Morgunblaðið - 30.04.2007, Blaðsíða 4
4 MÁNUDAGUR 30. APRÍL 2007 MORGUNBLAÐIÐ
FRÉTTIR
Skógarhlíð 18 • sími 595 1000 • www.heimsferdir.is
Frábær
sólartilboð í maí
frá kr. 39.990
Góð gisting - frábær sértilboð
Fuerteventura, 22. maí
Verð frá kr. 39.990
- Sértilboð á Oasis Royal og Papagayo
Costa del Sol, 23. maí
Verð frá kr. 39.990
- Sértilboð á Principito og Timor Sol
Króatía, 27. maí
Verð frá kr. 39.990
- Sértilboð á Diamant
Mallorca, 25. maí
Verð frá kr. 49.990
- Sértilboð á Las Gaviotas
Munið Mastercard
ferðaávísunina
Kynntu þér þessi og önnur tilboð á
www.heimsferdir.is
Eftir Örlyg Stein Sigurjónsson
orsi@mbl.is
STEFNT er að því að bjóða upp á
meistara- og doktorsnám í orkufræð-
um í alþjóðlegum háskóla Orkuveitu
Reykjavíkur árið 2008 með aðild Há-
skóla Íslands og Háskólans í Reykja-
vík. Samkomulag um uppbyggingu
námsins var undirritað í gær. Orku-
veitan verður faglegur og fjárhags-
legur bakharl námsins, sem þýðir að
OR leggur fram 100 milljóna kr.
stofnkostnað en HÍ og HR munu
skipta með sér verkum við skipulagn-
ingu námsins.
Í skólanum verður boðið upp á
rannsóknatengt framhaldsnám auk
styttri námsbrauta. Þá verður í boði
símenntun og endurmenntun fyrir
starfsmenn fyrirtækja í orku- og
fjármálageiranum og fyrir starfs-
menn opinberra stofnana innan lands
sem utan. Náminu er ætlað að byggj-
ast á þremur meginstoðum, hagnýt-
ingu endurnýtanlegra orkugjafa,
tækni og loks náttúru og markaði.
Samkomulagið var undirritað af
þeim Guðlaugi Þór Þórðarsyni,
stjórnarformanni OR, Kristínu Ing-
ólfsdóttur, rektor HÍ, og Svöfu Grön-
feldt, rektor HR. Lýsti Svafa þessum
tímamótum á þann veg að hér væri
um að ræða næstu stóru útrásar-
bylgju íslensks atvinnulífs með sam-
einuðum kröftum íslensks háskóla-
samfélags, atvinnulífs og fremstu
vísindamanna landsins.
Aðaláhersla með náminu verður
lögð á svið þar sem Íslendingar hafa
samkeppnisforskot og verður námið
víkkað út eftir því hvar það reynist
standa styrkustum fótum.
„Þetta er tækifæri fyrir okkur til
að takast á við þetta verkefni án
landamæra, innanlands sem utan,“
sagði Svafa.“
Kristín Ingólfsdóttir, rektor HÍ,
væntir þess að skólinn geti í sam-
starfinu miðlað af áratuga reynslu á
mörgum fræðasviðum sem tengjast
orkuvísindum. „Við teljum líka að
verkefnið muni styrkja starf okkar
innan Háskóla Íslands og jafnframt
veita tækifæri til að miðla til atvinnu-
lífsins þeirri miklu sérfræðiþekkingu
sem er innan skólans og í tengslaneti
hans um allan heim. Innan Háskóla
Íslands eru 50 vísindamenn sem
starfa á þessum sviðum og að með-
töldu tengslaneti skólans sem nær til
virtustu háskóla heims erum við að
tala um samstarf hundraða vísinda-
manna.“
Ætla að halda forystunni
Á ensku nefnist hinn nýi orkuhá-
skóli „Reykjavík Energy Graduate
School of Sustainable Systems“.
Námið mun fara fram í húsakynnum
OR og samstarfsháskólanna tveggja.
Framundan er að skipa verkefnis-
stjórn skólans og formann hennar
sem á að annast daglegan rekstur
skólans.
Að sögn Guðlaugs Þórs efast fáir
um að Íslendingar standa í fremstu
röð á sviði umhverfisvænnar orku.
„Þess vegna sækja menn í uppbygg-
ingu þessa náms og þetta er okkar
leið til að grípa tækifærið,“ segir
hann. „HÍ og HR vilja byggja upp al-
þjóðlegan háskóla með okkur sem
mun vonandi sjá til þess að Ísland
verði áfram þungamiðjan í þekkingu
á þessu sviði í heiminum. Hagur OR
er augljós, rétt eins og við fórum út í
umhverfisorkusjóð til að hafa aðgang
að sem bestri þekkingu og hátækni í
samstarfi við þessar góðu mennta-
stofnanir, er þetta enn eitt skrefið til
að svo megi verða. Það er mjög auð-
velt að missa forystuna og við höfum
engan áhuga á því.“
Orkuháskóli næsta útrásin
Orkuveitan ásamt Háskóla Íslands og Háskólanum í Reykjavík stofnar alþjóðlegan orkuháskóla 2008
Rannsóknatengt nám fyrir meistara- og doktorsnema í boði auk styttri námsbrauta og símenntunar
Morgunblaðið/ÞÖK
Námsorka Kristín Ingólfsdóttir, Guðlaugur Þór Þórðarson og Svafa Grönfeldt handsala samning um háskólann.
