Morgunblaðið - 14.09.2007, Qupperneq 8
8 FÖSTUDAGUR 14. SEPTEMBER 2007 MORGUNBLAÐIÐ
FRÉTTIR
Eftir Einar Fal Ingólfsson
efi@mbl.is
HÁLFTÍMA eftir að nýr hópur hóf veiðar í
Hítará í fyrradag, stóð veiðieftirlitsmaður einn
veiðimannanna að því að beita maðki í Langa-
drætti. Maðkveiði er óheimil í Hítará eftir 30.
júní. Rúmum klukkutíma síðar hafði eftirlits-
maðurinn staðið allar stangirnar að því að
veiða með maðki. Að sögn Páls Þórs Ármanns,
framkvæmdastjóra Stangaveiðifélags Reykja-
víkur, var veiðimönnunum hiklaust vísað úr
ánni. Mættu sumir þeirra óhikað til leiks vopn-
aðir kaststöngum, á meðan aðrir munu hafa
beitt maðki á flugustangir.
„Þetta er mjög gróft brot,“ sagði Páll en
stjórn félagsins mun ræða málið og má búast
við því að hinir brotlegu verði reknir úr félag-
inu, fái ekki að kaupa veiðileyfi hjá því og jafn-
vel að aðrir veiðileyfasalar verði upplýstir um
hverjir áttu hlut að máli. Mennirnir munu hafa
veitt áður í Hítará á þessum tíma.
„Við höfum verið að auka eftirlit með veiði-
svæðum okkar og vorum búnir að ráða mann í
viðbótareftirlit, m.a. í Hítará og hann var þarna
að athuga búnað veiðimanna. Það var fyr-
irsjáanlegt að þessir menn mættu til leiks með
þá ætlun að brjóta reglurnar. Þetta er eitthvað
það grófasta sem við höfum séð,“ sagði Páll.
21 birtingur á tveimur vöktum
Nú þegar næturfrostið er farið að gera vart
við sig og dagarnir styttast óðum, þá fer sjó-
birtingurinn að sjást í Skaftafellssýslunum.
Holl sem er við veiðar í Vatnamótunum, við
Skaftá, var komið með 21 sjóbirting um hádegi
í gær, eftir tvær vaktir. „Þetta er mjög góð
veiði,“ sagði Ragnar Johnsen á Hörgslandi.
„Þetta eru fallegir fiskar, til að mynda tveir
tíu punda í morgun og einn tólf punda í gær-
kvöldi. Það er mikið af fiski mætt á svæðið, þótt
hann taki misvel. Menn sjá hann stökkva tals-
vert úti í grugginu. Feðgar sem voru hér í gær-
morgun fengu þrjá af bökkunum, sjö, átta og
fimmtán punda. Hollið þar á undan náði í 20
fiska. Þetta hefur verið ágætt upp á síðkastið,
engin stór bingó, en kannski breytist það með
hollinu sem er hér núna.“
Fréttir eru farnar að berast úr öðrum sjó-
birtingsám eystra, sem gefa til kynna að birt-
ingurinn sé að mæta. Stjórn Stangaveiðifélags
Keflavíkur var í Geirlandsá um síðustu helgi og
veiddi fjóra laxa og átta sjóbirtinga, þar af einn
sem vó 14 pund og mældist 85 cm. Kvennaholl
sem lauk veiðum í Tungufljóti í Skaftártungu á
miðvikudag landaði fjórum sjóbirtingum, þar
af einum átta punda, en þær misstu einnig þrjá
eftir langa viðureign. Munu þeir allir hafa verið
stórvaxnir og rétti einn þeirra upp tvo króka á
Ein þeirra laxveiðiáa sem sjaldan fréttist af
er Reykjadalsá í Borgarfirði. Veiðimenn sem
voru þar í vikunni sögðu mikið af laxi í ánni, en
þeir veiddu fimm, þar af 76 cm hæng, stærsta
fiskinn færðan til bókar í sumar. Hollið þar á
undan náði 13, á maðkinn, en hollið á undan
þeim lenti í mokveiði á stangirnar tvær á
tveimur dögum, lönduðu 40 löxum.
