Morgunblaðið - 12.06.2007, Blaðsíða 4

4 ÞRIÐJUDAGUR 12. JÚNÍ 2007 MORGUNBLAÐIÐ
FRÉTTIR
VINNUFLOKKUR frá Ístaki hef-
ur síðustu daga unnið að því að
koma upp vinnusvæði í botni And-
en-fjarðar á Grænlandi. Nokkra
sólarhringa hefur tekið að komast
inn í fjörðinn enda ísinn upp undir
70 sentimetra þykkur á köflum.
Ístak hefur samið um að reisa
vatnsaflsvirkjun fyrir bæjarfélagið
Sisimiut, bæ á vestanverðu Græn-
landi. Verkið verður unnið frá
svæði sem aðeins er aðgengilegt frá
Anden-firði, 23 sjómílna leið frá
Sisimiut, og hefur vinnuflokkurinn
frá Ístaki síðustu daga reynt að
komast sjóleiðis inn fjörðinn. Það
hefur hins vegar reynst torvelt þar
sem fjörðurinn er enn ísi lagður.
Hitastigið í sjónum er ennþá um
0°C og lofthitinn um 5°C.
Munu einungis geta steypt á
sumrin vegna kuldans
Snorri Gústafsson, verkstjóri,
segir að ísinn hafi háð þeim nokkuð
en nú sé búið að koma vinnuvélum á
land. Brjóta þurfti 15 kílómetra leið
í gegnum ísinn og voru leigð ýmiss
konar skip til starfsins. „Við höfum
leigt fjögur skip og síðan brutum
við leið fyrir prammann með skurð-
gröfu þar sem ísinn var þykkastur,“
segir Snorri. Lítið varðskip,
krabbaveiðiskip og rækjutogari
voru notuð til að ryðja leiðina og
urðu sum frá að hverfa löskuð eftir
baráttuna við ísinn. Síðustu 1.500
metrarnir voru brotnir með gröf-
unni.
Snorri segir að framkvæmdin sé
öll á frumstigi en nú sé stefnt að því
að koma upp vinnubúðum á svæð-
inu. Unnið verði á svæðinu í sumar
og í vetur og um 80 manns muni
starfa þar sumarið 2008. „Þegar
steypuvinnan fer síðan af stað verð-
um við háðir sumarhitanum og
verðum að gera hlé á vinnu meðan
kuldinn gengur yfir.“ Ekki megi
búast við að alltaf þurfi aðra eins
baráttu við ísinn til að koma tækj-
um og efni til vinnubúðanna enda
leysi ísinn á sumrin og nú þegar sé
orðið auðveldara að komast í gegn.
Sisimiut er annað stærsta þétt-
býlið á vesturströnd Grænlands og
búa þar um 6.000 manns. Stefnt er
að því að virkjunin verði tilbúin í
maí 2010 og mun hún þá koma í
stað rafstöðva sem knúnar eru með
dísilolíu og framleiða allt rafmagn
sem notað er í bænum í dag.
Virkjunarframkvæmdir Ístaks fyrir norðan heimskautsbaug
Ljósmynd/Snorri Gústafsson
Þykkur ís Ístaksmenn gripu til þess ráðs að nota beltagröfu á pramma til að brjóta leið í gegnum ísi lagðan fjörðinn til að koma upp vinnubúðum.
Stjórnar hópnum Snorri Gúst-
afsson er verkstjóri hópsins.



 






 


 



 




  !"
!