FÉLAG einstakra barna stóð fyrir afmælishátíð félags-
ins í Kópavogi um helgina en tíu ár eru síðan félagið
var stofnað. Boðið var upp á veitingar, andlitsmálningu
og hoppkastala svo fátt eitt sé nefnt. Andrew, sem er
þriggja ára, smakkaði að sjálfsögðu á afmæliskökunni
og virtist líka vel.
Einstök skemmtun fyrir einstök börn
Morgunblaðið/Ómar
FIMMTÁN ára unglingurinn sem
grunaður er um alvarlega líkams-
árás á leigubílstjóra aðfaranótt
föstudags og sætir gæsluvarðhaldi
til 1. júní, er nú vistaður í Hegning-
arhúsinu við Skólavörðustíg. Stutt er
síðan hann var í gæsluvarðhaldi
vegna annarra saka og var hann þá
vistaður í einangrunarklefa á Litla-
Hrauni. Að sögn lögreglunnar á höf-
uðborgarsvæðinu var kannað hvort
hægt væri að vista drenginn á með-
ferðarheimili ríkisins að Stuðlum en
þar var allt fullt. Lögreglan tekur þó
fram að það sé Fangelsismálastofn-
unar að ákveða vistunarstað fanga,
því lögreglan krefjist þess einvörð-
ungu að gæslan sé trygg og fari ekki
inn á verksvið Fangelsismálastofn-
unar. Ástæður þess að drengurinn er
vistaður á Skólavörðustíg að þessu
sinni munu hafa verið þær að það
þótti mannúðlegri staður fyrir hann
en fangelsið á Litla-Hrauni.
Pláss er fyrir 16 fanga í hinu 133
ára gamla Hegningarhúsi við Skóla-
vörðustíg. Ekki er mælst til þess að
fangar sitji þar lengur en í mánuð í
senn vegna lélegrar aðstöðu. Þegar
Morgunblaðið skoðaði fangelsið í
september 2006 upplýstu forsvars-
menn þess að fangelsið hefði verið á
undanþágu undanfarin ár og væri nú
á enn einni undanþágunni til 2010.
Hefðu heilbrigðisyfirvöld m.a. gert
athugasemdir við lélega loftræst-
ingu og ófullnægjandi íþróttaað-
stöðu en fagmennska starfsfólks hef-
ur verið talin vega upp á móti þeim
ágöllum.
15 ára í varðhaldi
í Hegningarhúsinu
BÍLDDÆLINGAR fögnuðu því á
laugardag að Íslenska kalkþörunga-
félagið hóf rekstur kalkþörunga-
verksmiðju í bænum. Framleiðslan
getur orðið mest 57.000 tonn þegar
hún verður komin í full afköst og
verður þá sú stærsta í heimi af þessu
tagi. Til að byrja með er áætlað að
framleiða um 10-15 þúsund tonn af
kalkþörungamjöli sem notað er í
skepnufóður.
Megnið af framleiðslunni verður
flutt út. Starfsmenn verða tíu en þess
má geta að tæplega 200 manns búa á
Bíldudal. Magnið er háð leyfi yfir-
valda sem fylgjast vel með efnistök-
unni en starfsleyfið er til 50 ára. Þör-
ungunum eða réttara sagt
líkamsleifum þeirra er dælt upp af
ákveðnum hafsvæðum á 10-20 m
dýpi og munu dæluskip Björgunar
ehf annast það. Björgun á 25% hlut í
fyrirtækinu en 75% eru í eigu Celtic
Sea Minerals á Írlandi.
Íslenska kalkþörungafélagið var
stofnað 2001 en mjöl af þessu tagi
hefur ekki fyrr verið framleitt hér-
lendis. „Kalkþörungar eru sama fyr-
irbæri og kísilþörungarnir í Mývatni,
þetta hleðst upp á löngum tíma,“
segir Guðmundur Magnússon verk-
smiðjustjóri. Írska fyrirtækið stund-
aði vinnslu af þessu tagi á sunnan-
verðu Írlandi í 13 ár. Írarnir nota
orku úr propangasi til að þurrka og
mylja þörungana og var settur upp
sams konar búnaður á Bíldudal en
stefnt að því að nota síðar raforku.
Stærsta kalkþörungaverk-
smiðja í heimi á Bíldudal
Ljósmynd/Guðmundur V. Magnússon
Ný verksmiðja Hús Kalkþörungaverksmiðjunnar er um 2.700 fermetrar.