Morgunblaðið - 21.12.2007, Page 22

22 FÖSTUDAGUR 21. DESEMBER 2007 MORGUNBLAÐIÐ
HÖFUÐBORGARSVÆÐIÐ
AKUREYRI
Álftanes | „Í raun og veru erum
við, með þessari framkvæmd, að
ljúka byggingu íþróttamiðstöðvar
og inni- og útisundlaugar,“ segir
Sigurður Magnússon, bæjarstjóri
Álftaness. Í vikunni var tekin fyrsta
skóflustungan að nýrri sundlaug
Álftnesinga sem Sigurður segir að
verði í raun gjörbylting á allri að-
stöðu til íþróttaiðkunar fyrir
íbúana. Álftnesingar fagni því mjög
að fá ný sundlaugarmannvirki eftir
um það bil ár.
„Nýr afgreiðslusalur verður
byggður á milli sundlaugarinnar og
íþróttahússins, þar á að gera
huggulegt svæði þar sem fólk getur
staldrað við og tyllt sér niður. Þar
geta foreldrar beðið eftir börnum á
meðan þau eru í sundi eða stunda
aðrar íþróttir og fengið sér kaffi-
sopa á meðan,“ segir Sigurður.
Miðrýmið verður gluggarými þann-
ig að fólk getur séð úr því inn í
íþróttahúsið og sundlaugina og
þannig fylgst með því sem í gangi
er.
Fyrsta öldulaug landsins
„Neðri hæðin undir afgreiðslu-
salnum verður tækjasalur og nýir
íþróttasalir fyrir aðrar íþróttir en
boltaíþróttir; ballett, fimleika, júdó
og slíkt,“ segir Sigurður og bætir
við að slíka sali hafi vantað á svæð-
ið. Sundlaugarmannvirkin sam-
anstanda af 25 metra útisundlaug
og 12,5 metra innisundlaug auk
þess sem þar verður vaðlaug fyrir
börn, rennibrautarkerfi og steyptir
pottar. „Og síðast en ekki síst
fyrsta öldulaugin á Íslandi,“ segir
Sigurður.
Tengd við Kvenfélagsgarðinn
Ætlunin er í framtíðinni að
tengja við sundlaugarsvæðið garð
sem er við skólamannvirkin. Hann
hefur verið kallaður Kvenfélags-
garðurinn, en kvenfélagið á staðn-
um gerði hann á sínum tíma. „Við
sjáum fyrir okkur að hann fái nýtt
og endurnýjað hlutverk sem nokk-
urs konar sundlaugargarður,“ segir
Sigurður.
Í dag er engin sundlaug á Álfta-
nesi en að sögn Sigurðar var sú
gamla rifin nýlega. „Hún var orðin
ónýt, var bara útilaug. Hún var al-
veg búin að ganga sér til húðar og
hennar tími var liðinn.“ Hann segir
að bæjaryfirvöld hafi staðið frammi
fyrir því að þurfa að fara í þessa
framkvæmd og vel hafi mátt hugsa
sér að láta útilaug duga. „En okkur
fannst mikilvægt að stíga stærra
skref og hafa þarna líka innilaug
fyrir eldri borgara, við erum að
taka dálítið utan um þeirra málefni,
fjölga búsetuúrræðum fyrir eldra
fólk og fyrir það fólk hentar að hafa
innilaug. Svo náttúrlega vildum við
hafa aðstöðu fyrir ungbarnasund
inni,“ segir Sigurður. „Við vildum
geta boðið upp á alla kosti í þessu.“
Bæjarfélagið er ört stækkandi,
núna eru íbúar um 2.400 en Sig-
urður segir að áætlað sé að á næstu
þremur árum fjölgi íbúum um
1.000.
Sigurður segir að Álftnesingar
hafi löngum þurft að sækja sér
ýmsa þjónustu í nágrannasveit-
arfélög en markmiðið sé að menn
geti verið meira sjálfum sér nógir.
„Við ætlum okkur með þessari upp-
byggingu í miðbænum að eignast
matvörubúð, við höfum aldrei átt
slíka,“ segir hann og hún sé á
teikningum sem verið er að kynna.
„Vonandi fara framkvæmdir í gang
við hana í vor.“
Verklok við sundlaugina voru
upphaflega áætluð í desember 2008.
Sigurður segir þó að upphaf fram-
kvæmdanna hafi tafist um tvo mán-
uði. „Ég vil þess vegna ekki alveg
lofa að áætluð verklok standist.
