Morgunblaðið - 06.11.2007, Síða 1

STOFNAÐ 1913 303. TBL. 95. ÁRG. ÞRIÐJUDAGUR 6. NÓVEMBER 2007 LANDSPRENT EHF. mbl.is
SMEKKLAUS BÓK
SANNSÖGLI OG LYGI Í LJÓÐABÓK
EINARS ARNAR OG BRAGA ÓLAFS >> 36 Leikhúsin í landinu
Gjafakort í leikhúsið
- góð gjöf. >> 37
FRÉTTASKÝRING
Eftir Davíð Loga Sigurðsson
david@mbl.is
GRÍÐARLEG ólga er í Pakistan eftir þá
ákvörðun Pervez Musharrafs forseta að
setja neyðarlög, reka flesta dómara í hæsta-
rétti landsins og loka fyrir útsendingar allra
frjálsra sjónvarpsstöðva. Allra augu beinast
að Pakistan við þessar aðstæður, enda gæti
stjórnleysi í landinu haft afdrifaríkar afleið-
ingar. Múslímskir öfgamenn eru áhrifamikl-
ir í Pakistan og hafa ber í huga í þessu sam-
bandi að Pakistan er kjarnorkuríki og
stöðugleiki í stjórnmálum því mikilvægur
fyrir heiminn allan.
Óvinsældir Musharrafs hafa vaxið jafnt
og þétt en misheppnaðar tilraunir hans til að
víkja forseta hæstaréttar úr starfi fyrr á
þessu ári vöktu reiði landsmanna. Gagnrýn-
endur segja að Musharraf geri hvaðeina til
að halda völdum. Hann hafi nú verið farinn
að óttast að hæstiréttur lýsti endurkjör hans
í atkvæðagreiðslu á þingi í síðasta mánuði
ólöglegt og því hafi hann gripið inn nú um
helgina.
Örvæntingarfullt útspil?
Sumir segja þó raunar að framganga
Musharrafs geri það að verkum að dagar
hans sem forseta séu senn taldir. Honum
muni aldrei takast að halda niðri þeirri ólgu
sem nú er komin upp, enda hljóti einræðis-
stjórn aðeins að magna öfgar í landinu.
Pakistanskir ráðamenn sögðu reyndar í gær
að þingkosningar yrðu haldnar í janúar eins
og að var stefnt en höfðu áður sagt að af því
yrði varla; og vafi leikur vitaskuld á – í ljósi
atburða helgarinnar – um gildi yfirlýsinga
um skjóta endurreisn lýðræðisins.
Uppnámið í Pakistan er sérstakt áhyggju-
efni fyrir Bandaríkjastjórn sem litið hefur á
Musharraf sem einn sinn mikilvægasta
bandamann í hinu svokallaða stríði gegn
hryðjuverkum. Frammistaða pakistanskra
stjórnvalda hefur raunar valdið von-
brigðum, Osama bin Laden leikur enn laus-
um hala og íslömskum öfgamönnum í landa-
mærahéruðum Pakistans og Afganistans
hefur vaxið ásmegin hvað sem líður lof-
orðum um að á því yrði tekið. Bush Banda-
ríkjaforseti hefur engu að síður lagt mikið
traust á Musharraf og verið ákafur í að
styrkja hann í sessi – m.a. með efnahags-
aðstoð upp á alls ellefu milljarða dollara – en
Bandaríkjamenn hafa þannig lagt öll sín egg
í eina körfu. Þeir verða því a.ö.l. að standa
með Musharraf í gegnum þykkt og þunnt,
einnig nú þegar hann augljóslega hefur valið
leið sem er í hróplegu ósamræmi við þá yf-
irlýstu stefnu Bandaríkjamanna að styðja
lýðræðisöfl hvarvetna í heimi hér. | 14
AP
Neyðarlög Her og lögregla eru í við-
bragðsstöðu í Pakistan.
Hættulegt
upplausn-
arástand
Eftir Silju Björk Huldudóttur
silja@mbl.is
„MENN telja sig hafa verið að gera einhvern frá-
bæran viðskiptasamning fyrir hönd Orkuveitu
Reykjavíkur, með því að fá óefnislegar eignir
metnar á 10 milljarða króna í samrunasamningi
REI og GGE, en þegar betur er að gáð er sú saga
ekki sögð nema að hluta til,“ segir Júlíus Vífill
Ingvarsson, borgarfulltrúi og stjórnarmaður í
OR. Vísar hann þar til minnisblaðs Hjörleifs B.
Kvaran, forstjóra OR, um verðmat GGE í sam-
runa við REI sem lagt var fram á síðasta stjórn-
arfundi OR að beiðni Júlíusar Vífils.
Þar kemur fram að Hjörleifur telur að færa
megi gild rök fyrir því að eignasafn GGE sé hátt
metið í samrunaefnahagsreikningi REI og GGE
og beri ekki það yfirmat sem
samningsverðið fól í sér.
