Morgunblaðið - 21.05.2007, Blaðsíða 12

12 MÁNUDAGUR 21. MAÍ 2007 MORGUNBLAÐIÐ
ERLENT
35-70%
afsláttur af
erlendum
bókum
E
N
N
E
M
M
/
S
IA
/
N
M
2
7
3
14
Útsölu á erlendum bókum í Bóksölu stúdenta l‡kur 23. maí.
Sígildar heimsbókmenntir, afflreying, fró›leikur og fræ›i.
fiú finnur útsölubækurnar líka á vefnum.Sko›a›u úrvali› á:
Bæ›i í bú›inni og á vefnum
Verslunin er opinfrá 9-18 alla virka daga
www.boksala.isÚTSÖLULOK
ALLAR ERLENDAR ÚTSÖLUBÆKUR
ME‹ 70% AFSLÆTTI 21.-23. MAÍ
70%
afsláttur
FRÉTTASKÝRING
Eftir Ásgeir Sverrisson
asv@mbl.is
HART er nú sótt að Álvaro Uribe, forseta
Kólumbíu, og verður ekki annað séð en tekið
sé að hrikta í stoðum stjórnar þessa vinsæla
leiðtoga og dyggasta stuðningsmanns Banda-
ríkjanna í Rómönsku-Ameríku. Stjórnvöld
standa frammi fyrir alvarlegum ávirðingum á
fjölmörgum sviðum og í liðinni viku var frá því
skýrt að stjórnendur lögreglu hefðu látið hlera
síma stjórnarandstæðinga, blaðamanna og
hátt settra embættismanna.
José Manuel Santos, varnarmálaráðherra
Kólumbíu, greindi frá hlerununum á þriðjudag
en daginn áður höfðu 12 yfirmenn lögregl-
unnar í landinu ýmist sagt af sér eða verið
þvingaðir til að láta af störfum. Í þeim hópi eru
herforinginn Jorge Castro, æðsti stjórnandi
lögreglunnar í landinu, og Guillermo Chávez,
yfirmaður öryggislögreglunnar. Santos upp-
lýsti á fundi með fréttamönnum að tilskilinna
leyfa fyrir hlerununum hefði ekki verið aflað
og fullyrti jafnframt að stjórnvöldum hefði
ekki verið kunnugt um þær. „Hvorki ég, for-
setinn né stjórnvöld höfðum vitneskju um að
þessu færi fram,“ sagði ráðherrann.
Tímaritið Semana („Vikan“) skýrði fyrst
fjölmiðla í Kólumbíu frá hlerununum um liðna
helgi. Kom þar fram, að stjórnendur lögreglu
hefðu látið hlera síma fyrrum hátt settra fé-
laga í vígasveitum hægri manna, sem nú eru í
fangelsi. Fullyrt var í greininni að hleranirnar
leiddu í ljós að menn þessir tengdust marg-
víslegri glæpastarfsemi í Kólumbíu. Slíkt væri
brot á samkomulagi, sem leiðtogar herflokk-
anna og stjórnvöld gerðu með sér í fyrra og fól
m.a. í sér að liðsmenn sveitanna hlutu væga
fangelsisdóma gegn því að viðurkenna glæpi
sína, leggja niður vopn og láta af hendi illa
fengnar eignir. Alls hafa um 31.000 liðsmenn
vígaflokkanna lagt niður vopn og er von
stjórnvalda sú, að með þessu móti reynist unnt
að binda enda á borgarastríðið, sem geisað
hefur í landinu síðustu 40 ár. Stefna Uribe for-
seta nýtur víðtæks stuðnings og telst það því
áfall fyrir forsetann að upplýst hafi verið að
skipulegri glæpastarfsemi sé stjórnað úr
fangaklefum. Í Kólumbíu hafa vinstri sinnaðir
skæruliðar haldið uppi blóðugri baráttu í nafni
byltingar og þjóðfrelsis í 40 ár og hefur forset-
inn einsett sér að sigrast á þeim.
