Morgunblaðið - 15.03.2008, Blaðsíða 14

14 LAUGARDAGUR 15. MARS 2008 MORGUNBLAÐIÐ
FRÉTTIR
Þingfundavikan var í styttralagi enda fór fyrri parturvikunnar undir nefndastörfog þingfundir voru því að-
eins á miðvikudag og fimmtudag.
Tvenn lög voru þó samþykkt en
ekki er hægt að segja að atkvæða-
greiðslurnar hafi verið fjölmennar.
Lög um almannatryggingar voru
samþykkt með 34 atkvæðum en 29
þingmenn voru fjarstaddir. 23 þing-
menn voru fjarstaddir við atkvæða-
greiðslu um frumvarp um aðstoð-
armenn formanna stjórnarandstöðu-
flokka og landsbyggðarþingmanna
og var það því aðeins samþykkt með
33 atkvæðum.
Ein af skýringunum á fámenninu
er að utanríkismálanefnd Alþingis
var í Noregi til að fræðast um með-
ferð EES-mála í norska Stórþinginu.
Auk þess hafa forsætisráðherra, ut-
anríkisráðherra og menntamála-
ráðherra verið á faraldsfæti und-
anfarið.
Lítið að gera?
En þó að skýra megi hluta fjar-
vista í þinginu með utanlandsferðum
þá er varla góður bragur á því að
mikilvæg lög séu sett að fjarstöddum
svo mörgum þingmönnum.
Valgerður Sverrisdóttir sagði á
Alþingi í vikunni að einkavæðing
heilbrigðiskerfisins færi fram án að-
komu Alþingis og að heilbrigð-
isnefnd þingsins hefði varla haft
nokkur mál til að vinna að í vetur.
Þar sem fundargerðir nefnda eru
ekki aðgengilegar er erfitt að átta
sig á hvort þetta sé rétt hjá Valgerði
en heilbrigðisnefnd fundaði a.m.k.
ekki á nefndardögum vikunnar og
hefur satt að segja aðeins haft eitt
stórt mál til umfjöllunar á þessu
þingi, þ.e. stofnfrumufrumvarpið,
sem bíður lokaatkvæðagreiðslu.
Ögmundur Jónasson, VG, lét jafn-
framt í ljós óánægju sína í vikunni
yfir að utandagskrárumræða um
heilbrigðismál skyldi ekki komast á
dagskrá, þó að ráðherra væri á Al-
þingi til að mæla fyrir frumvörpum.
Engin viðunandi svör fengust við
gagnrýni Ögmundar. Hvers vegna
fór umræðan ekki fram? Varla getur
verið að heilbrigðisráðherra neiti að
sitja fyrir svörum í utandagskrár-
umræðu og geri hann það myndi for-
seti þingsins væntanlega grípa inn í
enda eiga þingmenn rétt á að fá ut-
andagskrárumræðu um þau málefni
sem á þeim brenna.
Að lenda í ruglinu
Að allt öðru. Hún er þekkt sagan
af fanganum á Litla-Hrauni sem
sagðist aðspurður hvers vegna hann
sat þar inni hafa lent í nauðgun.
Hann átti þó ekki við að sér hefði
verið nauðgað heldur að hann hefði
nauðgað.
Þessi saga rifjast alltaf upp fyrir
mér þegar fólk skýtur sér undan
ábyrgð með því að láta sem það hafi
ekki verið í gerendahlutverki við eig-
in misgjörðir. Sumir „lenda í“ rugl-
inu og aðrir í framhjáhaldi.
Þessi orðræða verður fremur
vandræðaleg þegar stjórnmálamenn
beita henni eins og fyrrverandi og
mögulega tilvonandi borgarstjóri
Reykjavíkur, Vilhjálmur Þ. Vil-
hjálmsson, gerði eftir að hann „lenti
í“ REI-málinu.
Geir H. Haarde forsætisráðherra
daðraði aðeins við þessa orðræðu á
dögunum þegar Ögmundur Jón-
asson, VG, spurði hvort til greina
kæmi að Ísland sliti stjórnmála-
sambandi við Ísrael. Geir sagði það
ekki hafa komið til umræðu „enda
væri það mjög stórt skref að stíga í
samskiptum okkar við þetta gamla
vinaríki okkar sem því miður hefur
leiðst út í þær ógöngur sem við for-
dæmum“.
Það er að sjálfsögðu fagnaðarefni
að forsætisráðherra taki afdrátt-
arlausa afstöðu gegn mannréttinda-
brotum og ofbeldisverkum. Jafnvel
þótt hann geti haft ákveðna samúð
með Ísaraelsmönnum er dálítið langt
seilst að halda því fram að Ísraelsríki
hafi „leiðst út í þær ógöngur“ að fara
fram með því offorsi sem það hefur
gert á Gaza undanfarið. Í slíkar
ógöngur koma menn sér alveg sjálf-
ir.
Að leiðast út í ógöngur
ÞINGBRÉF
Halla Gunnarsdóttir
Kaupauki
fylgir vöru frá Oroblu
Kynning á n‡ju vorvörunum frá
Oroblu í Debenhams, Smáralind
í dag, 15. mars kl. 13-17.