„Samkvæmt mati forstjóra
OR er GGE ofmetið, enda er
gríðarlegur munur á bók-
færðu virði GGE og samn-
ingsvirði,“ segir Júlíus Vífill,
en munurinn nemur tæpum 7
milljörðum. „Það má vera al-
veg ljóst að sá samningur sem
gerður var var mjög fýsilegur
fyrir GGE. Í ljósi þessa verð-
ur maður að ætla það að þeir sem önnuðust þessa
samningagerð fyrir hönd OR hafi verið komnir
inn á vígvöll sem þeir þekktu lítið til á,“ segir Júl-
íus Vífill.
Í minnisblaði Hjörleifs kemur fram að hann
telur að fyrrgreindar upplýsingar hefðu tvímæla-
laust átt að liggja fyrir þegar stjórn og eigendur
fjölluðu um samrunasamninginn 3. október sl.
En telur Júlíus Vífill að stjórn og eigendur OR
hefðu samþykkt samrunasamninginn hefðu þess-
ar upplýsingar legið fyrir á sínum tíma? „Nei, alls
ekki. Þessar upplýsingar segja okkur það að
samningurinn er ekki eins kræsilegur fyrir OR
og menn vildu vera láta,“ segir Júlíus Vífill, en
bendir jafnharðan á að fleiri þættir í samrun-
anum hafi haft þau áhrif að meirihluti borgar-
stjórnar hafi ekki getað við hann unað. Nefnir
hann í því samhengi bæði þjónustusamning REI
og OR til 20 ára sem og umdeilda svokallaða
kaupréttarsamninga.
Verðmat Geysir Green var
hækkað um 6,7 milljarða
 Sameiningin við Geysi var ekki frábærir samningar fyrir OR eins og haldið
hefur verið fram, segir borgarfulltrúi  Hlutur Geysis hafi verið ofmetinn
Júlíus Vífill
Ingvarsson
 Gild rök að eignasafn GGE | 7
FERMINGARBÖRN úr Grafar-
vogssókn gengu í hús í gær til að
safna peningum til verkefna Hjálp-
arstarfs kirkjunnar.
Að sögn Bjarna Þórs Bjarnason-
ar, prests í Grafarvogskirkju, er
þetta í 9. sinn sem söfnunin er
haldin, en alls ganga fermingar-
börn úr 67 sóknum í öllum lands-
hlutum í hús nú í nóvemberbyrjun.
Segir hann aðallega safnað fyrir
brunnum í fátækum löndum Afr-
íku þar sem mikill skortur er á
hreinu neysluvatni. Í fyrra söfnuðu
fermingarbörn 7 milljónum kr. á
landsvísu en hver brunnur kostar
um 75 þús. kr. og getur þjónað um
þúsund manns. Að sögn Bjarna er
söfnunin góð leið til að kenna
fermingarbörnum mikilvægi þess
að gefa og láta gott af sér leiða. Morgunblaðið/Kristinn
Rétta
hjálparhönd
Fermingarbörn ganga í hús til að safna fyrir brunnum í Afríku
NIÐURSKURÐUR þorskkvóta
mun líklega hafa mest áhrif á efna-
hagsleg umsvif á Vestfjörðum og á
Vesturlandi, samkvæmt skýrslu
Hagfræðistofnunar Háskóla Ís-
lands (HHÍ) um áhrif afla-
samdráttar í þorski á fjárhag sveit-
arfélaga. Gunnar Haraldsson,
framkvæmdastjóri HHÍ, kynnti
skýrsluna á fjármálaráðstefnu
sveitarfélaga í gær.
Hagfræðistofnun gerir ráð fyrir
að heildarframleiðsla atvinnulífs í
þessum landshlutum dragist saman
um 3-4% á fyrsta ári eftir að til-
kynnt var um niðurskurðinn. Þá
gætu heildarumsvif minnkað um
2-3% á Suðurnesjum og á Norður-
landi fyrsta árið, en minna annars
staðar á landinu.
Samdrátturinn verður líklega
hlutfallslega mestur í Grímsey og
er gert ráð fyrir að tekjur Gríms-
eyjarhrepps minnki um 13% fyrsta
árið eftir kvótaskerðingu. Þá er
gert ráð fyrir að tekjur Grindavík-
urbæjar, Grundarfjarðarhrepps,
Grýtubakkahrepps og Skaga-
strandar dragist saman um 5%
fyrsta árið. Tekjumissir sveitarfé-
laganna er fyrst og fremst fólginn í
því að tekjur þeirra af útsvari verða
minni en áður. Einnig kann kvóta-
skerðingin að hafa áhrif á fast-
eignaverð og fasteignagjöld. Þá
munu tekjur hafna dragast saman
þótt eitthvað kunni einnig að spar-
ast í útgjöldum þeirra.
Kvótaskerðingin kann að styrkja
hag sumra stórra staða því kvóti
kann að flytjast frá smærri stöðum
til þeirra stærri. | 11
Áhrif aflasamdráttar í þorski á fjárhag sveitarfélaga mjög mismunandi
Mest áhrif í Grímsey
Í HNOTSKURN
»Aflaverðmæti í þorsk-veiðum gæti dregist sam-
an um 9,4 milljarða króna
með minni veiðum.
»Stöðum þar sem þorskurer frystur hefur fækkað
úr 50 í 34 frá 1992-2004.
»Einnig hefur stöðum þarsem þorskur er saltaður
fækkað.