Morgunblaðið - 16.02.2008, Blaðsíða 4
4 LAUGARDAGUR 16. FEBRÚAR 2008 MORGUNBLAÐIÐ
FRÉTTIR
Eftir Ylfu Kristínu K. Árnadóttur
ylfa@mbl.is
STROKUFANGINN Annþór K. Karlsson
fannst í heimahúsi í Mosfellsbæ í gær, um hálfum
sólarhring eftir að hann strauk úr fanga-
geymslum lögreglunnar við Hverfisgötu í
Reykjavík.
Hann var þar að beiðni lögreglunnar á Suð-
urnesjum og fíkniefnadeildar ríkislögreglustjóra
en stefnt var að því að yfirheyra hann og leiða
fyrir dómara. Þar átti að óska eftir því að gæslu-
varðhald yfir honum, sem rann út í gær, yrði
framlengt en hann er grunaður um aðild að um-
fangsmiklu fíkniefnasmygli.
Annþór var vistaður á svokölluðum fangagangi
og var hann eini fanginn þar. Myndavélar eru á
ganginum en þær eru staðsettar við afgreiðsluna
en ekki sjálfan fangaganginn. Talið er að Annþór
hafi sloppið um fimmleytið í gærmorgun en hann
braut sér leið inn í læsta geymslu þar sem hann
komst yfir kaðal. Í kjölfarið braut hann glugga
sem snýr að Snorrabraut og lét sig síga út.
Faldi sig í skáp
Þegar í stað hófst mikil rannsóknarvinna við
að kortleggja öll möguleg skref Annþórs. Skipu-
lega var farið á ákveðna staði þar sem talið var að
hann kynni að halda sig og húsleit gerð. Karl og
kona voru handtekin, grunuð um að hafa aðstoð-
að Annþór á flóttanum, en þeim var síðan sleppt.
Síðdegis í gær taldi lögreglan sig hafa traustar
heimildir fyrir því að Annþór væri staddur í
heimahúsi í Mosfellsbæ, að öllum líkindum í eigu
kunningja hans. Tveir sérsveitarmenn og tveir
rannsóknarlögreglumenn voru sendir á staðinn
og fundu Annþór inni í skáp og streittist hann
ekki á móti handtöku.
Fangi slapp úr haldi og lék
lausum hala í hálfan sólahring
Fannst eftir umfangsmikla leit Úrskurðaður í þriggja vikna gæsluvarðhald
PÁLL Winkel fangelsis-
málastjóri segir meginregl-
una vera þá að gæslu-
varðhaldsfangar í einangrun
séu vistaðir hjá Fangels-
ismálastofnun. Svo var ekki
í þessu tilviki þar sem óskað
var eftir því að Annþór
dveldist yfir nótt í fangels-
inu við Hverfisgötu. „Gæslu-
varðhaldsfangar hafa verið vistaðir hjá lög-
reglu áður og það hefur gengið áfallalaust.“
Hvort endurskoða þurfi það fyrirkomulag að
flytja fanga til Reykjavíkur þegar framlengja
eigi gæsluvarðhald sé nokkuð sem þurfi að
skoða í ljósi þessarar uppákomu.
Endurskoðunar þörf?
KÓPAVOGSBÆR undirbýr nú yfir-
töku á rekstri leikskólans Hvarfs.
Þessi ákvörðun var tekin í kjölfar
þess að þjónustusamningi við ÓB-
ráðgjöf var sagt upp. Fyrirtækið
mun því hætta rekstri leikskólans
30. apríl næstkomandi.
Leikskólanefnd bæjarins fundaði
um skólann í vikunni og lagði til að
Kópavogsbær tæki við rekstrinum. Í
bókun nefndarinnar kom fram að
óvissa og erfitt ástand hefði ríkt í
leikskólanum allt síðan í október.
Óvissa og erfitt ástand
Samúel Örn Erlingsson, formaður
leikskólanefndar, segir togstreitu
hafa komið upp á milli rekstraraðila
og faglegra stjórnenda skólans. „Það
verður ákveðinn brestur á milli
þeirra. Þegar menn byrja að takast á
verður núningur sem smitar út frá
sér í ýmsu tilliti. Það skapar óvissu
fyrir alla sem eiga hlut að máli,“ seg-
ir Samúel. Að hans sögn hafði rekst-
urinn ekki gengið og því setti bærinn
fyrirtækinu fjárhaldsmann og sagði
upp þjónustusamningnum.
Hvarf og annar leikskóli, Kór, eru
þeir einu í bænum sem reknir hafa
verið samkvæmt þjónustusamning-
um, en rekstur Kórs hefur gengið
með ágætum. Þrír leikskólar eru að
fullu einkareknir. Þar greiðir Kópa-
vogsbær daggjöld með börnum úr
Kópavogi. Sautján leikskólar eru svo
reknir af bænum.
