Morgunblaðið - 30.04.2007, Side 8
8 MÁNUDAGUR 30. APRÍL 2007 MORGUNBLAÐIÐ
FRÉTTIR
LENGRI GREIÐSLUFRESTUR
MEÐ INNKAUPAKORTI GLITNIS
OG ALLT AÐ 75% SPARNAÐUR AF UMSÝSLU REIKNINGA
Kynntu þér kosti innkaupakortsins fyrir þitt fyrirtæki á www.glitnir.is.
H
V
ÍT
A
H
Ú
S
IÐ
/
S
ÍA
-
8
8
6
0
Nafn Pálína Vagnsdóttir.
Starf Ég starfa við dægradvöl
barna í grunnskóla Bolungarvíkur.
Undanfarin ár hef ég verið fram-
kvæmdastjóri listasumars í Súðavík
og einnig tekið að mér önnur menn-
ingartengd verkefni. Svo bý ég mér
til ný verkefni ef ég hef ekki nóg að
gera!
Fjölskylduhagir Einstæð móðir með
tvö börn, 13 ára dreng og átta ára
stúlku.
Kjördæmi Norðvestur, 1. sæti fyrir
Íslandshreyfinguna.
Helstu áhugamál?
Að virkja fólk, náttúra Íslands, tón-
list og að reyna að lifa lífinu í núinu.
Hvers vegna pólitík?
Ég vil leggja mitt af mörkum til að
hafa áhrif á það hvernig hinn al-
menni borgari hefur það í þesu
landi. Ég er nýliði í pólitík. Ég vann
að vísu eitt kjörtímabil í sveitar-
stjórn og fylgdist með úr fjarlægð
en að öðru leyti er þetta eins og að
hoppa fram af Látrabjargi án fall-
hlífar!
Er Alþingi áhugaverður
vinnustaður?
Já, það finnst mér. Annars væri ég
ekki að þessu. En Alþingi er líka
krefjandi vinnustaður enda ertu þar
í umboði kjósenda og þarft að vinna
fyrir þá.
Fyrsta mál sem þú vilt
koma á dagskrá?
Ég vil hækka skattleysismörkin til
bóta fyrir það fólk sem minnst hef-
ur milli handanna.
Þarf breytingar?
Já, ekki spurning! Við megum ekki
setja Ísland á útsölu og verðum að
hugsa um hag kynslóðanna í fram-
tíðinni. Mér finnst við ekki vera al-
veg á réttri leið með það.
Nýir frambjóðendur | Pálína Vagnsdóttir
Eins og
að hoppa
fram af
Látrabjargi
Líðandi stund Pálína Vagnsdóttir
vill lifa í núinu.
Nafn: Karl V. Matthíasson.
Starf: Prestur.
Fjölskylduhagir: Eiginkona og þrjú
börn, 19, 12 og 10 ára.
Kjördæmi: Norðvestur, 2. sæti fyrir
Samfylkinguna.
Helstu áhugamál?
Skák, heimspeki og lífið sjálft.
Hvers vegna pólitík?
Til að hafa góð áhrif á samfélagið,
sérstaklega í sambandi við áfengis-
og fíkniefnamál sem hafa verið mér
mjög hugleikin. Ég vil að við tökum
okkur á hvað þau varðar.
Er Alþingi áhugaverður
vinnustaður?
Já, mjög. Ég er á þeirri skoðun að þar
sé mikið af fólki sem hafi einlægan
vilja til að byggja upp gott samfélag.
Fyrsta mál sem þú vilt
koma á dagskrá?
Að koma Vestfirðingum í eðlilegt
vegasamband.
Þarf breytingar?
Nauðsynlega, lýðræðið krefst þess.
Nýir frambjóðendur | Karl V. Matthíasson
Vill hafa
góð áhrif á
samfélagið
Morgunblaðið/Árni Sæberg
Lífið sjálft Karl hefur áhuga á
skák, heimspeki og sjálfu lífinu!
SAMFYLKINGIN kynnti í gær til-
lögur flokksins að aðgerðum sem
miðast að því að tryggja þeim börn-
um og öldruðum sem nú eru á biðlist-
um viðunandi þjónustu. Tillögurnar
fela m.a. í sér að þegar verði gripið til
aðgerða til að eyða biðlistum á BUGL
og Greiningarstöð ríkisins og að veitt
verði bráðaþjónusta allan sólarhring-
inn fyrir börn með geðraskanir og
aldraða. 170 börn bíða eftir fyrstu
komu á göngudeild BUGL og allt að
30 mikið veik börn bíða eftir innlögn.
