Morgunblaðið - 17.11.2007, Blaðsíða 36

36 LAUGARDAGUR 17. NÓVEMBER 2007 MORGUNBLAÐIÐ
UMRÆÐAN
Kórsalir 3 íbúð 303 - Kóp - Laus
Opið hús í dag milli kl. 15 og 16
BORGARTÚN 29
Sími 510 3800
Fax 510 3801
www.husavik.net
REYNIR BJÖRNSSON
ELÍAS HARALDSSON
L Ö G G. FA S T E I G N A S A L A R
Húsavík – GOTT ORÐSPOR – TRAUST VIÐSKIPTI
Mjög falleg 124,6 fm 4ra
herberja endaíbúð með
rúmgóðum suðursvölum og
frábæru útsýni. Eignin skiptist í anddyri, gang, þvottahús, baðherb, 2 svefnherb.,
sjónvarpshol, eldhús, stofu og borðstofu. Fallegar samstæðar innr. (kirsuber). Parket og
flísar á gólfum rúmgóðar sv.svalir með frábæru útsýni. Lyftuhús. Stæði í bílgeymslu fylgir.
Eignin er laus til afhendingar við kaupsamning. Verð 31,9 millj.
Þorsteinn og Kristín taka vel á móti gestum milli kl. 15 og 16.
Teikningar á staðnum.
Í ALLRI umræðunni um lág-
launastéttir hefur aldrei verið
minnst á eina mjög fjölmenna stétt
sem vissulega getur ekki talist á
háum launum: listamenn þjóð-
arinnar. Ástæða þess að svo fátt
heyrist um launamál frá þessum
annars fjölmenna hópi er líklega sú
að kjarabarátta þeirra verður ekki
háð með sama hætti og gengur og
gerist um almennt launafólk. Hér á
ég einkum við einyrkj-
ana, þá sem stunda
listsköpun að mestu
sjálfstætt og án af-
skipta vinnuveitenda:
myndlistarmenn, rit-
höfunda og tónskáld.
Þessir þrír hópar
hafa sérstaka launa-
sjóði á vegum ríkisins,
en fjórði sjóðurinn,
Listasjóður, er síðan
fyrir alla aðra lista-
menn. Þetta kerfi hef-
ur verið við lýði frá
1991, en var síðast
haggað árið 1996. Til út-
hlutunar eru 1.200 mán-
aðarlaun árlega og mið-
ast við lektorslaun II
við Háskóla Íslands. Nú
er svo komið að allir
vilja endurskoða lög um
starfslaun listamanna,
og þar eru stjórn-
arflokkarnir engin und-
antekning. Lögunum
verður því örugglega
breytt innan tíðar og
mun meira fé veitt í málaflokkinn.
Það hefur nefnilega gefist vel að
veita listamönnum starfslaun. Þetta
er fjárfesting sem borgar sig. Innan
stjórnkerfisins lítur enginn á þetta
sem virðingarvott einan við vel
metna listamenn, jafnvel ekki heldur
sem réttlætismál gagnvart þeim sem
helst halda uppi lifandi þjóðmenn-
ingu hér. Þetta telst einfaldlega sjálf-
sagt framlag til starfsemi sem þjóð-
félagið í heild nýtur góðs af.
Til þess liggja tvær ástæður. Í
fyrsta lagi hefur það komið fram að
listir og menning eru vaxandi hluti af
hagkerfi þjóðarinnar. Á Íslandi er
framlag menningar til vergrar lands-
framleiðslu 4%, svo vitnað sé í grein
eftir Ágúst Einarsson frá árinu 2005.
Hann skrifaði ennfremur bók um
hagræn áhrif tónlistar og kom mörg-
um á óvart með niðurstöðum sínum,
sem tónlistarfólk hefur síðan verið að
sanna með margvíslegum sigrum
sínum. Einnig má minna á skýrslu
Aflvaka um kvikmyndagerð í land-
inu, sem varð til þess að iðnaðarráðu-
neytið hóf að greiða fyrirtækjum til
baka 12% af því fé sem varið er í
kvikmyndaverkefni á Íslandi. Svo vel
hefur það tekist að á síðasta ári var
endurgreiðslan hækkuð upp í 14%.
Það hefði ekki gerst ef ráðuneytið
væri ekki sannfært um að þessi
starfsemi borgaði sig og vel það.
