.
Stefnt er að því að starfatorgið
geti orðið að veruleika þann 1. sept-
ember næstkomandi.
Morgunblaðið/Árni Sæberg
Tækifæri Með nýjum reglum skap-
ast möguleikar fyrir eldri borgara.
Starfatorg
eldri borgara
ÞJÓÐMINJASAFN Íslands sendir nú út spurningaskrá
um skipasmíðar til tréskipasmiða og járnskipasmiða um
allt land. Skipasmíðar eiga nú mjög undir högg að sækja
og tréskipasmíði hefur lagst alveg niður, að frátalinni
dálítilli smábátasmíði. Smíði stálskipa er nálega engin
og má heita að hún hafi öll flust úr landi, segir í frétt frá
Þjóðminjasafni, en safnið hefur frá því um 1960 safnað
heimildum um þjóðhætti með spurningaskrám.
Ágúst Georgsson þjóðháttafræðingur stýrir söfn-
uninni, en hann var áður forstöðumaður Sjóminjasafns
Íslands og er nú fagstjóri þjóðháttasafns Þjóðminja-
safnsins. Í spurningaskránni er fólk beðið um að segja
frá sinni eigin reynslu á þessum vettvangi. Ennfremur er stefnt að við-
tölum við ákveðinn fjölda skipasmiða með bestu hljómgæðum til að varð-
veita upptökurnar. Akkur, Styrktar- og menningarsjóður vélstjóra og vél-
fræðinga, styrkti gerð viðtalsþáttarins.
Þjóðhættir um skipasmíðar
Eikarbátur í eigu
Hvalasiglingar.
ÍSLANDSMÓT iðnnema fer fram á
1. og 2. hæð Kringlunnar í dag,
föstudag. Mótið hefst klukkan 10
f.h. og stendur fram eftir degi.
Verðlaunaafhending fer fram á
Torginu kl. 17.30.
Keppt verður í eftirtöldum grein-
um: Málmsmíði, trésmíði, málun,
múrverki, dúklagningu, pípulögn-
um, snyrtifræði, hársnyrtingu,
grafískri miðlun og ljósmyndun.
Mikill áhugi hefur jafnan verið á
þessari keppni í Kringlunni.
Iðnnemar keppa
YFIR 550 starfsmenn Eimskips og
dótturfélaga fljúga út í dag í
tveggja daga óvissuferð. Spenna
ríkir meðal starfsfólks um hvert
verður farið og hafa sumar deildir
komið af stað léttu veðmáli um fyr-
irhugaðan áfangastað og leita allra
leiða til að komast að því hvert
ferðinni er heitið. Í fyrra var farið
til Montreal í Kanada og árið 2005
var haldið til Búdapest í Ungverja-
landi.
Óvissuferð
GERÐUR Gests-
dóttir mannfræð-
ingur hefur verið
ráðin til starfa í
Níkaragúa á veg-
um Þróunarsam-
vinnustofnunar
Íslands. Hún
verður sérfræð-
ingur ÞSSÍ á
sviði félagslegra
verkefna og hefur hafið störf. Hún
hefur verið verkefnastjóri fræðslu-
deildar Alþjóðahúss síðustu ár en
jafnframt stundakennari í meist-
aranámi í þróunarfræðum við HÍ.
Til Níkaragúa
Gerður Gestsdóttir
fermingargjöf
Flott hugmynd að
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
U
TI
31
82
4
03
/2
00
5
Silva 8x20
Vandaður sjónauki í vasann.
Stækkar 8 sinnum.
3.990 kr.
SMÁRALIND SÍMI 545 1550 GLÆSIBÆ SÍMI 545 1500 KRINGLUNNI SÍMI 545 1580
KRISTINN Björnsson, fv. for-
stjóri Skeljungs hf., hefur sent
Morgunblaðinu eftirfarandi yfir-
lýsingu:
„Ég hef orðið var við að orð,
sem féllu af minni hálfu í Kast-
ljósi Ríkissjónvarpsins sl.
þriðjudag hafa valdið titringi
manna á meðal. Einkum mun
þar vera um að ræða setningar
þar sem ég lýsi yfir því að sam-
skipti á milli forstjóra olíufélag-
anna hafi verið minni á rann-
sóknartímabilinu 1993–2001 en
eru á millum bankastjóra bank-
anna og á milli rekstraraðila
helstu matvöruverslana í dag.
Þarna átti ég við að samskipti
forstjóra olíufélaganna á téðu
tímabili hafi ekki verið óeðlilegri
þá en samskipti á milli forráða-
manna stórra fyrirtækja í sömu
atvinnugrein eru í dag. Ég hef
alltaf átt erfitt með að skilja þá
túlkun samkeppnisyfirvalda að
öll samskipti
og jafnvel
samtöl á milli
manna hjá ol-
íufélögunum á
nefndu tímabili
hafi verið
óeðlileg eða
ólögleg.
Í hita leiks-
ins í viðtali
mínu við viðmælanda minn í
Kastljósi sjónvarpsins gáði ég
ekki að mér að botna almenni-
lega þá hugsun mína að ekkert
væri óeðlilegt við sjálfsögð sam-
skipti á milli forráðamanna fyr-
irtækja í sömu starfsgreinum.
Þess vegna hefur sá misskiln-
ingur vaknað að ég sé að gera
því skóna að eitthvað sé athuga-
vert við samskipti viðskipta-
banka sín á milli eða hjá mat-
vöruverslunum. Ég vil leiðrétta
þann misskilning. Ég tel þvert á
móti að svo sé ekki og kem því
hér með á framfæri. Rétt eins
og það var ekkert óeðlilegt, að
mínu mati, að forstjórar Skelj-
ungs og Esso ræddu sín á milli á
nefndu tímabili um sameiginleg-
ar eignir eins og olíustöðina í
Örfirisey eða forstjórar allra fé-
laganna um sameiginlegar fast-
eignir á Keflavíkurflugvelli, svo
einhver dæmi séu nefnd.
Finnur Árnason, forstjóri
Haga hf., skrifar grein í Mbl. og
Fbl. í dag og talar í hæðnistóni
um mig og mína persónu. Mín
vegna má hann það. Ég óska
honum og fyrirtækjum undir
hans stjórn alls góðs. Finnur er
öflugur stjórnandi, kotroskinn
og fumlaus. Mér þykir miður að
hafa komið honum úr jafnvægi
með orðum mínum. Misskilning-
ur hans um einhverja smjörklípu
af minni hálfu er hér með leið-
réttur.“
Misskilningur leiðréttur
Kristinn Björnsson
heimsótti ráðhúsið í Reykjavík í
gær til að vera viðstödd undirskrift
samkomulags til þriggja ára um
stuðning borgaryfirvalda við Hin-
segin daga, hátíð samkynhneigðra í
borginni. Samningurinn hljóðar
HANN kann að vera borgarstjóri í
Reykjavík en Vilhjálmur Þ. Vil-
hjálmsson veit að kóngafólk ætlast
til að því sé sýnd tilhlýðileg virðing.
Vilhjálmur tók því vel á móti
„drottningunni af Viðey“ er hún
upp á tólf milljónir króna, þ.e.
Reykjavíkurborg styrkir hátíðina
um fjórar milljónir króna ár hvert
næstu þrjú árin, en það er veruleg
hækkun á stuðningi borgarinnar
frá því sem áður var.
Morgunblaðið/Sverrir
Borgin styður Hinsegin daga