Svona laug er byggð á 12-14 mán-
uðum og verklok gætu þess vegna
færst yfir áramótin 2009.“
Íslenskir aðalverktakar sjá um
framkvæmdina og Sigurður er
bjartsýnn. „Það getur vel verið að
þeim takist að vinna upp þessa töf.“
Gjörbylting á
allri aðstöðu til
íþróttaiðkunar
Fyrsta skóflustungan Forseti bæjarstjórnar, Kristján Sveinbjörnsson, hóf á táknrænan hátt framkvæmdirnar.
Fjölmargir fylgdust með, m.a. Sigurður Magnússon bæjarstjóri, sem er fremstur á myndinni.
Góð aðstaða Nýja útisundlaugin verður 25 metrar, innilaugin 12,5 metr-
ar, auk þess sem vaðlaug, öldulaug og rennibrautarkerfi verða úti.
Fyrsta skóflustungan tekin að nýju
sundlaugarmannvirki á Álftanesi
ALLS brautskráðust 95 nemendur
frá Verkmenntaskólanum á Akur-
eyri í gær, af hinum ýmsu náms-
sviðum og -brautum. Hjalti Jón
Sveinsson, skólameistari, sagði í
ávarpi við það tækifæri að nú þeg-
ar byggingarsögu skólans væri
formlega lokið ætti skólahúsið ekki
sinn líka hér á landi og aðstaðan
jafnaðist raunar á við það besta
sem gerist í heiminum.
Um 1.350 nemendur hófu nám í
VMA í haust auk 700 í fjarnámi.
„Nú sem hin síðari ár hefur nem-
endum fjölgað jafnt og þétt. Við
reiknum ekki með að þeim geti
fjölgað öllu meira – enda er það svo
að húsnæði skólans rúmar ekki
umfangsmeiri starfsemi en þá sem
fyrir er og má segja að við höfum
teflt á tæpasta vað í haust og að
lengra verði ekki gengið að
óbreyttu,“ sagði Hjalti Jón í gær.
Byggingarsaga VMA spannar
26 ár en framkvæmdum við nýj-
asta hlutann lauk á þessu ári og
hann var tekinn í notkun síðla árs.
„Svo mikið er víst,“ sagði Hjalti
Jón, „að nú höfum við í höndunum
fullbúið 14.000 fermetra skólahús
sem ekki á sinn líka hér á landi og
jafnast á við það besta sem gerist á
heiminum.“
En þó svo að síðasti byggingar-
áfanginn, samkvæmt samningum
milli Héraðsnefndar Eyjafjarðar
og menntamálaráðuneytisins, sé
nú að baki, þarf samt að byggja
meira, að sögn Hjalta Jóns. „Verið
er að undirbúa byggingu 400 fer-
metra húsnæðis sem sérstaklega
verður hannað með þarfir fatlaðra
nemenda í huga; en á starfsbraut
fatlaðra við Verkmenntaskólann á
Akureyri hefur nemendum fjölgað
mjög á síðustu árum og mun þeim
fjölga enn frekar á næstunni. Þar á
meðal eru mjög fatlaðir einstak-
lingar, sem nauðsynlegt er að huga
sérstaklega að. Eru nemendur
brautarinnar nú 34 en voru teljandi
á fingrum sér fyrir örfáum árum.“
Skólameistari sagði það einn
meginstyrkleika starfsbrautar
VMA að hún leggur áherslu á að
nemendur hennar sitji við sama
borð og aðrir nemendur skólans á
sem flestum sviðum og því sé starf-
semi hennar sjálfsagður þáttur í
skólahaldinu; og nemendur hennar
hafi aðgang að allri þjónustu skól-
ans og félagslífi með samnemend-
um eins og þeir vilja og treysta sér
til. „Það er líka ánægjulegt að
fylgjast með því hversu vel þessir
einstaklingar hafa verið búnir und-
ir að takast á við lífið að loknu sínu
fjögurra ára námi, meðal annars
með starfsþjálfun í fjölmörgum
fyrirtækjum á Akureyri, sem hafa
sýnt okkur einstakan velvilja –
enda er það raunin að nemendur
sem lokið hafa hér námi eru lang-
flestir í starfi bæði úti á hinum al-
menna vinnumarkaði eða á vernd-
uðum vinnustöðum.“
Hjalti Jón er ánægður með
frumvörp til laga um leikskóla,
grunnskóla og framhaldsskóla sem
liggja fyir Alþingi. „Mörg tækifæri
munu felast í nýjum lögum, ekki
síst fyrir framhaldsskólana. Frelsi
þeirra til að laga hinar ýmsu náms-
brautir að sérstöðu sinni og um-
hverfi verður aukið til muna þó að
vissulega muni skólarnir þurfa að
sníða sér stakk eftir umsömdum
fjárframlögum hverju sinni og við-
miðunarnámskrá sem mennta-
málaráðuneytið mun gefa út. Engu
að síður mun þetta fyrirkomulag
bjóða upp á margvísleg tækifæri.“
Byggingarsögu
VMA er loksins
formlega lokið
„Aðstaðan jafnast á við það
sem best gerist í heiminum“
Ljósmynd/Guðjón Ólafsson
Útskrift Sigríður Huld Jónsdóttir aðstoðarskólameistari, Eva Ösp Örn-
ólfsdóttir sem í gær fékk viðurkenningu fyrir bestan árangur á stúd-
entsprófi að þessu sinni og Hjalti Jón Sveinsson skólameistari.
