Morgunblaðið - 21.05.2007, Blaðsíða 8

8 MÁNUDAGUR 21. MAÍ 2007 MORGUNBLAÐIÐ
FRÉTTIR
ÖNNUR umferð Pirelli Íslands-
meistaramótsins í rallakstri fór
fram á laugardaginn og lauk keppn-
inni með sigri systkinanna Daníels
og Ástu Sigurðarbarna en systkinin
hafa þá sigrað í tveimur fyrstu um-
ferðum mótsins og eru með sex
stiga forystu á næstu áhöfn sem eru
Jón Bjarni Hrólfsson og Borgar
Ólafsson. Jón Bjarni og Borgar
koma sterkir inn í Grúppu N flokk-
inn en þeir urðu Íslandsmeistarar í
2000 flokki á síðasta ári.
Ekkert slegið af
Það var greinilegt á aksturlagi
Daníels að gleðin réði ríkjum í Mits-
hubishi Lancer Evo 6 bíl systk-
inanna því þau voru ekkert að slá af
á síðustu sérleiðinni þrátt fyrir að
hafa sigurinn í hendi sér.
Í þessu ralli voru eknar sex sér-
leiðir. Fyrsta leiðin lá austur Lyng-
dalsheiði og en Lyngdalsheiðin var
síðan ekin til baka. Þriðja sérleiðin
var löng og hröð en þar var ekið
norður Tröllháls og vestur Ux-
ahrygg sem ein leið. Fjórða sérleið-
in var svo Uxahryggur og Tröllháls
til baka en rallinu lauk svo á tveim-
ur sérleiðum á Lyngdalsheiði þar
sem heiðin var ekin fram og til
baka. Greiðfarnar leiðir og mikill
hraði einkenndi þetta rall. Tuttugu
og ein áhöfn hóf keppni en einungis
sextán þeirra luku keppni, fimm
féllu út.
Hilmar B. Þráinsson og Vignir R.
Vignisson ákváðu að yfirgefa 2000
flokkinn sem þeir kepptu í, í vor-
sprettinum. Þeir félagar mættu á
Jeep Cherokee jeppa. Þeir gerðu
sér lítið fyrir og sigruðu í Jeppa-
flokkinum.
Röng dekk undir bílnum
Feðgarnir Þórður Bragason og
Magnús Þórðarson sigruðu í 2000
flokki en misstu af sigri í Max1
flokki eftir miklar hremmingar með
Corolluna. Reglurnar í Max1
flokknum kveða á um að keppendur
verði að nota Pirelli dekk en þeir
feðgar gripu til kess ráðs að fá lán-
að Khumo dekk eftir að hafa klárað
öll Pirelli varadekkin sín. Þér voru
þá dæmdir úr leik í Max1 flokki
sem þýddi að Pétur S. Pétursson og
Heimir S. Jónsson sigruðu í þeim
flokki.
Systkinin Daníel
og Ásta aftur
sigursæl í rallinu
Sigurvegararnir Daníel og Ásta Sigurðarbörn. Þau slógu ekkert af þó að þau hefðu sigurinn í hendi sér.
Á reki Feðgarnir Þórður Bragason og Magnús, sonur hans, láta Corolluna
flatreka í beygju á leiðinni suður Tröllháls en Corollan var þá orðin veru-
lega löskuð eftir kappsfullan akstur þeirra í rallinu.
Ljósmynd/JAK
Í loftköstum Systkinin Daníel og Ásta aka í loftinu vestur Uxahrygg.
Daníel sló ekkert af Lancer-bílnum þrátt fyrir ójöfnur á veginum.
FRÉTTASKÝRING
Eftir Baldur Arnarson
baldura@mbl.is
„SAMHENGI uppgræðslu og vatnsmiðlun-
ar er eitt af hinum vanræktu rannsóknarsvið-
um á Íslandi, en er alveg gríðarlega mikið
áherslumál hjá öðrum þjóð-
um,“ segir Andrés Arnalds,
fagmálastjóri Landgræðslu
ríkisins, um jákvæð áhrif
kolefnisbindingar í gróðri á
vatnsbúskap. Með því að
styrkja gróðurþekju lands-
ins yrði vatnsbúskapur
framtíðarinnar efldur
„stórlega“ og því beri að
huga að þessum ávinningi
þegar rætt er um land-
græðslu og skógrækt sem leið til að binda kol-
díoxíð, CO2..
„Það er rætt of einhliða um kolefnisbind-
inguna út frá mengunarkvótasjónarmiðum.
Það þarf að reikna þetta á víðari grunni og
hafa fleiri forsendur að baki. Áhrifin á
vatnsbúskapinn eru aðeins ein hlið af mörgum
sem þurfa að koma inn í þá umræðu.“
Andrés er þeirrar hyggju að með því að efla
vatnsmiðlun í náttúru landsins sé verið að
skapa milljarðaverðmæti á næstu áratugum.