Samfylkingin hyggst í fyrsta lagi
gera kostnaðargreindan og árangurs-
tengdan samning við BUGL um að
eyða biðlista þar. Í öðru lagi hyggst
flokkurinn gera samning við BUGL
um að veita bráðaþjónustu allan sól-
arhringinn. „Það kostar um 30 millj-
ónir kr. að eyða biðlistum á BUGL.
Þetta eru ekki háar upphæðir,“ sagði
Ingibjörg Sólrún Gísladóttir, formað-
ur Samfylkingarinnar, á blaðamanna-
fundi úti undir beru lofti á lóð Land-
spítalans.
Þá vill flokkurinn í þriðja lagi leita
samninga og leggja til fé í foreldra-
fræðslu og þjálfun fagfólks í sam-
vinnu við heilsugæslustöðvar, skóla
og félagsþjónustu sveitarfélaga.
Flokkurinn telur að fjölga þurfi val-
kostum við hefðbundna stofnana-
þjónustu sem fela í sér úrræði og
stuðning við börn og fjölskyldur
þeirra á heimilum þeirra eða í nær-
umhverfi.
400 aldraðir í brýnni þörf
Á fundinum var kynnt að á fyrstu
18 mánuðunum í ríkisstjórn Samfylk-
ingarinnar yrðu byggð ný hjúkrunar-
rými fyrir aldraða til að eyða biðlist-
um. „Það bíða nú 400 aldraðir í brýnni
þörf fyrir hjúkrunarrými,“ sagði
Ingibjörg Sólrún. „Það þarf auðvitað
að leysa vanda þeirra og það munum
við gera. Á meðan þeir bíða þarf auð-
vitað að veita ákveðin úrræði.“
Í tillögum flokksins er gert ráð fyr-
ir að þangað til biðlistanum hefur ver-
ið eytt verði gerður samstarfssamn-
ingur við sjúkrahús og
hjúkrunarheimili á höfuðborgar-
svæðinu, í samráði við Heilsugæslu
höfuðborgarsvæðis og félagsþjón-
ustu, um sólarhringsþjónustu við
þennan hóp. Fyrirmyndin er sólar-
hringsþjónusta LSH við aldraða í
heimahúsi. Gerð verður úttekt á þörf
fyrir sams konar þjónustu á lands-
byggðinni. Kostnaður við umönnun
einstaklings á hjúkrunarheimili er
5–6 milljónir kr. árlega en kostnaður
við sólarhringsþjónustu sem Sam-
fylkingin leggur til er 2–2,3 milljónir
á ári.
Varðandi Greiningarstöð ríkisins
kom fram að 276 börn eru þar á bið-
lista og bíða þau greiningar á þroska-
frávikum þannig að leikskólar, skólar
eða aðrir stuðningsaðilar geti hafið
viðeigandi meðferð. Sum barnanna
hafa beðið allt að þrjú ár eftir grein-
ingu og telur Samfylkingin þetta
ástand óviðunandi því mikilvægustu
þroskaárin líði án þess að börnin fái
þann stuðning sem þau þurfa á að
halda eða rétta meðferð.
Heitir Samfylkingin að sjá til þess
að þegar í stað verði gerðir samning-
ar við Greiningarstöð ríkisins um að
eyða þessum biðlista og um leið koma
á framtíðarfyrirkomulagi til að fyrir-
byggja að hann hlaðist upp aftur.
Þá verði gerður kostnaðar- og ár-
angurstengdur samningur sem gerir
Greiningarstöð ríkisins kleift að bæta
við starfsfólki á höfuðborgarsvæðinu
og gera samninga við heilbrigðis-
stofnanir og teymi sérfræðinga á
landsbyggðinni um frumgreiningar.
Áform félagsmálaráðuneytisins um
að ljúka slíku fyrir 2010 duga að mati
flokksins ekki þeim hundruðum
barna sem bíða greiningar. Lýsir
flokkurinn þessu sem forgangsmáli
hjá Samfylkingunni í nýrri ríkis-
stjórn.
Morgunblaðið/ÞÖK
Biðlistar Samfylkingin tilgreinir um þrjú þúsund manns á biðlistum LSH.
Telja það forgangsmál
að eyða biðlistunum
Samfylkingin telur aðstöðu barna og aldraðra óviðunandi
Í HNOTSKURN
»50 geðfatlaðir á Landspít-alanum bíða eftir varan-
legri búsetu og hafa sumir beð-
ið í 15 ár, segir Samfylkingin.
»142 þroskaheftir bíða eftirskammtímavist.
»200 manns eru á biðlistaeftir félagslegu húsnæði
hjá Öryrkjabandalaginu.
»243 hjartasjúklingar eru ábiðlista eftir hjartaþræð-
ingu.