Morgunblaðið - 23.03.2007, Blaðsíða 24
matur
24 FÖSTUDAGUR 23. MARS 2007 MORGUNBLAÐIÐ
Yngsti fjölskyldumeðlim-urinn, Finnur Jónsson, erfjölfróður gutti þótt hannsé bara sex ára og veit
upp á sína tíu fingur hvers konar
kraftar geta búið í matnum.
„Mamma og pabbi elda eiginlega
bara hollan mat. Ég fæ stundum að
hjálpa mömmu og pabba að elda.
Þegar ég verð orðinn stór ætla ég
ekki bara að elda hollan mat.
Kannski, þegar ég verð átta ára eða
níu fæ ég að baka svona bökur. Þær
eru alltaf óhollar en við gerum þær
bara stundum, þegar það eru svona
veislur og þannig.“
Finnur hefur eins og fjölskyldan
öll fallið fyrir töfrum Ítalíu þangað
sem hún hefur nokkrum sinnum far-
ið í sumarfrí. „Það er 13 stiga hiti
þar,“ segir Finnur dreyminn um leið
og hann eys ætiþistlafyllingunni á
einn pastaferninginn. „Þetta er
hollt,“ tilkynnir fræðingurinn.
Pabbi hans, Jón Lárus Stef-
ánsson, segist einmitt hafa lesið um
karamellupastaréttinn í tímarits-
grein í flugvélinni þar sem verið var
að fjalla um rétti héraðsins sem þau
voru að fara til, Emilia-Romagna.
„Í fríinu reyndum við síðan að
finna veitingastað sem byði upp á
þennan rétt en fundum hvergi. Svo
þegar ég kom heim leitaði ég upp-
skriftina uppi á netinu og prófaði
sjálfur við ágætar undirtektir,“ seg-
ir hann og brosir.
Húsfreyjan, Hildigunnur Rúnars-
dóttir, segir að ákveðin hefð hafi
skapast á heimilinu varðandi mat-
argerðina. „Jón Lárus er svo þol-
inmóður að hann eldar oftar rétti
sem taka langan tíma og krefjast
mikils undirbúnings og skipulags,
enda er hann verkfræðingur að
mennt og starfar við forritun,“ segir
hún og hlær. Hann samsinnir því en
segist nú ekki alveg fara eftir upp-
skriftum í blindni. „Ég stilli þær nú
stundum af og breyti og bæti. Ég
hef gaman að svona veseni,“ og
leggur áherslu á orðið “svona.“
Hildigunnur sem er tónskáld ját-
ar því aðspurð að geta líka verið
skapandi í matargerðinni. „Ég leik
oft af fingrum fram,“ segir hún og
niðurstaða þeirra er sú að sem
teymi eru þau góð í eldhúsinu enda
finnst þeim eldamennska skemmti-
leg.
„Já, við ræðum oft um mat og
uppskriftir. Við gerum matseðil fyr-
ir vikuna og í hverri viku reynum við
að gera eitthvað nýtt, eitthvað sem
við höfum aldrei prófað áður. Ætli
það séu þá ekki um 50-70 réttir á
ári,“ segja þau og litli guttinn upp-
lýsir að maturinn sé góður. „Já, þau
hafa öll þrjú ágæta matarlyst,“ bæta
foreldrarnir við. Og svo sem ekki
furða. Það er nefnilega meira er lítið
til í málshættinum: Sætur er sjald-
fenginn matur.
