Morgunblaðið - 12.06.2007, Blaðsíða 8
8 ÞRIÐJUDAGUR 12. JÚNÍ 2007 MORGUNBLAÐIÐ
FRÉTTIR
SÍÐASTLIÐINN laugardag hafði
breska strandgæslan í Clyde í Skot-
landi samband við Landhelgisgæslu
Íslands og höfðu menn áhyggjur af
hópi kvenna sem dvalið hafa við ís-
klifuræfingar á Grænlandsjökli.
Við eftirgrennslan kom í ljós að
Twin Otter flugvél sem flytja átti
stúlkurnar til Íslands féll skyndi-
lega niður um þunnt yfirborðslag
íss á jöklinum með þeim afleið-
ingum að ekki náðist að rétta hana
við. Vélin hafði verið að troða og
herða snjóflugsbraut til að fara á
loft aftur þegar óhappið varð. Und-
ir þunnri ísskelinni virtist því vera
einskonar púðursnjór sem nefskíði
vélarinnar sökk í.
Björgunarþyrlan Líf lagði af stað
til Grænlands kl. 18 á laugardaginn
og lenti á ísnum hjá flugvélinni um
kl. 20, eftir að hafa komið stutta
stund við á Ísafirði.
Skildir eftir við flugvélina
Tveir flugvirkjar frá Flugfélagi
Íslands ásamt flugstjóra voru skild-
ir eftir við Twin Otter vélina en
áætlað var að nokkurn tíma myndi
taka að koma vélinni í loftið aftur.
Á meðan fór þyrlan og sótti kon-
urnar að tjaldbúðum þeirra sem
var í námunda við Borge Tinde en
þyrlan fann kvennahópinn eftir
nokkra leit.
Þyrlan Líf lenti heilu og höldnu
með Grænlandsfarana á Ísafirði kl.
2:58 í gærmorgun en Twin Otter
flugvélin var væntanleg til Ísafjarð-
ar um níuleytið í gærmorgun
Grænlandsfarar Stúlkurnar voru þakklátar fyrir hjálpina og kunnu vel að
meta brauð, ávexti og kaffi eftir að hafa verið nær matarlausar í átta daga.
Grænlandsfarar í sjálfheldu
FYRRVERANDI áhöfn á Engey
RE1, sem telur 48 manns, hefur
afhent Stígamótum starfs-
mannasjóð sinn sem er rúmlega
hálf milljón króna eftir að
starfsmannafélagið var leyst
upp og Engey RE1 seld úr landi.
Slíkur stuðningur er ómet-
anlegur fyrir starfsemi Stíga-
móta, segir í fréttatilkyningu.
Ekki bara vegna þess að fjár-
magn er nauðsynlegt til rekstr-
ar og samfélagsvinnu, heldur
líka vegna þess móralska stuðn-
ings sem í gjöfinni felst. Stuðn-
ingur frá karlahópum er merki
þess að kynferðisofbeldi er ekki
lengur alfarið á höndum kvenna,
heldur er samfélagið allt að
taka við sér og taka aukna
ábyrgð á málum. Sú þróun vek-
ur bjartsýni. Stígamót þakka
innilega fyrir stuðninginn, segir
í fréttinni.
Engey RE 1 á fullri ferð.
Gamlir skip-
verjar á
Engey styðja
Stígamót
R. Nicholas Burns, aðstoðarutanríkisráðherra Banda-
ríkjanna og náinn samstarfsmaður Condoleezzu Rice,
utanríkisráðherra Bandaríkjanna, mun heimsækja Ís-
land hinn 14. júní í boði Ingibjargar Sólrúnar Gísladótt-
ur utanríkisráðherra. Hann mun taka þátt í viðræðum
um öryggis- og varnarmál en slíkar viðræður eru hluti
af samkomulagi um varnarmál sem íslensk og bandarísk
stjórnvöld undirrituðu sl. haust.
Auk viðtala um samstarf Íslendinga og Bandaríkja-
manna í öryggis- og varnarmálum mun Burns ræða við
þá um ástand heimsmálanna. Einnig mun hann eiga fund
með Geir H. Haarde forsætisráðherra.
Burns hefur undanfarin tvö ár sem aðstoðarutanríkisráðherra verið
helsti fulltrúi bandaríska utanríkisráðuneytisins í málum eins og kjarn-
orkudeilunni við Íran, deilunni um framtíð Kosovo og í samstarfi Banda-
ríkjanna og Evrópu í stríðinu gegn hryðjuverkum.
Nicholas Burns í heimsókn
Viðræður Nicholas
Burns á Íslandi.
