Morgunblaðið - 17.04.2007, Síða 4
4 ÞRIÐJUDAGUR 17. APRÍL 2007 MORGUNBLAÐIÐ
FRÉTTIR
HÉRAÐSDÓMUR Reykjaness hefur dæmt
28 ára karlmann, Guðna Guillermo Gorozpe,
til tveggja ára fangelsisvistar fyrir stór-
fellda líkamsárás, hlutdeild í hættulegri lík-
amsárás, tilraun til íkveikju, umferðarlaga-
brot og fjársvik. Honum er einnig gert að
greiða 996 þúsund krónur í málsvarnarlaun
og 380 þúsund krónur í annan sakarkostnað.
Tveir félagar mannsins voru jafnframt
dæmdir í fangelsi í gær, annar hlaut fimm-
tán mánaða fangelsi en hinn níu mánuði, en
þar af voru sex mánuðir skilorðsbundnir.
Ákæran gegn mönnunum þremur var í
sex liðum og tekur til atvika sem áttu sér
stað á tæpum sólarhring. Þar af var ákærði
Guðni sakfelldur fyrir að hafa veist að karl-
manni með kúbeini með þeim afleiðingum að
fórnarlambið hlaut tvö djúp sár við vinstra
eyra. Þá var félagi ákærða sakfelldur fyrir
sérstaklega hættulega líkamsárás en hann
skaut tveimur skotum úr haglabyssu að rað-
húsi við Burknavöllum í Hafnarfirði. Með því
stofnaði hann lífi og heilsu þriggja manna í
hættu, en einn mannanna fékk í sig högl.
Ákærði Guðni var auk þess fundinn sekur
um að hafa kastað eldsprengju inn í sama
hús. Mildi þykir að eldurinn slokknaði af
sjálfum sér, en enginn var í húsinu þegar
eldsprengjunni var kastað.
Báru sakir hvor á annan
Umfangsmikil lögreglurannsókn leiddi í ljós
að allir ákærðu voru viðstaddir þegar skotið
var úr haglabyssunni. Tveir ákærðu báru
sakir hvor á annan og var mikið misræmi í
framburði ákærðu og vitna fyrir lögreglu og
dómi. Fyrir dómi kom fram að einn hinna
ákærðu taldi sig eiga óuppgerðar sakir við
húsráðanda. Því hefði verið brugðið á það
ráð að hræða hann með því að skjóta á húsið.
Dómurinn leit því að miklu leyti til lögreglu-
skýrslna þar sem m.a. kom fram skýr og af-
dráttarlaus framburður um byssumanninn.
Í niðurstöðu dómsins segir að allir sak-
borningar eigi að baki sakarferil, t.a.m. hafa
þeir allir verið annað hvort sakfelldir fyrir
brot gegn lögum um ávana- og fíkniefni eða
gengist undir sektargreiðslur vegna þeirra.
Tveir sakborninga hafa einnig áður gerst
sekir um líkamsárásir.
Beittu kúbeini,
haglabyssu og
eldsprengju
Eftir Skapta Hallgrímsson
skapti@mbl.is
HÓPUR áhugamanna um það að þyrla á vegum
Landhelgisgæslunnar verði staðsett á Akureyri,
fundaði í gær með fulltrúum allra þeirra stjórn-
málaflokka sem tilkynnt hafa framboð til Alþing-
is í Norðausturkjördæmi. Þar var frambjóðend-
um kynnt þetta baráttumál hópsins og áhersla
lögð á mikilvægi þessa. Viðbrögð voru góð að
sögn viðstaddra. Síðustu mánuði hefur hópur
fólks á Akureyri rætt þetta mál náið; m.a. fé-
lagar í björgunarsveitinni Súlum, slökkviliðs- og
sjúkraflutningamenn, lögreglumenn, læknar og
fleiri starfsmenn heilbrigðiskerfisins, auk flug-
manna.
Hópurinn telur brýnt að koma þeim skila-
boðum á framfæri að það sé gríðarlega mikil-
vægt fyrir sjófarendur og ferðafólk á landi að
björgunarþyrla sé staðsett á Akureyri. „Það er
lægt miðju landsins og þyrla hér í bænum
myndi þjóna bæði hafinu norður af, langt aust-
ur fyrir og alveg suður á land; bæði til leitar og
björgunar, sem og sjúkraflugs, svo fremi að
ekki þurfi að fara í þá hæð að jafnþrýstibúnaðar
sé krafist,“ sagði Arngrímur.
Þeirri spurningu var varpað fram á fundin-
um hvort virkilega væri þörf fyrir þyrlu nyrðra;
miðað við handbærar tölur væru útköll þar fá,
en Arngrímur sagði að þetta væri spurning um
hvort kæmi fyrst, hænan eða eggið. „Menn vita
að það er fljótlegra að fara á bíl eða snjóbíl upp
á fjöll en að bíða eftir þyrlunni, eins og staðan er
núna. Það tekur þyrlu hátt á annan tíma að
koma hingað norður og ef eitthvað er að veðri
þarf hún að fljúga með ströndinni og er þá enn
lengur. En ég er klár á því að þegar þyrlan
kemur norður á hún eftir að bjarga mannslíf-
um. Þetta er mjög mikilvægt mál sem ég vil
beita mér fyrir,“ segir Arngrímur Jóhannsson.
augljóslega ekki skynsamlegt að allar björgun-
arþyrlur verði staðsettar í flugskýli á Keflavík-
urflugvelli,“ sagði Arngrímur Jóhannsson flug-
stjóri og forseti Flugmálafélags Íslands við
Morgunblaðið í gær, en hann stýrði fundinum á
Hótel KEA í gærmorgun.