 
 #

$
%

&'
$

(



Í HNOTSKURN
»Ístak stendur um þessarmundir í umfangsmiklum
virkjunarframkvæmdum á
Grænlandi.
» Eina leiðin að virkj-unarsvæðinu er sjóleiðis
frá Sisimiut til Anden-fjarðar.
» „Anden-fjord“ var nefnd-ur svo af Grænlendingum
af því að hann er annar fjörð-
urinn norður af Sisimiut. Ekki
kemur á óvart að fjörðurinn
þar á milli ber heitið „Første-
fjord“.
» Ísinn í firðinum nær 15 kmfrá botni fjarðarins og er
70 sentímetra þykkur.
Brjóta sér leið í gegnum
ísinn að vinnubúðunum
SUMARIÐ heilsar nú Íslendingum
með bros á vör, en því geta fylgt
ýmsir kvillar. Tæplega 10% Íslend-
inga þjást af frjókornaofnæmi sem
lagst getur þungt á augu, nef og
lungu fólks. Algengast er grasof-
næmi en einnig eru birkitré, tún-
fíflar, njóli og hundasúrur ofnæm-
isvaldar. Unnur Steina
Björnsdóttir, sérfræðingur í lyf-
lækningum, ofnæmis- og ónæm-
issjúkdómum hjá Læknasetrinu
segir að ofnæmi hafi verið fremur
fátítt hér á landi fyrir nokkrum ár-
um, tíðni ofnæmis á landinu hafi
verið mun minni en annars staðar.
Nú sé hún orðin jafnmikil tíðni of-
næmis hjá flestum öðrum þjóðum.
Sú staðreynd tengist að hennar
sögn ekki einungis mannfólkinu
sjálfu, heldur er gróður í töluverðri
sókn og því meira um frjókorn í
loftinu. Ofnæmi orsakast af sam-
spili umhverfis og erfða. Það er því
ekki nóg að börn fái að leika sér úti
og „smakka“ á náttúrunni til að
koma í veg fyrir ofnæmi, heldur
þarf einnig rétta erfðabreytileika.
Þeir sem ekki eru svo heppnir að
hafa þá geta tekið blóðpróf hjá
heimilislækni til að greina ofnæmi,
en sérfræðingar á borð við Unni
Steinu framkvæma einnig húðpróf
sem hún segir nákvæmari. Algengt
er að fólk sem hefur mikið frjó-
kornaofnæmi hunsi vandann eða
telji sig einfaldlega alltaf vera með
kvef á sama tíma ársins.
Fleiri fá of-
næmi en áður
BYRJAÐ er að
taka á móti til-
boðum í íbúðir í
2. áfanga
Skuggahverfis í
miðbæ Reykja-
víkur, en þar rís
nú 19 hæða og 63
metra hár turn.
Áætlað er að
íbúðirnar verði
tilbúnar til af-
hendingar árið 2009. Hefur viðmið-
unarverð íbúðanna verið birt á vef-
síðunni www.101skuggi.is en
verðið er frá 83 milljónum upp í
tæpar 230 milljónir króna fyrir
hverja íbúð. Harpa Þorláksdóttir,
markaðsstjóri 101 Skuggahverfis,
sagði í samtali við Morgunblaðið að
tilboð væru þegar byrjuð að skila
sér, en hún segir það vera fólk allt
frá þrítugsaldri og upp úr sem sæk-
ist eftir íbúðum í Skuggahverfinu.
Hið háa verð sagði hún að miklu
leyti stýrast af staðsetningu, gæð-
um húsbygginganna sjálfra og öðr-
um þáttum á borð við gott útsýni.
Dýrasta íbúðin
á 230 milljónir
Skuggahverfið í
101 Reykjavík.
ráðherra ýtti átakinu formlega úr vör
með því að afhjúpa merkingarnar
sem prýða munu vöruflutningabílana
í sumar undir yfirskrifinni „Við erum
FLUTNINGAFYRIRTÆKI hafa
blásið til sóknar og efnt til kynn-
ingarátaks í því augnamiði að bregð-
ast við neikvæðri umræðu um vöru-
flutninga sem of mikið hefur borið á
að undanförnu, að þeirra mati.
„Flutningabílarnir sem við mætum á
ferð okkar um landið eru nauðsyn-
legur hluti af gangverki samfélagsins
og þessu átaki er ætlað að minna fólk
á það,“ sagði Signý Sigurðardóttir,
forstöðumaður flutningasviðs Sam-
taka verslunar og þjónustu. Hún
nefnir sem dæmi að örir vöruflutn-
ingar séu forsenda þess að lág-
vöruverðsverslanir geti haldið úti
starfsemi á landsbyggðinni þar sem
þeir tryggi nægilegt framboð af
ferskri vöru á hagstæðu verði. „Öll
varan sem við kaupum í verslunum
um land allt verður ekki til þar,“ segir
Signý.
Kristján L. Möller samgöngu-
á ferðinni fyrir þig“. Kristján fagnaði
átakinu og kvað það mjög þarft.
Brýndi hann fyrir nærstöddum að nú
væri sumarið gengið í garð með aukn-
um flutningum og ferðamanna-
straumi. „Það er ákaflega mikilvægt
að samvinna allra ökumanna sé mikil
og við þurfum að áætla okkur betri
tíma heldur en við gerum á veturna
og haga því þannig að allir komi heilir
heim í hvert skipti,“ sagði Kristján.
Taka þarf sjóflutninga
til skoðunar
Kristján segir að þótt Samtök
verslunar og þjónustu hafi sýnt mikið
frumkvæði með átakinu sé þess ekki
aðeins þörf meðal vöruflutningafyr-
irtækja og starfsmanna þeirra, held-
ur þyrfti hinn almenni vegfarandi að
leggja sitt af mörkum og hið sama
ætti við um samgönguyfirvöld. Krist-
ján sagði aukna umferð vörubifreiða
á vegum landsins eðlilega, eftir að
sjóflutningum var hætt og allir vöru-
flutningar innan lands færðir upp á
vegina. „Það má í raun segja að vega-
kerfið hafi ekki verið tilbúið til þess
að taka þessa umferð upp á vegina,“
segir Kristján. Spurður hvernig
bregðast megi við þessum vanda seg-
ir Kristján að hann hafi alla sína tíð á
Alþingi talað fyrir strandsiglingum
og sú skoðun sín hafi ekki breyst þótt
hann sé nú orðinn ráðherra. Hann
segir stuðning sinn vera á markaðs-
legum forsendum og ef strandsigl-
ingar séu óraunhæfur kostur út frá
þeim sjónarmiðum verði að skoða
aðrar leiðir. „Þetta er mál sem þarf
að skoða og þoka fram og best væri ef
markaðurinn gæti séð um þetta,“
segir Kristján. „Flutningar milli
landshluta á stálbitum, stærðar jarð-
ýtum og bátum eiga ekki heima á
þjóðvegum landsins.“
Minnt á mikilvægi vöruflutninga
Morgunblaðið/Eyþór
Átak Kristján L. Möller fæst við hlera einnar vörubifreiðarinnar sem bera
mun auglýsingu um samfélagslegt mikilvægi vöruflutninga. Hann leggur
áherslu á aukna samvinnu fólks í umferðinni svo allir komist heilir heim.
 Flutningabílarnir og bílstjórar þeirra nauðsynlegur hluti af gangverki samfélagsins fremur en
þrándur í götu vegfarenda  Samgönguráðherra fagnar átakinu og segir það mjög þarft
Trukkar eru nauðsynlegir
VEFVARP mbl.is