BJÖRN Ingi Hrafnsson, borgar-
fulltrúi úr Reykjavík, var kjörinn
formaður sveitarstjórnarráðs
Framsóknarflokksins á fundi ráðs-
ins í tengslum við miðstjórnarfund
flokksins. Elín R. Líndal, Húnaþingi
vestra, var kjörin varaformaður
ráðsins og Eysteinn Jónsson,
Reykjanesbæ, var kjörinn ritari.
Sveitarstjórnarráð
FJÓRTÁN voru teknir fyrir ölv-
unarakstur á höfuðborgarsvæðinu
um helgina. Skv. upplýsingum lög-
reglu voru það 13 karlar og kona á
fertugsaldri, sem hefur alloft komið
við sögu hjá lögreglu og var líka tek-
in fyrir ölvunarakstur í síðustu viku.
Ölvunarakstur
TVEIR umsækjendur eru um emb-
ætti héraðsprests í Austfjarða-
prófastsdæmi sem auglýst var laust
til umsóknar hinn 4. maí síðastlið-
inn. Umsækjendur eru Guðbjörg
Ólöf Björnsdóttir guðfræðingur og
sr. Hólmgrímur Elís Bragason.
Embættið er til aðstoðar við prófast
og presta innan prófastsdæmisins
og veitist frá 1. október 2007.
Starfshlutfall er 50%.
Héraðsprestur
HJALTI J. Guðmundsson hefur
verið ráðinn forstöðumaður Nátt-
úruverndar- og útivistarsviðs Um-
hverfisstofnunar. Hjalti hefur unn-
ið fyrir Reykjavíkurborg frá árinu
1998 sem framkvæmdastjóri Stað-
ardagskrár 21 – umhverfisáætlun-
ar Reykjavíkurborgar og undan-
farin tvö ár stýrt deild stefnumót-
unar og þróunar hjá Umhverfis-
sviði borgarinnar.
Ráðinn til Ust.
Eftir Gunnhildi Finnsdóttur
gunnhildur@mbl.is
FORELDRAR barna með geðræn
vandamál upplifa sig utangarðs í
kerfinu. Svonefnd ævintýrameðferð
BUGL virðist ekki skila fullum ár-
angri, þó að börnin fái með henni
meira sjálfstraust. Langir biðlistar
gætu verið ástæða þess að árang-
urinn er minni hér en gengur og ger-
ist erlendis, því börnin eru orðin
veikari þegar þau loksins fá þjón-
ustu.
Þetta er meðal þess sem kom fram
í úttekt sem nýútskrifaðir iðjuþjálfar
frá Háskólanum á Akureyri, þær
Hildur Andrjesdóttir, Oddný Hró-
bjartsdóttir og Steinunn B. Bjarna-
son gerðu í vor á svokallaðri ævin-
týrameðferð sem Barna- og
unglingageðdeild Landspítalans býð-
ur upp á. Þær ræddu við foreldra
barna sem nýttu sér meðferðina en
flest börnin eiga við ofvirkni og at-
hyglisbrest að stríða og stundum
aðra kvilla að auki. Sum þeirra liggja
inni, en önnur eru á göngudeild.
Ævintýrameðferð eykur
sjálfstraust barnanna
Í ævintýrameðferð fara krakk-
arnir í hellaskoðun, klifur og göngu-
ferðir á hálendinu. Markmiðið er að
rjúfa félagslega einangrun þeirra og
að þau verði færari í mannlegum
samskiptum og daglegum athöfnum.
Meðferðin tekur átta vikur og stend-
ur til boða allt árið um kring.
Hildur Andrjesdóttir segir að
frumkvæðið að rannsókninni hafi
komið frá stjórnendum BUGL, þeir
hafi viljað láta skoða hvernig með-
ferðin virkaði. „Helstu niður-
stöðurnar voru að þátttaka í ævin-
týrameðferð jók sjálfstraust barn-
anna mikið. Börnin voru öruggari í
framkomu við fjölskyldumeðlimi og
jafnaldra og voru óhræddari við að
koma skoðunum sínum á framfæri.“
En meira sjálfstrausti fylgdi ekki
endilega meiri færni og sker Ísland
sig úr að því leyti ef miðað er við er-
lendar rannsóknir. Hildur segir að
skýringa á því sé ekki endilega að
leita í meðferðinni sjálfri, heldur gæti
löngum biðlistum verið um að kenna.