Kópavogs-
bær tekur
Hvarf yfir
DANSKA fríblaðið Nyhedsavisen
mun í næstu viku segja upp 36
starfsmönnum samkvæmt frétt á vef
danska blaðsins Politiken. Þar segir
að upphaflega hafi staðið til að segja
upp 40 manns en trúnaðarmönnum
og stéttarfélagi danskra blaða-
manna, DJ, hafi tekist að fækka
þeim um fjóra. Til þess þurftu starfs-
menn blaðsins að gefa eftir launa-
hækkanir sem væntanlegar voru síð-
ar á árinu.
Ritstjórnarefni Nyhedsavisen hef-
ur að stórum hluta verið skorið niður
á undanförnum mánuðum að sögn
Politiken og er það ein ástæða upp-
sagnanna.
Nyhedsav-
isen fækkar
EIGENDAFUNDUR Orkuveitu
Reykjavíkur (OR) fór fram í gær.
Þar var m.a. samþykkt að Reykjavik
Energy Invest (REI) yrði að 100% í
eigu OR og áfram rekið með það
hlutverk að sinna þróunar- og fjár-
festingarverkefnum á erlendri
grund. Þá var einnig samþykkt að
fela óháðum aðilum að fara yfir
stjórnsýslu OR og kanna hvernig
henni sé best fyrir komið til fram-
tíðar, svo hún nýtist í stefnumótun-
arvinnu sem eigendur hafa falið
stjórn OR að ráðast í.
Í kjölfar eigendafundarins fór
fram stjórnarfundur þar sem tillögur
af fyrri fundinum voru lagðar fram.
Að sögn Kjartans Magnússonar, for-
manns stjórnar OR, var þar rætt á
mjög víðum grundvelli um málefni
REI, s.s. um það hvernig litið væri á
fyrirtækið, hvernig það myndi starfa
og hvert það myndi stefna í almenn-
um sem einstökum verkefnum.
REI verði
að fullu í
eigu OR
Óháðir aðilar fari
yfir stjórnsýslu OR
NEMENDUR og kennarar Háteigsskóla gerðu sér í
gær dagamun í tilefni Ólafsdaga og heiðruðu minningu
Ólafs Guðmundssonar, sem kenndi náttúrufræði við
skólann í fjöldamörg ár.
Hefðbundið skólastarf var brotið upp og unnu nem-
endur að margvíslegum verkefnum. Þau tengdust flest
hugðarefnum Ólafs – náttúru og vísindum.
Meðal þess sem þeir tóku sér fyrir hendur var keppni
um bestu uppfinninguna, besta frumsamda leikinn,
þeir smíðuðu bíla sem knúnir voru áfram með lofti,
ráku útvarpsstöð og gáfu út blað.
Ásgeir Beinteinsson, skólastjóri, sagðist vera með
verk í brosvöðvunum svo gaman hefði verið að fylgjast
með nemendunum og afrakstri þeirra á Ólafsdögum.
Árvakur/Golli
Ólafsdagar í Háteigsskóla
♦♦♦
Eftir Elvu Björk Sverrisdóttur
elva@mbl.is
ÖSSUR Skarphéðinsson iðnaðar-
ráðherra sagði í ávarpi sem hann
hélt í gær á aðalfundi Samorku,
samtaka orku- og veitufyrirtækja á
Íslandi, að hann hefði ekki orðið var
við beina andstöðu sveitarstjórna
eða orkufyrirtækja gegn því mark-
miði sem hann hefði lýst, að opin-
berum aðilum, ríki og sveitarfélög-
um, ætti ekki að verða heimilt að
framselja með varanlegum hætti
orkuauðlindir. Össur benti á að for-
sætisráðherra hefði tjáð sig með
eindregnum hætti um þetta mál,
bæði á Alþingi og í fjölmiðlum.
Svipuð viðhorf hefðu komið fram
hjá öllum stjórnmálaflokkum á Al-
þingi og ennfremur almenningi.
Eftirsóknarverð orka
Endurnýjanleg orka væri að
verða mjög eftirsóknarverð.
„Gleymum því ekki, að eins og lögin
eru í dag, þá er ekkert sem hindrar
að orkuauðlind-
irnar séu seldar
– ef vilji er til
þess hjá sveitar-
félagi. Sú staða
getur komið
upp, og hefur
komið upp,“
sagði Össur.
„Ég vil líka
segja það alveg
skýrt, að ég hef
engan vilja til að ríkið ásælist þann
hluta orkulindanna, hvort sem er
um að ræða í vatnsföllum eða jörðu,
sem er í einkaeigu í dag,“ bætti
hann við.
