Morgunblaðið - 16.02.2008, Blaðsíða 2
2 LAUGARDAGUR 16. FEBRÚAR 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
Eftir Rúnar Pálmason
runarp@mbl.is
SEX karlmenn voru í gær dæmdir
í Héraðsdómi Reykjavíkur fyrir
þátt sinn í Pólstjörnumálinu svo-
kallaða, stærsta einstaka smyglmáli
sem upp hefur komist hér á landi. Í
málinu var lagt hald á 23,6 kíló af
amfetamíni, tæplega 14 kíló af am-
fetamíndufti og 1.746 e-töflur.
Rannsókn málsins hófst síðla árs
2006 þegar lögreglu bárust upplýs-
ingar um að von væri á stórri fíkni-
efnasendingu til landsins með
skútu og var Einar Jökull Ein-
arsson ásamt fleirum sagður
standa að innflutningnum. Það var
einmitt Einar Jökull sem í gær
hlaut þyngsta dóminn í málinu, 9½
árs fangelsi, fyrir að skipuleggja
innflutning fíkniefnanna og skipta
verkum með sökunautum sínum.
Þeir sem tóku við fíkniefnum frá
Einar Jökli í Hanstholm og sigldu
skútunni hingað, með viðkomu í
Hjaltlandseyjum og Færeyjum,
hlutu næstþyngstu dómana; Guð-
bjarni Traustason var dæmdur í sjö
ára og fimm mánaða fangelsi og Al-
var Óskarsson hlaut sjö ára dóm.
Dómara þótti að sigling á seglskútu
til landsins í september og langur
aðdragandi ferðarinnar og skipulag
bæri vott um einbeittan brotavilja.
Með broti sínu rauf Guðbjarni skil-
orð og skýrir það hvers vegna hann
hlaut þyngri dóm en Alvar.
Marinó Einarsson hugðist taka á
móti fíkniefnunum á Fáskrúðsfirði
og afhenda þau öðrum sökudólgi í
málinu, Arnari Gústafssyni. Þá
hafði hann ætlað sér að láta þeim
Guðbjarna og Trausta í té vistir og
olíu svo þeir gætu siglt skútunni
áfram til Fáskrúðsfjarðar. Til
þessa kom ekki enda réðst lögregla
til atlögu skömmu eftir að skútan
lagðist að bryggju.
Fyrir sinn þátt í málinu hlaut
Arnar Gústafsson eins árs fangels-
isdóm, skilorðsbundinn til tveggja
ára.
Þá var Bjarni Hrafnkelsson
dæmdur í 18 mánaða fangelsi en
hann sá um að búa um stóran hluta
fíkniefnanna hinn 20. ágúst í íbúð í
Kaupmannahöfn. Dómnum þótti
ósannað að hann hefði pakkað efn-
unum í því skyni að unnt væri að
flytja þau til Íslands og var hann
því sýknaður af þeim þætti ákær-
unnar. Bjarni er elsti maðurinn
sem hlaut dóm í málinu, fæddur
1972. Hinir eru allir innan við þrí-
tugt, fæddir á árunum 1980–1984.
Þeir mega búast við að þurfa að af-
plána a.m.k. 2/3 hluta dómanna, áð-
ur en þeir eiga möguleika á
reynslulausn.
Guðjón St. Marteinsson kvað upp
dóminn.
Þungir dómar í Pólstjörnumáli
Þyngsti dómurinn 9½ ár í fangelsi Þeir sem sigldu skútunni fengu sjö ára dóm fyrir þann verknað
Merki um einbeittan brotavilja Íslendingurinn sem var handtekinn í Færeyjum fyrir rétt í apríl
Eftir Ómar Friðriksson
omfr@mbl.is
RÍKISSTJÓRNIN setti af stað
vinnu í gær við að undirbúa með
hvaða hætti stjórnvöld gætu greitt
fyrir niðurstöðu kjarasamninga með
aðgerðum, m.a. í skattamálum, vel-
ferðarmálum og starfsmenntamál-
um. Þetta var ákveðið í framhaldi af
fundum fjögurra ráðherra í Ráð-
herrabústaðnum í gær með forsvars-
mönnum ASÍ fyrir hádegi og með
forystu Samtaka atvinnulífsins í há-
deginu. Forystumenn samtaka á
vinnumarkaði sögðu skýrt að þótt
kjarasamningar væru í sjónmáli yrði
ekki skrifað undir nýja samninga fyrr
en ljóst yrði hver aðkoma stjórnvalda
yrði.
Tíminn er knappur
Grétar Þorsteinsson, forseti ASÍ,
segir að fulltrúar sambandsins hafi í
sjálfu sér ekki búist við að fá end-
anleg svör frá ríkisstjórninni á fund-
inum í gærmorgun. Hann segist vera
hóflega bjartsýnn eftir fundinn. „Nú
verður sett í gang ákveðin vinna.