Samkvæmt nýjustu veiðitölum á vef Lands-
sambands veiðifélaga, angling.is, frá því á mið-
vikudagskvöld, er enn góð laxveiði víða. Eystri-
Rangá hefur nokkur liðið fyrir skolað vatn en
tölurnar eru makalausar: 5.153 laxar. Í Ytri-
Rangá og Hólsá er mok, veiðin komin í 4.631 en
vikan gaf hátt í 500 laxa. Í Þverá og Kjarrá
hafa veiðst 2.250, 55 í vikunni, en 2.084 í Selá í
Vopnafirði, þar af 170 í liðinni viku. Fimmta á
listanum er Norðurá með 1.456.
spúnaþríkrækju. Allir tóku fiskarnir í Bjarna-
fossi, efsta veiðistað.
Rangárnar á toppnum
Það fer lítið fyrir meðalhófinu í veiðiám
landsins; eftir langvarandi þurrka sumarsins
hafa margar ánna verið í flóðum síðustu daga.
Veiðimenn sem voru í Langá í vikunni fengu að
kynnast því, en eftir að hafa gefið 25-30 laxa á
dag, óx verulega í ánni og veiði féll niður í þriðj-
ung af því. Fluguveiðimönnum gekk ekki neitt
en einungis veiddist á maðkagræjur með
pungsökkum. Til marks um vatnsmagnið í
ánni, auðnaðist bara veiðimönnum á stærstu
jeppum að komast yfir vaðið fyrir ofan Koteyr-
arbrot og flæddi yfir vélarhlífar bílanna. En
Koteyrarbrotið heldur miklu af fiski og veidd-
ust sjö þar á þriðjudag.
VEIÐI | Eitthvað það grófasta sem við höfum séð, segir framkvæmdastjóri SVFR
Holli vísað úr Hítará fyrir
að beita maðki í stað flugu
Ljósmynd/Gísli Harðarson
Stærstur Hörður Blöndal veiddi í vikunni stærsta lax sumarsins í Reykjadalsá í Borgarfirði, 76
cm hæng sem tók rauða Frances keilutúpu í Eyjafljóti. Var fiskinum sleppt aftur í ána.
DOKTOR Þorkell Helga-
son orkumálastjóri hefur
óskað eftir því við iðnað-
arráðherra að fá lausn frá
embætti orkumálastjóra
frá og með 1. janúar
næstkomandi af persónu-
legum ástæðum. Iðnaðar-
ráðherra hefur þegar orð-
ið við óskinni. Jafnframt
hefur ráðherra veitt Þor-
keli leyfi frá daglegum
störfum embættisins frá og með 1. október
nk. til að sinna fræðastörfum og skrifum um
orkumál.
Starfar áfram að verkefni á sviði
kosningamála og fræðimennsku
Dr. Ragnheiður Inga Þórarinsdóttir, að-
stoðarorkumálastjóri og staðgengill orku-
málastjóra, mun gegna störfum embættisins
á fjórða ársfjórðungi þessa árs að því er
fram kemur í fréttatilkynningu frá Orku-
stofnun.
Þorkell, sem verður 65 ára á þessu hausti,
tók við embætti Orkumálastjóra fyrir rétt-
um 11 árum, eða 12. september 1996, af Jak-
obi Björnssyni. Orkustofnun var stofnuð ár-
ið 1967.
Skv. upplýsingum Orkustofnunar hyggst
Þorkell starfa áfram í hlutastarfi, en á öðr-
um vettvangi, að verkefni sem honum hefur
lengi verið hugleikið en það er á sviði kosn-
ingamála og fræðimennsku í því sambandi.
Lætur af emb-
ætti orkumála-
stjóra í árslok
Þorkell
Helgason
ÞORGERÐUR Katrín
Gunnarsdóttir mennta-
málaráðherra hefur
skipað þjóðleikhúsráð
til næstu fjögurra ára.
Verður Ingimundur
Sigfússon, fyrrverandi
sendiherra, formaður
ráðsins.
Samkvæmt leiklist-
arlögum er þjóðleik-
húsráð skipað fimm
mönnum. Ráðherra skipar formann og vara-
formann úr hópi ráðsmanna. Félag íslenskra
leikara tilnefnir einn fulltrúa og Félag leik-
stjóra á Íslandi annan en þrír eru skipaðir án
tilnefningar.
Auk Ingimundar sitja í ráðinu Halldór
Guðmundsson, varaformaður, skipaður án
tilnefningar, Kolbrún Halldórsdóttir, skipuð
án tilnefningar, Randver Þorláksson, til-
nefndur af Félagi íslenskra leikara og Ásdís
Skúladóttir, tilnefnd af Félagi leikstjóra á
Íslandi.
