Morgunblaðið - 16.02.2008, Blaðsíða 33
MORGUNBLAÐIÐ LAUGARDAGUR 16. FEBRÚAR 2008 33
✝ Haraldur Guð-mundsson skip-
stjóri og útgerð-
armaður fæddist í
Ólafsvík 28. apríl
1926. Hann lést á
Sjúkrahúsi Akra-
ness miðvikudaginn
6. febrúar síðastlið-
inn. Foreldrar hans
voru Guðmundur
Kristmundsson, f.
26. feb. 1860 og Ás-
dís Kristjánsdóttir,
f. 24. ág. 1896, d. 8.
nóv. 1967. Alsystkin
Haraldar eru: Pétur, f. 1921,
Kristmundur Þórarinn, f. 1923, d.
1951, og Dagmar, f. 1932. Fóstur-
foreldrar Haraldar voru Hans
Pétur Jóhannsson útvegsbóndi, f.
19. apr. 1885, d. 9. nóv. 1940 og
Kristín Sigrún Guðmundsdóttir
húsfreyja, f. 28. jan 1885, d. 29.
mars 1963. Uppeldisbróðir Har-
aldar var Kristján Torberg Guð-
mundsson, f. 25.maí 1920, d. 25.
jún. 1989. Hans Pétur og Kristín
bjuggu með drengina, þá Harald
og Kristján, í Péturshúsi á Ólafs-
vík.
Árið 1949 giftist Haraldur
og Kolfinna Ósk dóttir Haraldar.
Sambýliskona Haraldar Guð-
mundssonar hin síðari ár var
Ebba Jóhannesdóttir, f. 23. sep.
1931.
Haraldur ólst up hjá fósturfor-
eldrum sínum í Péturhúsi, Ólafs-
vík. Í kjallaranum á Péturshúsi
byrjuðu Haraldur og Gréta sinn
búskap og bjuggu þar til ársins
1959, en þá var flutt í nýbyggingu
að Grundarbraut 5 en nýja heim-
ilið var við hliðina á Péturshúsi,
æskustöðvum Haraldar. Haraldur
stundaði sjómennsku alla sína tíð,
sjóinn sótti hann aðallega frá
Ólafsvík en einnig fór hann á ver-
tíðar m.a til Sandgerðis og upp á
Akranes. Haraldur tók þátt í síld-
arævintýrinu og þá var iðulega
landað á Siglufirði. Síðustu ára-
tugina réri Haraldur á sínum eig-
in bátum sem hann átti einn eða í
félagi við vini sína. Haraldur sat í
Sjómannadagsráði Ólafsvíkur,
hann starfaði innan Lions-
hreyfingarinnar, var einn af
fulltrúum útvegsmanna frá Snæ-
fellsnesi á LÍÚ þingum, einnig sat
hann í stjórn Samábyrgðar Ís-
lands. Haraldur lét til sín taka á
pólítískum vettvangi, var hann
einlægur stuðningsmaður Alþýðu-
bandalagsins, þá tók hann einnig
virkan þátt í verkalýðsbaráttu
sjómanna um miðja síðustu öld.
Útför Haraldar fer fram frá
Ólafsvíkurkirkju í dag og hefst
athöfnin klukkan 14.
Grétu Jóhann-
esdóttur húsfreyju,
forstöðukonu og
verslunarkonu, f. í
Vestmannaeyjum og
alin upp að Hamra-
endum við Breiðuvík
á Snæfellsnesi, f. 8.
jan. 1929, d. 12. mars
2002. Í Ólafsvík
bjuggu þau alla sína
hjúskapartíð eða í 53
ár. Haraldur og
Gréta eiga þrjú
börn: 1) Pétur Jó-
hannes, f. 4. júl.
1949, kvæntur Guðrúnu Halldórs-
dóttur, þau eiga þrjú börn Har-
ald, sambýliskona hans er Hafrún
Eva Arnardóttir, Guðnýju og Sig-
rúnu. 2) Kristín Margrét, f. 6.
ágúst 1951. Kristín á tvö börn,
Grétu Björk, gift Calcedonio
Gonzales og Hrannar Þór sem er
látinn, kvæntur Margeurite West-
hausen. 3) Óðinn, f. 13. feb. 1960,
kvæntur Guðfinnu Guðfinns-
dóttur, þau eiga eina dóttur, Mar-
gréti. Barnabarnabörn Haraldar
og Grétu eru þrjú, Pétur Leó,
sonur Hrannars Þórs, Kristín Ga-
ia Gonzales dóttir Grétu Bjarkar
Elsku afi, nú þegar komið er að
kveðjustund langar mig að þakka
þér fyrir að hafa gengið mér í föð-
urstað ásamt öllu því sem þú hefur
gefið mér í lífinu; yndisleg bernsku-
ár, gott atlæti, ástúð og umhyggju
og bið algóðan guð að leiða þig inn í
eilífðina.