Samtök vígaflokka hægri manna nefnast
„Sameinaðar sjálfsvarnarsveitir Kólumbíu“
(sp. „Autodefensas Unidas de Colombia“,
AUC) og voru stofnuð árið 1997 en leysa átti
þau upp 2003 í samræmi við samkomulag leið-
toga þeirra og stjórnvalda. Ekki reyndust þó
allir félagar hreyfingarinnar tilbúnir til að
hætta baráttunni. Einkahersveitir hægri
manna í Kólumbíu eiga rætur að rekja til ní-
unda áratugarins og var þeim upphaflega ætl-
að að vernda landeigendur gagnvart kúgunum
af hálfu vinstri-skæruliða, sem kröfðust þess
að viðkomandi greiddu „stríðsskatta“ en hlytu
ella verra af. AUC-sveitirnar hafa verið sak-
aðar um fjöldamorð á óbreyttum borgurum
auk þess sem vitað er að liðsmenn þeirra hafa
stundað umfangsmikið eiturlyfjasmygl.
Í máli varnarmálaráðherrans kom fram, að
hleranirnar hefðu verið mun umfangsmeiri en
skýrt var frá í grein kólumbísku „Vikunnar“
og hefðu þær staðið yfir í þrjú ár, hið minnsta.
Santos greindi frá því að í ljós hefði komið að
samtöl stjórnarandstæðinga og blaðamanna
hefðu einnig verið hleruð. Og raunar hefðu lög-
regluyfirvöld gengið enn lengra því vitað væri
að einnig hefði verið fylgst með símtölum hátt
settra embættismanna í stjórn Uribe forseta.
Þetta kvað ráðherrann til marks um að hler-
anirnar hefðu ekki einvörðungu beinst gegn
stjórnarandstöðunni í landinu. „Við vitum ekki
hver gaf skipun um að hleranir þessar skyldu
fara fram og því síður vitum við hver tilgang-
urinn með þeim var.“
Talsmenn mannréttindasamstaka og stjórn-
arandstöðuhópa hafa löngum haldið því fram
að þeir sæti sérstöku eftirliti og hlerunum af
hálfu lögreglu. Jorge Rojas Rodriguez, for-
maður CODHES-mannréttindasamtakanna,
segir að stjórnvöldum beri að gera grein fyrir
hvernig fylgst sé með meintum andstæðingum
ríkisstjórnarinnar. „Upplýsingar þessar sýna
að Kólumbía er lögregluríki og hér vega geð-
þóttaákvarðanir þyngra en lög og réttur.“
Fyrir átti Álvaro Uribe í vök að verjast
vegna ásakana um að þingmenn, sem styðja
stjórn forsetans, hafi árið 2001 gengið til
samninga við hinar „Sameinuðu sjálfsvarn-
arsveitir Kólumbíu“ og heitið því að nýta stöðu
sína til að styðja baráttu samtakanna. Átta
þingmenn höfðu verið handteknir sökum þessa
og á mánudag voru fimm til viðbótar hnepptir í
varðhald. Í febrúarmánuði neyddist María
Consuelo Araújo utanríkisráðherra til að segja
af sér eftir að bróðir hennar, öldungadeild-
arþingmaðurinn Álvaro Araújo, var handtek-
inn og sakaður um að hafa fjármagnað starf-
semi vígaflokka hægri manna í landinu.
Bandaríkjamenn veita Kólumbíu rausn-
arlega efnahagsaðstoð og þykja hneykslismál
þessi líkleg til að magna kröfur á Bandaríkja-
þingi um að sá stuðningur verði tekinn til end-
urskoðunar. Bandaríkjastjórn skilgreinir
AUC-sveitirnar sem hryðjuverkasamtök.
Umfangsmiklar hleranir skekja ríkis-
stjórn Álvaro Uribe Kólumbíuforseta
Upplýst hefur verið að lög-
regla hafi látið hlera samtöl
hátt settra embættismanna,
glæpaforingja, blaðamanna
og stjórnarandstæðinga.
Reuters
Handtökur Þingmaðurinn Miguel Alfonso De la Espiella handtekinn í Bogotá.