Morgunblaðið - 20.08.2007, Page 15

MORGUNBLAÐIÐ MÁNUDAGUR 20. ÁGÚST 2007 15
MENNING
B
Æ
JA
R
Ú
T
G
E
R
Ð
IN
·
A
4
Bæ jarhát íð Mosf el l sBæ jar
DaG sKr á DaGaNa 23. - 26 . áGÚs t 20 06
sjá DaGsKrá á www.Mos.is
EFTIRNAFNIÐ
hefur alla ævi
þvælst fyrir rit-
höfundinum
Katrin Himmler
og sérstaklega
þar sem Heinrich
Himmler var ná-
frændi hennar.
Fyrir
skemmstu kom út
bókin The
Himmler Brothers: A German Fam-
ily History þar sem Katrin segir
sögu fjölskyldu sinnar.
Við nánari eftirgrennslan á gögn-
um fjölskyldu sinnar kom ýmislegt í
ljós um afa hennar, Ernst, og bræð-
ur hans Heinrich og Gebhart. Þeir
bræður virðast hafa verið einróma í
skoðunum um réttmæti gjörða SS-
sveitanna, sem Heinrich Himmler
var í forsvari fyrir.
Ernst, afi Katrinar, gaf meira að
segja Heinrich upp nafn vinar síns,
sem var hálfur gyðingur. Svikin
kostuðu vininn lífið. Amma Katrinar
sendi svo matargjafir til þeirra naz-
ista sem biðu dauðadóms eftir stríð-
ið.
Ekki höfðu allir óbeit á Hitler
Katrin segir það mikilvægt fyrir
alla Þjóðverja að horfast í augu við
glæpi sem forfeður margra hafa
drýgt.
„Meirihluti ungs fólks í dag veit
mikið um Helförina en stendur í
þeirri trú að forfeður þeirra hafi haft
óbeit á Hitler og öllu sem hann stóð
fyrir og hafi jafnvel hýst gyðinga á
flótta á heimilum sínum. Það er alla-
vega það sem flestir reyna að trúa
þó svo að veruleikinn sé allt annar,“
segir Katrin.
Horfst í
augu við
fortíðina
Bók um Himmler-
bræðurna þrjá
Bók Katrin
Himmler
DJASS-trommuleikarinn Max
Roach, sem helst var þekktur fyrir
að hafa búið til bebop-stíl, lést í New
York um helgina,
83 ára að aldri.
Ekki er vitað
hvað olli dauða
tónlistarmanns-
ins, sem lést í
svefni.
Roach, sem
fæddist í Norður-
Karólínu árið
1924, var sjálf-
lærður tónlist-
armaður.
Á unglingsaldri lék hann með hús-
bandi hins þekkta klúbbs í New
York-borg, Monroe’s Uptown
House.
Hann þróaði bebop-stílinn þegar
hann lék undir með Charlie Parker,
Dizzie Gillespie og félögum á Monro-
e’s og á öðrum áhrifamiklum klúbb-
um New York-borgar.
Roach var einnig ötull talsmaður
fyrir réttindum blökkumanna.
Max Roach
látinn
Max Roach
SÆNSKI leikstjórinn Suzanne
Osten og sálgreinandinn Ann-
Sofie Bárány halda námskeið
fyrir íslenskt leikhúsfólk dag-
ana 20. til 24. ágúst og fjalla
þar um ástina og hvernig henni
hefur reitt af í íslensku sam-
félagi síðustu hundrað árin.
Námskeiðið er haldið á veg-
um Þjóðleikhússins og Nor-
ræna hússins.
Í tengslum við námskeiðið
mun Norræna húsið sýna þrjár kvikmyndir eftir
Suzanne Osten og hún mun einnig halda fyr-
irlestra í Norræna húsinu um kvikmyndavinnu
sína og leikritið Babydrama.
Námskeið
Hvernig reiðir
ástinni af?
Suzanne Osten
ÞÝSKA leikstjórateymið Rim-
ini Protokoll heldur í kvöld fyr-
irlestur um verk sín og aðferðir
í húsnæði leiklistardeildar
Listaháskóla Íslands að Sölv-
hólsgötu 13 klukkan 20.
Frá stofnun teymisins árið
2000 hefur Rimini Protokoll
unnið framsæknar sýningar á
mörkum raunveruleika og
leiks. Á laugardaginn sýna svo
nemendur 2. árs námsbraut-
arinnar Fræði & framkvæmd afrakstur vinnu-
stofu undir leiðsögn Rimini Protokoll.
Nánari upplýsingar um Rimini Protokoll má
finna á www.rimini- protokoll.de
Leiklist
Framsæknar
sýningar
LEIKSÝNINGIN Killer Joe
verður tekin aftur upp til sýn-
inga í Borgarleikhúsinu í byrj-
un september og er miðasala
þegar hafin á vef leikhússins.
Sýningin hlaut átta tilnefn-
ingar til Grímunnar í júní síð-
astliðnum, þar á meðal sem
besta sýning ársins.
Leikarar í Killer Joe eru
Björn Thors, Unnur Ösp Stef-
ánsdóttir, Þröstur Leó Gunn-
arsson, Maríanna Clara Lúthersdóttir og Jör-
undur Ragnarsson, sem tekur við hlutverki
Þorvaldar Davíðs Kristjánssonar.
Leikstjóri er Stefán Baldursson.
Leiklist
Killer Joe
aftur á svið
Úr Killer Joe.
