Morgunblaðið - 14.04.2007, Page 36

hönnun
36 LAUGARDAGUR 14. APRÍL 2007 MORGUNBLAÐIÐ
Ílífi hans eru litir. Margir litir. „Ég notaliti miklu meira en Frakkar og þásterka,“ segir arktítektinn Örn Guð-mundarson sem fyrir skömmu var val-
inn einn af 50 bestu arkítektum þar í Frakk-
landi af hinu virta franska tímariti
Architechtural Digest. „Litir gefa óendanlega
möguleika á að breyta andrúmlofti rýmis, ekki
aðeins fljótt heldur einnig ódýrt. Þeir fylla
rýmið og gefa því „karakter,“ hlýju.“
Það er nokkuð langur vegur frá Skólavörðu-
holtinu í Reykjavík til Sigurbogans í París, og
þá einkum ef horft er frá arktítektúrnum.
Sandkassinn er kannski eins á báðum stöðum
en þegar kemur að leik og gleði í byggingalist-
inni sjálfri, þá er himinn og haf á milli.
„101 Reykjavík var minn heimur og hafði
góð áhrif á mig,“ segir Örn sem er sonur Guð-
mundar Baldvinssonar og Guðnýjar Guðjóns-
dóttur í Mokka-kaffi. „Ég var sjálfsagt skap-
andi barn, teiknaði mikið og hannaði, en
settist engu að síður á skólabekk í hag-
fræðideild Verslunarskóla Íslands en eftir
stúdentsprófið var annað hvort að hrökkva eða
stökkva.“
Jákvæð íhaldssemi
Og Örn stökk til Parísar, 21 ára gamall og
nam þar arkítektúr. „París er París,“ segir
aríktektinn og af tónfallinu má ráða að honum
líki vel við þessa París. „Hér eru margar af
sögufrægustu byggingum Evrópu. Sagan, list-
in og hönnunin er samofin daglegu lífi borg-
arbúa. Ekkert af þessu getur farið framhjá
manni og hefur auðvitað áhrif á mann og
hönnun manns. Frakkar eru því, eins og gefur
að skilja, frekar íhaldssamir í jákvæðri merk-
ingu, hafa klassískan stíl en gefa samt rými
fyrir nýjungar. Það er þessi skemmtilega
blanda af gömlu og nýju. Ég hef unnið mikið
við að endurhanna eldra húsnæði í borginni,
íbúðarhúsnæði, verslanir og bari. Þá þarf oft
að laga nýja stílinn að þeim stíl sem fyrir er
því hinn eldri er oftar en ekki friðaður. Ég hef
gaman af að blanda saman ólíkum stílum og
efnivið, þannig að þegar upp er staðið virki
stíllinn sem nýr en er samt ein heild.“
Verk Arnar hafa birst víðar en í virtum,
frönskum tímaritum eins og AD, Figaro, Elle
décoration, Marie Claire Maison og sjónvarps-
þáttum um arkítektúr/hönnun eins og Intér-
ieurs á Paris Première. Ekki alls fyrir löngu
birtist hönnun hans einnig í japanskri bók um
baðherbergi í París, Salle de bains à Paris. Þar
er farið fögrum orðum um dramatíska litanotk-
unina. „Það getur vel verið að litagleðin eigi
rætur sínar að rekja til Íslands, Reykjavíkur,
allra marglitu húsþakanna í borginni. Mér
finnast litir bara skemmtilegir. Í minni hönnun
reyni ég að hefja mig yfir tískubólur. Það hef-
ur oft verið sagt við mig að það sé erfitt að
tímasetja mína hönnun. Ég tek því sem hrósi.“
Hörð samkeppni
Hann segir verk sín samt vera eins ólík og
þeir einstaklingar og fyrirtæki sem hann vinni
fyrir. „Verkið verður að endurspegla við-
skiptavininn. Honum verður að líða vel í því
andrúmslofti sem við erum að skapa,“ segir
Örn sem einnig hefur fengið smjörþefinn af
tískuheiminum. „Ég hef m.a. unnið fyrir tísku-
hönnuðina Romeo Gigli og Agnes B. Ég er svo
lánsamur að hafa fengið fjölbreytt verkefni. Á
sínum tíma var ég í hópi hönnuða sem tók þátt
í samkeppni um Tuileries-garðana hjá Louvre-
safninu og við unnum keppnina. Það var gam-
an og lærdómríkt að vera í þessum hópi. Þá
hef ég alltaf haft mjög gaman af því að hanna
ljós og lampa en þeir voru seldir í galleríi í 2.
hverfi Parísarborgar. Þeir eru margir lamp-
arnir sem ég hef gert en því miður geri ég ekki
eins marga nú sökum tímaskorts.“
Örn segir samkeppni arkítekta mikla á meg-
inlandinu, það telji margir sig til kallaða og
margir séu það. ,,Ég hef búið hér í 22 ár en
maður ávinnur sér sjaldnast orðspor einn,
tveir og tíu. Fólk leitar ekki að arkítekt í síma-
skrá, það spyrst fyrir og skoðar fyrri verk
arkítektsins áður en það tekur ákvörðun.
Ég er með eigin stofu í „le Marais“, hverfinu
og hef hingað til starfað að mestu einn og sjálf-
stætt. Stúdentsprófið frá Verslunarskólanum
hefur því, út frá rekstrarhliðinni, nýst mér
ágætlega. En ætli ég verði ekki brátt ráða ann-
an arkítekt og jafnvel annan til. Ég hef haft
svo mikið að gera í kjölfar umfjöllunar AD og
fleiri,“ segir Örn á þann hátt að jafnvel þótt
litanotkun hans líkist stundum íslensku eldgosi
þá er auðheyrt er að hann er með báða fæt-
urna á jörðinni. Í París.
uhj@mbl.is
Lifi litirnir! Tímaritið Maison setti hönnun Arnar á forsíðu í
febrúar 2004 undir þessari fyrirsögn.
Samstilling Samlyndi litanna er einstakt.
Litsterkur Örn í París
Hann flýgur hátt í háborg tísku
og hönnunar en er stoltur af
uppruna sínum norðar í álfunni
enda hefti þar ekkert sköp-
unargáfu hans. Örn Guðmund-
arson arkítekt var nýlega valinn
einn af 50 bestu arkítektum í
Frakklandi af hinu virta franska
tímariti Architechtural Digest.
Einstakt Þessar
myndir birtust í jap-
anskri bók um bað-
herbergi í París.
Gult Litirnir njóta sín fullkomlega í stílhreinum innrétting-
unum Arnar á heimili hans.
Rautt Himininn hans Arnar er ef til vill rauður eins og
þessi veggur á heimili hans.
Sköpunargáfa Örn við eitt ljósa sinna en það kviknar oft snilldarlega á perunni hjá honum.
Fólk leitar ekki að arkítekt í símaskrá, það spyrst fyrir og skoðar
fyrri verk arkítektsins áður en það tekur ákvörðun.
Sérstakt Bókaherbergi Arnar er sér-
stakur staður eins og vera ber.