Allir verði samstiga
Einn viðmælenda Morgunblaðsins úr áhuga-
hópnum lagði á það áherslu í gær að ekki væri
vilji fyrir því að um pólitískt baráttumál yrði að
ræða. Málið væri of mikilvægt til þess og heppi-
legast ef öll stjórnmálaöfl yrðu samstiga hvað
þetta varðar.
Arngrímur telur skipta sköpum að hafa eina
þyrlu, hið minnsta, staðsetta á Akureyri. Flug-
mönnum þætti reyndar best ef tvær þyrlur ynnu
saman, eða þyrla og flugvél, en ein vél á Ak-
ureyri væri fyrsta skrefið.
„Akureyri er mjög vel staðsett. Bærinn er ná-
Ein þyrla verði á Akureyri
Mjög mikilvægt mál sem ég vil beita mér fyrir, segir Arngrímur Jóhannsson,
forseti Flugmálafélags Íslands, sem stýrði fundi með stjórnmálamönnum
Eftir Andra Karl
andri@mbl.is
FJÖLMÖRG fyrirtæki hafa lýst
yfir áhuga á tillögum samráðshóps
félagsmálaráðherra um vottun á
jafnlaunastefnu og þegar hafa fjög-
ur fyrirtæki óskað eftir að verða
fyrst til að hljóta slíka vottun. Ráð-
herrann sagðist í gær eindregið
styðja að tillögurnar kæmu sem
fyrst til framkvæmda og telur að
vottunin verði gæðastimpill á við-
komandi fyrirtæki. Kynbundinn
launamunur á Íslandi er 15,7%,
skv. könnun Capacent Gallup.
Magnús Stefánsson félagsmála-
ráðherra kynnti tillögur samráðs-
irtækin að sýna fram á að unnið sé
með markvissum hætti að launa-
jafnrétti og verða þeim gefin stig.
Ákveðinn stigafjölda þarf þá að fá
til að hljóta vottunina. Þá verður
reglulega birtur listi í fjölmiðlum
yfir þau fyrirtæki sem hlotið hafa
vottun.
Verkefnið mun ekki fela í sér af-
nám launaleyndar, s.s. hjá þeim
fyrirtækjum sem sækja um vottun,
en ferlið verður samvinnuverkefni
fyrirtækjanna og vottunaraðila.
Í máli ráðherra kom fram að
fjögur fyrirtæki hefðu nú þegar
óskað eftir vottun, þau eru Háskól-
inn í Reykjavík, Orkuveitan, Del-
oitte á Íslandi og Íslandspóstur.
Ætlunin er að verkefnið verði síðar
sjálfbært og fyrirtæki greiði fyrir
þátttöku í vottunarferlinu.
Hefur ekki áhrif á launaleynd
Samráðshópurinn kynnti sér
m.a. framkvæmd á eftirfylgni með
launajafnrétti í átta ríkjum og fram
kom að tillaga hópsins á sér enga
fyrirmynd. Megininntak tillögunn-
ar er að fyrirtæki geti sótt um vott-
un á launajafnréttisstefnu sinni og
verður framkvæmdin samvinnu-
verkefni Háskóla Íslands, Háskól-
ans á Bifröst og Háskólans í
Reykjavík. Stærstu einkafyrirtæki
landsins verða hvött til að taka þátt
auk opinberra stofnana. Verða fyr-
hópsins í gærdag ásamt fulltrúum
Háskólans í Reykjavík og Háskól-
ans á Bifröst, sem sátu í hópnum.
„Eins og við vitum er kynbundinn
launamunur viðvarandi hér á landi
og við höfum kannanir sem stað-
festa það,“ sagði Magnús sem telur
að eftirsóknarvert verði fyrir fyr-
irtæki að hljóta vottun á stefnu
sinni í launajafnréttismálum. Hann
fagnaði því að Samtök atvinnulífs-
ins hefðu tekið þátt í mótun verk-
efnisins en samtökin munu m.a.,
ásamt félagsmálaráðuneyti og iðn-
aðar- og viðskiptaráðuneyti, kosta
undirbúning og fyrstu fram-
kvæmd. Talið er að kostnaðurinn
geti numið allt að 25 milljónum kr.
Morgunblaðið/Ásdís
Blaðamannafundur Margrét Jónsdóttir, Elín Blöndal, Magnús Stefánsson og Ragnhildur Arnljótsdóttir.
