Morgunblaðið - 12.06.2007, Blaðsíða 17

MORGUNBLAÐIÐ ÞRIÐJUDAGUR 12. JÚNÍ 2007 17
AKUREYRI
Kona fékk að-
svif undir stýri
ÁREKSTUR varð á gatnamótum
Þingvallastrætis og Mýrarvegar
síðastliðið sunnudagskvöld. Kona
fékk aðsvif á meðan hún ók bif-
reið eftir Mýrarvegi og lenti við
það á bifreið sem kom úr gagn-
stæðri átt og í kjölfarið inni í
húsagarði. Engin meiðsl urðu á
ökumönnunum, en flytja þurfti
bílana af vettvangi með krana.
Að sögn lögreglu var þó konan
flutt á Fjórðungssjúkrahúsið á
Akureyri til aðhlynningar eftir
áreksturinn.
TVEIMUR leikskólum á Akureyri, Pálm-
holti og Naustatjörn, var í gærmorgun af-
hentur grænfáninn, hið alþjóðlega umhverf-
ismerki fyrir Foundation for Environmental
Education (FEE). Fáninn er veittur skólum
sem taka þátt í verkefni á vegum Land-
verndar, fulltrúa FEE á Íslandi, og leggja
áherslu á umhverfismál í kennslu. Var
þetta fimmta árið sem Landvernd afhenti
grænfánann, en hann var fyrst veittur árið
2002. Alls taka 88 skólar þátt í verkefninu
hér á landi og þar af höfðu 37 skólar feng-
ið Grænfánann sem viðurkenningu fyrir að
hafa náð sjö skrefum sem hluti af verkefn-
inu. Naustatjörn og Pálmholt urðu þar með
38. og 39. skólarnir sem hlutu grænfánann.
Skólarnir hafa lagt áherslu á flokkun og
endurnýtingu sorps, til að mynda að spara
pappír og rafmagn og vatn, auk þess að
flokka og endurnýta pappír og fernur. Auk
þess hafa báðir skólar unnið að jarðgerð,
og er moltan nýtt í grænmetisræktun í leik-
skólanum Naustatjörn og hluti lífræna úr-
gangsins á Pálmholti er notaður í fæðu fyr-
ir hænsn á bóndabæ í nágrenni Akureyrar.
Auk þess var sérstaklega tekið fram að
leikskólinn Naustatjörn hefur lagt áherslu
á útiveru og nýtt náttúruna í nánasta um-
hverfi skólans sem leiksvæði og efnivið til
skapandi starfs.
Pálmholt og Naustatjörn
fengu grænfánann afhentan
Grænn skóli Kennarar og nemendur á Pálmholti fylkja liði með grænfánann á milli sín.
GUÐMUNDUR Ólafsson, rithöf-
undur og leikari, hlaut fyrstu verð-
laun í smásagnasamkeppni Menor –
Menningarsam-
taka Norðurlands
og Tímarits Máls
og menningar.
Ber sagan titilinn
Yfirbót.
Í öðru sæti í
keppninni í
keppninni varð
Arndís Þórarins-
dóttir fyrir sög-
una Hnupl og
þriðja sæti hlaut
Reynir Hjartarson fyrir söguna
Hefnd – eða fyrirgefning?
Verðlaunin voru afhent um leið og
sérstök minningardagskrá var hald-
in um skáldið Kristján frá Djúpalæk
sem Menor stóð fyrir síðastliðinn
sunnudag. Þá greindi Kristján Krist-
jánsson, prófessor við HA og sonur
skáldsins, frá því að ráðist yrði í
heildarútgáfu verka Kristjáns eldri í
haust.
Hlaut fyrstu
verðlaun í
samkeppni
MENOR
Guðmundur
Ólafsson
Tjaldstæðinu
við Þórunnar-
stræti lokað
TJALDSTÆÐIÐ við Þórunn-
arstræti hefur lengi verið vinsælt
á sumrin á Akureyri. Nú bregður
hins vegar svo við að um komandi
helgi verður svæðinu lokað fyrir
gestkomendum. Er það gert til að
sneiða hjá ólátum og vanhirðu
sem fylgt hafa gestum á svoköll-
uðum Bíladögum síðastliðin ár, en
þeir verða haldnir um næstu helgi.
Hafa ólætin verið tilfinnanleg fyr-
ir þá sem búsettir eru nálægt
tjaldstæðinu, enda er það í miðri
byggð.
Tjaldstæðinu var einnig lokað í
fyrra og gafst það svo vel að nú
var ákveðið að endurtaka leikinn.
Aftur á móti gefst gestkomendum
enn tækifæri til að nýta sér tjald-
stæðið í Kjarnaskógi um komandi
helgi.
♦♦♦