„ÞAÐ hefur
engin ákvörðun
verið tekin um
hugsanlegar
hvalveiðar á
þessu ári. Það
liggur hins veg-
ar fyrir áhugi
hér innan lands
á veiðum. Það
eru hrefnu-
veiðimenn sem
hafa látið þennan áhuga sinn í
ljósi til þess að geta sinnt okkar
innlenda markaði,“ segir Einar
K. Guðfinnsson sjávarútvegs-
ráðherra.
„Ég hef alltaf sagt það að for-
sendur fyrir því að gefa út leyfi
til hvalveiða væri að það væri
gert á grundvelli sjálfbærrar nýt-
ingar og hins vegar að það væri
einhver markaður fyrir afurð-
irnar. Ella væri engin tilgangur
með veiðunum. Það er auðvitað
það, sem að mínu mati þarf að
liggja til grundvallar, þegar tekin
verður ákvörðum um hvort veið-
ar verði leyfðar. Sú ákvörðun
hefur ekki verið tekin,“ segir
Einar.
Gunnar Bergmann, fram-
kvæmdastjóri Félags hrefnuveiði-
manna, segir að allt kjöt hjá þeim
sé uppselt. Það síðasta hafi farið
í pökkunarfyrirtæki og á veit-
ingahús en kjötið hefði ekki verið
til sölu í verzlunum í vetur. Þá
hefðu verið súrsuð þrjú til fjögur
tonn af rengi fyrir þorrann í vet-
ur og hefði það allt selzt upp
þrátt fyrir tiltölulega hátt verð.
Mikil vinna og rýrnun væri við
verkunina. Hann segir að hrefnu-
veiðimenn vilji halda veiðum
áfram á þessu ári. Greinilegt sé
að góður markaður sé innan
lands fyrir afurðirnar.
Í fyrra voru veiddar 45 hrefn-
ur. 39 dýr voru veidd í vís-
indaskyni samkvæmt áætlun Haf-
rannsóknastofnunar og 6 voru
veidd í atvinnuskyni. Engin lang-
reyður var veidd í fyrra.
Engin ákvörðun
um hvalveiðar
Einar K.
Guðfinnsson
Eftir Rúnar Pálmason
runarp@mbl.is
EF gengi krónunnar helst svipað og
það er nú er útlit fyrir að kostnaður
Landhelgisgæslunnar aukist um
marga tugi milljóna umfram það sem
miðað var við þegar fjárlög 2008
voru samþykkt. Leiga á þremur
björgunarþyrlum vegur þar lang-
þyngst en einnig hafa varahlutir í
flugvél og þyrlu Gæslunnar hækkað
sem og eldsneytisverð.
Mánaðarleiga fyrir TF-GNÁ er
210.000 Bandaríkjadalir, mánaðar-
leiga fyrir TF-EIR er 56.000 dalir og
mánaðarleiga fyrir TF-OBX sem yf-
irleitt er kölluð Steinríkur er 106.000
evrur. Á gengi gærdagsins jafngildir
þetta um 30,2 milljónum króna á
mánuði. Þar að auki greiðir Land-
helgisgæslan 1.900 evrur, um
207.000 krónur, í viðhaldsgjald fyrir
hvern flugtíma á leiguþyrlunum.
Útgjöld Gæslunnar eru einkum í
Bandaríkjadölum, evrum, pundum
og norskum krónum. Um miðjan
febrúar var reiknað út hvert geng-
istapið yrði á rekstri Gæslunnar á
þessu ári, miðað við þær forsendur
sem lágu fyrir í lok síðasta árs. Nið-
urstaðan var sú að gengistapið yrði
65 milljónir. Síðan þá hefur gengi ís-
lensku krónunnar sigið töluvert og
má því gera ráð fyrir að gengistapið
gæti orðið enn meira.
Aðspurður hvernig Landhelgis-
gæslan hyggist mæta þessum auknu
útgjöldum sagði Þórhallur Hákonar-
son, fjármálastjóri Gæslunnar, að
það væri í vinnslu. Um 25% af út-
gjöldum Gæslunnar er í erlendum
gjaldmiðlum.
Gengistap hjá Gæslunni
AFAR bjart var yfir landinu í gær eins og þessi gervi-
tunglamynd sýnir. Spáð er björtu veðri um helgina og
því kjörið að leggja land land undir fót og sjá landið
skarta sínu fegursta í vetrarbúningi, áður en vorar.
Landið fannhvítt og heiðskírt á miðunum
ÓLAFUR F. Magnússon, borg-
arstjóri Reykjavíkur, og Einar
Skúlason, framkvæmdastjóri Al-
þjóðahúss ehf., undirrituðu nýjan
þjónustusamning Alþjóðahússins
ehf. við Reykjavíkurborg til eins
árs upp á 30 milljónir króna.
Reykjavíkurborg hefur lagt fé í
starfsemi Alþjóðahúss í sjö ár eða
frá árinu 2001.
Ein veigamesta nýjungin í samn-
ingnum nú er að Alþjóðahús mun
sjá um menningar- og frístund-
astarfsemi fyrir erlenda íbúa í
Efra-Breiðholti. Lögð verður sér-
stök áhersla á starfsemi fyrir börn
og fjölskyldur þeirra og náið sam-
ráð verður haft við íbúa í Efra-
Breiðholti.
Í samningnum er enn fremur
kveðið á um að Alþjóðahús annist
aðstoð og ráðgjöf við Reykjavík-
urborg um útgáfu kynningarefnis
um þjónustu borgarinnar.
30 milljóna þjónustusamningur