Vottun á jafnlaunastefnu vinsæl
Eftir Davíð Loga Sigurðsson
david@mbl.is
„MIG langar til að leggja mitt af
mörkum til að hjálpa þessu fólki,“
skrifar Sigurborg S. Guðmunds-
dóttir viðskiptafræðingur í tölvu-
bréfi til blaðamanns Morgunblaðs-
ins í kjölfar birtingar sl. sunnudag á
viðtölum við Íraka sem flúið hafa of-
beldið í heimalandi sínu og búa nú
við slæmar aðstæður í Amman í
Jórdaníu. Og í næstu málsgrein lýsti
Sigurborg áhuga á að skjóta skjóls-
húsi yfir einn viðmælendanna, 38
ára gamla íraska konu, Noor, sem
mátt hefur þola mikið mótlæti og á
sér þá ósk eina að geta hafið nýtt líf
annars staðar. „Við erum sex manna
fjölskylda, erum að byggja okkur
þokkalega stórt hús [í Kópavogi]
sem rúmar auðveldlega einn til við-
bótar,“ skrifaði Sigurborg. Og enn-
fremur: „Heldurðu að hún Noor
hefði áhuga á að koma til Íslands og
dvelja hjá mér og minni fjölskyldu?“
Blaðamanni lék forvitni á að vita
hvað hefði valdið því, að Sigurborg
fann sig knúna til að taka málið upp
á sína arma með þessum hætti.
„Þessi viðtöl höfðu gífurlega sterk
áhrif á mig, það sló mig það sem
fólkið sagði og hafði upplifað. Ég
gat einfaldlega ekki lesið þessi viðtöl
og síðan haldið áfram að drekka
mitt morgunkaffi eins og ekkert
hefði í skorist. Það var í rauninni
bara svo einfalt,“ sagði Sigurborg
þegar ég ræddi við hana í síma í
gær.
Sigurborg er 38 ára, líkt og Noor.
Hún er gift Ásmundi Helgasyni lög-
fræðingi og saman eiga þau fjögur
börn á aldrinum þriggja til sautján
ára. Hún segir að hún hafi fengið
alla á heimilinu til að lesa viðtölin
við Írakana og síðan bar hún það
undir manninn sinn, hvort ekki væri
ástæða til að reyna að hjálpa Noor.
Sigurborg segist ekki áður hafa
fundið hjá sér þörf til að láta til sín
taka með þessum hætti. „Ég er ekki
manneskjan sem er úti um allt að
sinna góðgerðarstarfi. Ég er bara
ósköp venjuleg útivinnandi mamma.
En þessi viðtöl höfðu sterk áhrif á
mig. Mér fannst hrikalegt að lesa
um börnin sem geta ekki farið út og
geta ekki farið í skóla, þurfa að hír-
ast inni í íbúð allan daginn. Ég fann
afskaplega mikið til með þeim.“
Hitt er annað mál að það er ekki
einfalt að beita sér í málum sem
þessum. Fæstir Írakanna í Jórdaníu
eiga vegabréf, en án vegabréfs og
vegabréfsáritunar komast þeir
hvergi. Og íslensk yfirvöld hafa ekki
verið dugleg við að veita útlend-
ingum hæli hér á landi; þrátt fyrir
að tugir útlendinga leiti hingað til
lands árlega hefur það aðeins einu
sinni gerst að hælisleitandi hafi
fengið stöðu flóttamanns hér á
landi, auk þess sem nokkrum hefur
verið veitt dvalarleyfi af mannúðar-
ástæðum. Sigurborg segir það hins
vegar sinn skilning, að Íslendingum
beri engin skylda til að vísa fólki frá.
„Ísland studdi innrás í Írak á sín-
um tíma. Mér finnst þess vegna að
okkur beri skylda til að velta fyrir
okkur hvað við getum gert núna, því
að ástandið er ekki gott,“ sagði Sig-
urborg. Hún hefur hug á að skrifa
Noor bréf. Hvað svo verður kemur í
ljós.
Vill bjóða Noor að búa hjá sér
Morgunblaðið/Sverrir
Gott boð Sigurborg S. Guðmunds-
dóttir viðskiptafræðingur með börn
sín, Baldur Jökul og Ásdísi Emblu.
Sigurborg S. Guðmundsdóttir
vill hjálpa írösku flóttafólki sem
býr við hörmulegar aðstæður
VEGNA umræðna um hugsanlega aðild Ís-
lands að Evrópusambandinu vill Íslands-
hreyfingin – lifandi land – taka eftirfarandi
fram:
„Flokkurinn er reiðubúinn að hefja ít-
arlegar umræður um möguleika aðildar Ís-
lands að Evrópusambandinu, enda á landið
samleið með ríkjum þess í menningar-
málum og á sviði efnahagsmála. Um leið og
þetta er sagt leggur Ísandshreyfingin á það
höfuðáherslu að auðlindir Íslands verði
aldrei í eigu eða umsjá erlendra afla, enda
yfirráð þjóðarinnar í eigin málum full og
óskoruð um alla framtíð,“ segir í frétta-
tilkynningu frá Íslandshreyfingunni.
Yfirlýsing frá Ís-
landshreyfingunni