Þá hinsti garðurinn úti er,
ég eygi land fyrir stöfnum
og eftir sólfáðum sæ mig ber
að sætum, blælygnum höfnum.
Og ótal klukkur ég heyri hringja
og hersing ljósengla drottins syngja:
„Velkominn hingað heim til vor!“
(Valdimar V. Snævarr.)
Þín
Gréta Björk.
Elsku tengdapabbi og afi, nú er
komið að kveðjustund, við mæðgur
viljum þakka þér fyrir allan þann
kærleik og ástúð sem ávallt var til
staðar í návist þinni.
Þar sem englarnir syngja sefur þú
sefur í djúpinu væra.
Við hin sem lifum í trú
á að ljósið bjarta skæra
veki þig með sól að morgni
veki þig með sól að morgni.
Drottinn minn faðir lífsins ljós
lát náð þína skína svo blíða.
Minn styrkur þú ert mín lífsins rós
tak burt minn myrka kvíða.
Þú vekur hann með sól að morgni.
Þú vekur hann með sól að morgni.
Faðir minn láttu lífsins sól
lýsa upp sorgmætt hjarta.
Hjá þér ég finn frið og skjól.
Láttu svo ljósið þitt bjarta
vekja hann með sól að morgni
vekja hann með sól að morgni.
Drottinn minn réttu sorgmæddri sál
svala líknarhönd
og slökk þú hjartans harmabál
slít sundur dauðans bönd.
Svo vaknar hann með sól að morgni.
Svo vaknar hann með sól að morgni.
Farðu í friði vinur minn kær
faðirinn mun þig geyma.
Um aldur og ævi þú verður mér nær
aldrei ég skal þér gleyma.
Svo vöknum við með sól að morgni
svo vöknum við með sól að morgni.
(Bubbi Morthens.)
Elsku Halli, við biðjum Guð að
geyma þig.
Guðfinna og Margrét.
Elsku Halli!
Okkur fjölskylduna langar að
þakka þér fyrir þau viðkynni sem
við höfum átt á síðustu árum. Þú
komst inn í líf okkar eins og kall-
aður, eftir að þú og amma höfðu
bæði misst maka ykkar. Ömmu
leiddist þófið og þér líka, fólk sem er
vant að vinna hörðum höndum og
vill hafa fyrir hlutunum. Það var
ánægjulegt að fylgjast með því hvað
þið náðuð vel saman og höfðuð gam-
an af því að rökræða hlutina. Einnig
var ánægjulegt hvað þið voruð dug-
leg að ferðast um allan heim, allt
fram til þess síðasta. Svona á fólk að
vera, ekki láta sér leiðast að óþörfu.
Það var alltaf mjög ánægjulegt að
koma til ykkar á Laugarnesveginn,
þar var alltaf kaffi á könnunni og
eitthvað með því. Þar bar alltaf á
góma fréttir að vestan og sjó-
mennskan. Stelpurnar munu einnig
sakna þess að fá sleikjó og horfa á
Bleika pardusinn í sófanum í sjón-
varpsherberginu. Enda var alltaf
stungið uppá því þegar þær voru
sóttar á leikskólann. Þú ættir bara
að sjá fallegu myndirnar sem Þor-
björg er búin að mála af Halla afa og
henni við hin ýmsu tækifæri.
Elsku Halli, guð geymi þig, þú
verður alltaf í huga okkar.
Kristinn, Bergþóra, Þor-
björg og Jóhanna Kristín.
Mig langar að minnast vinar míns
Haraldar Guðmundssonar, Halla P.
eins og hann var alltaf kallaður í
Ólafsvík. Ég kynntist honum fyrst
árið 1960, þá var ég 14 ára unglingur
sem vildi komast á sjó og gerast sjó-
maður eins og flestalla stráka við
sjávarsíðuna dreymdi um. Ég bað
Halla um pláss á báti hans sem bar
nafnið Farsæll, eikarbátur 15-20
tonn að stærð og var gert út á drag-
nót. Halli tók mér vel, fékk ég að
prófa sjómennskuna og gekk allt
sæmilega, þar með varð ég fastur í
þessari atvinnugrein. Við Halli vor-
um oft saman á sjó eftir það og
reyndist hann mér allaf vel.
Seinna meir gerðist ég skipstjóri
á Jóa á Nesi og Halli var þá með
Hring. Alltaf var róið frá Ólafsvík á
veturna, stutt á miðin og gott fiskirí.
