Morgunblaðið - 07.12.2007, Síða 22

22 FÖSTUDAGUR 7. DESEMBER 2007 MORGUNBLAÐIÐ
HÖFUÐBORGARSVÆÐIÐ
AKUREYRI
FIMMTÍU ár eru í dag liðin síðan
Oddeyrarskóli á Akureyri tók til
starfa og af því tilefni verður hald-
in hátíð í skólanum. Öllum fyrrver-
andi nemendum og starfsmönnum
skólans er boðið, sem og íbúum á
Eyrinni og raunar öllum velunn-
urum skólans. Oddeyrarskóli er nú
hverfisskóli þar sem allir nemend-
ur geta lokið skyldunámi.
Helga Hauksdóttir skólastjóri
segir í blaði, sem 10. bekkingar
gefa út og dreift var í öll hús á
Eyrinni í vikunni, að í Oddeyr-
arskóla hafi verið reynt að halda
tryggð við góðar hefðir. „Sem
dæmi um það má nefna að allir
nemendur skera út laufabrauð og
aðstoða við að steikja sína köku. Að
því loknu borða allir laufabrauðið
með bekknum sínum og þannig
fáum við tilfinningu fyrir nálægt
jólanna þennan desemberdag.“
Meðan eini barnaskólinn á Ak-
ureyri var í innbænum var löng leið
þangað fyrir börnin af Oddeyri,
þegar hún fór að byggjast. Leiðin
inneftir var ekki alltaf greiðfær,
eftir tæpum stíg meðfram sjónum
milli bæjarhlutanna.
Foreldrar á Oddeyri fóru því
fram á það að fá sérstakan skóla
þar en var lengi tekið fálega af
bæjaryfirvöldum. Þó var látið und-
an síga og barnaskóli var á Eyrinni
frá 1879-1900 á ýmsum stöðum, t.d.
í Norðurgötu 7 (húsið er nú Fróða-
sund 10A) og í húsi sem nú stendur
við Lundargötu 2 og í Norðurgötu
17 (gömlu prentsmiðjunni).
Aldamótaárið 1900 var byggður
nýr skóli milli bæjarhlutanna undir
brekkubrúninni og þangað fóru
börnin af Oddeyri og síðan upp í
barnaskólann sem byggður var fyr-
ir ofan kirkjuna árið 1930.
Eftir 1950 var farið að huga að
byggingu skóla á Oddeyri og hófst
bygging hans árið 1955. Fyrsta
áfanga var lokið að mestu leyti í
desember 1957. Þetta haust hófst
skólastarf barna á Oddeyri í
Barnaskóla Akureyrar en frá 1.
október til 7. desember var aðeins
kennt annan hvern dag í Leikvall-
arhúsinu á Oddeyri og í Verslunar-
mannahúsinu við Gránufélagsgötu.
Í skólanum voru 237 börn þegar
hann tók til starfa en þá var kennt
í fjórum kennslustofum og á kenn-
arastofunni og skólinn var þrísett-
ur þangað til vesturálma á þremur
hæðum var byggð við skólann.
Neðsta hæð hennar var tekin í
notkun í október 1962.
Nýjasta álma skólans var tekin í
notkun haustið 2001 en í þeim
hluta eru þrjár kennslustofur,
bókasafn og tölvuver og starfs-
mannaaðstaða.
Flestir voru nemendur nærri 500
í skólanum en hann er nú hverf-
isskóli fyrir 1.-10. bekk með um
210 nemendum en starfsfólk er um
45 talsins.
Oddeyrarskóli er leiðtogaskóli
grunnskóla Akureyrarbæjar í for-
eldrasamstarfi og hefur bryddað
upp á ýmsum nýjum leiðum þar.
Má m.a. nefna að kennarar heim-
sækja nemendur og foreldra þeirra
áður en börn hefja nám í 1. bekk
og eins heimsækir umsjónarkenn-
ari 8. bekkjar foreldra og nem-
endur í upphafi skólaárs. Einnig er
bókasafn skólans opið einu sinni í
viku milli kl. 16.30 og 18 og þá er
foreldrum og börnum þeirra sér-
staklega boðið að koma saman í
skólann og eiga þar náðuga stund.
Þar fá foreldrar líka tækifæri til að
hittast og hefur þessu verið mjög
vel tekið að sögn Helgu skóla-
stjóra.