Tíminn er knappur,“ sagði Grétar.
Geir H. Haarde forsætisráðherra
sagði eftir fundina að bæði ASÍ og SA
væru með ákveðnar hugmyndir um
aðkomu ríkisstjórnarinnar. ,,Við
munum funda með þeim frekar.
Fyrst munu sérfræðingar frá báðum
aðilum setjast niður og fara yfir það
sem er á þessu borði. Það eru hug-
myndir sem tengjast skattamálum,
húsnæðismálum, starfsmenntunar-
málum. Þetta er það helsta sem er
verið að ræða. Svo sjáum við hverju
fram vindur,“ sagði Geir. ,,Við þurf-
um líka að átta okkur á hvað við erum
að tala um að þetta nái yfir langt
tímabil. Helst viljum við tímasetja
svona hluti út allt kjörtímabilið en
það er þá að því gefnu að líklegt sé að
kjarasamningarnir haldi megnið af
því tímabili,“ sagði Geir. Spurður
hvort hann teldi ástæðu til að ríkis-
stjórnin gripi til stórtækra aðgerða í
tengslum við endurnýjun kjarasamn-
inganna, s.s. með því að hraða und-
irbúningi opinberra framkvæmda,
með breytingum í skattamálum o.fl.,
sagði Geir: „Þetta er allt saman til
umræðu. Skattar og bætur hanga
gjarnan saman en hvað framkvæmd-
ir varðar þá erum við með margt í
gangi á vegum ríkisins og sumir
gagnrýna hvað það er mikið. Það hef-
ur ekkert verið ákveðið en við erum
að vega og meta alla þessa hluti.“
Forsætisráðherra sagði ómögulegt
að segja fyrir hvort niðurstaða úr
þessari vinnu lægi fyrir um helgina.
Samningsaðilar væru komnir nokkuð
langt með gerð samninga ,,og þeir
vilja gjarnan fá svör frá okkur eins
fljótt og hægt er. Við munum reyna
að bregðast hratt við,“ sagði Geir.
Auka jöfnuð og tryggja
jafnvægi
„Það er alveg greinilegt að það er
verið að vinna út frá þeirri grundvall-
arhugmynd annars vegar að auka
hér jöfnuð og hins vegar að tryggja
jafnvægi. Þetta tvennt verður að fara
saman og ríkisstjórnin hlýtur að
vinna út frá því,“ sagði Ingibjörg Sól-
rún Gísladóttir utanríkisráðherra.
Aðspurð hvort ríkisstjórnin væri
tilbúin að leggja mikið af mörkum
sagði Ingibjörg: „Okkur er alveg ljóst
að það er ýmislegt sem við þurfum og
viljum gjarnan gera og það er í sam-
ræmi við stjórnarsáttmálann að taka
á ýmsum hlutum sem skipta miklu
máli fyrir hinn almenna launamann.“
Vilhjálmur Egilsson, fram-
kvæmdastjóri SA, sagði að ekki hefði
verið gengið eftir svörum ríkisstjórn-
arinnar á þessum fundi. „Við höfðum
gert ráð fyrir því að það sem þau
fengu frá okkur yrði tilefni til þess að
þau settust niður og undirbyggju ein-
hver viðbrögð við því. Við eigum svo
von á að heyra frá þeim innan þess
tímaramma sem við erum að vinna
eftir.“
Þegar rætt var við Vilhjálm
skömmu eftir hádegi í gær sagði
hann að markmið SA væri að aðilar
vinnumarkaðarins myndu ganga frá
efnisatriðum kjarasamninga í gær-
kvöldi þannig að einungis tæknileg
vinna yrði eftir við frágang kjara-
samninga. Ef hún gengi að óskum
gæti samningsgerðinni lokið í dag en
allt eins mætti þó reikna með að hún
tæki eitthvað lengri tíma.
SA hafa lagt mikla áherslu á að
hækkun launakostnaðar ríkis og
sveitarfélaga í komandi samningum
við starfsmenn hins opinbera verði í
takt við það sem gerist á hinum al-
menna vinnumarkaði. SA vilja einnig
að peningastefnu Seðlabankans verði
breytt til að lækka vexti, að fyrir-
hyggja verði sýnd í atvinnumálum, að
tekjuskattur fyrirtækja verði lækk-
aður í 15%, að þungaskattur af vöru-
flutningum verði felldur niður, að rík-
ið komi að uppbyggingu
endurhæfingar o.fl.