Á þeim tíma voru svo margir bátar
að oft var erfitt að koma veiðarfær-
um sómasamlega fyrir. Kæmi það
fyrir að ég lenti of nálægt kallinum,
sagði hann glettinn „ég hefði átt að
ala þig betur upp, helvískur“. Svo
var það gleymt og allir vinir þegar
að bryggju var komið.
Minnisstætt er mér alltaf þegar
farið var á sjó á morgnana, iðulega
var komið við í næstu bátum til að
spjalla og kaffi drukkið, síðan var
sleppt og kveikt á talstöðinni og
hlustað á þessa reyndu sjóara tala
um pólitík og fleira, hafði Halli oft
orðið, dugði ekki útstímið til, slíkur
var áhuginn, nú er allur sjarmi far-
inn, nokkrir bátar í útgerð og öll
samtöl fara fram í síma.
Þegar maður hugsar aftur í tím-
ann með söknuði og þakklæti í huga
gerir maður sér ljóst um leið að allir
lendum við á þessari endastöð.
Halli minn, ég kveð þig núna en
minning þín mun lifa. Aðstandend-
um votta ég samúð mína.
Pétur F. Karlsson (Fíi).
Frá því að ég man eftir mér hefur
Halli verið hluti af fjölskyldu minni
ásamt Grétu, konu sinni. Tengslin á
milli heimilanna sitt hvorum megin
við götuna voru mikil alla tíð. Halli
er nú látinn og eru margir sem taka
á móti honum og er örugglega mikið
talað og rökrætt. Halli var alltaf á
sjónum, þegar hann var í landi leið
ekki sá dagur að ekki væri farið á
milli húsa, drukkið kaffi, talað um
fiskirí, spjall um pólitík og stundum
karpað, því fólk var ekki alltaf sam-
mála en alltaf allt í góðu.
Halli var með skemmtilegri
mönnum, fróður og sanngjarn við
okkur stelpurnar þegar aðrir voru
kannski orðnir pirraðir á okkur. Ég
vil muna hann eins og hann var þeg-
ar hann sat í djúpum stól, horfði á
veðurfréttir og ekki datt úr frétta-
tími, handleggirnir afslappaðir á stó-
lörmunum, með bylgju í hárinu,
sposkur á svip, nýbúinn að stríða
konunni sinni og hún skellihlæjandi
og sendi honum nokkur vel valin
blíðuorð, allir glaðir. Börnin þeirra,
Pétur, Stína, Óðinn, og Gréta Björk,
sem alltaf var talin til barnanna, voru
stór hluti af mér og minni fjölskyldu.
Viljum við votta þeim og fjölskyldu
þeirra okkar dýpstu samúð.
Elsku Halli minn. Þakka þér fyrir
allar skemmtilegu og góðu minning-
arnar sem ég á um þig. Sjáumst
seinna, bið að heilsa öllum sem við
þekkjum þarna hjá þér.
Fanney og fjölskylda.
Vinur okkar, Haraldur Guð-
mundsson skipstjóri frá Ólafsvík,
lést snögglega eftir alvarleg veikindi.
Síðustu ár voru honum erfið eftir að
hann greindist með ólæknandi sjúk-
dóm. Hann bara sig alltaf vel og
sagðist hafa það gott. Þeim fækkar
nú óðum Ólsurunum sem verið hafa
minnisstæðastir gegnum tíðina og
verið hluti af tilverunni frá fyrstu tíð.
Halli var einn af þeim, hann ólst upp
hjá hálfsystur sinni, Kristínu Guð-
mundsdóttur, og manni hennar,
Pétri Jóhannssyni í Péturshúsi,
Kristín gekk honum í móðurstað, um
þau hjón talaði Halli alltaf af mikilli
virðingu og hlýju.
Eins og títt var um unga menn fór
Halli snemma að heiman á vertíðir,
m.a. til Sandgerðis ásamt öðrum
mönnum. Hann var lánsamur því
hann fékk skiprúm hjá frænda sínum
og nafna, Haraldi Kristjánssyni
skipstjóra, miklum dugnaðar- og
aflamanni. Ungu mennirnir komu
heim að vertíðum loknum, reynsl-
unni ríkari. Um 1950 efldist vélbáta-
útgerð og fiskvinnsla í Ólafsvík og
tóku menn þátt í því ævintýri á mis-
munandi sviðum. Uppbygging bæj-
arfélagsins var mikil á þessum árum.
Árið 1964 keyptu þeir Haraldur,
Guðmundur Jensson, Konráð og
Jónas Gunnarssynir bátinn Víking,
þar með hófs útgerðarferill þeirra og
farsælt samstarf sem stóð yfir í tæp
þrjátíu ár. Eftir fráfall Guðmundar
héldu Haraldur og Jónas áfram út-
gerð.