Þetta er hagræna ástæðan. Hin
ástæðan snýr að ímynd Íslendinga
sem sjálfstæðrar þjóðar. Við viljum
vera menningarþjóð. Við viljum geta
státað af líflegu listalífi, blómlegri
bókaútgáfu, leikhúsum,
dansi og óperuflutningi,
að ógleymdum mynd-
listarsýningunum og
tónleikunum. Við viljum
að gerðar séu íslenskar
bíómyndir og við fylgj-
umst spennt með fram-
gangi þeirra hérlendis
og ekki síður á erlendri
grund.
Mörg þeirra íslensku
listaverka sem vekja at-
hygli erlendis hafa hlot-
ið einhvern opinberan
stuðning. Sum þeirra
hefðu ekki orðið til ef
ekki væri til staðar
kerfi til að umbuna
listamönnum að ein-
hverju leyti fyrir vinnu
sína. Sú umbun er
sjaldnast há í krónum
talið, en nægir samt
furðu oft til að blása lífi
í viðkomandi verk. Í
þessu felst ágæti
starfslaunanna – frá
sjónarhóli almennings.
Ríkið fær svo fjarska mikið fyrir svo
fjarska lítið.
Í fyrra var gerður skurkur í op-
inberum stuðningi við kvikmynda-
gerðina í landinu. Í gangi er áætlun
sem gerir ráð fyrir stigvaxandi fjár-
festingu ríkisins á því sviði. Það var
vel að þessu staðið og raunar afar
spennandi að sjá hver útkoman verð-
ur. Framlag til Sjónvarpsins hefur
nú kallað á sömu upphæð úr einka-
geiranum, og ef þetta samanlagt leið-
ir ekki til byltingar í leiknu sjón-
varpsefni er ég illa svikinn – og
raunar listamenn allir.
Nú er rétt að taka starfslaun lista-
manna sömu tökum. Á því græða all-
ir, fyrir nú utan þá nauðsyn sem það
er fyrir þjóðarstoltið – eða öllu held-
ur: fyrir sjálfsmynd okkar sem þjóð-
ar.
Og sú sjálfsmynd skiptir ekki litlu
máli.
Ein stærsta
láglaunastéttin
Ágúst Guðmundsson
skrifar um laun listamanna
Ágúst Guðmundsson
» Það hefurnefnilega
gefist vel að
veita listamönn-
um starfslaun.
Þetta er fjár-
festing sem
borgar sig.
Höfundur er forseti Bandalags ís-
lenskra listamanna.
ÞÓRUNN Sveinbjarnardóttir
umhverfisráðherra undirritaði 2.
nóvember sl. á umhverfisdegi
Garðabæjar, yfirlýsingu um frið-
lýsingu Vífilsstaða-
vatns og nágrennis í
Garðabæ, sem frið-
lands. Markmiðið
með friðlýsingunni er
að friða og vernda
vatnið, lífríki þess og
nánasta umhverfi
ásamt því að treysta
svæðið sem útivist-
arsvæði. Friðlýsingin
er sú fyrsta í Garða-
bæ og með henni er
almenningi tryggður
réttur til að njóta
ósnortinnar náttúru á
miðju höfuðborgarsvæðinu til
framtíðar.
Friðlýsing Vífilsstaðavatns og
nágrennis er gerð að tillögu Um-
hverfisstofnunar og umhverf-
isnefndar Garðabæjar og með
samþykki bæjarstjórnar Garða-
bæjar. Friðlýsingin er eitt skref í
átt að því markmiði Garðabæjar
að verða einn umhverfisvænsti og
snyrtilegasti bær landsins.
Hverfisvernd á Grunnuvötn
Bæjarstjórn Garðabæjar hafði
áður, á fundi sínum þann 18. októ-
ber sl., samþykkt tillögu formanns
bæjarráðs um hverfisvernd á
Grunnuvötn og nágrenni þeirra en
þau eru hluti af vatnasviði og um-
hverfi Vífilsstaðavatns. Vernd-
argildi svæðisins er mikið sem
nærsvæði Vífilsstaðavatns og Búr-
fellshrauns, sem útivistarsvæðis og
vegna menningarminja sem þar er
að finna eins og tóftir Vífils-
staðasels norðan við svokallaða
Svarthamra. Á svæðinu er víða að
finna náttúrlegt birkikjarr, val-
lendi, vötn og votlendi án afrennsl-
is.
Afmörkun hverfisverndarsvæðis
er frá suðvesturhorni friðlands
Vífilsstaðavatns um hábrúnir Sel-
áss, að hábungu Víkurholts, þaðan
í beina stefnu að bæjarmörkum við
Kópavog við Hjallabrúnir, með-
fram bæjarmörkum að Arnarbæli
og þaðan í suðausturhorn frið-
lands. Í verndaráætlun um upp-
land Garðabæjar verður sett nán-
ari stefnumörkun um verndun
svæðisins og nýtingu.