Kristján Gunnarsson, formaður
Starfsgreinasambandsins, var nokk-
uð bjartsýnn á framhaldið að loknum
fundinum í Ráðherrabústaðnum í
gær þótt engin bein svör hefðu feng-
ist frá ráðherrunum. „Ég fann mik-
inn vilja hjá ríkisstjórninni. [Ráð-
herrarnir] sögðust ætla að víkja
öðrum málum til hliðar í dag og fara á
fulla ferð í að reyna að ljúka þessu.“
Ríkisstjórnin lofar að bregðast
hratt við óskum ASÍ og SA
Árvakur/Frikki
Stífir fundir Formenn stjórnarflokkanna, Geir H. Haarde forsætisráðherra og Ingibjörg Sólrún Gísladóttir utan-
ríkisráðherra, ræða við fréttamenn að afloknum löngum fundarhöldum í Ráðherrabústaðnum í gær.
Í HNOTSKURN
»Forystumenn ASÍ og lands-sambandanna gengu á fund
fjögurra ráðherra í Ráð-
herrabústaðnum eftir rík-
isstjórnarfund í gærmorgun.
»Forystumenn Samtaka at-vinnulífsins komu á fund ráð-
herra um hádegi í gær og kynntu
áherslur samtakanna gagnvart
stjórnvöldum til að greiða fyrir
gerð kjarasamninga
»Viðsemjendur á almennavinnumarkaðinum ætluðu að
reyna að ljúka samningum um öll
efnisatriði nýrra kjarasamninga
í húsnæði ríkissáttasemjara í
gærkvöldi.
SKÚTAN sem notuð var við að
smygla fíkniefnunum til Íslands
er enn í vörslu lögreglunnar á
höfuðborgarsvæðinu og situr
hún í geymslu á Keflavík-
urflugvelli. Að sögn Karls
Steinars Valssonar, yfirmanns
fíkniefnadeildarinnar, er verið
að undirbúa flutning hennar til
Noregs enda vill eigandi henn-
ar, norskt fyrirtæki sem leigir
út skútur, gjarnan fá hana aft-
ur.
Enn á eftir að dæma í máli Íslendings sem var handtekinn í Fær-
eyjum ásamt öðrum manni vegna rannsóknar á Pólstjörnumálinu. Í
tengslum við handtökurnar var lagt hald á um tvö kíló af amfetamíni.
Að sögn Bergleif Brimvík, yfirmanns rannsóknardeildar lögregl-
unnar í Færeyjum, kemur hann fyrir dóm í byrjun apríl. Íslending-
urinn hafði verið búsettur í Færeyjum um nokkra hríð. Hinum mann-
inum var sleppt samdægurs.
Skútan brátt til Noregs
Árvakur/Júlíus
Eitrið Hluti af fíkniefnunum.
JÓN Ásgeir Jó-
hannesson, starf-
andi stjórnarfor-
maður Baugs og
stjórnarformað-
ur FL Group,
segist telja að
bankarnir muni á
næstu tólf mán-
uðum fækka
starfsfólki veru-
lega. Þetta segir
hann í viðtali við Markaðinn á Stöð 2
sem birtist á mánudag nk. Brot úr
viðtalinu voru sýnd í þætti Markað-
arins í gærkvöldi.
Jón segist telja stöðu bankakerf-
isins mun verri en almennt sé talað
um. „Það þýðir ekkert að blekkja er-
lenda aðila sem sjá skuldaálag á
bönkunum og skuldaálagið sem er á
bönkunum í dag tekur mið af því að
þeir séu hreinlega gjaldþrota,“ segir
Jón og bætir því við að þetta sé
nokkuð sem þurfi að hafa áhyggjur
af og taka á. „Ég held að menn geti
ekki stungið hausnum í sandinn og
sagt að allt sé í lagi og það muni
reddast. Þetta er stórhættulegt fyrir
íslensku bankana,“ segir Jón.
Hann segir bankana eiga sér
framtíð hér á landi verði Ísland aðili
að Evrópusambandinu og því eigi
það að vera langtímamarkmið ríkis-
stjórnarinnar að skoða aðild alvar-
lega. „Mér finnst svolítið skrítið að
ríkisstjórnin skuli segja að málið
verði ekki skoðað. Það eru gjör-
breyttar aðstæður á síðustu 6-8
mánuðum og enginn getur stungið
hausnum í sand og sagst ætla ekki að
skoða málin.“
Jón segist telja ákvörðun Seðla-
bankans um að breyta stýrivöxtum
ekki vera ranga. „Það eykur hætt-
una á því að lækkunin verði skörp
sem eykur hættuna á því að krónu-
bréfin hverfi út úr kerfinu sem eykur
hættuna á því að íslenska krónan
veikist mjög hratt,“ segir Jón.
Staðan
verri en
talið er
Skuldaálagið tekur
mið af að bank-
arnir séu gjald-
þrota
Jón Ásgeir Jóhann-
esson