„Þetta getur stóreflt veiðitekjur, vegna þess
að vatnasvið margra veiðiáa eru það skemmd,
að það eru miklu meiri sveiflur í vatnsrennsli
en væru ef gróður væri meiri. Þetta, ásamt
margvíslegum öðrum ávinningi af betri vatns-
miðlun, gæti skipt milljörðum króna.“
Inntur eftir áhrifum skógræktar og upp-
græðslu á landverð nefnir Andrés svæði undir
Hafnarfjalli sem dæmi. Þar hafi verið víðáttu-
miklir melar til lítilla nytja. Þökk sé upp-
græðslu með stuðningi Pokasjóðs sé það svæði
orðið mjög hlýlegt og aðlaðandi. Almennt
megi segja að aukið gróðurlendi hækki land-
verð, þar séu „gríðarlegar upphæðir í húfi“.
Átti upphaf í áhyggjum af vatnsskorti
Andrés segir upphaf landgræðslu í Banda-
ríkjunum mega rekja til þess að íbúar borga á
vesturströndinni hefðu haft áhyggjur af því að
eyðing gróðurs í Klettafjöllunum hefði slæm
áhrif á vatnsframboð. Flóð hefðu minnt á að
geta jarðvegs til að halda vatni hefði skerst.
Íslendingar búi ekki við vatnsskort en eigi
engu að síður að gefa þessum málum gaum.
„Í sjálfu landi rigningarinnar hafa Íslend-
ingar ekki skilið hversu vatnið er verðmætt og
í ljósi þess hvað það gengur á vatnsforðann
annars staðar í heiminum þá gæti verðmæti
neysluvatns á Íslandi orðið geysilega mikið í
framtíðinni. Þetta gæti orðið einn af fjársjóð-
um Íslands. Það vill gleymast oft í umræðunni
hvað það er mikið samhengi á milli landheilsu
og vatnsmiðlunar og hve vatnsmiðlun á Íslandi
hefur skemmst mikið í aldanna rás vegna
gróður- og jarðvegshnignunar. Gróður og
jarðvegur gegna tvíþættu hlutverki. Annars
vegar má segja að gróðurinn sé einhver besti
„hreinsari“ á mengunarefnum sem geta borist
úr lofti. Gróðurinn tekur þessi efni upp og þau
brotna niður og það hægir mjög mikið á því að
þau geti borist niður í jarðvatnið og grunn-
vatnið. Þetta gefur efnunum meiri tíma til að
brotna niður og verða óskaðleg.“
Gróðurþekjan virkar eins og svampur
Hann segir vatnsrennslið verða jafnara.
„Svo virka gróður og jarðvegur eins og
svampur, geyma rakann og miðla hægt frá
sér. Það sem hefur gerst á fjölmörgum svæð-
um vegna gróður- og jarðvegseyðingar er, að
þar eru sveiflur í vatnsrennsli miklu meiri en
ella. Þar eð vatnasviðin eru heilbrigðari er
miðlunargetan miklu meiri. Þetta á til dæmis
við um stóran hluta miðhálendisins.“
Horft fram hjá ávinningnum af betri
vatnsbúskap í kolefnisumræðunni
Morgunblaðið/ÞÖK
Gróðurinn og vatnið Mikið er nú rætt um hversu miklir möguleikar felast í ógrónum melum á
Íslandi til kolefnisbindingar. Aukinn gróður mun hækka landverð og endurreisa vistkerfi.
Andrés
Arnalds
Aukið gróðurlendi mun
skila milljarða tekjum
og efla veiðiár landsins
FERSKVATNSAUÐLIND Íslendinga er sú
mesta sem um getur, eða um 670 þúsund
rúmmetrar á mann á ári. Til samanburðar
hefur Fílabeinsströndin innan við 6.000 rúm-
metra á mann og Djíbútí innan við 1.000, sé
miðað tölur frá umhverfisstofnun Sameinuðu
þjóðanna, UNEP. Þessi sláandi munur minnir
á að vatnsskortur er víða vandamál í heim-
inum og eyðimerkurmyndun ógnar afkomu
1,2 milljarða manna, tæplega fimmta hvers
jarðarbúa.
Gróður eyðist af um 12 milljón hekturum
lands á ári, eða sem svarar rúmlega flat-
armáli Íslands. Hver jarðarbúi hefur nú 30%
minni jarðveg en 1980 og næstu 30-50 ár hef-
ur verið áætlað að þurfi að framleiða meiri
fæðu en samanlagt síðustu 10.000 árin.
Tugir milljóna manna eru umhverf-
isflóttamenn og óttast að áframhaldandi
hlýnun lofthjúpsins muni hafa neikvæð áhrif
á uppskeru í Austur-Afríku, svo dæmi sé tek-
ið. Það er af þessum sökum sem erlendir að-
ilar, á borð við Matvælastofnun SÞ, hafa sýnt
mikinn áhuga á að taka þátt í alþjóðlegri ráð-
stefnu á Selfossi í ágústlok, þar sem fjallað
verður um samspil landheilsu og fjölbreyti-
leika vistkerfa, auk þess sem rætt verður um
leiðir til að taka á jarðvegseyðingu.
Eyðimerkur ógna
afkomu milljóna
Morgunblaðið/Einar Falur
Rofabarð á Kili Ísland er gjarnan notað sem
kennsludæmi um gríðarlega gróðureyðingu.