Hátíðin í dag hefst með stuttri
dagskrá í sal skólans kl. 10.30 og
að henni lokinni verður boðið upp á
kaffi og köku til kl. 12. Gestir eru
einnig hvattir til að ganga um skól-
ann, skoða sýningar sem þar eru
og heimsækja nemendur í kennslu-
stund.
Gott samband við foreldra mikilvægt
Morgunblaðið/Skapti Hallgrímsson
Gaman Nokkrir nemendur í 5. bekk nýkomnir inn úr frímínútum í gærmorgun, ásamt Helgu skólastjóra.
Reynsla Ingibjörg Eiríksdóttir t.v. og Svanhildur Skúladóttir voru nem-
endur í Oddeyrarskóla fyrsta starfsárið og hafa báðar kennt þar lengi.
Oddeyrarskóli
fimmtugur í dag
Í HNOTSKURN
»Fyrsti skólastjóri Oddeyr-arskóla var Eiríkur Sigurðs-
son, frá 1957-1967. Indriði Úlfs-
son tók við af Eiríki og var
skólastjóri í 28 ár, frá 1967-1995,
Úlfar Björnsson frá 1995-2001 og
Helga Hauksdóttir hefur gegnt
starfinu frá 2001.
Eftir Silju Björk Huldudóttur
silja@mbl.is
„MEÐ þessum stöðvum erum við
eiginlega komin heim til við-
skiptavina okkar, þannig að nú dug-
ar ekki lengur sú afsökun að við
séum ekki í leiðinni,“ segir Hafdís
Jónsdóttir betur þekkt sem Dísa í
World Class, en á næstu vikum
fjölgar heilsuræktarstöðvum undir
merkjum World Class um fjórar á
höfuðborgarsvæðinu.
Fyrsta stöðin verður opnuð í nýju
húsnæði við Dalshraun 1 í Hafn-
arfirði á mánudaginn kemur, en hin-
ar þrjár eru í Lágafellslaug í Mos-
fellsbæ, við sundlaugina á
Seltjarnarnesi og á 15. hæð í nýja
turninum í Smáranum í Kópavogi. Í
byrjun janúar verða því sjö heilsu-
ræktarstöðvar reknar undir merkj-
um World Class hérlendis með að-
stöðu fyrir um 20 þúsund iðkendur.
Þess má geta að korthafar eru nú
samtals um 15 þúsund, þannig að
pláss verður fyrir fimm þúsund iðk-
endur til viðbótar. Alls munu um 200
manns vinna á stöðvunum sjö.
„Eftir opnun Lauga í ársbyrjun
2004 og í ljósi þess hversu vel það
gekk, þá höfum við verið að velta
fyrir okkur hvernig við gætum gert
betur. Við heyrðum það frá við-
skiptavinum okkar að helsta ástæða
þess að þeir hefðu ekki æft í ein-
hvern tíma væri vegna þess að þeir
höfðu ýmist flutt eða skipt um vinnu
og þar með værum við ekki lengur í
leiðinni. Þannig að þeir næðu heilsu-
ræktinni ekki lengur inn í dags-
skipulagið sitt. Flestir sögðu að við
þyrftum að koma nær sér. Í fram-
haldi af þessu kviknaði sú hugmynd
að færa okkur nær viðskiptavinum
okkar. Þetta eru fyrstu stöðvarnar í
þeirri hugsun.“
Að sögn Dísu vill heilsuræktin
stundum sitja á hakanum í annríki
nútímans þrátt fyrir að fólk finni
hversu vel því líður eftir æfingar.
„Þetta vill alltaf sitja á hakanum og
vera afgangs, eins og þetta er mik-
ilvægt. Maður þarf því helst að detta
um þetta. Setja íþróttatöskuna fyrir
útidyrnar, þannig að maður detti um
hana ef maður tekur hana ekki upp.
Og stöðvarnar þurfa að vera þannig
staðsettar að maður eiginlega detti
um þær,“ segir Dísa og bendir á að
ekki sé síður mikilvægt að gaman sé
að koma á stöðvarnar auk þess sem
aðstaðan þurfi að vera góð.
Viðskiptavinir á öllum aldri
Aðspurð segir Dísa nýju stöðv-
arnar fjórar eiga það sameiginlegt
að vera bjartar og rúmgóðar, þannig
að góð aðstaða sé jafnt í búnings-
klefa, tækjasal og leikfimisölum.
