Morgunblaðið - 20.06.2007, Blaðsíða 8
8 MIÐVIKUDAGUR 20. JÚNÍ 2007 MORGUNBLAÐIÐ
FRÉTTIR
Eftir Gunnhildi Finnsdóttur
gunnhildur@mbl.is
UNDIRMENN karlkyns stjórn-
enda taka styttra fæðingarorlof,
skipta orlofinu oftar upp í nokkra
hluta og sinna starfinu frekar að
einhverju leyti á meðan á því stend-
ur. Konum þykir fæðingarorlofið
frekar ógna starfsöryggi sínu ef
þær vinna undir stjórn karlmanns.
Þetta kemur fram í yfirgripsmikilli
könnun á reynslu fólks í fæðingar-
orlofi. Könnunin var unnin í
tengslum við mastersritgerð Bryn-
dísar Jónsdóttur í mannauðsstjórn-
un.
Niðurstöður Bryndísar benda til
þess að á vinnustöðum sem konur
stýra sé almennt jákvæðara viðhorf
til fæðingarorlofs en þar sem karlar
stjórna. Undirmenn kvenna töluðu
frekar um að orlofstakan hefði verið
álitin sjálfsagt mál og að þeir hefðu
fundið fyrir jákvæðum viðbrögðum
yfirmanna og samstarfsfólks. Ólík
viðbrögð samstarfsfólks geta skýrst
af því að kynin bregðast með ólíkum
hætti við fjarveru undirmanna
sinna. Yfirmenn foreldra í fæðing-
arorlofi þurfa augljóslega að finna
einhvern til þess að taka við verk-
efnum þeirra á meðan á orlofinu
stendur. Kvenkyns stjórnendur
leysa það oftast með því að ráða af-
leysingamanneskju, en karlkyns
stjórnendur dreifa frekar verkefn-
um á samstarfsfólk þess sem er í
fæðingarorlofi.
Meiri áhrif á feður
Kyn yfirmanns hefur meiri áhrif á
karla en konur þegar kemur að því
að taka fæðingarorlof. Þannig nýta
feður sem vinna undir stjórn annars
karls sér minna af sameiginlegum
orlofsrétti en feður sem hafa kven-
kyns yfirmann. „Þetta hefur greini-
lega ofboðslega mikil áhrif á feður,
auk þess að taka lengra orlof þá
skipta þeir orlofinu minna upp og
vinna minna heima hjá sér ef þeir
starfa undir stjórn kvenna,“ segir
Bryndís. Hún telur að á vinnustöð-
um sem konur stjórna sé hugsan-
lega meiri umræða um börn og fjöl-
skylduna og karlmenn því ófeimnari
við að gera ráðstafanir vegna barn-
eigna. „Ég gæti trúað að á þeim
vinnustöðum sé meira rætt um þessi
mál og tilvonandi feður til dæmis
spurðir hvernig konan hafi það og
hvenær hún eigi von á sér.“
Konur óttast
um starfsöryggi sitt
Á hinn bóginn komst Bryndís að
því að upplifun karla á áhrifum fæð-
ingarorlofsins á starfsöryggi var sú
sama óháð kyni yfirmanns. Konum í
fæðingarorlofi fannst starfsöryggi
sínu mun frekar ógnað ef þær höfðu
karlkyns yfirmann. Bryndís telur að
þarna sé líklegasta skýringin aftur
sú að hjá kvenkyns stjórnendum
séu málin rædd betur og ráðstafanir
gerðar með góðum fyrirvara. Hjá
karlstjórnendum sé fæðingarorlofið
síður undirbúið og einhvers konar
„þetta reddast“-sjónarmið ráði för.
Það geti skapað óvissu og óöryggi
meðal starfsmanna og konur finni
meira fyrir því þar sem þær taki yf-
irleitt lengra fæðingarorlof.
Fæðingarorlof styttra
þar sem karlmenn stjórna
Morgunblaðið/Kristinn
Fæðingarorlof Bryndís Jónsdóttir komst að því að kyn stjórnenda hefur
mikil áhrif á það hvernig foreldrar verja fæðingarorlofi sínu.
Í HNOTSKURN
»Enn sem komið er nýta konurnánast að öllu leyti þann or-
lofsrétt sem foreldrar eiga í sam-
einingu.
»Einungis þriðjungi þátttak-enda var kunnugt um rétt
sinn til foreldraorlofs, en það er
13 vikna ólaunað orlof til við-
bótar fæðingarorlofi. Starfs-
maður í foreldraorlofi safnar
ýmsum réttindum og hefur betri
lagalega stöðu en starfsmaður í
launalausu leyfi.
Starfsfólk kvenkyns stjórnenda nýtur lengra og samfelldara fæðingarorlofs
!
"
#
"
$%
&
' ( )
*+
)
%
%#
!
( "
(
,
MORGUNBLAÐINU hefur borist
eftirfarandi yfirlýsing frá Agli
Helgasyni og Ara Edwald:
„Sá ágreiningur sem hefur verið
á milli 365 og Egils Helgasonar
vegna fyrirhugaðra starfa Egils
hjá RÚV, hefur verið leystur með
samkomulagi aðila. Egill hefur fall-
ist á eftir að hafa farið yfir málið
með lögmanni sínum að ákveðnar
líkur séu á að samningur teljist
hafa komist á í skilningi laga vegna
þeirra samskipta sem aðilar áttu
sín á milli. Eftir stóð hins vegar
ágreiningur um hvort sá samning-
ur hafi verið uppsegjanlegur. Að-
ilar hafa nú leyst þann ágreining
með samkomulagi sem felur í sér
að Egill er laus undan samnings-
skuldbindingum sínum við 365.