Piadinur
500 g hvítt hveiti
salt
100-110 g svínafeiti
11⁄4-11⁄2 l volgt vatn
Tillögur að fyllingu:
Parmaskinka
mozzarella í sneiðum
klettasalat
bragðmikill geitaostur
gott fljótandi hunang (hellt yfir
eftir seinni steikingu)
Blandið saman hveiti, salti og
svínafeiti. (Það þýðir ekki að nota
smjör eða olíu í stað feitinnar því þá
verður ekki sami teygjanleiki í deig-
inu.) Feitin, í föstu formi, er hnoðuð
saman við hveitið uns deigið er allt
komið með kornótta áferð svipað og
bökudeig. Jóni Lárusi finnst gott að
hnoða deigið í höndunum á borði en
segir að sjálfsagt megi nota aðrar
aðferðir. Þegar búið er að blanda
hveitinu og feitinni vel saman,bætið
þá vatninu smátt og smátt út í og
hnoðið þar til deigið er orðið þokka-
lega stíft en samt ekki mjög. Látið
deigið standa í um hálftíma og skipt-
ið því síðan í nokkra bita þannig að
þægilegra sé að fletja hvern og einn
út í hring, 1-2 mm á þykkt hvern.
Hitið pönnu með þykkum botni
(t.d. pönnukökupönnu, þá má skera
kökurnar þannig að þær passi, af-
skurðurinn er settur til hliðar og
bætt saman við næsta deigbita sem
flattur eru út). Steikið kökurnar við
góðan hita í u.þ.b. 2 mínútur á
hvorri hlið eða þar til dökkir flekkir
hafa myndast á báðum hliðum. Hitið
bakarofn og haldið kökunum sem
steiktar hafa verið heitum þar til
þær eru allar tilbúnar.
Úr deiginu koma um 8-10 kökur.
Þegar allar kökurnar hafa verið
steiktar fyllið þær þá með áleggi að
eigin vali. Brjótið þær saman í miðju
og hitið á pönnunni þar til áleggið er
orðið heitt og osturinn bráðnaður, ef
ostur er notaður. Jón Lárus og
Hildigunnur mæla með ljósum bjór
með piadinunum fyrir fullorðna
fólkið. Piadinur með nutella súkku-
laðihnetusmjöri slá svo alltaf í gegn
hjá krökkunum.
Pastakaramellur fylltar
með þistilhjörtum
500 g af fersku pasta
Pasta:
300 g hveiti, meira ef þarf
4 egg
1 msk. olía
1⁄2 tsk. salt
Jón Lárus segist hafa reynt að
nota ferskt pasta sem hægt er að
kaupa úr búð en það hafi verið of
stökkt. Hann búi því til sitt pasta
sjálfur.
Sigtið hveiti í hrúgu á borð og
gerið síðan holu í miðju þess. Brjótið
eggin og setjið í holuna ásamt olíu-
nni og saltinu. Hnoðið hveitið síðan
smátt og smátt saman við eggin með
höndunum þar til hveitið er búið.
Hnoðið þar til deigið eru orðið
mjúkt og teygjanlegt og mótið það
þá í kúlu. Hvolfið skál yfir kúluna og
látið deigið standa þannig í um hálf-
tíma við stofuhita.
Jón Lárus og Hildigunnur fletja
deigið út í pastavél en vel er hægt að
fletja það út með kökukefli.
Fylling:
4-6 ætiþistlar
sítróna
1 lítill laukur
smjör til steikingar
250-300 ml gott soð
1 egg
Tilraunaeldhúsið á
Á Njálsgötunni býr
skemmtileg fjölskylda og
skapandi í matargerð.
Unnur H. Jóhannsdóttir
komst að því að þar er
matur svo sannarlega
mannsins megin.
Morgunblaðið/ÞÖK
Pottagaldrar Fjölskyldan á Njálsgötunni er samhent og hér líta börnin með eftirvæntingu yfir öxlina á pabba sem er pastakóngurinn á heimilinu.
Samhent Hjónin Hildigunnur og Jón Lárus eru samhent í eldhúsinu þótt
þau snúi stundum baki hvort í annað enda rýmið ekki stórt.
Freistandi Finnur gat varla beðið eftir að bragða á vín-
berjakökunni. „Hún er svolítið óholl en vínberin holl.“
Lystrænt Sá sem smakkar pastakaramellurnar með ætiþistlafyllingunni, og er jafnvel óvanur
eldamennsku með veseni, gæti eftir það hæglega orðið forfallinn veseniskokkur!