Einnig eigi stöðvarnar það sameig-
inlegt, að sögn Dísu, að aðgengi að
þeim sé afar gott. Bendir hún á að
tvær af nýju stöðvunum séu líkt og
Laugar í Laugardalnum tengdar
sundlaugum, þ.e. annars vegar á
Seltjarnarnesi og hins vegar í Mos-
fellsbæ. Segir hún slíka útfærslu
hafa gefið afar góða raun og bjóða
upp á skemmtilegt samspil hreyf-
ingar annars vegar utandyra og hins
vegar innandyra.
Aðspurð segir Dísa viðskiptavini
World Class vera á öllum aldri, allt
frá tveggja til 86 ára. „Eldri borg-
arum í iðkendahópi okkar er alltaf
að fjölga. Þetta er fólk sem hefur
nógan tíma. Hérna eyðir það góðum
tíma og hittir fólk á öllum aldri,
þannig að það einangrast ekki. Jafn-
vel eru eldri borgarar að hitta börn-
in sín og barnabörn í ræktinni, sem
er auðvitað æðislegt að sjá.“
En fjölgun World Class-
stöðvanna nær ekki bara til Íslands,
því ráðgert er að opna fjórar nýjar
stöðvar í Danmörku á næsta ári, en
nú þegar hafa viðskiptavinir World
Class aðgang að á annan tug Equi-
nox-heilsuræktarstöðva í Dan-
mörku.
Heilsurækt besta forvörnin
En hafa eigendur World Class í
hyggju að opna fleiri stöðvar hér
heima og fikra sig með þær út fyrir
höfuðborgarsvæðið? „Það er alveg
opið. Það er alveg í umræðunni. Við
höfum gaman af því að bæta aðstöð-
una sem víðast þannig að fólk geti
stundað sína heilsurækt á góðum og
vönduðum stöðum.“
En hefur World Class endalaust
möguleika á að stækka hérlendis, er
næg eftirspurn? „Ja, Íslendingum er
alltaf að fjölga þannig að stækkun er
eðlileg þróun út frá því. Auk þess er
stækkandi markhópur,“ segir Dísa
og nefnir í því samhengi eldra fólk
sem ekki sé alið upp við það að þurfa
að hreyfa sig sérstaklega þar sem
nógu mikið tók á líkamlega að
stunda vinnu.
„Þótt við séum með mikið af fólki
og margir eru duglegir að mæta, þá
sýna allar kannanir að það eru ekki
nógu margir að gera eitthvað í sín-
um málum og jafnvel ekki að gera
nógu mikið. Því allar rannsóknir
sýna því miður að þróunin er sú að
þjóðin er að fitna. Það að stunda
heilsurækt er ein besta forvörnin
sem við getum tekið þátt í í dag. Það
skiptir miklu máli að fólk fari ekki
yfir þyngdarstuðul sem eykur
áhættuna á hjarta- og æða-
sjúkdómum sem er stærsta vanda-
málið í heiminum í dag.“
Komin heim til viðskiptavinanna
 World Class opnar fjórar nýjar heilsuræktarstöðvar á tímabilinu frá 10. desember til 4. janúar
 Nýju stöðvarnar eru í Hafnarfirði, Mosfellsbæ, á Seltjarnarnesi og í Kópavogi
Morgunblaðið/ÞÖK
Útrás Hafdís Jónsdóttir og Björn Kr. Leifsson, eigendur World Class, ásamt
syni sínum, Birni Boða, í Laugum í Laugardalnum sem þau opnuðu 2004.
Í HNOTSKURN
»World Class í Hafnarfirði er700 fm. Þar verður tækjasal-
ur, búningsherbergi með gufu-
baði, barnahorn og veitingasala.
»World Class í Mosfellsbæverður 1.000 fm með tækja-
sal, leikfimisal, barnaleikher-
bergi með gæslu auk aðgangs að
Lágafellslaug.
»World Class á Seltjarnarnesiverður 2.000 fm. Þar verða
auk heilsuræktaraðstöðu þrír
æfingasalir, baðstofa og barna-
leikherbergi með gæslu. Einnig
hafa gestir aðgang að lauginni.
»World Class í Smáranumverður 700 fm með tækjasal
og búningsherbergi með gufu-
baði.