„Börnin eru orðin svo veik þegar þau
komast inn í þetta, þannig að þau eru
kannski verr stödd í byrjun en börn í
öðrum löndum. Það kom líka í ljós að
veikustu börnin í rannsókninni bættu
ekki við sig neinni færni.“
Ánægja með lyfjagjöf og
ævintýrameðferð
Foreldrar barna sem nota lyf við
ofvirkni og athyglisbresti höfðu flest-
ir mjög jákvæða reynslu af lyfjagjöf-
inni, eða eins og ein móðirin orðaði
það: „Ég var bara komin með allt
annað barn í hendurnar. Hún fór
loksins að hafa eirð í sér til að sitja og
lita eða gera heimavinnuna sína.“
Foreldrarnir töluðu sumir um for-
dóma í samfélaginu vegna þess að
börnin þeirra tækju lyf á borð við
Ritalin og þeir þyrftu sífellt að verja
þá ákvörðun fyrir öðrum foreldrum,
sem hefðu lítinn skilning á veikindum
barna þeirra og héldu að ekkert am-
aði að þeim nema óþekkt.
Almenn ánægja var líka með ævin-
týrameðferðina. Sumir foreldranna
sögðust í fyrsta skipti hafa orðið var-
ir við tilhlökkun hjá börnunum sínum
þegar þau tóku þátt í þessari með-
ferð. Foreldrum fannst líka gott að
hitta hver annan og deila reynslu
sinni.
Foreldrar ósáttir við kerfið
„Það sem kom okkur á óvart var
hvað við fengum mikið af upplýs-
ingum um hvernig kerfið styður ekki
nógu vel fjölskyldur þessara barna,
það var alveg gegnumgangandi“ seg-
ir Hildur og segir foreldrana upplifa
það að sérfræðingar í þessum málum
taki meira mark hver á öðrum en á
fjölskyldum barnanna. Foreldrar
vildu margir hverjir að meðferðin
stæði lengur eða krakkahópurinn
hittist aftur eftir að meðferðinni lyki.
Foreldrum fannst skorta á leiðsögn
eftir að meðferð lauk. „Hvað getum
við foreldrarnir gert til að hjálpa
börnunum okkar aðeins lengra? Nú
er ég í rauninni stopp og engu nær
um framhaldið,“ sagði einn þátttak-
andi í rannsókninni. Einnig töluðu
foreldrar um að eftir að börnin væru
greind með geðræn vandamál þyrfti
að taka við fyrirfram ákveðið ferli.
Nú væru þeir hver í sínu horni að
berjast við að leita upplýsinga og úr-
ræða fyrir börnin sín. Mikið álag er á
foreldrum barna með geðræn vanda-
mál og ekki bætandi á þá vinnu. Í ný-
legri rannsókn kom fram að flestar
mæður barna sem bíða þjónustu á
BUGL hafa hætt vinnu eða minnkað
hana verulega.
Tvær af iðjuþjálfunum þremur eru
þegar komnar með vinnu í sínu fagi,
önnur á Reykjalundi, en hin í Lunda-
skóla, enda er mikil eftirspurn eftir
menntuðum iðjuþjálfum.
Fáir hlusta á foreldra
barnanna á BUGL
Ljósmynd/Hjálmar S. Brynjólfsson
Iðjuþjálfar Þær Hildur Andrjesdóttir og Steinunn B. Bjarnason ræddu við
foreldra barna á BUGL. Á myndina vantar Oddnýju Hróbjartsdóttur.
Í HNOTSKURN
»Iðjuþjálfun felst í því aðauka hæfni fólks til að tak-
ast á við hversdagslífið og
hjálpa því að yfirstíga þær
hindranir sem búa í því sjálfu
eða umhverfinu.
»Háskólinn á Akureyri ereini skólinn á landinu sem
útskrifar iðjuþjálfa. Námið
tekur þrjú ár.
»Síðastliðið haust biðu um90 börn eftir úrræðum á
göngudeild Bugl.
ALLS eiga nú 429 ökumenn sekt yfir
höfði sér fyrir að aka yfir afskipta-
hraða á Bústaðavegi um helgina.
Brot þeirra náðust á löggæslu-
myndavél en hinir brotlegu óku að
jafnaði á liðlega 77 km hraða.
Hundrað tuttugu og fimm ökumenn
voru mældir á yfir 80 og tuttugu
fimm á yfir 90 en sá sem hraðast ók
var á 107 km hraða.
Umrædd myndavél er á gatna-
mótum Bústaðavegar og Flugvallar-
vegar. Fylgst var með ökutækjum
sem var ekið Bústaðaveg í vestur en
þar er 60 km hámarkshraði, sam-
kvæmt frétt frá lögreglunni á höf-
uðborgarsvæðinu.
Sérstök ástæða er til að hvetja
ökumenn til að sýna varkárni þegar
farið er um Bústaðaveg. Þar fjölgaði
umferðaróhöppum um rúmlega
helming fyrstu fjóra mánuði ársins
miðað við sama tíma í fyrra. Í apr-
íllok höfðu 86 umferðaróhöpp orðið á
þessum vegi en þau voru 55 sömu
mánuði 2006. Ljóst er að hraðakstri
er um að kenna í mörgum tilvikum.
Hraði á
Bústaðavegi