Af þessu tilefni sagði Egill
Helgason: „Ég er sáttur við þau
málalok sem hafa orðið í þessari
deilu. Ég hlakka til að takast á við
þau verkefni sem bíða mín hjá
RÚV frá og með næsta hausti. Að
endingu vil ég þakka fyrir farsælt
samstarf við Stöð 2 á liðnum árum
og óska 365 farsældar.“
Ari Edwald vildi af þessu tilefni
koma á framfæri: „Með þeirri sátt
sem hefur verið gerð við Egil
Helgason er til lykta leidd sú deila
sem hefur staðið frá 1. júní sl. um
starfslok Egils Helgasonar. 365 er
sátt við þann endi sem deila þessi
fékk. Agli eru þökkuð störf sín í
þágu Stöðvar 2 á liðnum árum og
þess óskað að honum farnist vel í
framtíðinni.“
Að öðru leyti munu aðilar ekki
tjá sig frekar um þann ágreining
sem nú hefur verið til lykta leidd-
ur.“
Ágreiningur
Egils og 365
úr sögunni
Ari EdwaldEgill Helgason
Eftir Arndísi Þórarinsdóttur
arndis@mbl.is
GLEÐI og spenna lágu í loftinu í
Alþjóðahúsinu við Hverfisgötu í
gær, en þar mættust fulltrúar
Landsbankans og Alþjóðahúss til
þess að undirrita nýjan samstarfs-
samning.
Með samningnum er rekstur Al-
þjóðahússins tryggður út árið með
tíu milljón króna fjárframlagi og er
það stærsti samningur sem Al-
þjóðahúsið hefur gert við einka-
aðila. Í haust fara fram viðræður
um áframhald á samningnum.
Þessi upphæð er jafnhá framlaginu
til Alþjóðahússins sem Reykjavík-
urborg skar niður í fyrra.
Fótbolti fyrir alla
Mestu munar þó um þau sam-
félagslegu verkefni sem samning-
urinn snýr að. Alþjóðahúsið hyggst
í samvinnu við sérfræðinga Lands-
bankans í fjármálafræðslu þróa
námskeið fyrir viðskiptavini
Landsbankans, þar sem fléttað
verður saman íslenskukennslu og
fjármálafræðslu. Námið verður
viðskiptavinum að kostnaðarlausu
og munu námskeiðin hefjast í
haust.
Jafnframt mun starfsfólk bank-
ans sækja námskeið hjá starfsfólki
Alþjóðahússins um þjónustu í fjöl-
menningarumhverfi til þess að
samskipti bankans og við-
skiptavina hans af erlendum upp-
runa megi verða sem farsælust.
Gert er ráð fyrir að fara í útibú
bankans um allt land með nám-
skeiðin.
Einnig stendur til að hefja for-
varnaátak meðal þjálfara í yngri
flokkum í knattspyrnu. Börn inn-
flytjenda hafa þótt skila sér mjög
illa inn í íþróttahreyfinguna og
vonir standa til að með aukinni
fræðslu eigi þjálfarar auðveldara
með að sinna starfi sínu í fjöl-
menningarumhverfi.
Í desember ár hvert hefur Al-
þjóðahúsið veitt þeim viðurkenn-
ingu sem hafa staðið sig vel í mál-
efnum innflytjenda. Frá og með
undirritun samningsins er Lands-
bankinn bakhjarl þessarar við-
urkenningar til næstu þriggja ára
og verður hún nú kennd við Thor
Jensen.
Þjónustusamningur
Sigurjón Þ. Árnason bankastjóri
sagði að hér væri frekar um við-
skiptasamning að ræða heldur en
styrk, enda liti Landsbankinn svo
á að með samningnum væri hann
að kaupa mikilvæga þjónustu.
Jafnframt væri Landsbankinn
beinlínis að nýta sér viðskiptatæki-
færi, enda ekki nema eðlilegt að
banki sem segðist vera „banki allra
landsmanna“ legði sig fram um að
ná til allra þegna þjóðfélagsins.
Sigurjón sagði viðbúið að fjölgun
Íslendinga yrði í auknum mæli
með aðflutningi útlendinga og því
væri sjálfsagt að reyna að höfða til
innflytjenda. Hann sagðist vonast
til þess að þessi samningur væri
einungis fyrsta skrefið af mörgum.
Hákon Gunnarsson, stjórn-
arformaður Alþjóðahússins, sagði
að Alþjóðahúsið væri þess albúið
að vera leiðandi í málaflokki inn-
flytjenda. Hann sagði það gleðilegt
að fyrirtæki væru farin að taka
samfélagslega ábyrgð og gerðu sér
jafnframt grein fyrir því að um
gagnkvæma hagsmuni gæti verið
að ræða, líkt og raunin væri í
þessu tilfelli.
Einar Skúlason, framkvæmda-
stjóri Alþjóðahússins, minnti jafn-
framt á að það væru um 18.500 út-
lendingar búsettir á Íslandi, en um
32.000 Íslendingar væru búsettir í
útlöndum. Því væri ekki nema
sjálfsagt að sýna innflytjendum á
Íslandi allan sóma í von um að
ekki síðra viðmót myndi mæta öll-
um þeim Íslendingum sem hafast
við á erlendri grundu.
Landsbankinn styður Alþjóðahús
Fræðast um
fjármál og læra
íslensku um leið
Morgunblaðið/Frikki
Slagorð Við undirritun samningsins var bolum dreift með slagorðum sem sýna að Íslendingar eru alls konar fólk.