Engar framkvæmdir
verða leyfilegar á
svæðinu nema í þágu
útivistar. Allar fram-
kvæmdir skulu falla
vel að umhverfinu í
umfangi og efnisvali. Í
deiliskipulagi verða
sett nánari ákvæði um
legu og frágang stíga,
umgengnisreglur og
upplýsingaskilti.
Stefnt skal að því að
Hnoðraholtslína verði
lögð í jörð utan svæð-
isins, t.d. meðfram Ofanbyggða-
vegi.
Friðland í þéttbýli
Svæðið sem friðlýsingin nær yfir
er 188 hektarar að stærð og þar af
er vatnið sjálft 27 hektarar. Að
viðbættri hverfisverndinni er
heildarflatarmál verndarsvæðisins
nær 450 hektarar. Svæðið er í eigu
Garðabæjar sem er óvenjulegt þar
sem flest friðlönd eru í einkaeigu
eða á afrétt. Það er einnig óvenju-
legt að jafn stórt svæði sé friðlýst
í miðju þéttbýlinu. Friðlýsingin
tekur til Vífilsstaðavatns og hlíð-
anna að sunnan- og austanverðu
upp frá vatninu að meðtöldu
Grunnavatnsskarði og síðan njóta
Grunnuvötn og umhverfi þeirra
hverfisverndar sem fyrr sagði.
Lífríki Vífilsstaðavatns hefur
verið rannsakað um ára skeið. Þar
eru sérstæðir stofnar bleikju, urr-
iða, áls og hornsíla. Óvenjuleg
blanda glerála frá Ameríku og
Evrópu gengur upp Vífilsstaðalæk
í Vífilsstaðavatn. Hornsílin í vatn-
inu eru heimsfræg, en þau eru sér-
stök að því leyti að þau skortir
kviðgadda. Hornsílin í Vífils-
staðavatni hafa komið við sögu í
rannsóknum vísindamanna á Ís-
landi og í Bandaríkjunum á sviði
þróunar- og erfðafræði
Eftir að friðlýsingin hefur verið
undirrituð er óheimilt að spilla
náttúrulegu gróðurfari, hrófla við
jarðmyndunum og náttúruminjum
í friðlandinu og trufla þar dýralíf.
Mannvirkjagerð, jarðrask og aðrar
breytingar á landi verða óheimilar
nema með leyfi Umhverfisstofn-
unar og bæjarstjórnar Garða-
bæjar. Umhverfisnefnd Garða-
bæjar hefur umsjón með
aðgerðum til verndunar landsins
og til þess að almenningur geti
notið svæðisins. Þegar hefur verið
ákveðið að koma upp nýju fræðslu-
skilti við vatnið með leiðbeiningum
til útivistarfólks. Umferð vélknú-
inna ökutækja verður bönnuð á
friðlandinu nema vegna þjónustu
við það. Heimilt verður að fara á
reiðhjólum um svæðið eftir vegum
og stígum. Stangveiði verður
áfram heimil í vatninu eins og ver-
ið hefur yfir sumartímann. Ríðandi
mönnum er heimil för um svæðið
eftir afmörkuðum reiðleiðum og
áningarstöðum í útjaðri svæðisins.
Á stefnuskrá meirihluta Sjálf-
stæðisflokksins í Garðabæ eru enn
frekari friðlýsingar. Á borði um-
hverfisráðherra er beiðni um að
friðlýsa Búrfell, Búrfellsgjá, Selgjá
og hraunelfuna til sjávar og þar
með talið Gálgahraun. Það er í
raun einróma samstaða um það í
bæjarstjórn Garðabæjar að Garða-
bær verði í fremstu röð bæj-
arfélaga er kemur að verndun um-
hverfis og náttúru.
Vífilsstaðavatn
friðland í þéttbýli
Erling Ásgeirsson skrifar um
friðlýsingu Vífilsstaðavatns og
nágrennis
»Með friðlýsingu Víf-ilsstaðavatns og
nánasta umhverfis er
tryggður aðgangur al-
mennings að ósnortinni
náttúru á miðju höf-
uðborgarsvæðinu til
framtíðar.
Erling Ásgeirsson
Höfundur er formaður
bæjarráðs Garðabæjar.