Eftir Sverri Norland
sverrirn@mbl.is
„ÉG ER svona gamall kennarahundur. Byrjaði
að kenna fimmtán ára gamall – var þá að kenna
jafnöldrum mínum á klarínett, á vegum Lúðra-
sveitar Reykjavíkur í svefnherberginu heima í
Árbæ! – og hef eiginlega verið viðloðandi
kennslu á einn eða annan hátt síðan,“ segir
Guðni Franzson, klarínettuleikari og músíkant
með meiru. Hann stendur í stórræðum þessa
dagana því nú á fimmtudag, hinn 23. ágúst
klukkan 17, opnar Tóney, ný miðstöð fyrir tón-
list, tónlistarkennslu og hreyfingu. Kennsla hefst
síðan 3. september.
Ógrynni möguleika
Tóney er hugsuð sem miðstöð fyrir mús-
íkáhugamenn á öllum aldri.
Þangað geta hljóðfæraleikarar og áhugasamir
tónfræðanemendur sótt tíma; einnig fólk sem
hugsanlega lærði einhvern tímann á hljóðfæri en
flosnaði upp úr námi eða missti áhugann. Já, og
svo auðvitað þeir sem kunna bara ekki neitt.
Loks verða fyrirlestrar og fræðakúrsar, tón-
smiðjur, kennslustundir í notkun nótnaskrifta-
og upptökuforrita (t.d. Sibelius, Pro Tools, Live
og Rea son). Einnig er kennt „Ekta Pilates“ sem
er byggt á líkamsræktarkerfi Josephs Pilates en
þetta er heildræn líkamsþjálfun fyrir líkama og
sál sem styrkir og mýkir. Guðni kveður slíka
þjálfun hafa reynst tónlistarfólki vel, meðal ann-
ars hljóðfæraleikurum úr Sinfóníunni, en þessi
þjálfun byrjaði í fyrra á Tóney.
Lára Stefánsdóttir danshöfundur leiðir „Ekta
Pilates“ á Tóney en í framtíðinni er gert ráð fyr-
ir að dansinn komi sterkar inn.
Samstarf við skóla
á öllum stigum
Athygli vekur að væntanlega hefja þrír grunn-
skólar á höfuðborgarsvæðinu samstarf við Tóney
í haust; Sæmundarskóli, Landakotsskóli og
Tjarnarskóli.
„Þangað fara kennarar frá okkur og setja upp
ákveðið prógramm. Þetta kemur inn fyrir hefð-
bundna tónmenntakennslu í skólanum,“ segir
Guðni.
Starfsmenn Tóneyjar ýta úr vör og leggja net
sín hér og þar. Miðstöðin er líka öðrum þræði
hugsuð sem áningarstaður.
„Þú getur sest að á Tóney, en fæstir gera það
til langs tíma eða eins og er um marga eyj-
arskeggja, þeir eru í raun alltaf á leið eitthvað
annað,“ segir Guðni. Von Guðna er jafnframt sú
að með tíð og tíma hefjist samstarf við leikskóla
og framhaldsskóla um skipulagða kennslu.
Sérstaða Tóneyjar sker sig að ýmsu leyti frá
hinum hefðbundnu tónlistarskólum.
„Í fyrsta lagi er kennt í 10 vikna önnum,“ seg-
ir Guðni, „haust, vetur, vor og sumar, en einnig
verða styttri námskeið og fyrirlestrar.“ Helstu
músíksviðin verða klassík, djass, heims- og til-
raunatónlist, „en hugmyndin er þó sú að fólk geti
í raun lært á hvað sem er þá fram líða stundir“
Í farvatninu eru sérstakar deildir fyrir bar-
okkmúsík og eldri tónlist en einnig deild fyrir et-
hníska og þjóðlega tónlist.
Einstaklingar móta nám sitt að mestu sjálfir,
og þurfa að sýna sjálfstæði, en fá vissulega nauð-
synlegt aðhald frá leiðbeinendum og kenn-
urunum. Nemendum á Tóney gefst svo kostur á
því að taka formleg próf, enda verður námið mið-
að við opinbera námsskrá, þar sem það á við og
fyrir þá sem slíkt kjósa.
Úrvalslið kennara
Fjöldi valinkunnra fræðimanna, tónskálda og
tæknimanna sér um námskeið og handleiðslu
nemenda í Tóney.
„Hér er hópur af fólki sem hefur margvíslega
sýn og ólíkar aðferðir, fólk úr ólíkum geirum tón-
listar. Tónskáld, fræðimenn, hljóðfæraleikarar,
tækniséní og grúskarar, koma að starfinu í einni
eða annarri mynd. Flest eiga það sameiginlegt
að starfa að tónlist öllum stundum og hafa tak-
markaðan tíma til hefðbundinnar kennslu en
vilja gjarnan miðla og láta gott af sér leiða,
starfsumhverfi Tóneyjar hentar þeim vel.“
Fróðlegt verður að sjá hvernig starfsemi Tón-
eyjar þróast í framtíðinni, enda um spennandi og
metnaðarfullt innlegg í íslenska tónlistarkennslu
að ræða.
Nýr tónlistarskóli
hefur rekstur
Guðni Fransson stofnar tónlistarmiðstöðina Tóney í Síðumúla 8
Morgunblaðið/Kristinn
Fjölhæf fjölskylda Guðni Franzson, Lára Stefánsdóttir og sonur þeirra, Stefán Franz.
Allar nánari upplýsingar og skráning eru á
www.toney.is
♦♦♦