Morgunblaðið - 17.11.2007, Blaðsíða 2

2 LAUGARDAGUR 17. NÓVEMBER 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is netfrett@mbl.is Guðmundur Sv.
Hermannsson fréttastjóri gummi@mbl.is
Eftir Hjálmar Jónsson
hjalmar@mbl.is
EIGENDAFUNDUR Orkuveitu
Reykjavíkur samþykkti samhljóða í
gærkvöldi að
staðfesta fyrri
ákvarðanir borg-
arráðs Reykja-
víkur og stjórnar
Orkuveitu
Reykjavíkur
(OR) frá byrjun
þessa mánaðar
að hafna sam-
runa Reykjavik
Energy Invest
(REI) við Geysi Green Energy
(GGE).
Jafnframt samþykkti fundurinn
að veita stjórnarformanni Orkuveit-
unnar umboð til þess að hefja við-
ræður við ríkið og meðeigendur í
Hitaveitu Suðurnesja um framtíð
fyrirtækisins í því skyni að tryggja
að auðlindir og almenningsveitur
verði í eigu almennings, en sam-
þykkt þar að lútandi var einnig gerð
á fundi borgarráðs fyrr í gærdag.
Dagur B. Eggertsson borgar-
stjóri sagði að þessi niðurstaða
þýddi að nú stæði eftir útrásararm-
ur Orkuveitunnar, REI, sem væri í
eigu OR að langstærstum hluta. „Nú
tekur við það verkefni hjá okkur að
búa útrásinni heilbrigt umhverfi og
læra af þessu máli öllu saman, en
jafnframt viljum við huga að orku-
umhverfinu almennt og munum,
eins og kynnt var á þessum fundi,
óska eftir viðræðum við ríkið, sveit-
arfélög og meðeigendur okkar í
Hitaveitu Suðurnesja um að tryggja
það að auðlindir og almenningsveit-
ur verði í almenningseign,“ sagði
Dagur.
Hann sagði jafnframt að það væri
eðlilegt að hefja viðræður við GGE.
Það væri ágreiningur milli aðila um
þá stöðu sem uppi væri og mikilvægt
að kanna hvort hægt væri að leysa
hann í einhvers konar samkomulagi.
Aðspurður hvort hann hefði
áhyggjur af því hvort Orkuveitan
hefði skapað sér skaðabótaábyrgð,
sagði Dagur að þeir væru búnir að
fara vandlega yfir alla þætti málsins
og hvert skref væri tekið að vand-
lega athuguðu máli. „Við erum hins
vegar ekki, hvorki í þessu né öðru, í
illdeilum eða einhverjum mála-
rekstri. Það er alltaf betra ef það er
hægt að finna einhverja fleti þar
sem hagsmunir fara saman,“ sagði
Dagur einnig.
Hann bætti því við aðspurður að
þetta væru hins vegar skref sem
nauðsynlegt hefði verið að taka til
þess að vinda ofan af þeim ógöngum
sem málið hefði verið komið í og það
væri þverpólitísk niðurstaða allra í
borgarstjórn og sameigenda þeirra í
OR á Akranesi og í Borgarbyggð.
Hann bætti því ennfremur við að-
spurður að unnið væri að málinu
eins hratt og kostur væri á. „Við er-
um að stíga hvert skref til þess að
standa sem best vörð um hagsmuni
Orkuveitunnar og borgarbúa í út-
rásinni eins og öðru,“ segir hann
Framhaldshluthafafundur REI
verður haldinn fyrir hádegi í dag. Þá
er framhaldseigendafundur Orku-
veitunnar síðan ráðgerður aftur að
viku liðinni.
Dagur B.
Eggertsson
Eigendafundur OR samþykkir
að hafna samruna við GGE
Morgunblaðið/Golli
Frá eigendafundinum Þórunn Guðmundsdóttir, fundarstjóri, Bryndís
Hlöðversdóttir, stjórnarformaður OR, Dagur B. Eggertsson, borgarstjóri,
og Hjörleifur Kvaran, forstjóri OR.
HÆSTIRÉTTUR hefur staðfest úr-
skurð Héraðsdóms Reykjavíkur um
að maður, sem grunaður er um að
hafa orðið öðrum manni að bana í
íbúð við Hringbraut í Reykjavík í
október, sæti áframhaldandi gæslu-
varðhaldi til 20. desember.
Fram kemur í úrskurði héraðs-
dóms, að sakborningurinn hafi til-
kynnt lögreglu að vinur hans og ná-
granni lægi rænulaus í rúmi sínu.
Sagðist maðurinn hafa farið inn í
opna íbúðina og komið að nágrann-
anum þar. Lögregla fann manninn í
rúminu og var hann með mikla
áverka á andliti. Þá mátti sjá duft úr
slökkvitæki á vanga hans og í rúm-
inu og blóðslettur á vegg.
Maðurinn var fluttur á slysadeild
Landspítalans en lést þar síðar um
kvöldið af sárum sínum. Talið er að
hann hafi verið barinn í höfuðið með
slökkvitæki
Hinn grunaði var verulega ölvaður
og með nýlegt hrufl á fingri og á
höndum hans var duft úr slökkvi-
tæki.