Í HNOTSKURN
»Alls útskrifuðust 37 stúd-entar frá VMA í gær, 14
sjúkraliðar, 28 rafvirkjar,
fimm húsasmiðir, einn 4.
stigs vélstjóri, einn blikk-
smiður, tveir matartæknar og
átta iðnmeistarar.
»Hjalti Jón skólameistarinefndi að á næsta ári
muni rísa aflþynnuverksmiðja
sem veita mun um 100 manns
atvinnu og þar af eru mörg
hátæknistörf. „Tveir kenn-
arar okkar ásamt kennslu-
stjóra tæknisviðs fóru í heim-
sókn í móðurverksmiðju
Becromal í Mílanó á Ítalíu í
síðustu viku – og allt bendir
til að til verksmiðjunnar í
Krossanesi verði ráðnir bæði
rafvirkjar og vélstjórar,“
sagði hann.
BALDVIN H. Sigurðsson, oddviti Vinstri-
hreyfingarinnar græns framboðs í bæjar-
stjórn, vill að bæjarfélagið marki sér
stefnu um hvaða framtíðarsýn það hafi til
íþrótta almennt. Á fundi bæjarráðs sagði
Baldvin að vegna 80 ára afmælis Knatt-
spyrnufélags Akureyrar 8. janúar nk. fari
hann fram á að bæjarstjórn Akureyrar
heiðri félagið „með einhverjum hætti á
þessum merku tímamótum í sögu þess, til
dæmis með málþingi um íþróttir á Akur-
eyri fyrr og nú og að bæjarstjórn komi að
mótun og marki sér stefnu fyrir bæjar-
félagið um hvaða framtíðarsýn við höfum
til íþrótta almennt, gildi þeirra fyrir börn
og fullorðna, fjölskyldur og samfélagið í
heild.“
Vill heiðra KA
með málþingi
FJÓRIR Akureyringar voru í gær dæmdir
í skilorðsbundið fangelsi fyrir að nýta sér
með ólöglegum hætti kerfisvillu í gjald-
eyrisviðskiptakerfi Glitnis, sem var til
komin vegna forritunarmistaka banka-
starfsmanna. Sá sem þyngstan dóm hlaut
fékk 9 mánaða skilorðsbundið fangelsi, en
hinir eins til þriggja mánaða fangelsi.
Fólkið notaði netbanka til að kaupa doll-
ara fyrir evrur og seldi síðan strax aftur
fyrir evrur. Kerfisvillan gerði það að verk-
um að mennirnir fengu í sinn hlut álags-
greiðslur, sem áttu að renna til bankans.
Fjórmenningarnir högnuðust um alls 30
milljónir kr., frá tveimur og hálfri til 24
milljóna króna hver. Þeir endurgreiddu
bankanum allt féð og lýstu yfir sakleysi
fyrir dómi.
Þorsteinn Hjaltason, lögmaður, sem er
einn sakborninganna, og hlaut þriggja
mánaða dóm, sagði við Morgunblaðið að
málið væri bull og vitleysa frá upphafi til
enda og dómurinn í samræmi við það.
Sagði hann dónaskap bankans ótrúlegan
en málið hefði allt til orðið vegna klúðurs
bankans.
Fjögur í skilorðs-
bundið fangelsi