Varamenn í ráðinu eru Ólafur Þ. Steph-
ensen, skipaður án tilnefningar, Helga Vala
Helgadóttir, skipuð án tilnefningar, Andri
Snær Magnason, skipaður án tilnefningar,
Edda Arnljótsdóttir, tilnefnd af Félagi ís-
lenskra leikara, Brynja Benediktsdóttir, til-
nefnd af Félagi leikstjóra á Íslandi.
Skipaður
formaður þjóð-
leikhúsráðs
Ingimundur
Sigfússon
Á FUNDI í bæjarráði Sandgerðisbæjar síð-
astliðinn þriðjudag var tekið fyrir bréf frá Ís-
landspósti þar sem tilkynnt var að póstnúm-
erið 235 Keflavíkurvöllur væri nú orðið 235
Reykjanesbær.
Bæjarráðið gerði ekki athugasemdir við
erindið en í fundargerð leggur það hins vegar
áherslu á að póstnúmer Sandgerðisbæjar
gildi innan bæjarmarka Sandgerðisbæjar.
Ólafur Þór Ólafsson, bæjarfulltrúi S-lista
Samfylkingar og óháðra í Sandgerði, vekur
athygli á því í tölvupósti að í þessari athuga-
semd felist sú skoðun bæjarráðs að póstnúm-
erið 245 Sandgerði eigi að gilda alls staðar
innan bæjarmarka Sandgerðisbæjar og þar
með talið í Flugstöð Leifs Eiríkssonar.
Flugstöðin og stærstur hluti flugbrauta
Keflavíkurflugvallar eru nefnilega í Sand-
gerði.
Togast á um
póstnúmer
Eftir Ómar Friðriksson
omfr@mbl.is
UNNIÐ var að endurbótum á þaki
Alþingishússins fyrr í sumar og
lokið fúguviðgerðum á útveggjum
hússins. Skipt var um skífur á þak-
inu og mænir hússins og þakrenn-
ur endurnýjað og unnið að ýmsum
lagfæringu. M.a. hefur merki
Kristjáns níunda á húsinu verið
hreinsað, samkvæmt upplýsingum
Helga Bernódussonar, skrifstofu-
stjóra Alþingis.
,,Innan dyra hefur verið haldið
áfram lagfæringum og snyrting-
um. Það komu ný húsgögn í húsið
síðastliðið vor og haldið hefur verið
áfram við að koma þeim endanlega
fyrir og ganga frá,“ segir hann.
Öll húsgögn hafa verið end-
urnýjuð nema í þingsal
,,Að öðru leyti er þeim breyting-
um, endurbótum og viðhaldi á hús-
inu sem hefur verið í gangi und-
anfarin ár að mestu leyti lokið,“
en það er ekki á dagskránni í dag,“
segir hann.
Þingsetning Alþingis fer fram
mánudaginn 1. október næstkom-
andi.
Geir H. Haarde forsætisráð-
herra mun svo flytja stefnuræðu
sína á þinginu þriðjudagskvöldið 2.
október.
Ákveðið var árið 2002 að ráðast í
endurbætur á Alþingishúsinu öllu.
Að loknum endurbótum innan-
húss var ákveðið að velja ný hús-
gögn í Alþingishúsið. „Það er búið
að endurnýja öll húsgögn í húsinu
nema í þingsalnum og það mun
auðvitað koma til umræðu síðar að
endurnýja húsgögn í þingsalnum
segir Helgi en tekur jafnframt
fram að ýmis smærri verkefni sem
snúa að endurbótum í Alþingishús-
inu séu eftir, m.a. endurnýjun á
loftræstikerfi hússins.
„Þakviðgerðum og viðgerðum á
útveggjum er lokið, a.m.k. í bili, en
þetta er að sjálfsögðu eilíft við-
haldsverkefni,“ segir Helgi.
Endurbótum og viðhaldi á
þinghúsinu er að mestu lokið
Í HNOTSKURN
»Alþingi kemur saman tilfundar 1. október en sum-
arþinginu sem kom saman í
lok maí sl. var frestað 13.
júní.
»Árið 2002 var ákveðið aðráðast í endurbætur á Al-
þingishúsinu öllu. Engar
heildstæðar viðgerðir höfðu
þá verið gerðar á húsinu frá
1881.
»Framkvæmdunum varskipt í nokkra áfanga.Morgunblaðið/FrikkiLagfæringar Konungskórónan, merki Kristjáns níunda, var hreinsuð.
♦♦♦
♦♦♦