Gæsla stað-
fest í mann-
drápsmáli
Eftir Arnór Gísla Ólafsson
arnorg@mbl.is
ÆTLA MÁ að markaðsvirði
skráðra eigna í eigu Exista hafi fall-
ið um eina 40 milljarða það sem af
er fjórða ársfjórðungi, þ.e. frá 1.
október. Áréttað skal að eignarhlut-
ur Exista í Kaupþingi og Sampo,
sem samtals vegur væntanlega um
50-55% í eignasafni félagsins, er
færður samkvæmt hlutdeildarað-
ferð þannig að Exista reiknar sér
ekki til tekna eða gjalda breytingar
á markaðsvirði þessara félaga. Það
táknar að breytingar á markaðs-
verði hafa ekki
áhrif á rekstur
eða efnahag Ex-
istu nema þá að-
eins í því tilviki
að markaðsvirði
þeirra færi niður
fyrir bókfært virði. Ætla má að
samanlögð lækkun á markaðsverð-
mæti eigna Exista í Kaupþingi og
Sampo nemi 30-31 milljarði króna.
Aðrar skráðar eignir Existu eru
hins vegar færðar við markaðsvirði
á hverjum tíma og lækkun á gengi
bréfa birtist þá sem óinnleyst tap á
rekstrarreikningi.
Miklar lækkanir hafa orðið á
hlutabréfamörkuðum og þannig hef-
ur gengi bréfa Bakkavarar, þar sem
Exista fer með um 40% hlut, lækk-
að um 13% frá 1. október og gengi
bréfa norska trygginga- og fjár-
málafyrirtækisins Storebrand hefur
lækkað um 18% en Exista á nær
10% hlut í félaginu.
Gengi bréfa Kaupþings banka,
sem Exista átti um 23% hlut í í lok
september, hefur lækkað um 13,7%
frá október. Þá hefur gengi bréfa
finnska tryggingafélagsins Sampo,
þar sem Exista á um 20% hlut,
lækkað um 7,5%.
Markaðsverðmæti
eigna Exista fellur
Hefur væntanlega minnkað um 40 milljarða frá 1. október
BLYSFÖR var farin um miðaft-
ansbil í gær á Degi íslenskrar
tungu frá aðalbyggingu Háskóla Ís-
lands að Hljómskálagarðinum. Efnt
var til blysfararinnar af hálfu HÍ,
Rithöfundasambands Íslands og af-
mælisnefndar Jónasar Hallgríms-
sonar. Blysförinni lauk við styttu
Einars Jónssonar af Jónasi Hall-
grímssyni sem afhjúpuð var 16.
nóvember 1907, á aldarafmæli þjóð-
skáldsins.
Pétur Gunnarsson, formaður Rit-
höfundasambandsins, flutti þar
ávarp í minningu skáldsins.
Meðal þátttakenda í blysförinni
var Kristín Ingólfsdóttir háskóla-
rektor.
Dagur íslenskrar tungu var hald-
inn hátíðlegur í tólfta sinn í gær en
markmiðið með deginum er að
beina athygli þjóðarinnar að stöðu
tungunnar, gildi hennar fyrir þjóð-
arvitund og alla menningu.
Í gærkvöldi var hátíðarsamkoma
í Þjóðleikhúsinu þar sem minning
Jónasar Hallgrímssonar var heiðr-
uð með flutningi verka skáldsins í
bundnu máli og lausu í leikstjórn
Sveins Einarssonar.
Blysför á Degi íslenskrar tungu
Morgunblaðið/Kristinn
Minning Pétur Gunnarsson formaður Rithöfundasambandsins ásamt fleiri blysförum við styttu af þjóðskáldinu.
ÖGMUNDUR
Jónasson, formað-
ur BSRB, sagði á
aðalfundi banda-
lagsins í gær þegar
hann mælti fyrir
ályktun fundarins
að menn yrðu að
opna augun fyrir
þeim alvarlega
vanda sem blasti
við innan almanna-
þjónustunnar. Víða væri erfitt að
manna störf. Í næstu kjarasamning-
um þyrfti að stórbæta kjör starfsfólks
í almannaþjónustu, því að öðrum kosti
stefndi jafnvel í neyðarástand. „Við
erum að horfa til þess að í mörgum
stofnunum velferðarþjónustunnar er
ekki hægt að manna stöður lengur,“
segir Ögmundur. „Þetta eru stofnanir
sem sinna öldruðum og fötluðum, og
einnig í öðrum geirum. Við beinum
því til okkar viðsemjenda að þeir opni
augu sín fyrir því alvarlega ástandi
sem er að skapast.“
Ögmundur segir fulltrúa BSRB
hafa haft samband við ýmsar heil-
brigðisstofnanir undanfarna daga.
„Alls staðar kveður við sama tóninn.
Svo dæmi sé tekið staðhæfa forsvars-
menn Landspítalans að það bráðvanti
tugi hjúkrunarstarfsfólks. Við þetta
ástand verður álagið á þá sem eftir
eru miklu meira og fólk hrökklast úr
starfi af þessum sökum og þannig
vindur vandinn upp á sig. Svona er
þetta alltof víða. Ef það á að leysa
þetta, þá verður að greiða kaup og
búa fólki starfsskilyrði sem jafnast á
við það besta á almennum vinnu-
markaði.“
Þarf að stórbæta kjör
fólks á velferðarsviði
Ögmundur
Jónasson