Hann sagði að þessi stefna hans
rýrði þó að engu leyti „möguleika
orkufyrirtækjanna til að nýta orku-
lindirnar, og ætti miklu fremur að
auðvelda þeim það“. Þarna væri
ósvarað nokkrum spurningum,
m.a. um forgang þeirra, sem fyrir
væru á svæðunum. Össur sagðist
telja að í þessu fyrirkomulagi fælist
„líka leið til lausnar á ákveðnum
vanda sem hefur komið upp á Suð-
urnesjum, en það verður auðvitað
ekki mitt að skipa þeim málum til
lykta – en menn ættu að skoða
þessi orð mín vel“.
Í ávarpi sínu sagðist ráðherra
einnig leggja áherslu á að greina
ætti að samkeppnis- og sérleyfis-
þættina í rekstri orkufyrirtækja og
tryggja að fyrirtæki sem stunda
sérleyfisstarfsemi verði að meiri-
hluta í opinberri eigu.
Ráðherra vék ennfremur að raf-
orkulögunum sem sett voru fyrir
fimm árum, en þar var kveðið á um
fjárhagslegan aðskilnað milli orku-
fyrirtækja í flutningi og dreifingu
annars vegar og sölu og vinnslu
hins vegar. „Ég er þeirrar skoðun-
ar að ganga eigi lengra í þessum
efnum og gera kröfu um að þessir
þættir séu í aðskildum fyrirtækj-
um. En vel að merkja þá er ég ekki
að setja fram hugmyndir um eig-
endaaðskilnað og mér finnst einnig
eðlilegt að um verði að ræða ein-
hvers konar veltumörk þannig að
lítil fyrirtæki verði undanskilin í
þessum efnum,“ sagði ráðherra.
Þá ræddi ráðherra um frumvarp
um hitaveitur en iðnaðarráðuneytið
hefur að undanförnu unnið að drög-
um að frumvarpi til laga um þær.
Sagði Össur að nú væri verið að
leggja lokahönd á lagatexta frum-
varpsins. Tillagan yrði send Sam-
orku til umsagnar í næstu viku en
stefnt væri að því að leggja frum-
varpið fram á yfirstandandi þingi.
Þá fjallaði ráðherra um framtíð-
armöguleika heits vatns og raforku
á Íslandi. Össur sagði það spá sína
að í framtíðinni ætti græn orka eft-
ir að reynast helsta tromp Íslend-
inga í ferðamannaiðnaðinum. Bláa
lónið væri þar aðeins forsmekkur-
inn. „Við eigum eftir að margnýta
heita vatnið á miklu fjölbreyttari
hátt en við gerum okkur í hugar-
lund í dag og þar verður sjálfsagt
ekki látið staðar numið við ræktun
þörunga fyrir snyrtivörur, lífrænt
eldsneyti og kolefnisbindingu með
öðrum hætti.“
Vill ekki að ríkið ásælist orku-
lindir sem eru í einkaeigu
Iðnaðarráðherra segir græna orku verða aðaltrompið í ferðamannaiðnaðinum
Össur
Skarphéðinsson
MIKILVÆGT er að orku- og veitufyr-
irtæki búi við stöðugt, einfalt og skilvirkt
regluumhverfi.
Ekki er beðið um neina afslætti af þeim
umhverfis- og öryggiskröfum sem fyr-
irtækin sæta, heldur um að skoðaðar verði
leiðir til einföldunar þessa regluumhverfis
og reynt að ná niðurstöðu til lengri tíma
um æskilegt regluverk. Þetta kemur fram
í ályktun sem samþykkt var á aðalfundi
Samorku sem haldinn var í gær.
Segir að orku- og veitufyrirtækin lýsi
sig reiðubúin til samstarfs vegna hvers
kyns breytinga á þessu sviði og raunar
nauðsynlegt að aðkoma þeirra sé tryggð
þegar fjallað er um breytingar á starfsum-
hverfi þeirra.
Þar segir jafnframt að umræða um mál-
efni orku- og veitufyrirtækja snúist oft
óþarflega mikið um eignarhald á auðlind-
um og veitukerfum. Hægt sé að stýra
starfsemi allra orku- og veitufyrirtækja
mjög nákvæmlega í krafti laga og reglna
án tillits til eignarhaldsins. Líklega sé ekk-
ert fyrirtæki að hagnast á dreifingu raf-
orku vegna lagarammans og skiptir þá
ekki máli hvort fyrirtækið er í opinberri
eða einkaeign
Einnig er í ályktuninni skorað á stjórn-
völd að draga ekki lengur að greiða styrki
til hitaveitna sem aukið hafi við dreifikerfi
sitt til að geta tengt íbúðarhús sem notið
hafa niðurgreiðslu á raf- eða olíuhitun.
Einfaldar regl-
ur mikilvægar