Halli var farsæll skipstjóri og
heiðraður af sjómannadagsráði
Ólafsvíkur. Hann var mikill alþýðu-
bandalagsmaður og studdi Lúðvík
Jósepsson af heilum hug. Harkalega
var tekist á, á framboðsfundum og í
beitningaskúrunum, þar voru málin
rædd og krufin til mergjar. Halli var
virkur félagsmálamaður og stuðlaði
að framförum í bæjarfélaginu, m.a
var hann formaður Leikfélags Ólafs-
víkur þegar vegur þess var mestur
og frábær leikverk færð upp á hverju
ári. Hann var einnig félagi í Lions-
klúbbi Ólafsvíkur frá stofnun klúbbs-
ins.
Halli var gæfumaður í lífinu, hann
kvæntist atorkukonunni Grétu Jó-
hannesdóttur frá Hamraendum og
hófu þau búskap í Péturshúsi hjá
fósturmóður hans. Síðar byggðu þau
sér fallegt hús á Grundarbraut 5.
Gréta var annáluð fyrir myndarskap
og dugnað og hjá þeim hjónum var
alltaf pláss fyrir gesti og gangandi,
voru þau samhent um það enda bæði
skemmtileg og góð heim að sækja.
Halli og Gréta eignuðust þrjú börn,
auk þess ólu þau upp dótturdótturina
Grétu Björk sem hefur alla tíð verið
þeim einstaklega kær.
Fjölskyldan varð fyrir miklu áfalli
þegar heilsu Grétu tók að hraka en
hún barðist hetjulegri baráttu við
krabbamein í tíu ár. Fjölskyldan öll
gerði allt til að létta henni baráttuna
og hún mat það sannarlega.
Halli var lánsamur að kynnast
Ebbu Jóhannsdóttur, þau voru góðir
vinir og ferðafélagar síðustu árin.
Hann bjó á Dvalarheimilinu Jaðri
síðustu mánuðina og fannst vel að
sér búið. Við sem komum þangað
daglega höfum fylgst með og dáðst
að umhyggju og fórnfýsi Ebbu.
Við hjónin og fjölskylda okkar
kveðjum kæran vin og þökkum sam-
fylgdina í gegnum árin.
Jónas og Jenný.
Haraldur
Guðmundsson
✝
Elskulegur, ástkær faðir okkar, tengdafaðir, bróðir,
afi og langafi,
EGGERT ÓLAFSSON,
Skarðshlíð 23e,
Akureyri,
sem lést á heimili sínu fimmtudaginn 7. febrúar,
verður jarðsunginn frá Glerárkirkju þriðjudaginn
19. febrúar kl. 14:00.
Sigurlaug Anna Eggertsdóttir, Bergvin Jóhannsson,
Steinunn Pálína Eggertsdóttir, Jóhann Jóhannsson,
Stefán Eggertsson,
Elín Valgerður Eggertsdóttir, Hilmar Stefánsson,
Sigurður Grétar Eggertsson, Rósa Helgadóttir,
Kristín J. Swan,
afa- og langafabörn.
✝
Elskuleg frænka okkar,
INGA ÞÓRUNN JÓNSDÓTTIR
frá Eskifirði,
lést í Sunnuhlíð fimmtudaginn 14. febrúar.
Fyrir hönd aðstandenda,
Auður Eiríksdóttir,
Þóra Gerða Geirsdóttir.
✝
Elsku hjartans mamma okkar, tengdamamma,
amma og langamma,
EBBA GUÐRÚN EGGERTSDÓTTIR,
Byggðavegi 143,
Akureyri,
lést á lyflækningadeild Sjúkrahúss Akureyrar
föstudaginn 8. febrúar.
Jarðsett var í kyrrþey að ósk hinnar látnu.
Þökkum auðsýnda samúð og vinarhug, sérstakar þakkir til lækna og
hjúkrunarfólks lyflækningadeildar fyrir einstaka alúð og umhyggju.
Anna J. Benjamínsdóttir, Brynjar St. Jacobsen,
Ármann Benjamínsson,
Sigríður Benjamínsdóttir, Guðgeir Hallur Heimisson,
G. Gréta Benjamínsdóttir, Helgi Haraldsson,
Eggert Benjamínsson, Ásta Hrund Jónsdóttir,
Sævar Í. Benjamínsson, Lilja Jakobsdóttir,
ömmu og langömmubörn.
✝
Okkar kæra,
SIGRÍÐUR PÁLSDÓTTIR
frá Hamri, Barðaströnd,
síðar Þinghóli, Tálknafirði,
lést sunnudaginn 10. febrúar.
Jarðsett verður í kyrrþey.
Rúna, Þóroddur, Freydís, Ágúst Evald,
Aron Kári og Logi Þór.