Morgunblaðið - 19.03.2008, Qupperneq 21

Brúnið lambakjötið vel á öllum
hliðum á pönnu og stingið því svo
inn í 180°C heitan ofn í 5-8 mínútur.
Kryddjurtaolía:
1 lúka fersk salvíublöð
1 lúka ferskar rósmaríngreinar
án stilksins
1 hvítlauksrif
5 msk. ólífuolía
2 tsk. nýkreistur sítrónusafi
¼ tsk. maldon-salt
Allt sett í mortél og steytt vel
saman í mauk.
Hrærðar kartöflur með vorlauk,
hvítlauksosti og múskati:
2 bökunarkartöflur
3 msk. rjómaostur með hvítlauk
2 tsk. smjör
1 tsk. olífuolía
½ tsk. maldon-salt
¼ tsk. svartur pipar
ögn af nýrifinni múskathnetu
4 mjög smátt saxaðir vorlaukar,
bæði græni og hvíti hlutinn
Afhýðið kartöflurnar og skerið í
bita. Sjóðið og hellið svo vatninu af
og látið allt vatn gufa upp af kartöfl-
unum. Stappið kartöflurnar með
kartöflustappara og hrærið svo öllu
hinu saman við með skeið. Smakkið
til með múskati og salti.
Smáspergill og strengjabaunir:
8 ferskir sperglar
10 strengjabaunir
2 dl vatn
1 kjúklingateningur
1 tsk. smjör
1 tsk. agave-síróp eða hunang
Látið suðuna koma upp á vatninu
og setjið kjúklingatening, smjör og
sírópið eða hunangið út í. Setjið
strengjabaunirnar síðan út í og látið
sjóða rólega undir loki í 4 mínútur.
Bætið sperglinum út í og sjóðið
áfram í 3-4 mínútur. Berið páska-
lambið fram með því að setja
hrærðu kartöflurnar á disk og kjötið
ofan á. Strjúkið tveimur teskeiðum
af kryddjurtaolíu ofan á kjötið og
leggið strengjabaunir og spergil á
víxl ofan á. Setið svo netta rönd af
kryddjurtaolíu eftir endilöngum
diskinum meðfram kartöflunum.
Appelsínusúkkulaðimús
með páskaeggi og
sykurflúri
2 eggjarauður
100 g suðusúkkulaði
með appelsínubragði
1 msk. sykur
2 dl rjómi
2-3 lítil páskaegg úr þunnu
súkkulaði
Þeytið egg og sykur vel saman.
Þeytið rjómann sér. Bræðið súkku-
laðið og blandið varlega saman við
eggin. Blandið súkkulaði- og eggja-
blöndunni saman við rjómann og
sprautið með rjómasprautu í 2-3
grunn kokkteilglös eða víðar skálar.
Tyllið einu litlu páskaeggi, sem
toppurinn hefur verið skorinn ofan
af, í hvert glas og fyllið eggin með
súkkulaðimús. Kælið í a.m.k.
klukkustund.
Sykurflúrið:
Bræðið einn dl. af sykri á pönnu
og búið til sykurskraut með því að
láta mjóa tauma af bræddum sykri
leka af skeið í hringi á bökunar-
pappír. Stingið sykurskrautinu á
hlið ofan í páskaeggin svo það standi
hátt upp um leið og þið berið súkku-
laðimúsina fram.
www.kokkakeppni.is
join@mbl.is
MORGUNBLAÐIÐ MIÐVIKUDAGUR 19. MARS 2008 21
Davíð Hjálmar Haraldsson skrif-ar sendibréf í léttum dúr á
mánudegi:
Ég skrifa þér, vinur, þú skástur mér ert.
Ég skapillur vaknaði snemma.
Svitarakt holdið var bláleitt og bert
og bölvað var skapið og aumkunarvert.
Ég hálfgert var, held ég, með tremma.
Ég argur lét rakhnífinn urga við skegg.
Úti var slydda með raka.
Sprelli við blasti í spegli á vegg,
spanngrænn, með dröfnur sem hettu-
máfsegg.
Sápu þar mátti á maka.
Indælis hafragraut eldsnöggt ég sauð.
Úti var hundslappadrífa.
Fékk mér svo kaffi og brúnristað brauð
og bráðfeitan magál af kind sem var
dauð
og hákarl úr hnefa að stýfa.
Eftir þau morgunverk ögn leið mér skár.
Úti var farið að blása.
Í útvarpi heyrði ég fréttir um fár
og faraldra síðustu tvö hundruð ár
og söngkonu, svolítið hása.
Ég bjóst svo til vinnu og ætlaði út.
Úti var mannskaðabylur.
Því kúri ég heima í sófa með sút
og sorgina deyfi með vindli og kút.
Vonbrigðin, vinur, þú skilur.
Sigrún Haraldsdóttir velti fyrir
sér hvernig frúnni liði:
Með andfælum hrökk upp við bévítans
brölt
er bóndi minn hökti á fætur.
Mér fannst sem hann minnti á geðillan
gölt
er geispandi nuddaði andlitið fölt.
Í laumi ég gaf honum gætur.
Með ropa og fretum hann steðjaði af
stað
og stefndi á postulínssettið.
Af salernisrúllunni reif hann sér blað,
rassgatið skeindi, en fór svo í bað.
Svo rakspíra hann smellti í smettið.
Ég bænirnar þuldi og beygði mín hné
og biðjandi greiparnar spennti. Og
næstum því trúði, nú mundi ske að
náunginn gleypti í sig brauðsneið og te
og vaskur í vinnuna nennti.
Þá tóku við margskonar skellir og skark
í skúffum var rótað og troðið.
En loks eftir korter og þónokkurt þjark
þvæling með potta og allskonar hark
sér gráleitan graut hafði soðið.
Í peysu og jakka og buxur sér brá
og bætti á sig treflinum þriðja.
Klæddur til veðurs svo gekk hann að gá
og glögglega taldi að nú mætti sjá
að brátt mundi bresta á hryðja.
Þá kveikti í vindli og kynti hann og saug
og kaffærði gólfið í ösku.
Ég fann að mín vonbrigða- tognaði taug
er titturinn aftur úr jakkanum smaug.
– Svo opnaði hann áfengisflösku.
Af sendibréfi
pebl@mbl.is
VÍSNAHORNIÐ
vinbud.is
E
N
N
E
M
M
/
S
ÍA
/
N
M
3
2
7
2
3
Vínbúðirnar
um páskana
Kynntu þér páskaopnun allra
vínbúða á vinbud.is
Miðvikudagur 19. mars opið 11-19 (opið 9-20 í sKeifunni og Dalvegi)
skírdagur loKað
föstudagurinn langi loKað
laugardagur 22. mars opið 11-18
páskadagur loKað
annar í páskum loKað
Þriðjudagur 25. mars opið 11-18 (opið 9-20 í sKeifunni og Dalvegi)
AFGREiðSLUTÍMi VÍNBÚðA Á HÖFUðBoRGARSVÆðiNU UM pÁSKANA