Bréf til blaðsins
Morgunblaðið Hádegismóum 2, 110 Reykjavík  Bréf til blaðsins | mbl.is
FIMMTUDAGINN 8. nóvember
hélt Lionsklúbburinn Fjörgyn
fimmtu stórtónleika sína í Graf-
arvogskirkju til styrktar BUGL.
Fjöldi listamanna skemmti áheyr-
endum með stórkostlegum flutn-
ingi og leikrænni tjáningu.
Diddú lék stórt hlutverk í upp-
hafi tónleikanna. Strengjasveit
Gunnars Þórðarsonar ásamt kór
Grafarvogskirkju undir stjórn
Harðar Bragasonar mynduðu fagr-
an bakgrunn fyrir söng Ragga
Bjarna og Diddú. Einnig heillaði
ungur söngvari, Árni Þór Lár-
usson, tónlistargesti þegar hann
söng dúett með Ragga Bjarna. Því
næst söng Diddú dúett með Agli
Ólafssyni og að lokum var komið
að systkinunum Diddú og Páli
Óskari. Áður hafði Egill Ólafsson
sungið einsöng og eins töfraði Mo-
nika Abendroth fram tóna á hörpu
sína við söng Páls Óskars. Tón-
leikagestir tóku vel á móti Braga
Bergþórssyni sem sýndi að máls-
hátturinn „Sjaldan fellur eplið
langt frá eikinni“ er enn í fullu
gildi. Ragnheiður Gröndal heillaði
gesti með seiðandi rödd sinni og
Hörður Torfason söng sig inn í
hjörtu áheyrenda af sinni alkunnu
snilld. Óperu-ídýfurnar Davíð
Ólafsson og Stefán H. Stefánsson
luku fyrri hluta tónleikanna með
frábærum kraftmiklum söng og
mikilli leikrænni tjáningu.
Eftir hlé þar sem gestir gátu
keypt veitingar hjá félögum í
Lionsklúbbnum Fold, bergmálaði
Grafarvogskirkja af kröftugum
söng Lögreglukórsins undir stjórn
Guðlaugs Viktorssonar. KK sló á
létta gítarstrengi á sinn einstaka
hátt. Regína Ósk og Karl Olgeirs-
son fluttu hugljúf lög af nýútgef-
inni plötu þeirra. Ástvaldur
Traustason, Birgir Bragason,
Hjörleifur Valsson og Steingrímur
Guðmundsson betur þekktir sem
Hljómsveitin Bardukha spiluðu
tónlist sem er blanda af tónlist frá
sléttum Austur-Evrópu og sí-
gaunatónlistar. Strákarnir í Voces
Masculorum fylltu síðan kirkju-
skipið með karlmannlegum söng
og eru þar snillingar á ferð. Loka-
atriði tónleikanna var samsöngur
Lögreglukórsins og Voces Mascu-
lorum og Ragga Bjarna. Tónlist-
argestir tóku kröftuglega undir í
gamalþekktu lagi um nótt í
Moskvuborg. Tónlistargestir vildu
ekki sleppa þessum frábæru kór-
um með Ragga Bjarna og voru
sungin mörg aukalög þrátt fyrir að
klukkan væri komin vel yfir ellefu.
Aðal undirleikarar kvöldsins voru
Jónas Þórir og Hörður Bragason
sem léku við hvurn sinn fingur.
Kynnir tónleikanna var Felix
Bergsson sem stjórnaði kvöldinu
eins og honum einum er lagið.
Undir hans stjórn rann dagskráin
ljúft áfram og alltaf var jafn
spennandi að heyra hverjir væru
næstir á dagskránni. Allur ágóði af
tónleikunum rennur til Barna- og
unglingageðdeildar LSH (BUGL)
og gáfu allir flytjendur sitt fram-
lag til tónleikanna. Margir þeirra
hafa verið með okkur áður og þó
nokkuð margir hafa verið með frá
upphafi. Eiga þeir allir miklar
þakkir skildar. Fyrir hönd Lions-
klúbbsins Fjörgyn viljum við
þakka fyrir stuðninginn, öllum sem
lögðu hönd á plóginn með okkur,
tónleikagestum, tónlistarflytj-
endum og öðrum sem tóku þátt í
tónleikunum. Þeir hjálpuðu okkur
svo sannarlega að leggja öðrum
lið. Með þessum fimm tónleikum
hafa safnast nærri 8 milljónir fyrir
BUGL.
FRIÐRIK MÁR
BERGSVEINSSON,
formaður Lionsklúbbsins
Fjörgyn.
Tónlistarveisla fyrir BUGL
Frá Friðrik Má Bergsveinssyni